海龍王海鮮大排檔

营业中

休息中

第一次寫食評，因為真係太難食忍唔住要寫😣見到多人食就入去叫咗個四人餐再加豉椒蟶子和長洲炒飯。芝士焗龍蝦水汪汪無芝士味👎🏻👎🏻👎🏻👎🏻👎🏻豉椒蟶子係散叫唔係餐都一樣係難食，又靭又淡而無味 👎🏻👎🏻👎🏻👎🏻椒鹽海蝦啲肉係霉既 👎🏻👎🏻👎🏻送既魚民海鮮湯入面的海鮮都係霉霉哋，一啲都唔鮮👎🏻👎🏻👎🏻蒸魚、炒菜、炒蜆、炒飯都係難食👎🏻👎🏻總括嚟講，所有”海鮮”都似係白烚再加汁。真係好難講得出有幾難食！

點左四個餸加一個星洲炒米～好難食，D餸係翻熱既～D西蘭花都黃曬🤷‍♀️全部都唔係熱騰騰～估計係中午剩下D餸🤷‍♀️認真好差，一個雞煲只得一個雞髀😂，以後唔會再食呢間😣😣

1）衛生差，抹枱係將啲食物殘渣掃落地下（係我面前掃）2）點左688海鮮餐，所有海鮮都係又唔新鮮又唔好食3）嗌咗個長洲炒飯，啲鹹魚大粒到m&m咁（有花生黃色個隻），重點係冇鹹味得腥味，真係未食過咁難食既炒飯4）隔籬枱走嘅時候，同我講「最難食餐廳，沒有之一」勸大家入m記算想要離島海鮮風味，長洲⋯算吧啦

同女朋友兩個去長洲玩經過見佢環境幾開陽就坐低試下.....忘記左睇openrice食評 完全中伏扇貝,炒蟹做法同食材都好差 自己屋企煮都好過佢 千其唔好信佢餐牌d相 同實際都相差好遠……以前食過長洲其他海鮮舖好過佢十萬倍,以前做遊客生意可能搵到老襯,影衰埋長洲其他餐廳食飯期間仲聽到格離有臺一家大細外藉人,食到面都咩埋再同個侍應投訴:指住d蜆不停數empty empty😅不過個侍應聽完就行開左無理佢地第一次寫劣評 唔寫對唔住自己！

長洲出名海鮮都係難食嫁啦！咁就都冇抱太大期望，求其再試多一間！員工態度都不太好嫁啦，都唔憂做🤔叫咗個二人餐！份量都好足🤔都有下蟹腳食下，都有一整條帶有腥味的䱽魚！個椒鹽蝦份量都大約有10幾廿隻！算唔錯㗎啦😂😂最好食係個菜🤣

✨OR上極多負評？平價海鮮任選三款✨.於星期三約6點半去到長洲嘅海龍王海鮮大排檔，因為平日嘅關係大部分海鮮檔都冇開，所以就揀咗呢間～我哋亦冇參考Openrice食評就去咗食飯，後尾睇番先知原來呢間有勁多負評🤣.另外入座叫呢個特價餐時，員工有特意說明因為是特價餐，所以海鮮是急凍，而我哋想叫炒聖子時，員工亦話因為係特價餐當日冇聖子🙈佢多次強調係特價餐所以我對食物都冇咩期望.▫️豉椒炒蜆▫️蒜蓉粉絲蒸帶子▫️豉汁帶子蒸豆腐▫️炒油麥菜▫️白飯.茶位$14位，以上合共$250.❥…以呢個價錢黎講整體還可以，油麥菜係免費送嘅，當然咁平價唔可能期望海鮮會鮮甜美味～不過佢哋落嘅調味料同鼓汁都真係好好送飯😆如果對食冇咩要求，想試下平價海鮮試一次都OK嘅！.如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我@fibee3b

今日同fd一齊入左長洲玩 夜晚諗住食海鮮 點知中曬伏 真係頂唔順 啲餸黎到 一啲賣相都冇又要細碟又要鹹到死 特別係個海膽炒飯臭到真係想嘔 食左一淡就唔想繼續食 嗌個水煮魚 得三四舊肉唔知食左啲咩就冇曬 食完好似冇食過野甘比1500蚊食左個寂寞極力唔推薦 勸你哋唔好嘗試🤦🏿‍♂️

食海鮮千奇唔好貪平，所以我就選擇去長洲街市自己揀料。買左龍蝦，花蟹，蜆。諗住都係加工姐，海鮮點煮都唔會太差。點知就中伏。蜆味道一般，配料比例錯，唔惹味。跟住上蟹，講左係薑蔥炒蟹，上黎係洋蔥加薑，都算了。仲要生粉太多，調味料唔夠，薑蔥又少，完全無味。最抵死係隻蟹臭，應該死左一段時間，成碟野無蟹味之餘，係臭既。大佬呀，三隻蟹我自己揀，隻隻都生猛有肉，炒出黎變左水蟹仲要臭。我好喜歡食蟹，所以街市揀蟹完全無難度。衰到換客既料，依間野真心無良。龍蝦既結果，我相信大家心裡有數，唔多講。

亲身经历，被气到吐血，简直有辱长州人颜面！今日外带，返回家中发现，给的海虾、攋尿虾、蛏子王全是死货，鲍鱼、扇贝和海螺也不新鲜，四只鲍鱼一只明显小很多拿来凑数⋯千万别去，共同抵制无良商家！这真的很不讲信誉了，还不够发？

服務態度差，門口有很多套餐價錢，入到去淨係比個大餐牌你，要自己問佢拎套餐紙，問佢拎完套餐紙，佢話套餐啲海鮮冰鮮唔新鮮話冇營養，一叫完套餐態度極差，瘋狂俾說話我地聽，黎間野極級中伏。千祈唔好幫襯！

上午冇食飯好肚餓 1500先嚟食叫咗碟避風塘松葉蟹（好似幾特別）得啲腳…剪開又乾好柴最最最大件事係有雪藏味得個咸字我驚食完肚痛即走埋單$221當跌咗即刻過隔離茶記醫肚

今日同屋企人入長洲，諗住夜晚去食海鮮，點知入咗間black店，啲嘢真係連狗都唔想食。首先，嚟咗碟西蘭花炒鮮魷，冇味，冇鑊氣，叫佢比碟蝦醬，變咗色嘅，相信已經過咗期。好啦，白飯咁基本嘅嘢，嚟到係隔夜，仲要有酸宿味，真係好嬲！！！仲有，蒜蓉大元貝，啲粉絲粗過條公仔麵，帶子係梅架，完全唔係新鮮，最正常叫做碟鮑魚，老實講，呢餐免費請我都唔會食，食到一肚氣！！！希望大家唔好再中伏！我從來未食過咁難食嘅海鮮，我走嘅時候真係唔係好想比錢！

我做咗40幾年人都未食過一間舖頭可以差到一個點 第一次冇睇OpenRice就中伏喇 仲諗住消費券八八折好優惠添 見到啲人都入去嗌諗住冇嘢啦 喺長洲食過咁多次海鮮都未試過差到咁，奉勸各位以後唔好幫襯呢間舖頭 嗰碟蟹好明顯有問題啦 啲蟹腳邊有生青苔 個蟹殼基本上淨係見到一忽仔呢啲我成碟退Q咗 嗰碟賴尿蝦啲肉簡直係恐怖到得人驚，點解咁講，因為入邊食落去啲肉係散晒㗎有冇試過食嗰啲嘢裏面係散㗎好似周星馳嗰套電影中咗化骨綿掌咁賴尿蝦直情散到一個點想食化骨綿嘅賴尿蝦蝦就搵佢啦當晚食得落口唯有係嗰所謂嘅蟹肉羹，但真係唔係好搵到啲蟹肉囉，仲話有海參，我都唔知嗰啲係咪真係海參 個芝士熟生蠔算係成晚真正食得落口嘅嘢同埋個白飯囉奉勸各位想試吓地獄廚神嘅美食快啲去幫襯啦

勁難食，叫佐3送飯，食到翻去嘔，d嘢太唔新鮮，佢地真係好缺德，收呢d錢煮呢d食物真係等天收，全日行程好好衰呢度，全部食物又梅又酸，就算冰鮮都唔好過份到咁，真係令我好深印象

點左椒鹽瀬尿蝦，金蠔和白勺東風螺，食材唔新鮮加上煮得唔好食，可以想像有幾難食🥶，個瀬尿蝦的肉係梅嘅，食完第一蝶都已經冇興趣影相，嗱嗱臨埋單走人。之後返去碼頭食碗仔翅彌補失望，一個碗仔翅22蚊好食過成餐500蚊嘅晚餐百倍…..