海龍王海鮮大排檔

营业中

休息中

垃圾服務 大排檔扮旣 茶位14元一個人 全數加一完全無服務 不知所謂 無味 薑蔥炒蟹 190元一斤細細隻三點蟹。 超中伏。未食過咁難食既姜䓤蟹。竟然有洋葱。仲要成碟野係冇味。最差係嗰類似老細的人 叫我自己睇餐牌 超不愉快經驗

今天懐著好心情入長洲消費，結果一肚氣回家原因如下：突然想吃龍蝦伊麵，行了一會只有這間店提供龍蝦便坐下來品嚐。中伏，吃完才看OpenRice, 真後悔，叫了一個龍蝦套餐$398.- 加伊面底$50.-啤酒一枝，汽水一罐，龍蝦像一碟咸漿水，象拔蚌似食豬肚，炸生蠔粉漿太厚，西蘭花一棵分三份上，真是不知所謂非常難食，埋單重要$570.- （要加一，加茶錢和雜項），而且服務員找錢態度非常無禮，請各兄弟姊妹不要幫襯，😡😡😡

蒸鮑魚唔夠熱，蟶子唔入味有沙，炒魷魚太咸，蝦當然唔會新鮮，不斷Sale係冰鮮蝦，叫我轉新鮮蝦，果然係霉嘅。海鮮檔居然最好食係生菜。成個檔二十幾張，得兩枱人。千祈咪幫襯，劣劣劣。

叫左幾樣餸其中蒸扇貝 同象拔蚌 上菜時係暖暖地 唔熱 完全唔熟 同佢講唔熟 佢叫你放番上碟 佢再去蒸熱俾你🙄🙄芝士龍蝦伊麵 成碟水咁樣 完全食唔出有芝士 唯一好食係碟豆苗 其他簡直係垃圾服務態度差 好擔心會食到肚柯 唔會再去食

試咗幾间套餐。走到呢間散叫嘅試下,心諗点都好啲啩,即埸啲魚江度選咗啲海鮮比佢哋煮。 出來嘅作品普通, 最大愯幾舊水同佢買隻大羔蚧,買咗原本我要蒸,佢哋話唔得?点解?換蚧?不過老婆話不如避風塘口味,咁算啦。。结果出到嚟隻蚧炸到連羔都好似石頭咁,忍唔住投訢,個老闆定侍應只答話下次會煮好啲就行開避咗我。

叫咗呢到5個餸，一杯梅酒，二個椰青，要千一蚊。劏我唔緊要，唔好比啲垃圾我食，仲要食到肚柯又唔老實，啲斤啲價問多你兩三次，你自己都唔多記得，原本專登入嚟食海鮮，但啲海鮮真係一啲都唔鮮囉，好彩我地食完即刻返咗渡假屋，唔係急住搵廁所都幾慘，個椒鹽鮮魷仲薄過超薄護舒寶，世界級難食

點解叫海鮮酒家？芝士龍蝦似槳粉水加龍蝦頭尾，一啲鮮味都嚐不到，象拔蚌似朱脷，告知是雪藏的，雪藏也不應該做得這麼差，蒸魚過熟，但已經是唯一可打5分的（10分才合格），（灼青菜好多汁，要清洗才可吃得下咽，咖喱條似柴皮。最好是籃妹啤酒，夠凍，最主要是因為不需加工。真是難得一嚐的奇怪海鮮，使人對今日的行程多了一分可惜，下次都糸唔好再試。如果可以比負分，一定很高分。海鮮應該很有鮮味，不需很多加工也可以煮得很好味，真是耐人尋味！

一心高高興，帶著妻兒子女，媽媽及外母到長洲一遊。有過去南丫島吃海鮮的經驗，心想去到長洲，吃鮮應該都不會差到哪裡。坐底看到豪華的餐牌，地方也不錯，心唸自己人不如食好D，於是叫了一個4人$598「超豪套餐」。有魚，龍蝦，蟹，象拔蚌。侍應説套餐關係，每樣只是「例牌」，不是魚缸內那些。我當然明白「例牌」即是每碟都不會很多，唔通仲有成隻龍蝦咩，便不以為意。誰料第一味上的，是：「咸到阿媽都唔認得三文魚頭」。第二碟以為係鴨舌的東西居然是象拔蚌，第三碟便是今餐之最，我形容為「殘肢腐臭龍蝦伴超濃醬汁」，OMG,冇一件食得！第四碟係「椒鹽殘肢蟹」，走蟹身及蟹蚶，都算啦。之後好彩有都條食得吓的䱽魚和一碟平平無奇的生菜上枱，唔係實餓死。最後嚟埋碗「飲完一啖就唔會再飲豆腐海鮮湯」。無端我們一行四大二細就做咗「大嘥鬼」。仲搞到冇晒心機，即刻離開長洲，可謂一世難忘！我唸我有排都唔會再去長洲。

國內親戚來港，帶他們到長洲看看，順道說吃個海鮮餐做午餐，怎料嚴重「中伏」。扇貝細小而因蒸久的關係，有點「老」，同桌的阿姨不禁說，自己煮的還要比較好吃。魚第一次上菜未熟，再翻蒸回來，還是未熟！而其他部位已開始變老變鞋口。龍蝦伊麵完全不能上碟，龍蝦淡而無味，麵底卻鹹得難以下咽。整碟味道都非常腥，而且有沙！完全不能入口。炒菜是最好吃的一味，很多就全清。味道正常，但還是帶點腥味。味道ok，但太細小，問店員為何其他桌的較大，他說是因為其他人是磅購，我們這個沒說明就上了例牌（咁你一早又唔講？？？）炒蟹是較好吃的一味，也算是啖啖肉。這一頓更要$17xx！實在很氣憤，食物其實應為負分，太難吃了，不會再去，更會警告朋友不要光顧。

（1）第一次寫食評，憤怒仍在，但求不會更多人中伏。（2）叫四人餐，五個人吃，因多個人吃要另加$20,我ok, 大排檔要收加一，每位又$10茶錢，我都ok, 但食物質素是嚇死人（3）炒象拔蚌，象拔蚌像內臟一樣，伴菜超難食，賣相差到極點(4）海魚是超迷你黃立倉，肉鞋，老（5）炒蟹是用超多椒辣掩飾不新鮮味道。（6）龍蝦只是俾手腳，都無問題，但成個糊狀。（7）個海鮮湯都不好飲（8）服務態度差（9）白飯算正常，無沙無生米（10）杯茶算正常，起碼無異味（11）千萬不要幫襯，一次都唔好試（12）今日本來開開心心來長洲玩，幫襯呢間“black店"令我家掃興。（13）好後悔無先看open rice， 睇番留言，十年前已有人寫呢間是“black“店,自己都有責任，抵死。(13) 不是要求平靚正，又要分量多，就算是分量少少，但有兩三款味道正常便可以，過得人過得自己。

請外母大人食飯，一共4人行累了，肚餓就忘記先查點評，自己送上門被人劏！既然請外母，就點咗1斤半椒鹽瀨尿蝦（一食就覺得中招，肉質唔結實，肉又少），粉絲蒸聖子（根本就無聖子味，一大推粉絲與蒜蓉），泥鯭粥（就係生菜粥，假如唔係見到有魚，根本就唔知道係魚粥），XO醬墨魚（好似食膠），其它就不值得提了。埋單一共港幣1200。 心想，各人會體諒我被人劏咗，食得唔好也唔好意思提。臨走見到一波一波國內同胞坐低點菜，真不忍心這些遊客準備被劏，唔怪得這個大排檔重可以生存

有生之年食過最差嘅一餐飯入長洲諗住寫海鮮，抱住阿仔無時間睇 ope nrice, 點知就中伏。見間野都有啲人食，諗住差極有個譜，價錢亦合理，就坐底左，叫左四個餸，介紹如下：1. 芝士焗龍蝦伊面底一上台知瀨野，一鑊粥咁，得兩舊有肉，其餘都係頭頭尾尾腳鉗，要用夾夾開先食到，有啲肉仲要係霉，不敢想像是怎樣拼出來的2. 蒜蓉粉絲蒸本地扇貝 六粒扇貝，細粒到五毫子咁，無豉油無味，粉絲仲要係未熟硬嘅，叫佢蒸過，蒸出嚟粉絲係熟，但完全無味，無胃口食3. 白飯魚煎蛋 較為正常，但加左大量薑絲，唔知係咪要遮住啲唔新鮮嘅味4. 蒜蓉炒西蘭花西蘭花唔夠霖，無味埋單 $574，一肚氣，去食碗魚旦粉或掃街好過。

同女友黎到長洲諗著食下海鮮，可能因平日無咩食店開無咩選擇，行過見呢間都有啲二人餐198或248，見唔算好貴OK，又咁岩落大雨，就隨便入左去。一坐低侍應拿餐牌過黎，打開見到全部價錢同出面banner相差甚遠，小炒一碟豉椒炒蜆90幾蚊，問侍應係咪有2人餐，佢已經態度轉變，同我地話有啊自己行出去出面睇自己影相睇，心諗落著大雨點樣睇，感覺已經有伏，好似入左間黑店俾人任鋸。精明消費者，見咁伏已經想走，但最後硬頭皮帶傘行出去睇所謂二人套餐，真狼狽，點左個248二人餐。套餐包括豉椒炒蜆、蒜蓉炒菜、牛油焗大蝦、鹽燒三文魚頭。聽個名以為好好食，食物一嚟到，伏味更濃。豉椒炒蜆同碟菜嘅賣相同味道都算OK；而牛油焗大蝦嘅賣相麻麻，就咁黃色一Pat野，感覺超頹，食第一啖已經覺得好油好漏，唔想再食；三文魚頭都幾脆口，但係感覺好似係廚房一批整定左好耐，唔係新鮮即製。食物味道中規中舉，我地無叫飯同其他野，埋單268，因為10蚊一個茶錢，呢個食物質素完全俾我感覺唔到係值呢個價錢。返到渡假屋果晚連痾左4次，第朝個肚仲脹著未平復。整體服務態度極差，食物唔衛生，極伏劏客店，此店適合喜愛挑戰者。

隨便入一間食, 因要趕船回中環。芝士龍蝦E麵, 完全不是芝士汁, 只是生粉加油混出來的芡汁, 個E麵又腍,排上了恐怖的芡汁令人難以下嚥, 個龍蝦又有強烈雪藏味, 肉少又乾身,可怕程度是一生中吃過最難吃的。豉椒炒蜆, 蜆細細隻唔多肉又少, 比較鹹,個汁又是很多糊仔膠, 超嘔心的,想食伴碟的青椒洋蔥,但是九成生根本未炒熟。咕嚕肉是額外加的, D肉超肥, 一咬下就必曬肥豬油, 個外層粉漿又軟爬爬的,個汁味道正常,低真的好油又黏黏似膠水, 吃一塊滿嘴是油,要用碟邊刮走醬汁。個煎三文魚係唔新鮮, 肉乾如封存了十年的魚肉,仲有魚肉醃詔但個味是甜的, 仲要淋上豉油, 怪味乾柴魚是也。菜是唯一正常, 加了點煎清沙,不過吃不出蒜味同好油下。此店生存到, 都是騙沒有看食評的外來客,MENU是連店名也不敢寫上,就知是店了!是一出碼頭右手邊,近街市附近的一間!!!!!!!!!!!!!我好不容易才在OPENRICE找到它出來。過質素卻每人吃了$250元左右, 一肚子氣。

難食！芝仕龍蝦無芝仕味！叫蒜蓉通菜來白灼生菜！收錢供336 , 埋單收409，問佢，佢話加一服務費，另外仲有茶位費，之後是旦up左個乜乜費17! 螺肉硬有沙！建議別去！