深仔記

营业中

休息中

午飯時間，第一次跟同事去食深仔記，茶餐廳都要排長龍......入到去果然有好多人，比較逼。選擇都幾多，除左午市套餐，仲有其他嘢食，不過就唔包餐飲～望望下，見到有個羊腩煲午飯，當然貴過支竹火腩煲飯，仲要唔包嘢飲啦～不過想試一下。羊腩煲午飯黎ge時候，有羊腩煲，白飯，醬，仲有一碗湯！？好似平時食撈麵會比果碗湯，其實係點食ga？定係飲ge？ 我地無一個人識🤣就當係飲ga啦⋯⋯講返個羊腩煲，好夠味，亦有肉有皮，有少少骨，其實唔點醬都好夠味，點左就更加惹味

之前一直都係食油麻地嗰間分店，油麻地一直都係食雲吞麵，觀塘店好似多好多嘢食，但由於深仔記一直比我印象都係食雲吞麵，所以之前去觀塘都係試咗雲吞麵，覺得一般般，所以之後都冇點再去。今日星期六好多人，本來同朋友想去飲茶，經過深仔記因為懶得行所以入咗去。叫咗個魚片炒河同一個咖喱炸豬扒飯，有驚喜😀咖喱普普通痛，不過個豬扒炸得好好，冇雪味，軟硬適中，炸粉又唔會好厚，脆卜卜！炒河係濕炒，有鑊氣，啲粉又唔會好林啊，整體都好好

今日午餐喺呢度叫咗個常餐，鮑片火腿通粉，跟餐有豬仔包同炒蛋，加杯熱啡盛惠$42。鮑片同火腿絲份量都多，又鮮味，個通粉唔會煮到好淋，仲有彈性。豬仔包覺得稍為乾身咗啲，但都OK嘅，配埋杯香濃咖啡,飲落去都幾幼滑，滿足嘅一餐。

佢哋個午餐真係 堅夠快呢度啲service真係夠曬地道都係茶餐廳熟客嗰種關係好多好有趣嘅叔叔喺度同啲姐姐吹水我已經叫咗佢勁少飯但係都係好多飯咁樣可能啲叔叔真係食好多飯真係食唔曬不過佢個鴛鴦真係堅好味love it so much好滑佢個焗飯好食好多不過要成下晝先至有得食咁普通人喺觀塘 通常都食午餐兩點鐘先有得食咁咪好多人冇得試葡國雞飯唔係唔好食都唔夠熱都唔係好夠味真係份量好夠大勁多雞總括嚟講唔夠兩點我唔會再返去食

行完街同朋友想搵個地方食下午茶 就見到呢間深仔記 見有卡位👍🏻👍🏻 佢哋下午茶去到6:00 我就點了一個流心芝士西多士 朋友就點了特厚花生醬西多士 另一朋友就點了雞扒炒公仔麵 我們點了三杯餐飲 凍檸賓 凍金桔 凍檸茶 大家都強調了小冰 強調了幾次 首先炒公仔麵來了 不過不失沒什麼特別 之後流心西多士也來了 一點也沒有流心 西多亦不鬆脆 同食緊芝士麵包差唔多🙄 特厚花生醬西多士賣相不錯 比起流心芝士鬆軟 還好最令人生氣的是強調小冰的飲品 叫了店員給我一個空杯 我把多出來的冰放進去 竟然可以放滿一杯 這樣是小冰嗎？ 餐飲要加$8 店員下單時沒有提醒 這樣的服務態度很差 不會再來😡

平時住得近都食開深仔記，今次試左呢個快餐辣味雞球飯，好好食！！佢啲雞既份量好足，而且夠滑！入面仲有大蔥頭同洋葱，洋葱份量唔算好多。我好中意佢呢個辣度，唔會冇辣味亦唔係辣到遮哂其他味。汁撈飯都好正，份量又足夠。總之呢碟野 正！

唔想成日吽喺將軍澳，星期日專程出去觀塘食晏。APM 商場內的餐廳絕大部份都是連鎖集團，有點沉悶，決定到地面走走，看看有什麼新餐廳。走到街上無意中見到「深仔記」，餐廳位置並不理想，很容易被忽略；不過貼在門口的某報章全版飲食專欄卻吸引了筆者目光，「深仔記」原來曾經被該份報章選為全港十大最受歡迎的雲吞麵店之一，與「麥奀記」、「何洪記」等名店睇齊。細看專稿內容，原來發稿於2011年，當年「何洪記」仍然是霎東街地舖老店、「麥奀記」尚未大規模擴充；規模細就容易保證質素，兩間雲吞麵老店仍然真正匹配名店的高質素 ⋯⋯ 無論如何，在香港芸芸雲吞麵店之中，「深仔記」可以上榜，質素應該有返咁上下?!原來「深仔記」也有幾間分店，分佈九龍新界各區，但始創的油麻地店已經結業。觀塘分店的裝修並非一般港式粥粉麵店，更似一間港式茶餐廳。再看餐牌，原來除了雲吞牛腩粉麵之外，還有多款港式炒粉麵飯、簡單小菜、三文治 / 多士等，根本更似是一間茶餐廳。午市港式粉麵飯套餐（$48, 凍飲加 $6）非常抵食，第一款揀了豉椒斑腩炒河。與其他港式茶餐廳一樣，夠大碟、份量多，絕對足夠一般打工仔的午餐胃口。當然，同時也秉承了港式茶餐廳的弊

尋日叫左常餐$42沙嗲牛米 ，炒蛋轉太陽蛋（本人平時食開其他茶記早餐常餐都係咁叫，都冇事既），落完單隔左陣我睇到張單寫$47，因為佢寫太陽蛋加$5，我唔知佢聽錯落錯單定點，所以想叫侍應改，跟住個男侍應話"冇得轉太陽蛋架，只可以加，我話"咁你同我取消佢，我唔加太陽蛋，你餐牌都冇咁樣寫"，佢話"唔好啦，落左單取消唔到，一係你搵返落單果個幫你"。........下？咁都得？落錯單唔改得？有冇搞錯呀！如果你個炒蛋冇得轉既，落單咪直接同我講唔轉得囉！又或者，你以為我要加餸，咁你都同我聲要加錢丫，仲要唔係加$2$3，係加$5 ！！個餐牌又冇寫唔俾轉／加餸要加$5，咁樣屈左我$5食多一隻蛋，真係好過去搶！真係離晒譜，以後唔會再幫襯！

Interestingly, most of my food reviews are about supper.This restaurant offered a huge variety of food. I was sadly working over time (like most sad Hong Kong people) and got hungry in the middle of the night. At 0:00, what could I find at Kwun Tong?! Wandering around and I found this restaurant.It was quite full and the prices were affordable. Then I went in and had "Spam and egg on rice" with hot milk tea. Even something I could cook, this could not be too bad. Came with a surprise, it was ver

夜晚要開會，老細就請食tea。有同事提議試下深仔記，因為近公司+大家都未試過，可以試下新野。外賣都算準時，同我地要求既時間相約我只左一份雙拼三文治(咸牛肉+餐肉)，加一杯凍朱古力。一打開個袋，份三文治細得令人驚訝我安慰自己唔梗要啦，可能餡多呢～再睇真d，唔係掛餐肉又薄又細塊，咸牛肉更加矜貴，假假地我都另外加左2蚊轉咸牛肉，但先得少少沾係麵包邊麵包乾爭爭硬梆梆咁…仲要見到5隻手指印原來27蚊既三文治係呢個質素…我落7仔買都好食過佢凍朱應該冇加奶/加左好少奶去沖，似落好水下次都係叫返其他茶記算…

未到繁忙時間有卡位坐，不過冷氣好勁～叫左個馳名雲呑麵同咸肉糉。雲呑勁足料，咬開無乜豬肉，全部都係蝦！唔知係大蝦切開幾粒定真係有3隻原蝦，總之幾粒雲呑食落都只係覺得有蝦無豬肉～依家好少茶記有糉食，貪得意叫左隻，正常size都足料嘅，唔知粥舖幾錢，呢度就$22。

趕時間食茶記就最好！坐低一陣剛好到下午茶時間，叫左個揚州炒飯同星洲炒米，連埋熱飲$35/餐。估唔到下午茶餐碟頭同午餐無分別！放到埋黎嗰陣仲出緊煙，堅係即叫即炒，仲好足料添！味道都好夠，星米夠晒香辣～

雲吞麵$32牛柏葉麵$41雙拼加$9叫一碗雲吞牛柏葉麵，收左我$50。落單待應淨係話雙拼加$9，冇講係用貴果碗價錢加$9。問另一個待應點解咁收法，佢話好多麵店都係咁收費😒😒😒嬲得濟冇影到張單！Anyway大家小心陷阱！我唔會再幫襯

大約1年前嚟過，當時食牛腩麵有種驚為天人感覺，湯底清甜牛腩嫩口，感覺超正！到咗今日再去食，覺得成間格局係主打餐廳。叫咗腩肚麵，唔知係咪多咗牛肚所以湯底味道唔同咗，無清甜感覺。牛腩牛肚都係一般，無乜特別。麵有鹼水味，上次食無嘅。其他食物就唔知好唔好。總括，disappointed。

有朋友附近工作成日要叫外賣，話無乜選擇所以幫襯呢間，同我講話質素都可以ge，咁我行過就黎試下。門口勁大個字寫雲吞專門店，咁我梗係對佢嘅雲吞有期望啦，一坐低服務員催左我三次落單，大佬你俾返1分鐘嚟睇餐牌好喎。叫咗碗雲吞牛腩粗面下午茶跟嘢飲。粗面有濃郁梘水味，適合喜歡梘水味人士。湯底方面有足夠嘅油份，適合需要補充油同埋膽固醇嘅人士。叫左牛腩但店方很有誠意，跟機俾埋牛根，牛腩細細舊最啱咀仔細細嘅女生，牛根無乜味，絕對唔會過喊，適合健康人士。雲吞唔錯啊，有足料味精確保唔會淡而無味，值得一讚👍🏻👍🏻👍🏻有咁多優點都係收我44蚊咋，好抵啊！