海鮮島海鮮酒家

营业中

休息中

服務差一同9人前往布袋澳品嘗豐富海鮮，叫了各種海鮮，味道一般。但勝在沒有服務，唯一主動查問是‘last order’。就算平些也不値得去。只有二家也如此質數，實在是香港代表者。

今日一班朋友一齊行山夜晚一齊食飯想食好啲食特別啲於是走咗入去布袋澳兩間餐廳朋友大力推介左呢間咁就諗都唔諗就衝入去喇見到餐牌同牆上面嘅相勁開心勁多選擇勁多嘢食勁吸引見到隔離枱啲海鮮都好新鮮又好香係咁傳啲香味過嚟真係急不及待想即刻食咗佢因為唔知今日有咩新鮮所以叫咗店主推介於是佢大約問咗我哋食乜嘢就幫我地發板喇嗰個大蝦刺身真係非同凡響海膽刺身簡直係先甜到癲咗賴尿蝦皮脆肉口超級大隻大蜆湯勁鮮甜最重要係冇味精特別推介花雕蛋白蟹撈飯一流兩啖就可以送一碗飯花雕酒味好香但唔會好濃酒味所以冇飲開酒嘅朋友都食到津津有味呢間野真心冇得彈店員服務好好好好客佢仲要有玻璃樽可樂飲呢款可樂真係最好飲必食推介！！絕對要再黎！！

好友黎左觀塘搵我同細佬食飯因為朋友有揸車，所以細佬提議到布袋澳晚餐我地全部讚成黎到布袋澳 我地最主要係想食佢地既墨魚刺身由於我地得4個人但墨魚太大條所以我問吓佢地有無細條啲原來係可以同佢講我哋想要幾多斤跟住佢幫我地share墨魚刺身 $15両晶凝通透其實冇乜味道但點小小Wasabi已經覺得好好食另外炸墨魚鬚我就覺得炸得麻麻哋不是特別好食蒸帶子滿滿嘅蒜頭加左小小醬油送飯一流帶子質感都幾爽口👍🏻炒蜆每次黎都要食嘅咕嚕肉份量都幾大碟炸得外脆內軟好食👍🏻

懶開繼續懶，出門口跳上的士由北區走到布袋澳，小睡片刻睜開眼睛，開飯喇！逛左幾間海鮮酒家，菜色供應都大同小異，普通平凡有點悶喎，既然如此就是鬼但啦！發記試過嚕，轉下場食其他，輪到海鮮島，睇睇會否有驚喜吧！望望水缸再望望菜牌，海鮮選擇不多，而且無海膽無墨魚呢，陰功豬。星期日晚市有點冷清，食客小貓三四隻，眼測張張檯 order 既菜色都差無幾。青島，隊兩杯冰凍啤酒 hot hot 口，熱定身預備開動！象拔蚌刺生，可否好似燒鵝髀一樣免切原條食架呢？刀功了得，每片厚薄均秤，排得骨子靚靚仔仔上檯。白雪雪的蚌肉水潤閃令令，立即夾片點上芥辣豉油品嚐。冰涼的感覺好舒服，爽脆鮮甜，無得頂呀！椒鹽象拔蚌膽，新鮮出爐熱騰騰地嘴嚼，炸得外脆內軟，肉質嚥韌彈彈，味道好似魷魚呢，沾上喼汁酸甜開胃。椒鹽瀨尿蝦皇，巨形大大碌，雙眼發晒光！肉質結實肥美，肉汁四射，辣椒蒜蓉味道已滲透其中，微辣惹味！豉椒炒蜆，見到隔離檯碟炒蜆賣相吸引，就試試啦。點知又係出完水先炒，雖然沒有煮到過龍，仍保持嫩滑微彈不鞋，但完全無鮮味無蜆味，縮水無肉汁，好浪費呀！蒜蓉粉絲蒸扇貝，激讚必食推介！大堆甜辛惹味蒜蓉淋上豉油連扇貝肉跣入櫻桃小嘴，舌頭翻

今日特登揸車去左幫襯呢間酒家，因為之前食過都唔錯，叫左即食海膽、鮑魚、貴妃妦、椒鹽鮮魷、椒鹽賴尿蝦同海鮮豆腐湯。即食海膽第一次咁食所以試下，味道偏淡唔同出面壽司店果 D 咁甜，而且每隻份量都得好小，不過都係 28 蚊一隻可以一試。鮑魚食落口無韌既感覺，好易咬。貴妃妦就超正，好肥美同好厚肉。椒鹽鮮魷就一定要試，份量好大碟而且又唔會話整得太多炸漿。海鮮豆腐湯好大盤，所以最後係飲唔哂既。椒鹽賴尿蝦雖然好大隻，但真係好貴要成 250 蚊先得一隻，所以只叫了一隻。總括嚟講雖然啲海鮮真係幾新鮮，但係價錢都係貴左少少埋單＄700。

今日同三五知己係西貢行完山，終點係布袋澳。所以就順路係布袋澳村度睇下有乜好嘢食同手信買返屋企。布袋澳村唔係話好大，所以只得兩間酒家同兩間士多，之後我地就去咗其中一間酒家度幫襯，去咗海鮮島酒家。因為係閒日同交通不方便既關係，所以遊客不是太多，不過難得嚟到呢度，咁就梗係要試吓佢哋啲海鮮啦。雖然餐牌上嘅菜式唔係話太多，但係收費都算好合理。最後叫了貴妃妦、蝴蝶妦、椒鹽鮮魷、紫菜蟹皇飯同海鮮豆腐湯。每樣餸份量都好大碟，飯同湯四個人食都好夠，而最重要係餐廳 D 海鮮真係好新鮮，同平時係街市果 D 真係無得比，海鮮肉厚多汁無得頂，所以真係值得一試。最後布袋澳村仲有手信買添，就係有好多味道既年糕喇，而且全部都係佢地親手製造添。

朋友從英國回來，專程入布袋澳陪他一起吃海鮮。我們一共四個人，叫了一碟白灼蝦，black bean 炒聖子，花雕酒蒸蛋花蟹和魷魚刺身令到我特別回味的就是花雕酒精蛋花蟹，魷魚刺身和清蒸老鼠班。魷魚刺身，他切到厚厚的，擺落口很有咬口和有一陣陣的鮮甜味滲透出嚟。真的食到停不了口。到了花雕酒蒸蛋花蟹，蒸蛋意外地非常清甜。將他來撈白飯是絕配的。那些花雕酒蒸蛋很快就沒有了，只剩下一件件的花蟹！ 😆😆當然其他海鮮也很好吃，也很新鮮。但這兩度特別的菜真的要嘗試。

今次入到布袋澳試下海鮮島， 我哋首先叫咗墨魚刺身兩食， 份量好大，一隻墨魚有三至四人份量。好新鮮嘅😋！然後再叫炒蜆丶東風螺， 呢兩樣味道一般啦，份量好細。最後炒咗碟菜， 好油， 下次可以唔駛叫。 因為今天唔係假日， 所以少人， 坐得比較舒服。

叫了三樣小菜，椒鹽鮮魷，腐乳通菜，生炒骨，一支啤酒，一罐可樂，無錯佢餐牌你寫明價錢，但到埋單時好似又多左幾十蚊咁，總數3百幾，我俾5百，佢找返俾我時之後諗返係無一張一百蚊紙既，即係找少一百，大家可能會問，你無睇架咩，無錯我無特別睇亦無為意香港已經消失好耐既呃錢海鮮酒家，會係而家呢個時勢出現返，所以我一向食飯找錢都好信餐廳無睇找幾多，就係先呢間之後，我而家食飯叫埋單時我會先計一計價錢，到找錢時又會計一計先，大家小心 。

The food was very good it came very quickly and smooth. The restaurant was very big and spacious. You can also take away. So I would recommend this restaurant the people who likes seafood

通常我都去鯉魚門食海鮮，今次老公帶我同D朋友去布袋澳食海鮮，老公話呢度啲海鮮不比鯉魚門差，咁我就即管試吓啦一坐低大家都order左差唔多10款海鮮，仲有嗌咗象拔蚌刺身，又嗌左龍蝦伊面諗起都覺得好味，仲有個魚好滑，哎呀唔知係咪好耐冇食海鮮餐呢，我覺得好好味呀尤其是個花雕蟹蒸蛋，超正啊

適逢有3個友人同一月份生日，於是大伙兒開開心心去拆一餐。第一次來布袋澳吃海鮮，友人品嚐過，說不錯呢！我們一行13人点了一個12人套餐$3980加$38 多一隻鲍魚，我們13人個個有得吃啦！ 鮑魚蒸得啱啱好，非常爽口，不會太韌。龍蝦伊麵其實本人不愛吃有伊麵底，嫌濕濕結結，清蒸是我的至愛。 因為友人喜歡伊麵底，就就朋友吧！龍蝦食出有鮮味，肉質彈牙，份量也很多。椒鹽瀨尿蝦瀨尿蝦好大隻，又多肉，賣相也不錯，非常肥美。 雖然覺得很熱氣，但……点忍得口唔食呢！花雕蛋白蒸蟹個人極力推介，蛋白蒸得好滑，渗入花雕酒味，味道非常出色，蟹也很新鮮，肉質鲜甜美味。其他也不錯，老虎班蒸得啱啱好，魚味濃郁，非常嫩滑。整體碟碟份量好多，我們13人也可吃到很飽。這晚個個吃得很開心，很盡興！最難得是個個都吃到滿肚而歸呢！

難得今日放假就去布袋澳食海鮮去到見到有兩間餐廳，最後決定試下海鮮島一黎就叫咗個豆腐花甲海鮮湯 勁多花甲食極都仲有再嚟個菠蘿生炒咕嚕肉椒鹽鮮魷真係好新鮮大大舊又好彈牙同平是出街食個d真係好唔同粉絲蒸扇貝出街食海鮮我次次都會叫佢，因為送飯一流陳皮蒸鮑魚黎食海鮮點少得唔叫鮑魚紫菜蟹黃飯最後重要叫多碟紫菜蟹黃飯食。今餐真係好飽好滿足

母親節請媽媽同婆婆食飯, 本身想去大埔忠誠食泰菜, 但當日中午打去BOOK位已經全FULL了, 所以媽媽提議到布袋澳食海鮮。一入到布袋澳, 就會見到大大個「海鮮島」字樣的燈牌一直沿住小路行入去就會見到餐廳, 沿途有很多賣乾貨的小店, 婆婆說上次在這買的紫菜不錯當日去到大概只有4-5台左右, 不知道平日是不是這樣, 所正我們覺得坐得很舒服攞咗台之後就出返門口揀海鮮, 我地揀咗龍蝦, 蜆同墨魚一行五人嗌咗八樣嘢, 樣樣份量都算幾大, 我地都食淨咗少少墨魚兩食(刺身)墨魚刺身新鮮, 咬落口感好爽脆, 點埋豉油WASABI好正, 連平日唔鍾意食生野的婆婆都食咗兩塊墨魚兩食(酥炸)較想像中有落差, 炸得不算太乾身, 所以食起來沒有硬硬脆脆的感覺沙薑雞腳(中) $68婆婆至愛, 沙薑汁是分開上的, 濃淡自由控制, 雞腳炆得好腍好滑豉椒炒蜆蜆的本身是新鮮、肥、多肉的, 但太多汁唔似平時打冷食果啲果有鑊氣, 啲汁似豉椒炒河咁厚, 搶咗蜆平身的鮮味, 有點可惜芝士龍蝦伊麵龍蝦不算多肉, 肉質尚算彈牙, 芝士汁不夠濃厚, 伊麵份量多, 食極都仲有咕嚕肉 $68很正常的一道, 不是脆的那一種煮法, 就是平常

舊同事無啦啦提議入去布袋澳食海鮮，自己揸車真係好快，尖沙咀市區入去大約20分鐘就到。兩個人坐低主打叫咗墨魚兩食: 一味係刺身，另一味係酥炸魷魚，另外叫咗個時令海膽炒飯，雞泡魚干同油麥菜。海膽炒飯飯粒炒得鬆夠熱，海膽味不算太濃，可以話係幾淡味 墨魚刺身墨魚刺身好食! 師傅刀工犀利，每片墨魚切得好薄，咬落口感爽脆酥炸墨魚鬚雖然話係兩食, 兩人食嘅份量都叫做唔錯, 墨魚鬚放入口時都仲係熱辣辣，墨魚食得出係新鮮生檔，所以咬落有嚼勁同彈牙, D個好食!雞泡魚干雖然份量唔，多但咬落有雞泡魚味，送酒一流餐廳雖然位置於西貢最偏遠的布袋澳，但周末晚上都座無虛席，食完行出去碼頭吹下海風，郊外既空氣好清新同舒服, 下次可以早小小入黎睇日落.