添飯餸

营业中

休息中

中環午時放飯發現咗，呢間兩餸飯，兩餸$32 ，三餸$40價錢相宜。呢間一到12點就次次排長龍。我揀咗黑椒牛仔骨同埋西蘭花，呢個價錢冇諗過可以食到黑椒牛仔骨，肉質叫做對得住呢個價錢都唔可以有咩投訴，少少牛味，同平時出面食比較冇咁香口。西蘭花都幾好，唔會煮得好油。 呢間可以再試，平嘢唔一定係劣食。

呢間絕對有資格堪稱中環抵食之選，份量大，餸菜唔會太咸或者油淋淋，而且選擇多到有選擇困難症，唔怪得長期條隊咁長，今次食過之後，下次會再嚟幫襯以下兩個都係三餸飯，每個都只係$40，份量大到一個人都食唔晒，同其他同事一齊開share:芙蓉蛋蟲草花紅棗炆雞蒜香肉片鹹蛋蒸肉餅麻婆豆腐肉餅翠玉瓜

今日試咗中環另一間打工仔恩物兩餸飯店，餸菜選擇好多，菜類同肉類各有最少6，7種選擇。兩餸飯 $32自己今次就揀咗西蘭花同咸蛋肉餅，西蘭花食落都幾爽脆，肉餅就無望落咁乾身，汁都算多，唯獨是咸蛋有啲太硬，但呢個價錢有呢個味道都算性價比十足。添飯餸 (中環)中環威靈頓街43-49號新利大廈地下C號舖

之前食過，覺得真係幾好食嘅雙餸飯。今日晏咗少少出去食飯，有樣嘢就係冇乜人排隊。一口氣叫咗個三餸飯，有梅菜扣肉，煎蛋，同埋西蘭花炒肉片。梅菜扣肉唔會太鹹幾好，煎蛋反而有少少油，見到個飯盒底都係有油嘅，西蘭花炒肉片就啱啱好，唔會過熟好爽口！ 應該都係中環打工仔嘅窮人恩物！

中環罕有雙餸飯～其實都已經開咗一段時間，之前一直因為太多人排隊未有機會試。到今日見毛毛雨又冇乜人排隊，就走去試一下。佢大約會有20至30款唔同嘅餸俾大家揀，我今日就揀咗蝦仁炒西芹，同埋椒鹽豬扒。之前一直都有聽到話佢啲餸菜比較油身，不過唔知係唔係我今日叫嘅餸唔同。個人覺得其實又唔算話太油，反而豬扒真係炸得幾好食，值得一讚。雙餸飯都係$32 , 講真以呢一個價錢同埋地點真係性價比一流。📍添飯餸 (中環)中環威靈頓街43-49號新利大廈地下C號舖

價錢合理，選擇都好多，咁既價錢仲要係中環已經好抵，味道都算唔錯！所以成日都見到大排長龍。不過雖然性價比高，但係都希望可以係衛生方面做好少少，唔要求有幾乾淨，但係起碼唔好一個飯盒入面有兩隻蟲仔先🥲

上星期行過中環擺花街，見到進駐左呢間超抵食嘅兩送飯，見到人龍都唔算多，就諗住試下，$30兩個餸，大大隻雞比拼豆腐草姑，我再叫多左一碗糖水，糖水都係大大碗，真係超級性價比高以後lunch又多一個選擇!

係上環店，食到開中環店。中環店岩開都好ok. 有時甚至要叫少飯，但係今日叫既2送飯真係好失望第一次叫左個牛仔骨，同經常叫既煎肉餅。一打開蓋，牛仔骨究竟比左咩我，2條骨+3舊肉仔+ 2舊椒，我知係平，但係呢盒野真係好唔presentable 同趕客囉。上個星期已經慢慢發現個份量相比之前爭左d, 不過唔緊要，中環區黎講都係平靚正，收錢既靚女係好好態度囉，但係今次真係完全接受唔到。 味道係好味架，不過唔敢試新野囉，