添財記粥粉麵咖啡 (已搬遷) 新店位置

要在龍城吃碗粥，不是到這裡便是往街市三樓熟食檔內的德記。是日德記不知何解收爐最近喝得太多西茶，故此就算見到旁邊文叔那裡有位，最後還是作罷....心有不甘，走落兩條街到了這裡，好像不能吃碗粥就誓不罷休似的白粥加碟炸両，就是那麼簡單。近幾年不太喜歡吃有料粥，可能是早上吃東西口味變得清淡了吧....這兒的米王跟平常吃開的有利，少了一份綿滑，卻是多了一些腐竹香，但兩者皆是煲至米粒全開花的。總的來說，都是一碗有水準的白粥炸両好吃的關鍵在於那新鮮脆卜卜的油條。在早上，這兒的油條是不斷的出爐，用剛蒸起的腸粉包裹新鮮的油條，那有不好吃之理 ?一口白粥一口炸両或腸粉，永遠是晨早的最佳拍檔

對上一次光顧是兩年前...印象不好, 今天附近只有它....於是選擇了再試試!奶茶 + 炸兩, $16, 奶茶一入口好像夠茶味, 但奶和茶又好似唔太混和, 炸兩等了十分鐘 (現做), 整齊地排列三行, 入口居然只係微暖, 油炸鬼少脆, 多腍, 亞姐仲要好鬼惡, 對面既情侶叫魚片腸, 粗聲粗氣咁答...唔知又有魚片....要等好耐嫁, 唔通唔休做?食完之後...應該唔會再選擇佢啦!

來添財記我不會選粥.炸兩和雲吞麵這些, 我多數會點豬扒出前一丁 (豬扒另上 ), 那塊豬扒需是雪藏貨, 但添財記弄得又鬆又好味 又夠大塊朋友告訴我是用吉土粉炸的, 豬扒一丁加多杯凍飲 $28好滿足的下午茶

下午茶時段,來這裡吃碗麵叫了牛腩麵, 牛腩都有五,六小塊,挺淋身,但麵條不夠彈牙,有點韌份量比較少,不過價錢便宜,算打個和地方略嫌有點污穢...原來這裡不做晚市的,未夠6點已準備關門了

添財記, 我由細食到大架喇~次次食粥屋企人都專登行過幾條街買返去食呢度d粥底真係好綿, 一d都唔稀!!! 夠味又足料! 食完又唔口渴不過炒麵就真係一般啦

0係九龍城最唔應該出街食飯0既鐘數出街食飯, 見呢度有位就求其入了0黎. 天氣太熱, 搞到無晒胃口, 簡單叫個皮蛋瘦肉粥 ($14) 加碟炸兩 ($8) 就算.先0黎皮蛋瘦肉粥, 好大碗... 粥底少少稀, 一般綿, 不過配料 (皮蛋, 肉絲, 冬菜, 花生, 蔥花) 夠多, 味道可以, 食落唔口渴, 算係咁啦.炸兩原來又係一大碟, 比起尋日0係德記的巨一倍! 腸粉一般薄, 不過都幾滑; 入面的油條就愈食愈唔脆 (ie 食第一件, 油條仲有少少脆; 第二, 三件起就係腍的), 而且豉油實在落得好重手, 油條「入晒味」, 鹹得不能接受. 唯一好處, 應該係可自助落甜醬及花生醬.環境幾惡劣, 地下濕溼溼, 食具 / 餐牌黐笠笠, 唯有快快食完鬆人; 招呼就無乜特別.$22 食份量十足的一餐, 勁平, 不過感覺麻麻, 試過就算了.食完呢度, 唯一結論係: 下次都係返德記吧啦.

因雜誌之故認識此店, 再加上尋日的瘋狂脂肪(卡路里)吸收, 今晚又會食得豐富, 於是呢餐晏仔就清淡D~食碗白粥!原來白粥叫米王!! 哦~~~下次我識嗌0勒!! 碗粥熱辣辣, 好晶瑩的樣子~好香的米香同腐竹香~食落口仲有陣陣溫和的豆味作AFTER TASTE~粥底都好綿身~d米粒開晒花亦未腍到爛, 保持一定的口感~好好食!!只係環境衛生未係咁好, 不過都無壞, 街坊舖頭係咁啦~

今朝要落龍城辦點事，順便食個早餐。呢排食得好豐富，今次想食得清D，嚟碗白粥就夠已...响龍城晨早要食米王及油器，除咗街市德記及衙前圍道頤宛外，睇怕都只有呢度先有供應...米王及炒麵水準依舊普通，米王粥底雖覺得比上次食時綿，但比起屋企附近嘅有利，仍係差D...炒麵已攤凍晒，食落質感有D硬，不合格...都係返去有利la...

每次來添財記,目的是為吃油炸鬼.其他地方也是粥為主角,油條為配角,來到這裏,角色掉轉.何解?當街外的粥店,大清早炸定油條,賣到中午,也是早上炸定的.這店的油條,經常出爐.新鮮熱辣的油炸鬼,一定好吃,但現今並不是很多店也會全天候炸油條的.回想年前土瓜灣七喜店門外,有位婆婆在外面擺走鬼檔賣即炸油條,今天想起仍然懷念.其他如粥品,純悴用來送油條,其粥的質感如米漿,有點怪怪,炒麵油淋淋,不夠乾身.打包油條,上去街市德記,叫碗有味粥,那就差不多.

都算成日去呢度食早餐, 通常叫碗粥加一碟炸両或蝦米腸粉,勝在新鮮滾熱辣.牛肉粥係碎牛加炸米粉果種.如果唔食粥可以叫公仔麵,多士,奶茶,咖啡等茶歺餐廳食品.普通街坊早餐水準.其中有一,兩位阿姐態度唔係咁好,淨係成日大大声叫'有數未',麻煩叫佢寫嘢時就睇你唔到.可能佢要咁大声先比人知道佢做緊嘢啩.另外果位通常負責收錢找錢嘅阿姐.態度更是令人討厭,永遠找錢都係將D錢揼係枱面.等你自己慢慢執.更加唔好期望佢會多謝你啦.

晨咁早坐車到九龍城辦D事，順便食個早餐...呢度主要做街坊生意，人流甚多，粥餐、ABC餐，悉隨專便...清清地想食碗下火，例牌再加碟炸両...粥底偏稀，唔綿，完全唔對口味；料冇想像中咁多，味道普通；炸両算大碟，但出奇地油炸鬼竟然唔夠脆，明明睇住外面即炸油條，奇怪...跟新貴記差十萬八千里...

今日同老公懷舊下....黎番以前拍拖成日幫襯既粥鋪!同以往一樣...人來人往....有粥麵茶餐....我地叫左白粥, 魚片豬紅粥, 淨腸粉, 炸兩! 白粥一般...咩都無既...都綿既...魚片唔太多....腸粉皮厚, 炸兩..追左兩次先到...漏單...油炸鬼都脆既...但唔係太滿意!

同為食媽去買食送, 上次食過早餐是西式, 今回帶她去試中式早點, 介紹佢去懷舊式茶樓, 去茶樓o既話佢嫌坐得唔舒服, 見呢度d客出出入入,好不熱鬧, 就入去試下, 叫左白粥, 炒麵, 炸兩,同一碗實心皮蛋瘦肉粥(實心兩個字係我自己加上去, 餐牌上無o既), 皮蛋唔駛講, 睇個主題都一清二楚, d粥底比海皇更一般,似糊或白汁o個種, 瘦肉反而仲有d豬肉香味, d炒麵係略濕o個種, 味道唔識評, 只得咸味, 香味麵味全缺, 餘下o既炸兩, 粉皮幾滑, 似水晶粉多d, 包住o既油炸鬼, 咬落時巳有碎片飛出, 全碟計落有一半係炸得過火, 打左咁多野, 都諗緊比ok定比>.< 面之際, 諗起食o既時候, 為食媽都無向我有半句投訴, 真係好俾面, 就將呢個面轉送比佢地, 希望日後會有改善。