深味餃子 (已結業)

🐻葵芳糧食🐻今次叫左10隻雙拼煎餃子，分別係香芹豬肉餃子、芫茜豬肉餃子各5隻。如果叫湯餃就會配埋湯，有三款：肉碎湯、柴魚清湯及鮮美魚湯。🥬香芹豬肉餃子香芹好足料，肉同芹菜比例剛剛好，唔會搶左大家既味道，加上芹菜清爽既口感，就算煎餃都唔會覺得好油膩。🥟芫茜豬肉餃子芫茜控既福音！芫茜份量勁多，又香又好味！係正嫁！煎埋仲香口！🐻小評語：位置方便，鄰近葵涌廣場，外賣店，沒有堂食。但真係皮薄餡靚，每隻都爆曬餡，大滿足！煎餃仲好香好脆，良心之選！📍 深味餃子 (葵芳)葵芳盛芳街17-19號京寶大廈地下B1A號舖味道😋:🌕🌕🌕🌕🌗性價比💰:💵💵💵💵回訪度🤤:😍😍😍😍😍

呢排天氣係咁落雨，時凍時熱，搞到個人好容易病。冇乜胃口嘅情況下食粥就最好，呢度嘅粥有好多選擇，裝修有光猛企理。但係有一次叫咗炒米粉，我覺得佢好多油，如果可以減少落少啲油就好。但總括嚟講都會推介呢間餐廳，性價比高粥嘅選擇好多。👏

終於搵到新店地址啦！之前見到荃灣舖無做好失落⋯等左好耐，今日見到響葵芳開番！好感動！皮好薄但係彈，餡料非常足，每一隻都食到好滿足，仲有特調辣椒醬，真係無得頂！！

佢以前係荃灣開店，我同老婆個個星期食，係我同老婆認為全港最好食的餃子店。韭菜豬肉餃-百吃不厭；黑松露芝士豬肉餃-一試停不了；這兩味道是我每次都會叫來食的。湯餃有湯餃正；煎餃有煎餃妙。 之後有一段時間佢地突然休業，我好是失望！ 休業期間我對佢地的餃子🥟念念不忘。9個月後我由佢哋社交平台page聽聞佢係葵芳開番。我同老婆開張第一日去食（依家只做外賣），水餃依舊非常好食！水餃皮薄，餡靚，非常好食！ 相隔9個月後試番佢哋的手勢，好味依然。佢番黎啦！ 真心推介比食客去試。 推推推推推推推介！❤️💪🏻😆

皮薄涵靚既餃子！以前響荃灣成日食，終於等到重開🥹🥹🥹上年知道結業真係好傷心，周不時都會睇下佢個社交平台睇下開番未🥹雖然依家店舖好細無得堂食，有啲可惜，不過唔緊要最緊要有得食🎉🎉必食韭菜豬肉餃同黑松露豬肉煎餃，黑松露豬肉餃煎到卜卜脆😍😍😍再買埋生餃番屋企再食☺️☺️☺️真係好好食 百食不厭 😍希望可以有埋素菜餃子咁就最好！同埋希望湯底可以出豬骨湯底，始終覺得豬骨湯底同餃子係最夾！