添福小食 (已結業)

見到近來熱門既小食店，話成日排大隊，咁岩平日黎到深水埗梗係要食下！我望到個餐牌又有港式漢堡包又有炸雞脾又有炸燒賣，真係想叫哂佢可惜我已經食左lunch，只好買個炸燒賣試下等左我諗3分鐘已經有！以為炸定係度？no no no～係新鮮熱辣咖佢真係炸到外脆內軟，再加上佢比左少少鹽，已經勁好食！好邪惡呀都唔知邊個發明炸燒賣～可惡同埋佢十蚊有8大粒！好抵呀！下次我要唔食lunch，過黎食哂佢既港式漢堡包，燒賣魚蛋，炸雞脾先得！

同女朋友做完正經野肚餓當然要補充蛋白質，結果上Openrice 發現有依間快餐店外賣，其實依啲小店見少又少，雞扒包貨真價實， 大大塊雞扒，而且配合埋酸酸甜甜的茄醬，這真是懷舊的味道啊！

2019香港動盪不安的一年，好多人減少消費，應付未來的寒冬。受政治運動影響，有部分食肆可能或將會結業。我最唔希望睇到的就係有質素的食店結業。小店係需要支持的。港式漢堡店，大家都知道「時新」、「丹麥」，坊間其實仲有好多我地去發掘一下添福小食前身係只係一間街邊小食，好多年前已經有漢堡包賣🍔，吸引到我眼球嘅係黑椒漢堡。好多年前我已經試過黑椒牛肉漢堡，當時只係$18今次再嚟到呢度地方，我就試下加埋芝士以前只有雞皮紙袋，宜家靚仔咗大大舊包，唔似M記薄切切舊肉厚厚的，黑椒汁夠濃，好過M記多多聲！👍🏻

呢間小食店不嬲都有食開佢d炸脾！ 佢D 炸脾簡直係世界級! 唔食唔得! 最近就更加係多左一個食佢既理由! 同佢個招牌一樣!夠哂黃~~~要排多一陣食都完全冇問題! 因為佢係即叫即整, 所以D 雞脾都好新鮮滾熱辣, 食個陣仲要小心唔好辣親~~~ 佢仲有D漢堡飽都係即叫即整, 非常之值得試下!!!!!!!!!!!!!!!!!!!!!!!!!!!!!! 款式就唔算話係好多, 但係整得出黎既都係有番咁上下水準~~~ 而家如果放工時間去食就起碼都要排番半個鐘至45分鐘先有得食! 但非常之值得支持!!!!!!!!

本身純粹想支持同路人所以幫襯但係食落有驚喜！我今次食咗雞扒包、魚蛋同埋黑糖鮮奶首先雞扒包塊雞扒好juicy！好食過m記板燒雞腿包$20!!!魚蛋就冇乜特別啦，好難整得唔好食嘅 有少少可惜嘅係我去買嘅時候冇晒咖喱汁所以我係食辣油加豉油。好食嘅不過想試吓佢嘅咖喱汁！黑糖鮮奶好抵飲 佢收得平過出面d鋪頭一半(其他店成日收到$40),冇記錯呢度都係$20而且味道唔差得過出邊😻cp值好高。真心推薦呢間 打算再幫襯我之後想試芋頭牛奶

過馬路，發現這小店出現人龍，才知道原來因為支持年青人而引起風波的小店就在這裡，約了朋友未夠鐘的我，也決定支持一下，與友人有傾有講，排隊時間很快過。價錢實惠，絕對是街坊價錢。點了芝士黑椒漢堡，水準十分高，極有驚喜！對其自家LOGO的包製紙甚有好感。漢堡包的牛肉餅鬆軟、有肉味，加上半溶的芝士，和軟軟的包，黑椒汁又好味，$23，絕對可媲美西餐廳的出品。本來想食炸薯條，但下午四時多已賣完，改點炸燒賣，已加椒鹽的燒賣，好味，也要推介。飲品方面，點了凍朱古力咖啡，連杯也是自家設計，很欣賞，咖啡調得很好，略嫌冰不夠多。想不到在街坊區的小食店之漢堡水準如此高，因為近來的學生事件而另我認識這店，下次到深水埗購物後一定再來幫襯。

因返送中而去撐一撐幫襯下^·^！！住左深水埗十幾年，真心講句，經過但從無留意過，因為平時真係唔覺有人排過隊！！良心小店，價錢合理，但食物質素有待提升想你比心機做好D做落去^_^！雞批要諗下方法令到佢唔好咁乾............芝士黑椒牛個牛肉要諗下方法點樣先整到舊肉唔好咁林啤啤，要令到舊肉有返咬口，咁先係最正嫁麻😎😎😎😎😎😎個黑糖奶真係太甜，雖我都明白黑甜本身就係甜，但要多加留意份量.....加油加油加油

呢日豬太郎嚟到深水埗，特別嚟試下呢間本土小食店 — 添福小食，喺正楓樹街遊樂場對面，烈日當空超過一百名食客排隊！豬太郎都同家姐排咗兩個幾鐘頭，終於買到BigMac同炸章魚燒！（家姐買咗雞排包，豬太郎就唔多講喇！）#BigMac $25即叫即做熱辣辣嘅BigMac分量真係大滿足，港式漢堡，漢堡牛夠厚、肉質嫰腍多汁，加埋少少黑椒同洋蔥粒，口感滿分！夾住新鮮爽脆嘅蕃茄片同生菜，食完真係勁飽肚！#炸章魚燒 $15講到名港式小店又點會係日式章魚燒呢？炸章魚丸一樣熱辣辣，配埋沙律醬，兩三啖就畀豬太郎食晒喇！

位於深水埗同太子中間，雖然無堂食位，但係質素搭救~漢堡等小食都即叫即整，新鮮熱辣，又平又好味又有人情味o既本土小店~值得大家支持今次試左杯焦糖鮮奶~唔會太甜~焦糖又香~性價比高過其他鋪頭黑松露薯條超正!足料，大力推

食到人情味，加上懷舊風情，漢堡包係一流，必食。炸肶脆而不乾，肉汁豐富，好食到。。。感謝你們當天支持市民，站在良知一方，市民也必定支持你。不用怕，不用怕那些盲目撐警的，他們只是社會上一群無良知無思考能力的人，是社會上的少數。加油

以前我係常客！伯伯煮得好好食 牛堡個塊牛煎得好 間鋪長期有個呀叔 唔知係米佢個仔，之後伯伯好似話身體有事就無再開鋪，突然有日開返換左班後生仔 水準唔夠佢地黎 佢地開鋪第一日買返牛堡 d 牛肉入面未熱既 加上好多洋蔥係入面 覺得好想嘔 就掉左 從此就無去幫襯～

幫襯過好多次，現場食同買走都有。食物水準固定，價錢實惠，良心小店 👍🏻👍🏻👍🏻雞肉漢堡同牛肉漢堡都好食，每次都係新鮮整，攞上手熱辣辣，係有溫度有心度之作～

之前星期一去到點知冇開門，非常失望上星期五終於試到！漢堡包幾好食！有心思😋 依家喺香港買少見少。有機會想試埋其他小食，開舖時間長，到凌晨一點。食宵夜一流！店主又友善，有heart ! 值得推介

講到漢堡飽, 永遠只鍾情「港式」- 肉質嫰、有咬口嘅筋肉、肉汁多, 無需太多花巧配菜, “肉”絕對係致勝之處, 鬼佬漢堡乾崢崢真係咪搞我.... 令我開竅嘅係30幾年前 尖沙咀 廣東道 一間快餐店嘅「港式漢堡」, 驚為天人!! 經常特登出 尖沙咀 幫襯佢; 但自佢結束營業之後, 我都“失戀”咗好多年先再發現 紅磡「時新」!「時新」另一出色嘅係特製醬汁, 同港式漢堡好夾! 直到近日先後知後覺自己公司附近竟然有檔咁出色嘅「港式漢堡」- 添福小食!! 雖然普通茄汁醬比唔上「時新」, 但主角嘅牛肉質素有過之而無不及, 肉筋比例更高, 我“飛佛”也!!!生炸雞肶 火候控制恰到好處, 外脆內軟, 唯炸皮之內嘅雞肉略嫌唔夠入味, 如果有淮鹽點吓可能好d?

港式漢堡包深水埗真係一個美食福地價錢平之外 仲有一份本地特色好多人買 大概等15分鐘.雞扒包 $19塊肉超厚🙀皮煎得好香 肉質嫩滑味道適中唔會過咸 仲有千島醬麵包都幾軟熟 深受街坊喜愛