淳•生活咖啡館

营业中

休息中

呢間位於尖沙咀嘅樓上cafe崇尚自然門口位有賣天然產品仲有啲擺切🎍入面比人感覺可以慢活係窗口望住大樹🌴同地面嘅繁忙街道形成鮮明對比.🌟帶子野菌意粉 帶子大大粒好有鮮味野菌份量多意粉好creamy保留al dente口感👍🏻.🌟龍蝦汁大蝦意大利飯呢碟係店員介紹湯汁較多好似湯飯咁😆但好濃龍蝦味飯爽晒湯汁好香🤩不過材料比較少🙈有幾粒蝦肉同蘑菇.🌟士多啤梨奶昔奶昔比較甜有少少士多啤梨肉粒整體似普通士多啤梨奶冇特別🙈性價比較低.📍 淳•生活咖啡館 (尖沙咀)尖沙咀彌敦道176號4樓淳•生活咖啡館

我地兩個人叫左2兩個set （三文魚配薯條同漢堡包薯條）另外叫了兩杯咖啡（Honey latte同mocha latte)咖啡ok, 食物一般。 這處好適合與朋友傾計食飯，清靜同環境唔錯。

已經好少寫食評，但係聖誕節跟著跟著tvb推薦來，結果十分失望， cold brew整杯都係冰，已經覺得好奇怪，比茶餐廳咖啡更加難飲，十足我平時在家失敗了的手沖咖啡，Irish coffee只有酒味完全飲唔到咖啡味😱😱😱青口配多士用嘉頓方包都唔講，青口的數量在5-8隻左右，收168，我留意到，所有order左嘎人見到實物的一瞬間都非常驚訝我不予置評，環境幾好，但係食物絕對對唔住價錢。一坐低已經講定只可以坐1.5個鐘，我地粗略計算一下，佢青口大概要45-50分鐘先可以上到台比我地食，我覺得好有趣，不過無所謂，因為食物唔係好值得浪費我d胃容量同時間。如果你當搵個地方坐下飲下野唔講質量只想打下卡。不過對於我來講，聖誕貴唔緊要但係咁的質量有d掃興。

耶～ 終於嚟到呢度打卡啦🥰左然😍 夏彥 😝 陸景和 ☺️ 莫弈期待周邊到手🥰再開箱除左有#未定事件簿 嘅打卡位置咖啡廳嘅食物質素都好高喔😋出面有啲商品可以選購有我最愛嘅All Day Breakfast 🥰

我好似飛咗去紐西蘭郊區度飲紅酒食鮮海鮮意粉呀，因為呢度窗外望到嘅綠油油景真係好寫意。全店只有2張2人枱望到這個美景，想坐喺呢度就記得訂枱啦～這是去年11月由香港旅遊發展局x 香港美酒佳餚巡禮之「食勻全世界」 活動，而這間咖啡館有參與，提供了這個午餐優惠，HK$128/人+10%服務費，有4道菜 — 前菜、餐湯、主食和甜品，仲包埋一杯餐飲㗎，抵食又性價比高👍🏻 如果今年再攪，一定會回訪😁主菜海鮮溫泉蛋燴扁意粉 (另+$10)．好多海鮮呀！有青口、大蝦、魷魚和帶子，爽彈口感，味道鮮甜😋．溫泉蛋好OK，一篤穿隻蛋黃就流心，蛋白剛熟營造出晶瑩效果～．扁意粉，份量都幾多，但我覺得煮得偏腍身一啲前菜 — 豆腐沙律．呢度嘅沙律菜是新鮮水耕菜，口感好爽脆，味道清甜，配搭絲滑的豆腐和日式芝麻醬，好開胃、美味*餐飲 — IMPROMPTU PINT NOIR 2019．這杯紅酒盛產於新西蘭中奧塔哥，帶有芬芳的野生百里香和櫻桃的香氣，口感滿有層次感，淡淡的甘草和黑朱古力味，易入口，配忌廉意粉一流👏🏻是日餐湯 — 蘑菇忌廉湯．看得見忌廉湯好足料，每一口都有蘑菇碎粒，滿滿蘑菇味道是日甜品 — 雲呢拿雪糕．奶滑口

到訪一家別緻的樓上cafe.店子裝修簡潔，落地玻璃窗構思着窗外嘅樹影，綠油油的感覺好像一幅畫一樣，感覺寫意。今日想食得輕盈一點，點左黑松露炒旦牛油果牛角包。這牛角包很鬆化，熱乎乎的，炒旦炒得香滑，加上淡淡的松露香，再配上軟滑的牛油果，健康風味又滿足。而岩鹽焦糖咖啡口感幼滑，泡沫幼細又香甜，岩鹽突出焦糖的甜味，沒有太甜膩，不錯。

又到咗教廣東話嘅時間，估唔到呢間咖啡館，就喺正之前意外去過（訂咗位喺樓下嘅雪糕店，但去到冇開）嘅日式餐廳上面。呢間館外嘅通道，亦係有賣小物嘅，訂咗位，職員好好咁安排咗景色最好嘅窗邊位，由4樓一覽彌敦道嘅街景。因為起身未食晏，所以叫咗巴馬火腿松露意大利飯🍖🍄🍚（$120）～通常意大利飯比較飽肚，份量都唔多，隻碟會比較淺，點知嚟到好大碟之餘，隻碟仲好深😆（補充番先，呢喥嘅碟設計都幾靚㗎）～好彩整得超好食，好creamy，又有青檸汁🍋解膩，溫度食到尾仲保持倒熱，值得一讚👍🏻結果我食得哂，而且唔算太飽$88 紐西蘭傳統蛋糕🧁～係比較少見嘅蛋糕，應該係用蛋白粉整脆外皮，入面有少少輕身同鬆化，偏甜嘅，比一般件裝蛋糕一定大，可能等於食兩大件～面頭有啲cream、藍莓🫐、士多啤梨🍓同奇異果🥝～建議大家有起碼有2個人分享先好試我今次冇叫嘢飲，啲水飲哂後，隔一陣，都有職員留意倒，幫我加咗幾次水嘅💧最後大家可以喺OpenRice買定$50嘅85折券，先上去食，每次係可以用2張，慳得就慳嘛😎

2021年 踏入11月，遇上食神！開心！香港旅遊發展局聯同約150家餐廳，推出 Travel by Palate，日期為11月1日 ~ 11月30日，這１檔預訂了14家餐廳，第14站：彌敦道樓上Cafe 淳生活咖啡館138元/位 精選午餐，包括以下的：#豆腐沙律：健康之選，味道比較淡！#黑松露忌廉湯：質感creamy，但黑松露味不突出！#海鮮溫泉蛋燴扁意粉：帶子、蝦、魷魚、青口、溫泉蛋，鹹鮮的組合，好吃！#士多啤梨雪糕：新西蘭直送，yummy！#特濃可可奶：Wine and Dine Menu，包１杯cocktail，我不喝酒，店員讓我在飲料單上選１杯不含酒精飲料；點了特濃可可奶，味道濃郁，質感純厚，非常喜歡！

首先講個環境先落地大玻璃坐卡位嘅話睇住彌敦道嘅景色的確唔錯日頭非常之光猛 夜晚幾有feel門口位置會有啲擺設同埋書籍📚符合生活館個概念不過食物方面做唔好有太大期望 價錢偏貴有一點我都諗唔明 落單拎餐具拎水全部自己搞 係食m記模式 甘點解要收+1服務費 令到成件事天加覺得唔抵食

週日午後樓下cafe要排隊，轉場樓上見呢間景致開揚，主打健康食材，即管試試。店員主動安排我哋坐靠窗位置，一片綠色陽光下望住係幾悠閒，又主動介紹餐廳理念同食材。食物份量唔算多，但食到材料新鮮調味剛好，呢個地段呢個景觀嚟講價錢都算合理。最後店員有問返食物意見，話轉咗主廚，其實整體唔錯。下次唔趕時間會慢慢坐，再慢慢睇啲郵票同舊鈔。

第一次來, 食wine and dine 2021 set lunch, 好好食!有湯, 沙律, 意粉, 甜品, 飲品, 超值!服務要讚! 廚師幫阿媽煮"淋"d意粉, 又煎熟d吞拿魚, 又特登整個蛋白甜品,個蛋白甜品係用水煮, 不是焗, 好滑, 入口即溶!!!同太平館啲梳乎哩唔同.廚師出來同我們聊天, 話細個在"車里哥夫"食過呢個甜品, 大個學廚時學識整.下次會來試招牌紐西蘭批和pavlova.另外,餐廳廁所設於餐廳內, 係殘廁, 好大格, 啱晒阿媽.

難得朋友平日放假特登揾d文青cafe 食下野打下卡，喺婆婆咖啡屋同呢間諗左好耐，最後因book 到窗邊位就食呢間，諗住夠光猛影相靚d, 點知當日落雨，天仲好暗。食物就比我想像中差d, 但以健康野黎講應己算好食….青瓜麵：見一至五先巿得叫weekend 無，又幾得意用青瓜翠肉瓜整麵，所以試左。d麵明明係瓜但又唔易斷，幾得意。但味道清淡同蝦得一隻，試一次就夠了肉批：叫左steak & cheese, 牛肉係有味，成個批不過不失。唔會特別覺得好食或難食野飲：叫左抹茶latte 同可可濃朱古力，估唔到朱古力都會拉花。兩杯野都幾好飲，漕味滑

難得平日同朋友一齊放假，約埋一齊食brunch。揀咗呢間假日比較多人嘅cafe，預早打電話去book定窗邊位置。點咗All day breakfast同埋牛油果芫茜籽法包。All day breakfast附送一杯斐濟果果汁。坐窗邊可以望到窗外一片綠油油樹林景另外單點咗一杯Flat white。原來跟餐加$28有飲品由12:30先開始有，反而早嚟無呢個優惠。All day breakfast好豐富，有煙三文魚、香腸、炒蛋、大啡菇、茄汁豆、蕃茄、沙律菜同牛角包。煙三文魚同香腸都好味，炒蛋夠滑溜但蛋味偏淡。沙律菜好新鮮仲有羽衣甘藍，只加咗沙律醋夠晒健康。牛角包就一般，表面唔脆，內裡又唔鬆軟。落單之後店員先話牛油果芫茜籽法包無法包，只有方包… 因為好想食牛油果，所以照要啦。牛油果份量好多，係一整個牛油果牛油果熟度剛好而且好新鮮，食落超creamy。味道同我自己喺屋企整好相似，只係落鹽同檸檬汁簡單調味面頭加咗芫茜籽同松子令口感更豐富。整體嚟講環境真係唔錯，坐得舒服。食物算係合格，不嬲呢啲all day breakfast，三文治無乜技巧可言，只要材料新鮮就好味，但麵包有進步空間。定價比較進取，

我唔明點解一個餐牌可以有咁多限制…點餐令人覺得唔係幾開心明明有個餐叫all day set 但係要2:30前同6:00之後先可以點，咁又小左個選擇….我地星期六去，又要星期1-5先有 野食配28蚊一杯野食，星期六日要比原價…..其實真係好唔「order friendly」…. 點解星期六日要比多啲錢 ？🙁 成個餐牌好似賣緊廣告咁..唔係幾易睇叫左個all day breakfast $138嘢飲一定要係果汁，佢揀，你冇得揀咩果汁，都幾細杯。個all day breakfast 係okay 三文魚係唔錯。另外叫左紐西蘭批 （雞肉加蘑菇）$68個批好硬，同埋冇咩蘑菇味，雞整到碎晒唔係好有咬口，我覺得唔值呢個價錢…..野飲蜜桃茶 係唔錯重點係..連order都要自己行去櫃檯，點解要收服務費？成餐我地比左269…抵唔抵你自己諗….好既就係環境安靜 唔錯既

因為想去的coffee shop冇位，所以就黎左呢到，因為一心淨係想搵個地方兩三個朋友飲咖啡同傾下計，假日係尖沙咀區搵間唔使排隊既都真係好難坐係窗口位，對住繁忙既彌敦道打開menu，感覺上好健康，有啲飲品係用佢地賣既天然健康品調製既不過我都係飲返我杯flat white算喇因為最低消費係每人$60，所以我地要加多件tiramisu先夠錢咖啡就正正常常冇咩驚喜反而件tiramisu就唔錯喇，有酒香得黎又唔會死甜飲啖咖啡又