海龍王海鮮大排檔

营业中

休息中

未試過食一餐咁難食嘅海鮮😡😡😡我哋一行四人晚上8:30入座，已經見冇晒客。個夥計叫我哋坐低，快啲叫餸之後佢哋可以埋數。我哋好快叫咗四個餸同一個炒飯，以下係我哋對食物嘅評價。🦞 芝士龍蝦伊麵 - 龍蝦一啲都唔新鮮，食落有啲霉霉地，伊麵鹹到不得了。🥦 帶子炒西蘭花 - 西蘭花正常，嗰幾粒帶子細到不得了，有幾粒仲要有啲酸味。好似冰鮮咗幾年嘅帶子咁。🦐 蒜蓉開邊蒸蝦 - 最極品嘅一碟餸。賣相已經似一堆垃圾，蝦肉好霉又似就快壞，好幾隻蝦頭仲要黑黑地。🐚 豉汁蒸貴妃蚌 - 夥計話係新鮮貴妃蚌，可能係BB關係細粒到唔可以再細粒。🍚 長洲炒飯 - 非常普通，但係最正常嘅一碟。咁多隻餸入邊，冇一隻食材係正常，全部好似就快過期嘅冰鮮海鮮。我哋一度懷疑係夥計自己入去，真係好難搵一間海鮮酒家每一隻餸都咁難食。成餐總共大概$850。用呢個價錢叫咗一堆垃圾。

果日同老婆去長洲玩，諗住食埋晚飯先返市區，就坐低系門口細枱。由於老婆對蝦蟹過敏，諗住叫小炒就算，個阿叔侍應埋黎推介套餐，見到有魚蝦蟹炒菜同湯，唔使5百蚊都覺得扺食。先上湯，再上蝦，頂，啲蝦肉梅嘅，叫老闆（？）埋黎投訴下，佢話咁嘅價錢只供應冰鮮貨，心諗冰鮮？啲肉梅嘅都叫鮮？跟住上個三點蟹，蝦蟹都用椒鹽，可能都係冰鮮。兩隻三指大嘅蟹，一開二，數下竟然得三件😆😆😆，費事出聲啦，買個教訓。再黎豉汁蒸倉魚，巴掌心大，哇，啲肉可以蒸到脆口，即系未解凍就落鑊。最後炒生菜，有少少過咸，送飯就住食都OK。總體而言：劣食。

呢個假期長洲人唔算多。入長洲玩經過見到貼海邊環境ok，又唔洗等位，就坐低點咗幾個菜，套餐就基本係凍嘢啦，so我地去自己稱咗幾種海鮮，貴就貴d，不過勝在新鮮唔錯，價錢還好啦，大陸雖然平，但係你食噶嘢新唔新鮮就好難講咯。呢度起碼會明確話你知套餐係凍嘢，想新鮮自己稱。所以見仁見智啦~如果入長洲玩噶話推薦去試試~

長假期同屋企人+朋友一班人去左長洲行咗個圈，主要係畀班小朋友玩下見下面，順便支持下香港經濟。我哋諗住早啲食早啲返去市區，我哋差唔多16個人，諗住搵間大啲嘅餐廳坐埋一齊，行行下入咗呢間店，有張大枱夠我哋16個人一齊坐。大約六點幾左右, 當時都冇乜人，一開始個侍應好熱情招呼我哋，極力推介兩個海鮮套餐，一個三千幾，一個二千幾，佢話好抵食，叫齊兩個啱啱好。我哋有六個小朋友所以冇叫海鮮，全部散嗌。叫咗九樣嘢，埋單$1545，同樓面介紹套餐嘅價錢相差最少幾千，當侍應知我哋散叫，冇叫海鮮，佢哋啲態度馬上360度轉，馬上黑面，之後全程都黑面完全唔理我哋，叫又唔理，扮望唔到我哋，碟碟都出現問題，除咗碟雞正常少少，擺到明玩嘢，最過份係埋單嗰陣時唔收信用卡。我勸有緣睇到我食評嘅朋友千萬唔好去呢間餐廳，總結就係服務九流，垃圾食物，仲要價錢唔係特別平，地下仲要好多跳蝨搞到我要噴蚊怕水! 難怪咁多香港人北上消費，下個長假期我哋都諗住返大陸玩，原因系香港太多呢d垃圾餐廳，迫我地走。

第一次喺OR寫評價，實在係因為估唔到呢間海鮮檔咁低分經過覺得個景幾好貼住海邊，就決定試試。入去睇到有套餐，問咗下，店員會同客人強調係凍嘢，所以最後我地決定單點幾個，貴少少就貴少少。菜品都幾ok，價錢同其他海鮮檔比都算實惠。我地特別like個海膽炒飯，真係唔錯。有好大個海鮮檔可以自己揀噶，覺得菜牌上面唔啱可以自己去叫人稱。明碼實價，加收同茶位都有清楚寫明，唔會話字細到你睇唔清噶。我地都有試試另外評分ok噶店，不過就emmm，見仁見智咯~反正我係by呢間啦。會再幫襯。

入去長洲玩咗幾日，試過其他幾間大排檔，好一般。走之前來咗呢間海龍王，一開始都冇睇評分，行到海邊覺得景色幾好，就想試試，而且呢間有成個海鮮檔擺出來俾你睇住揀。店入面有套餐，睇來睇去最後都係單點咗幾個。價錢都幾ok（節假日加收就一定咖啦），食材都算新鮮，味道唔錯。特別個海膽炒飯！出乎意料噶好食，強推！聽老細話最近主推呢個，大家可以試下~食完打開個評分，呃唔至於，睇來評分都唔可以盡信，估唔到隨便揀一間覺得ok評分竟然咁低。我認真睇咗下，話覺得貴態度唔好，但係我覺得還好啊，有問題都會幾好態度咁幫我地解決，菜品望落去同食落去都幾好，好奇怪點解體驗會同評語差咁多。下次入長洲會再來食。

飯菜算唔得好味。餐廳玩文字遊戲，寫的+48蚊送東西唔同你講清楚，你睇到餐單以為落單就有時蔬，加48蚊附送海參和羹湯；其實是你加48蚊才送羹湯和時蔬。最噁心的是從羹裏吃到兩隻大肥蟲，真喺好反胃。。。衛生差到這程度。老闆都態度極差，追責講免單都講唔明，囂張到話喚阿sir來都無懼，就差指著鼻子罵食客。總之就係好差！唔要來！

套餐叫左3餸，椒鹽泥鯭，清蒸海上鮮，豉椒聖子，佢夠膽死清蒸7條泥鯭比我。327蚊食左7條炸泥鯭同幾粒聖子仔2碗飯，菜送ge。服務，冇！人手不足，收銀見我地2個人幫襯得少找錢果陣dump錢比我。衛生，差！坐位上3大個鞋印！我地自己抹乾淨環境，差！枱矮櫈高卡位味道，差！套餐全部死海鮮！清蒸死泥鯭好腥！我地一啖都冇食過。依間餐廳係我未見過咁差，快d汁左佢la。抵食？絕對唔抵食，因為太難食我係唔明依間野點解生存到影衰長洲ar我地好快手食完就繼續掃街，

喺長洲玩左成日係時候搵食, 無特別揀邊間, 就坐低左近碼頭既 "海龍王海鮮大排檔"!叫左個套餐, 份量唔多🥢紅燒班腩-火腩多過班腩, 比較油, 味道正常!🥢京都肉排-比較酸, 肉質腍, 但無哂肉質感🥢椒鹽魷魚-非常碎, 全部一粒粒, 好似食剩啲頭頭尾尾咁🥢油菜-正正常常, 成棵咁上🥢白飯-完全係難食, 一粒粒咁, 又乾又無米香成餐飯真係唔得, 一定唔會再幫襯!地址 : 海龍王海鮮大排檔長洲熟食市場向海16號檔位評分 : 2/10

奉勸各位警惕這家餐廳，不僅菜難吃、要價高，而且還辱罵顧客。1. 食物質素差點了蟶子、辣酒花螺、蒸扇貝、椒鹽瀨尿蝦、海蝦五個菜兩碗飯，中途加了一道蒸魚。其中蟶子、花螺、蒸魚三道勉強達到家常菜水準，其他瀨尿蝦和扇貝肉質乾癟，海蝦皮不脆，米飯所用的米很差。結帳時接近900塊，而且菜碼小，我們四個人點了這些感覺吃不飽，也不打算再叫了。2. 服務態度惡劣，辱罵顧客蒸魚我們催了三四次，每次都說還有十分鐘，這樣過去了三四十分鐘。我們吃完了其他所有飯菜，又聊了一會，還沒有上蒸魚。我老公就叫買單取消蒸魚，結果一個年紀大的光頭就罵我老公「衰仔」說就算叫警察來也不會取消，讓我們小心離不開長洲。就是這個光頭每次都告訴我們還有十分鐘。席間至少有兩次，我們的茶壺沒有水了，這個光頭拿走茶壺就不給我們再上茶，要我們三番五次提醒才會再上茶。菜難吃坑錢就算我自己選飯店看走眼，但是罵我老公就不行。

(1) 服務態度非常差。首先問佢收咩payment，條四眼佬答「收錢咯唔係收咩啊？」。無奈坐低咗又係太太生日，我本住多一事不如少一事嘅心態，算。(2) 檯上有花生，我哋提出「唔好意思，唔要喇」，侍應講話：「包埋嘅」，即係硬食無得唔要。同上，費事掃興，所以都係忍。(3) 叫咗二餸餐：叫咗炒蜆同扇貝。結果攞咗一碟炒蜆殻（當中送咗十粒蜆肉），同一碟有四隻殻，同加埋唔知有冇一隻帶子份量嘅「扇貝」埋嚟。送嘅時菜重配送菜頭，好有驚喜。(4) 埋單發現照單加咗28蚊（兩個人嘅茶錢各10蚊，同埋8蚊阿哥仔話包埋嘅花生）。阿哥結論話：「一坐低就$28架啦，送碟菜比你都喺返到啦！」(5) 整體來講，可以比負分嘅話，我會比負5粒星。

重來都未試過寫食評，但係今次忍唔住要搵地方發洩一下。呢餐飯真係食到一肚火。首先入到去 d侍應會俾一本餐簿同一張2人、4人同6人既套餐字俾你 之後仲會有張自選海鮮餐俾你選擇中伏既開始就係你會不其然咁選擇左自選海鮮因為你唔會諗到菜名各樣都正正常常，雖然佢會同你講d海鮮係冰鮮 但係你唔會諗到仲衰過食百佳個d急凍蝦、所有野都係又梅又腥 乜鬼野長洲炒飯 =提子乾加三文魚、蒜蓉粉絲蝦d蝦臭既、個晚食食下地下仲有隻大老鼠係腳邊經過行左去魚池個邊。終之冇嘢食都唔會選擇食佢 寧願坐船出返香港呢邊食好過。請勿再幫襯！！

難得同屋企人入長洲，諗住食海鮮又費事睇OpenRice，見佢係當眼位就入咗去嘩！不得了！每樣餸都好有驚喜😂✨👏🏼喪甜咖啡走咖啡味橡根扇貝柴魚cosplay鰻魚咖哩味京都骨腥味「海膽」炒飯海魚變身三文魚苦味老生菜😂好欣賞佢呀 啲餸為我哋餐飯帶來好多樂趣真係咁多碟餸無一碟係ok嘅知唔知幾難做到😂😂😂仲要等餸等咗半個鐘，叫個樣無個樣，叫你入去坐個陣就講到好抵送乜送乜，坐落就好似失憶咁乜鬼都無👏🏼

從來未食過咁難食嘅海鮮餐！難得入到長洲，梗係飲飲食食，打算食餐海鮮餐作為旅程嘅完美句號！行過海傍見到呢間野，感覺有少少派頭，點知就中伏了！所謂嘅海鮮唔新鮮不特只，仲要煮得超難食！平民小店都比佢出色十倍百倍。。。蒸蝦d蝦肉梅的，炒蜆炒蟹超鹹！小菜方面，咕嚕肉無味，西蘭花炒帶子d西蘭花應該係隔夜剩的，有酸宿味！就連簡單送嘅一碟油菜都可以炒到淡而無味！奉勸「海龍王」執咗佢啦。。。嚴重影響長洲美食聲譽！垃圾中的垃圾！

第一次寫食評，因為真係太難食忍唔住要寫😣見到多人食就入去叫咗個四人餐再加豉椒蟶子和長洲炒飯。芝士焗龍蝦水汪汪無芝士味👎🏻👎🏻👎🏻👎🏻👎🏻豉椒蟶子係散叫唔係餐都一樣係難食，又靭又淡而無味 👎🏻👎🏻👎🏻👎🏻椒鹽海蝦啲肉係霉既 👎🏻👎🏻👎🏻送既魚民海鮮湯入面的海鮮都係霉霉哋，一啲都唔鮮👎🏻👎🏻👎🏻蒸魚、炒菜、炒蜆、炒飯都係難食👎🏻👎🏻總括嚟講，所有”海鮮”都似係白烚再加汁。真係好難講得出有幾難食！