海鮮站 (已搬遷) 新店位置

慶祝日想食好D, 朋友介紹黎呢間海鮮站, 佢話海鮮抵食過西貢, 而且夠新鮮又唔貴, 最重要仲要響尖沙咀, 夠方便.慶祝當然要食好D, 所以要左半隻長腳蟹, 半隻份量都好多, 兩個人食剛剛好. 腳蟹條條都好粗身, 闊過手指, 食落有淡淡既海水味, 入口鮮甜, 肉質飽滿肥美, 夠彈牙, 食到蟹既原汁原味, 齒甲留香.由於隻蟹太大, 所以另一個祗要左蒸帶子, 帶子新鮮夠爽口, 唔會太細粒, 蒜蓉粉絲蒸好惹味, 鮮味突出.

約左朋友食飯, 佢帶我黎左呢間海鮮站, 佢話抵食唔貴, 就試下啦.要左個大蝦沙律, 二人份量唔算太多, 大蝦新鮮爽口, 沙律有好多種生果, 撈埋芒果汁酸酸甜甜, 食落清新夠開胃.蒜蓉蒸象拔蚌, 夠大隻, 象拔蚌煙韌爽口, 食落夠鮮甜. 蒜蓉夠香夠惹味, 粉絲底索晒鮮味.仲有芝士焗龍蝦, 芝士夠杰而且味濃郁, 龍蝦肥大肉厚, 食落爽口彈牙.整體味道都唔錯, 食材新鮮, 一路食見隔離枱食長腳蟹幾大隻, 下次可以黎試下.

朋友今晚想食海鮮, 市區地方又唔想咁貴, 我剩係諗到海鮮站, 自從搬左新鋪都未試過, 今晚一於試下.要左個琵琶蝦, 凍食夠大隻, 入口肉厚鮮甜, 彈牙, 淡淡既海水咸香, 非常新鮮.另要左個芝士海鮮焗飯, 芝士味唔算太濃但好惹味, 海鮮配料夠多亦好新鮮彈牙.蒜蓉菜心, 蒜蓉味濃, 菜心粗身夠爽口, 食完減少飽濟.

很久沒來「 海鮮站 Seafood Station 」，已經搬到新店了，確實比舊店的空間感來得大。食物水準依然保持得到，琵琶蝦是我必點的海鮮之一，開邊的琵琶蝦都算大隻，$128一隻！並非每一隻都有膏，蝦肉滿滿，完全沒離殼，太優皮了！蝦肉很鮮味，肉質又爽又清甜，光吃都已經很易入口，會有想追加的感覺，如想對蝦肉增味的話可以沾其辣椒醬油唷！少不了來一客大蝦生果沙律，大蝦份量不多，但有玻璃蝦之感，很爽口。且有濃濃的芒果汁包著大蝦生果沙律，令沙律變得帶重甜味，一人吃幾口，嚐一下甜度，也不太過份呢。籠仔蒜蓉蒸白菜仔，蒸出來的白菜仔有滿滿蒜蓉味，完全是入味入透。蒜香是離遠也嗅得到，有兩款蒜蓉混合（炸蒜、濕蒜），再加上醬油一起蒸，最後我們更encore多一客，太惹味了。大大隻的芝士焗珍寶蠔、豬扒飯、龍蝦湯都是不可錯過的美食，建議多些人去食，可以再點數款海鮮，真正體驗一下平民海鮮。琵琶蝦。大蝦生果沙律。籠仔蒜蓉蒸白菜仔。龍蝦湯。芝士焗珍寶蠔。豬扒飯。店名：海鮮站 Seafood Station地址：尖沙咀科學館道14號新文華中心地下10A舖

 想食好少少的海鮮，又想抵食，呢間係我同屋企人的必然之選~我最喜歡凍食海鮮，媽媽輩的就至愛燉湯^^首先是芒果大蝦沙律, 平常不吃沙律醬的我, 跟沙律是無緣的....但今日, 他鬼鬼馬馬話一定要叫沙律?!原來整個沙律是用芒果汁做的, 芒果微酸與大蝦鮮味~~絕配另一個至愛小食就係單骨雞翼啦影呢幅相時, 好似已經被偷食左兩件這是比較重口味的, 咸香味十足到百吃不厭的凍食海鮮海鮮的新鮮永遠不會令我失望, 只要簡單點豉油, 已鮮味無窮又爽又彈牙的蝦肉, 到而家都好回味XD去到熱的海鮮, 其實已7成飽, 但薯蓉真是十分十分吸引又清碟了!

今天是我的生日飯,經openrice找到這間餐館.雖不置身於大街,但也交通方便,易於尋找.經openrice訂了晚上七點,我們遲了數分鐘才到,但也不用等位,就立即被安排入座.是晚,我們一行三人,叫了我喜愛的蒸聖子皇,還有芝士焗龍蝦伊麵. 之後三款湯各要了一碗,再加上上湯豆苗, 本還在想要叫多個甚麼飯或菜之類,但落單的叔叔提意我們要個大蝦沙律,因為芒果汁是鮮柞的,既清新可口,又健康. 並補充因他們會送蒜蓉包,所以分量應已足夠了.是日的晚餐,我們都很喜歡,沙律果然值得推介,還有聖子皇蒸得剛好,爸爸也沒說難咬呢^^ 龍蝦有幾件是淡淡肉的龍蝦球,而豆苗份量也很充足.

路過看到這間餐廳外面看上去很溫馨 環境也不錯門外有餐牌 看到價錢也合理 所以就走進去訂了兩個位聖誕節和男朋友一齊去試在網上看了評語 一半好一半差所以是抱著期待又害怕的心情去到了的時候 不太滿 服務很好 兩人去也是安排四人座 很舒服 不會很擠出餐速度也很快 這個價錢的海鮮也算很新鮮但有些貝殼類海鮮會帶有沙子 吃起來會有沙粒如果是喜歡吃海鮮 又想要去一間溫馨一點的餐廳 推薦這間 約會也很舒服 不會是平時大排檔很吵的感覺 我兩個人去 點了兩個湯和五樣海鮮 一共$701因為男朋友比較大食 所以點了比較多 超飽

午餐食蒸石斑唔駛好貴，放低$68就有交易全部海鮮即叫即蒸，等左大約15分鐘，我的斑塊終於黎啦斑塊（餐牌上係叫斑球）完全無鯹味，只得極少的骨，容易剔掉。魚肉新鮮彈牙，蒸魚火喉剛剛好，碟面舖左大量粉絲，索晒啲魚汁同豉油，同白飯同食，絕對係水準之作ps 午餐時段，斑球經常沽清，食唔食到真係講運氣

一大班朋友食, 店舖不大, 但我們6位都坐得鬆動, 朋友話要食海鮮, 見這間不錯, 就相約黎試試。翡翠螺- 白灼已經好好味的一種海鮮, 此店的海鮮果然新鮮, 而且沒有沙, 入口啖啖肉。芝士龍蝦焗意粉- 龍蝦爽而鮮, 開半焗, 芝士味滲哂入去龍蝦肉, 仲有我喜歡的忌廉意粉, 意粉與龍蝦肉好夾, 重口味, 但係濃濃的"重", 好抵食呀其實仲有好多款海鮮, 不能盡錄, 但這店已經好好, 小店做得成功, 除食品外, 服務亦對人印象難忘

位於尖東的海鮮站午餐時間也頗多人，要覓得一位也不容易，今天剛巧經過，亦見有點時間，便等了一會才入內用膳。黃金海中蝦是我很喜愛的一款菜式，分明就是挑戰膽固醇的極限。海中蝦隻隻也肥大且肉質夠爽，每隻蝦都沾滿鹹蛋黃，外脆肉嫩，蝦殼香脆得絕對可以連殼一起食。可是鮮茄焗豬扒飯卻是有點遜色，鮮茄醬的味道偏酸，豬扒也不夠juicy，味道不夠香濃，而且就這麼小小的一個焗飯，看來大家樂的一哥焗豬扒飯更勝一籌。

這裡環境不錯，燈光柔和，很適合三五知己來吹水聚舊，而且我很喜歡這裡的熱茶，細細壺，不停refill，夠晒熱。第一道菜是冷盤加拿大翡翠螺(HK$78/6隻)，翡翠螺非常鮮甜，與wasabi豉油簡直是絕配！必食指數：5粒星龍蝦湯($33)味道不錯，更免費送上蒜蓉包(夠味但不夠脆)。必食指數：3粒星蒜蓉蒸象蛂蚌($105/3隻)象蛂蚌很鮮甜，蒸得剛好完全唔韌，加上蒜蓉粉絲非常惹味，正！必食指數：5粒星芝士煙肉焗蠔/蒜蓉牛油薯蓉焗蠔(HK$68/隻)個人比較喜歡薯蓉焗蠔，很香蒜蓉牛油味，不過會有一點滯，雖然我們只點了兩隻蠔，但都可以選不同口味，很貼心。必食指數：5粒星 P.S. 張相影到好似隻蕉orz蒜蓉蒸扇貝(HK$90/3隻)非常鮮味，不過豉油有點過多！必食指數：4粒星蒜蓉豆豉蒸聖子(HK$105/3隻)聖子大隻又新鮮，不過有少少過熟。必食指數：3粒星籠仔蒸白菜仔(HK$48)非常好吃，蒜蓉超多，很香很夠味，不過油有點過多，必食指數：4粒星一頓完美的晚餐當然包括甜品，所以最後點了芒果布甸(HK$16)，也是超好吃，沒有很「布甸粉」的感覺。必食指數：4粒星今次點了太多海鮮，肚裡都沒有空位再吃

星期日六個人的晚餐。餐廳唔算熱鬧，可能因為咁，可以慢慢上菜，每次食完一味先黎第二味。長腳蟹叫左半隻，好鮮好好食。籠仔蒸芥蘭，一般炒菜味啦，係中上既。芝士龍蝦伊麵，隻芝士係好淡好淡味個隻，記得一定要撈埋啲汁食，否則係完全無味。啲龍蝦好好食。個人喜歡食淡啲，同埋佢食完唔會滯。如果喜歡濃咪啲既，可以叫佢加啲鹽。蒜蓉包，係送既，好香好脆好好食。芝士焗蠔，因為都係用淡味芝士，所以無平時食開既咁野咪，但佢加左啲煙肉都有少少咸味既。隻蠔似生蠔多啲，好鮮好大隻好好食。不過我下次會試下薯蓉焗蠔，老闆都推介。白酒煮藍貝，每人有2隻，都好新鮮。砵酒煮鮑魚，個鮑魚夠軟係好好食既，不過我prefer第二隻汁。芝士海鮮焗飯，一樣係淡味芝士，飯唔係炒飯底，食到最尾又唔夠汁變左食白飯。啲海鮮好好食。芒果布甸，無影相，不過真係好好食，無膠布甸味，雖然一上菜個布甸黑黑地嚇親我，但食落口真係好好食，又唔會太甜，一定要食。

基於要看演唱會所以就選尖東晚飯但萬萬都沒想到會差到不知用甚麼來形容先點一個蟹..味道還可以生蠔這店有四種但味道還真是差了點聖子好像煮得有點過火了韌了一點這個酒煮藍青口只能說味道奇怪酒味一點都沒有而且這青口不太新鮮最經典的還是這個砵酒煮鮑魚我其實並不知道甚麼是砵酒但這個我放進口...只吃到奶黄包味道真的是奇怪總結這一餐晚飯是我從未試過吃海鮮吃到這麼不願吃的吃到黄包味鮑魚我跟友人都要立即買單...去別家吃過=,=

海鮮站好耐之前食過兩次，覺得几好味又抵食，後尾執左，最近約了同事食晚飯，上openrice見到呢間海鮮站又开番，就再嚟，但要限時兩小時，可能星期五吧！我們食7点！先有一壼茶，都幾好飲，叫了好多嘢食，三款湯叫左每款2碗，龍蝦湯，燉螺頭湯，燉花膠湯，中蝦芒果沙律，蒜蓉包是跟湯送，白汁龍俐柳焗飯, 白酒煮青口, 蒜蓉豆豉蒸象拔蚌, 中蝦上湯伊麵, 蒜蓉蒸芥蘭, 蒜蓉粉絲蒸元貝. 先嚟湯, 本來我們想將蒜蓉豆豉蒸象拔蚌改埋係蒜蓉粉絲蒸, 但係仕應話已經蒸緊, 有冇咩快呀. 朋友未到, 佢地不停出菜, 我們叫仕應可否HOLD住, 慢少少, 仕應話全部蒸緊, 還說我們唔早D講, 態度不友善呀. 那些海鮮到底有冇洗, 快得太離譜, 我們全部覺得係急凍海鮮, 同埋係一早整好晒係度, 客人一落單只去蒸, 所以可以快到咁. 成枱都係嘢, 食到食唔切啊. 講番D嘢食先, 龍蝦湯唔熱, 唔夠濃味, 但都有龍蝦肉的, 都OK好味的, 花膠湯最濃, 夠熱及好足料, 好夠味, 螺頭湯都好濃呀, 都好飲的, 又多料啊. 蒜蓉麵包熱, 好味, 香脆, 中蝦芒果沙律好靚的賣相, 夠晒凍, 入面有幾隻蝦, 爽, 同埋好多生

朋友想食海鮮又唔想去西貢，找到呢間位於尖東的海鮮餐廳，就來个海鮮餐吧！琵琶蝦夠鮮甜，蟶子味道唔錯，不過蒸老咗小小籠仔蒜蓉白菜仔，就連平常不怎吃蔬菜的我也停不了口大蝦伊面，個人覺得汁太杰，面太稔不過这海鮮餐廳的價錢也是海鮮價，餐牌上的價格永遠有個 “+” 号，而且午餐同晚餐系同一餐牌上，容易混淆。所以点菜前要問清楚，雖然價錢不算貴，但免得有誤會。