添富餐廳

营业中

休息中

疫情關係，呢區小店好多都暫停服務，什至頂手結業。唯獨添富舖仔細細，仍然長做長有。致勝之道就係價格實惠，性價比高港式早餐今年先加到$30，仲要係全餐份量。沙爹牛肉麵肉質嫩滑，但絕無充斥住鬆肉粉味道。沙爹醬香口，個麵爽口彈牙。五香肉丁米線，面質爽口彈牙，外賣都唔會淋晒或者碎濕濕。肉丁香辣又惹味即使個餐包，都係好軟熟，絕對係新鮮貨色環顧同區，呢個價錢食到份早餐，已經絕無僅有。況且仲要高質，真係難能可貴！

Lunch Time 生意勁好，係app叫左個快餐，成大半個鐘先有得拎。沙爹牛麵牛肉多，公仔麵煮得腍左D厚多士唔夠脆，但呢個唔係重點，重點係佢既吉列魚！有成2大塊！仲包埋煎蛋同腸仔。勁多野先$45，好抵食！

上個星期四 超級忙 忙到連午餐都唔得閒食 去到四點幾 就諗住嗱嗱聲講係接亞仔放學前醫肚 所以喺佢學校附近 搵到呢間小店 又撞入去試吓鋪頭細細 坐得都好逼夾 可以選擇嘅種類都唔多 基於好肚餓嘅關係 我覺得食一個下午茶應該好似冇食過嘢咁 所以就叫咗個常餐 當然同行嘅老公都一樣我哋兩個都揀咗沙嗲牛肉公仔麵 牛肉唔會好鹹 啲面質都唔會錄得好琳 幾好食另外老公叫咗個雞扒餐肉炒蛋 雖然個雞扒奄得幾好味 但三樣嘢都好油 個蛋又吵得熟得滯 而且好薄身 其實整體感覺都麻麻地而我就叫咗個吉列豬扒太陽蛋餐肉多士 反而塊豬扒炸完之後又冇太油嗰種感覺 而且炸得外脆內軟配埋沙律醬食 接近滿分 但個雞蛋都係好油 強烈建議煮蛋嗰個師傅可以輕手小小

出餐完全唔跟次序，有好幾枱遲黎嘅人點完餐，已經食緊，我和家人叫咗成30分鐘，唔好講個餐未到，連杯野飲都冇。開業初期見街坊生意就體諒下容忍下，但開業成半年零改進，仲要愈黎愈離譜，唔再幫襯

行過附近食個普通下午茶唔想太貴 就誤打誤撞入左呢間小店好明顯全部熟客見老闆一路傾一路煮講起呢排有咩食材好 邊間入貨 入咩好 乜乜乜咁叫左個茶餐 雙拼麵餐 等左大概5分鐘 先上飲品 茶走其實小店得兩個人 一個係落單上菜既婆婆一個係負責晒茶水煮食既老闆所以真係要啲時間等 如果食快餐碟頭飯 會等短啲時間既吉豬夠大塊 香脆 一條骨蛋 正常 只煎一面 如果要全熟落單時要講了米粉都大碗 有咬口個湯夠味既 唔會話太咸太味精味餐廳都好旺場 有唔少人買外賣做開街方生意

食個早餐，旦手治+ 熱咖啡， 唔多侍應，叫幾聲都唔應。 坐位編排有問題，窄到食一個旦治幾分鐘要起身讓位。熱咖啡食完再等十五分鐘，仲煲緊，等到想外賣再唔得。 找錢隨手丟枱面，極無禮貌！極差！一定唔會再黎。

今日一早行完同老豆行完果欄，襯仲有時間就周圍行下，比我發現左間新開既茶記 門口個呀姨係咁問我講哥哥食飯未，未就入去試下。我見姐姐咁落力都唔好意思唔入去 。 入到去鋪面唔算大 十幾個位一眼望哂，姐姐介紹左我食個牛腩飯 加杯熱奶茶。食完覺得唔錯 唔會勁腍腍到一咬落去就舊肉散哂 杯奶茶 茶味都夠又香！超出我預期！野食算有誠意，宜家係街要飲到杯似樣既奶茶唔係咁易！以後行完果欄有個新地方可以歇下！

呢間係以前紅磡“百景好”老闆重出江湖之作！我一直係佢地嘅早餐捧場客，最鍾意叫佢個“歐陸早餐”，塊扒超大塊，仲有杯奶茶都好香咁足料都只係34蚊，加4蚊仲可以加多個麵，支持街坊良心小店