海鮮島海鮮酒家

营业中

休息中

上星期一，在朋友介紹下我跟好友到布袋澳去吃海鲜和拍照。這一間海鮮酒家也算乾淨。店有不同的海鮮選擇。朋友告訴我這裏的墨魚是馳名的，而且非常好吃。我在店前看見很多很大隻的活墨魚。我們叫了椒鹽賴尿蝦，海膽刺身，豉椒炒聖子，炒白菜和墨魚二食。1. 墨魚二食的墨魚刺身非常新鮮和彈牙，而且有清清的海水味。好好食。酥炸墨魚鬚炸得非常香脆，而且裏面的墨魚肉一點也不硬，軟軟的。2. 豉椒炒聖子-做得唔錯，聖子非常清甜，而且爽口。3. 海膽刺身-味道一般。4. 椒鹽賴尿蝦-做得可以。賴尿蝦夠新鮮。5. 炒白菜-炒得有鑊氣。不太油膩。對著一片海吃飯，真的有一番風味。吃完這麼好吃的海鮮餐，心境非常暢快。吃完飯，還可以到處拍照。那裏的景色不錯，而且有一點風土情。

家人成日想試吓去布袋澳食海鮮，對上一次嚟已經係三年前嘅事，當晚點咗個薑蔥炒蟹，椒鹽瀨尿蝦，椒鹽鮮魷，清蒸海班，豉椒炒蜆加個豆腐海鮮湯呢幾味普通嘢，除咗椒鹽鮮魷同蒸魚做得比較好，其餘幾味真係普通到暈，唔可以話差，但的確出面好多大排檔或者小菜館都做得好過佢，個豆腐湯更加唔抵，咁大碗湯得兩三嚿細細嘅豆腐，實在有啲失望，食完呢餐，冇意欲再山長水遠入嚟lu，最後埋單，更是嚇人，一隻蟹收兩隻蟹錢，冇嚟嘅飯又計埋，唔睇吓單就俾錢真係大鑊.

假期入去，人不多，我們六點半左右開始吃，七點已經很多人拿位。海膽刺身很鮮甜，鑽！三人一起，吃不多，想吃也吃不了。椒鹽鮮魷正,新鮮!豉椒蟶子皇,不過不失!海鮮豆腐湯,蝦好味,湯不算鮮甜,但料很多,不錯!蒜蓉蒸扇貝-蒸過火.有點靭.海膽刺身很鮮甜，鑽!好味!豉椒炒花甲-大隻,不錯!下次會揾多些人再去食.

又係同朋友食好嘢嘅時候，上次食過日本菜同西餐，所以今次想食海鮮。可以選擇的地方有鯉魚門、西貢、流浮山、布袋澳、三聖 ，而我哋今次就選擇咗布袋澳。因為我們會飲酒，所以為別人著想，我哋就搭的士入去。 我們今次book了八點鐘，所以由金鐘出發，車程只需45分鐘，而車資也只是港幣 250元。到達布袋澳天色已入黑，我們徒步大約三分鐘便到達海鮮島！非常多生猛的海鮮雞腳非常入味我們選擇了胡椒豆腐花甲湯， 非常清甜完全沒有沙。超大豉椒炒聖子， 非常爽口出名菜式，墨魚刺身， 好味到停唔到口。 而墨魚鬚就用嚟椒鹽鮮魷， 不會覺得太肥膩食海鮮唔少得嘅椒鹽瀨尿蝦，非常大隻三隻已有一大碟！睇下啲膏非常吸引蒜蓉粉絲蒸扇貝 白灼東風螺油爆竹節蝦再加蟹子炒飯底，冇得輸五個人的份量成枱都係正嘢，超好味！食到超飽，成枱海鮮也是港幣2500。最難就係食到十點幾好難搵的士，仲要見到野豬，哈哈！

每次來清水灣半島hiking的最大誘因就是布袋澳的海鮮，這裡的出品不比西貢差，但價格確公道得多，沒有被宰的情況。中午十二點到來，客還沒有開始多，老規矩我還是去看看某一家的魚缸的海產鮮活情況然後決定在那一家用餐。 今次挑的依然是海鮮島，覺得view也稍為靚一些。人不多，就點了幾道菜。當然有抵食夾大件的椒鹽鮮魷，肉厚皮脆，鹹香味足，碟頭又夠大，無得輸的選擇。咕嚕肉味道也不錯，但份量就有點削，性價比差一些。但我最愛的花雕蛋白蒸花蟹就完全把我們的舌頭征服，剛在魚缸挑的大蟹的香味滲透在滑滑的蒸蛋白裏，還有蛋面上的花雕酒清香，跟白米飯就在一起，每一口的味覺滿足，真心超正！蟹肉居然反而變成了配角；當然細嘗下蟹肉也非常彈牙及鮮味，可想而知一碗白飯絕對應付不了這個局面。

平常人們多數都去西貢，鯉魚門，流浮山等食海鮮，甚少人提及布袋澳這個地方。這小小的漁村，只有兩家海鮮酒家，人煙比較疏落，來這裡可以感受一下久違的寧靜。椒鹽鮮魷 ($108)布袋澳兩家海鮮酒家的招牌菜都是墨魚刺身，腸胃弱的我還是吃椒鹽魷魚好了！薄薄的一層脆漿，入口即碎，可口非常！外層灑上少少椒鹽，不會過鹹又香口。而魷魚片片大塊又厚身，口感彈牙不會韌，而且味道鮮美，極力推薦！海鮮豆腐湯（$78)撈一下，發現魚湯勁多料！有魚塊，蝦子，豆腐及白菜等。之前在別家海鮮酒家喝魚湯，有極重的薑味及胡椒粉味，嚴重遮蓋了魚湯本身的鮮甜，但這個則不然，只下了少許薑及胡椒粉，魚湯毫無腥味且不會遮蓋魚湯的甜，材料新鮮就無需過份修飾吧！海膽炒飯 ($168)之前去西貢食過海膽炒飯，味道似蛋黃炒飯，鮮甜味欠奉。但這裡的海膽炒飯極富海膽的鮮甜味道，好味過上次n 倍，應該是海膽新鮮的緣故吧！我們真是見到店員在店子內即席開海膽呢！而炒飯亦炒得乾身有蛋香。

一家八口，有老有少去食生日飯，本應很開心！ 竟遇到極不禮貌之服務態度！事原是我選擇魚時，我當然會問價及問其有無介紹，佢即時取一條最貴價東星出嚟，但又唔答我價錢，除即放落袋內。我當然追問啦，佢竟答我……嚟得呢到食就唔好問啦，食得你幾錢吖！ 大佬呀，我只係一般打工仔咋，好有錢咩，我當然再追問啦！ 佢跟住就用非常差之態度答我……大約一千啦！ 嘩，一斤多D東星要一千，我當然問佢有無其他選擇，佢竟然答我……食唔起就咪嚟啦！ 嘩，我即時著火，隨即叫埋家人往隔離果間食。佢竟然用威嚇性口吻話……嚟得呢到食都咁寸，呢條村全部店都係我地D親戚，你咪去囉！ 我二話不說就走了，真係一肚氣！

八個人一大早到清水灣爬山，中午到了這家店，點了一桌美味。大家一起坐下聊天，吃喝，別有一番滋味。菜價不貴，平均每人一百多，當然，沒有點什麼太貴的菜品，只是當地普通海鮮，但味道很棒!

之前在布袋澳吃海鮮，都是吃發記，剛剛這weekend朋友介紹了海鮮島，6點來到已經爆滿，不是吧，真的咁好味？叫海鮮時發生了些小插曲，有另一枱客叫了條斑，師傅覺得劏完唔靚係沙皮，佢即時同個客講話幫他們取消了，叫佢揀第二條，我覺得呢個行為老老實實，加分了好，依家等我這吃貨幫你地試食一下龍蝦剌身~超級鮮甜，比之前在鯉魚門吃更彈牙新鮮啊，必食象拔蚌刺身~~好抵食啊，一條實價600幾，爽甜，平時打邊爐食嗰啲無得比。個膽仲可以幫你煲粥，超值啊貴妃蚌~~鮮甜，無食扇貝咁悶辣酒花螺~~無辣味，浪費了，白灼可能更美味龍蝦上湯伊麵~~龍蝦刺身剩下個身來做這味餸， 又飽肚又不浪費，但略為有點淡，下次試試芝士伊麵，看看會不會好些椒鹽瀨尿蝦~~必吃，味道不會太搶，還吃到蝦的鮮甜，蝦肉新鮮彈牙，正清蒸海斑~~條魚雖然成$1500，但超正，蒸得剛剛好，全晚亮點就係佢了海鮮湯~~無論你響鯉魚門定流浮山食海鮮，一般都會送湯，佢竟然話無得送，但唔飲又好似欠左啲嘢，咁叫一個試試先，湯鮮甜，無味精，普普通通無咩特別，但如果好似我咁係湯怪，都值得飲嘅總結，我覺得好食過我之前去布袋澳那家好多，如果比較西貢流浮山鯉魚門，覺得佢商業

雖然路程好遠，但係好似世外桃源咁，好寧靜，好舒服店員介紹墨魚刺身，開頭我都驚好易肚痛，不過又幾好食，又鮮甜畢竟都係新鮮即叫即剖不過我都係中意食佢個景多過佢個墨魚刺身

真的好耐沒有去過食海鮮了，難得一家人齊齊整整，就起行到出名食海鮮的西貢。除左食海鮮，仲可以買手信，食糖水，唯一唔方便就是沒車就麻煩些，要搭小巴，但小巴又收得早，只可早去早回，才趕得上小巴收工。我家至愛噶海鮮，薑蔥炒糕蟹，蟹味濃，肉質實淨，啖啖肉，蟹膏甘香無比，滑溜，充滿味蕾，薑蔥都吸收了蟹的味道。沙薑雞腳都係唔錯之選擇，雞腳爽口，沙薑味濃，越食越開心。芝士琵琶蝦焗伊麵，芝士味好香濃，蝦我肥住係水江時好生猛，食落口好爽口，伊麵好多足夠四人食，濃郁芝士包住伊麵，正呀

吃海鮮，在香港有多個地方可以吃；但以物值最高的，非布袋澳莫屬。在駕車途中，你會沿著山路行，順道可以看一下風景；去到香港的最東面，你好像去到離島一樣，很有感覺；這天我們駕車去晚飯時剛好日落，就捕捉了日落那一刻，景色真美。這裏也有得泊車，不像去西貢那樣要和人爭錶位，等一個小時也等不到，又或者泊去老遠的停車場行十五分鐘過去。論價錢，如果以流浮山，鯉魚門，西貢去比較，這裏是最平宜的一間。也因此，我就有「久不久要來一次」的理由。這是是吃生日飯，和朋友慶祝生日。當中吃了很多好東西，我一定要為大家一一報導。白灼蝦，必叫項目：蝦是生猛的，鮮甜，很大隻，有咬勁，爽口，這應該是我吃過最好的白灼蝦。椒鹽鮮魷，也是必叫項目：粉落得不多，也不會死咸；鮮魷不靭，咬下去很彈牙，很有鮮味，做得剛剛好，也是必叫。蟶子皇，大大隻，爽口。扇貝，用粉絲蒸，也很美味。賴尿蝦體積則比較小了一點。炒蜆也好。吃的環境很有特色，雖然沒有冷氣，但買了感覺；晚上三五知己到此暢聚，很開心。即使如簡單的一個通菜，用蝦醬炒，也是很美味。象拔蚌則一般，不夠大隻，不能做刺身，只能用西芹炒，沒有 Wow 的感覺。日落的景色就是這樣：很有 feel，我

因要計劃布袋澳辦晚宴，今晚特登與同事來到海鮮島漁港試菜。我們只有仨人，只能點了下列菜餚:第一道上的菜是海鮮豆腐湯，奶白色湯底上浮現橙色的鮮蝦、翠綠的小白菜、雪白的魚肉及豆腐。味道尚可，不會有魚腥味，份量足夠六人分享。京都焗肉排，酸味適中，肉排鬆軟，是配飯的良伴。酥炸魷魚，剛上菜時，熱辣辣的，入口香脆可口，但放涼了一會後，外層脆醬變淋了，實有點可惜。蒜蓉粉絲蒸扇貝，淋上豉汁，味道鮮甜。扇貝雖然大隻，但好像有點蒸過了時間，以致扇貝肉有點韌及太黏殼，要花點力氣才可將肉取出。楊州炒飯，配上叉燒粒、切粒鮮蝦、生菜絲等配料，炒飯底尚算乾身，可惜蝦粒煮得太久，吃起來有點偏韌。最後是蒜蓉炒油麥菜，用上炒過的蒜蓉，令油麥菜份外有蒜香味。

很喜歡吃海鮮，所以久不久都會找些海鮮去吃。要吃海鮮選擇有很多，三聖村，鯉魚門，西貢，流浮山；而最近發覺一個好地方，布袋澳。這裏其實比較少人去的，因為大家都不會太熟悉；是坐船去嗎？還是有車去？我的建議是，駕車最好，而且路程可以接受，在西貢過一點，我在上環開車，四十分鐘可以到。這裏好處是，人不會多，價錢相宜，去之前駕車，先要經過一大段山路，甚有風味；坐在海邊的露天地方，很有感覺；吹吹海風，甚過癮。這裏吃海鮮，其實也是和西貢，鯉魚門一樣，先選海鮮，他們幫你煮，然後再點些熟食如炒菜，就是一餐。琵琶蝦，我的至愛，既有龍蝦質感，價錢又比龍蝦便宜。扇貝也是必叫項目，粉絲蒸，一人一隻，夠吃，留著肚來吃其它菜式。椒鹽鮮魷，中上水準之作，可以叫，好惹味。西蘭花鮮魷，也是平均水準。整晚的高潮所在，就是這個墨魚刺身：他們有墨魚池，全部墨魚都是新鮮的，點好就即製刺身，絕對不會靭，很鮮味，吃得很開心，而且價錢不會貴。當然，還有很多其它選擇的，自己可以慢慢看。也有羔蟹，看上去也是很重稱及新鮮；不過今天已點了其它菜式，就留待下次再叫吧。預算每人三百多已經有交易，這個價錢我相信是吃海鮮最平宜的地方，最重要是不會多人，也

今晚同屋企人特登山長水遠黎到布袋澳食海鮮，是因為老爸的一句說話。原來佢退休之前，公司曾經嚟過布袋澳食飯，不過佢嗰次有事去唔到，令佢耿耿於懷，今次就等我呢個孝順仔幫佢完成心願啦！我地係黃昏入到黎，由於是平日，初時都唔係好多人，我哋唔使等位就有位，先去咗附近碼頭行一陣影吓相然後再去佢個魚缸揀海鮮。我地最後揀咗南非鮑魚、海蝦、墨魚、聖子同埋扇鮑魚有大連同南非兩隻，雖然南非嘅價錢比較貴，但係就大隻好多，而且店員推介，所以我哋揀咗南非。食嘅時候真係唔覺得冇揀錯，啖啖肉而且非常鮮味，加上陳皮獨有嘅香味，真係色香味俱全！店員另一推介係墨魚，隻隻游水非常新鮮，店員話呢間餐館係墨魚專家，叫我地一定要試吓。我哋最後揀咗一隻普通size嘅，用椒鹽煮法。侍應攞出嚟嘅時候，真係嚇我哋一跳，估唔到細細隻嘅墨魚，可以煮出咁多份量嘅椒鹽墨魚，而且食落真係每一條都好有口感、好香口、好彈牙，值得推介！最後想介紹大家試吓呢度嘅海蝦，雖然其貌不揚，但係咬落去就知道分別所在，同養蝦有本質上的分別，新鮮、彈牙，而且香味與別不同，真係食過返尋味！至於另外選咗嘅扇貝同埋聖子就相形見絀，可能之前食個三樣嘢都太好味，所以呢兩樣就比較普通