影片
开饭介绍
供应不同配套的任食火锅、精致点心及中式小菜，并以港式及四川口味为主，其中酸菜鱼是招牌菜之一。而蒲公英造型的灯饰，使环境时尚有格调。
继续阅读
特色
适合大伙人
家庭亲子
营业时间
今日营业
10:00 - 16:00
17:30 - 23:00
星期一至日
10:00 - 16:00
17:30 - 23:00
以上资料只供参考，请与餐厅确认详情
有关奖赏计划
今日放假約咗朋友去旺角行街食飯，見天氣有啲凍一於去打邊爐朋友帶咗我一間火鍋放題任食食物質素非常高。淥鼎記鼎記火鍋放題，地址喺旺角彌敦道601號創興廣場5樓，六個主題材任選一款，椰子雞，清湯蘿蔔牛腩，香辣烤魚，重慶雞煲，老壇酸菜魚，雙冬羊腩煲。我揀咗最愛嘅原味椰子雞煲，雞嘅份量都好多食落去肉質嫩滑，湯底椰子味香濃，湯又鮮又甜又暖胃。牛肉有安格斯極佳級肥牛，安格斯牛板翼。牛肉真係好好味，有入口即溶嘅感覺。脂肪分佈均勻令到牛肉嘅味道更加香濃。海鮮有廣島蠔，海蝦，沙白，水魷，脆骨腩，脆肉鯇，魚鰾。廣島蠔雖然唔大隻入口味道先甜爽口。海蝦隻隻都好生猛，蝦肉爽口彈牙味道鮮甜。另外脆骨腩都非常出色，一啲腥味都冇入口爽脆。出面自助區仲有好多款食物，醬料都有十幾二十種擺放整齊整潔，值得一讚。另外飲品，茶，汽水都有幾十種任飲任食性價比好高。
继续阅读
幾年前食過印象ok，今次再去食覺得退步左。宜家得一個set，$388無限時加一，但食到22:30，包一個主菜一盤刺身一set海鮮一盤靚牛係無得任食，其他野app落單/出面自己拎。首先送果盤牛肉得個樣完全無肉味，我地都無食哂。送果碟蝦小食都又係無蝦味，靠少少面頭調味粉，見好多枱都放喺度無食。餃子皮厚餡少，係海鮮好D，有蠔，帶子，蝦，沙白都好食，但鮑魚都係無味。其次出面拎嘅野食fill得好慢，成日要行幾次先拎到想食嘅野。最過份係原來出面D野飲係唔會fill。佢唔甜嘅野飲得罐裝soda water，枝裝水同一壼壼嘅凍紅茶，但所有野飲從來無fill過，晏左入坐更加係無乜選擇，問過店員話佢地唔會fill野飲。最後問店員可唔可以俾枝水，佢都要問完經理話無，只可以斟杯熱水俾我，都唔緊要，我地5個人想要5杯佢都只係用個大少少嘅杯斟一杯俾我自己拎返埋位……任飲任食呢個質素唔會再去，同區有更多選擇。
继续阅读
很少負評，但不吐不快。年廿九28/1在這團年，16/1已在網上成功訂位，到24/1突然收到通知話當晚只有$398套，又要先收訂金。如果我不打算食這款，都太遲改訂其它餐廰。這些規定是否應該16/1訂位時説明。主菜每枱六選一，兩人一枱如是，我六人一枱，要求兩款，又被拒絕，下次我兩人才考慮再去。份量少了的兩款都可以吧！我年前去過官塘店，相比之下，今次的食物質素亦大為遜色，而且蔬菜refill 不足，餐單上明明是竹絲雞窩，當晚來的是普通雞，貨不對辦。
继续阅读
呢排同朋友去咗試「小寶任食套餐」，感覺幾驚喜，特別係佢嘅「魚湯鮮茄豬骨湯底」，真係好特別！呢個湯底味道清甜得嚟又有層次，魚湯嘅鮮味配埋鮮茄微微嘅酸同清香，飲落去好開胃，感覺唔會太油膩，煮肉或者丸類都幾適合。佢主要有三款牛肉可以揀，個人覺得最好食係安格斯牛板翼，肉質嫩滑，脂肪分佈均勻，入口好juicy，煮完都唔會韌。其次係安格斯極佳級精修肥牛，雖然肥牛一向都係火鍋嘅王者，但呢款食落少咗啲驚喜，始終牛板翼嘅口感比較出眾。至於封門柳，肉味偏濃，但質地相對硬啲，要煮耐少少先至好食，唔太啱我呢種鍾意嫩滑口感嘅人。而佢哋嘅手打潮汕蝦丸同墨魚丸都係必試之選，蝦丸真係食到鮮蝦嘅香甜同彈牙，墨魚丸就係帶有濃郁嘅墨魚味，而且仲有啲墨魚粒，咬落去好過癮，感覺真材實料。呢兩款丸類配埋湯底，都好夾。自助區嘅選擇真係多到眼花繚亂，響鈴同炸魚皮，炸魚皮煮完之後都仲脆卜卜，響鈴就吸哂湯底嘅精華，食落去好入味。另外，鵝腸都係一大亮點，淨係輕輕燙幾秒就夠，爽口之餘仲好鮮甜。其他例如蘿蔔、雲吞、餃子、粟米丸等等，都係好穩陣嘅選擇。一壺壺既水果茶味道酸酸甜甜，飲完好解膩，另外仲有冷泡紅茶可以試，清新得嚟唔會太甜。另外，普通嘅罐裝飲品都有，基本上可以滿足唔同口味嘅客人。
继续阅读
天氣開始凍，又係打邊爐嘅季節啦！日前同女朋友黎旺角創興嘅「淥鼎記」試下，之前試過觀塘分店好滿意，今次旺角分店用餐體驗同樣良好，值得推薦。裝修有一貫嘅特色，檯與檯之間夠鬆動，環境不錯。呢度主打火鍋放題，而最入門級嘅火鍋放題「小寶套餐」選擇都唔少小食嘅多春魚炸得好香口！一開始有盤酸菜魚，啲魚肉幾新鮮彈牙，湯底幾惹味，唔錯湯底有好幾款選擇，當日我唔太想食辣，就叫左健康之選嘅番茄鍋，俾大家睇下個賣相～丸類、餃類、菇類同蔬菜等都擺左喺出面，擺得好企理，而且選擇好多。個人最喜歡手打墨魚丸同蝦滑，因為兩款都爽口。入門套餐嘅肉類方面選擇都OK，包括牛小排、肥牛、羊肉、雞腿肉等。特別推薦牛小排好新鮮，牛味十足！飲品方面，可樂、無糖茶等當然有，最正係果汁先生，絕對係回本之選
继续阅读