影片
港铁佐敦站 C2 出口, 步行约1分钟
继续阅读
电话号码
27870868
开饭介绍
装修以木系为主题，感觉亲切平实，富有身处日本居酒屋的感觉。餐牌随季节时令转换，主张不时不食，食材新鲜。
继续阅读
营业时间
今日营业
全日休息
星期一至六
12:00 - 15:00
18:00 - 23:00
星期日
全日休息
以上资料只供参考，请与餐厅确认详情
有关奖赏计划
呢晚嚟咗呢間喺佐敦嘅居酒屋 イザカヤ🏮諗住食個好味日式🇯🇵晚餐🤣$78「唐楊炸魷魚」：魷魚🦑新鮮，炸得香口🤣$98「雜錦天婦羅」：有鮮蝦、南瓜、香菇 等，炸得輕身幾好食😋$88「鮟鱇魚肝」：「鮟鱇魚肝」切成小粒，夠 creamy 又滑，好味😋$280「魴鮄魚刺身」：「魴鮄魚 Hobo ほぼ Red Gurnard」喺日本🇯🇵係冬天食用嘅魚🐟，由深秋到濃冬「魴鮄魚」會生長出一層豐富嘅脂肪令到魚肉超肥美🤩；但係而家喺日本🇯🇵以外嘅地方基本上捉到就食所以差唔多全年都有得食，呢間餐廳嘅「魴鮄魚刺身」薄切，夠新鮮，魚肉口感順滑，肉質細密，沾 ポン酢 ponzu 酸汁一齊食就更能提升魚嘅鮮味 😋；餐廳亦都用埋魚頭魚骨煲魚湯，熱辣辣，好飲😋跟住食串燒，有啲要咗1串有啲要咗2串🤣；$28「燒豬肝串」、$56「雞腳筋（2串）」、$56「荔枝豚肉卷串（2串）」、$56「雞腎串（2串）」：呢幾樣放埋一碟，全部燒得幾香口😋；「雞腳筋」同「雞腎串」幾煙韌😋；「荔枝豚肉」甜甜哋夠 juicy 😋$56「燒豬頸肉（2串）」、$56「鴨心串（2串）」：呢2樣放埋一碟，「燒豬頸肉」油脂勁充足好甘香😋，「鴨心串」爽口得嚟有少少煙韌😋$128「濃湯蝦烏冬」：烏冬煙靭，出奇地美味😋，我用日本人食拉麵/烏冬嘅 slurping 方法，將煙靭嘅烏冬+湯+空氣 一齊吸入口腔裏邊，超級好食🤩依家用 OpenRice 訂位仲有7折優惠🤩🤩，幾好味又抵食
继续阅读
來到食野先至知今個月份訂位有七折，聽到都真心吸引🥳🥳而且酒類更是買一送一，好抵呀。我叫最新款 Suntory The PremiumMalt's日本三得利啤酒和 Suntory The Premium Malt's 日本三得利黑啤酒買一送一👏👏最新 Suntory Premium Malts 啤酒用上黑啤的泡沫，層次感味不同。而Suntory 黑啤好香又滑口，男女都啱飲。日本伊佐木刺身有優惠價$280可以吃到。勁新鮮而且師傅刀工一流，每片刺身厚度一樣好薄，部份特別切口咬落去好有口感，值得一提的是那個用蘿蔔蓉醋汁，沾上把魚鮮味再變得鮮甜，我已放棄了wasabi😂還有自家製拿出來的魚湯鮮味濃郁。味噌珍珠蠔野菜鍋超級大隻而且脹卜卜彈牙，好好味又鮮甜，咬一啖充滿水份，絕對沒有腥味！燒西京銀雪魚厚身大片，銀雪魚好滑，咬口 creamy。蒲燒鰻魚飯燒汁一流，鰻魚香口味道適中，啖啖肉而且無骨。日本米好香飯味。還有其他的唐楊炸魷魚、露筍豚肉卷串、雞軟骨串、雞腎串、燒豬頸肉 和荔枝豚肉卷..印象那個燒豬頸肉相當好味，因為肉汁依然鎖住了。而荔枝豚肉卷好得意，咬一口荔枝肉在裏面爆開，甜甜地幾好味。
继续阅读
今晚食間好少少嘅居酒屋…“漁正居酒屋”喺佐敦C2出口行十零廿步就去到呢間裝修成間日本居酒屋嘅餐廳。除咗裝修日式，佢好多位都好似Tatami咁要除鞋，非常有當地風味。而家喺OpenRice訂位仲有7折。睇住個Menu，刺身生蠔熟食串燒乜都有，咁我哋梗係乜都叫啲😂。先嚟個”象拔蚌刺身” - 爽口到無話可說“燒鱈魚干” - 極之香口，美味無比，襯啤酒一流，係今晚嘅surprise“活石蠔” - 夠晒肥美，佢仲做咗啲豉油調味，一貫入喉“柚子汁牛脷沙律” - 新鮮爽甜，牛脷唔會韌，數量又多“串燒” - 佢主要嘅串燒都係廿零蚊串，其實幾抵食。當中比較特別嘅係燒豬肝、七味豬腩串，其他如雞翼、雞軟骨、豬頸肉等都有水準。“清酒煮蜆” - 同一般店舖比，佢嘅酒味更香更濃，蜆亦新鮮大隻，但幾乎俾屋企人一人食晒🥲”煎豬肉菜餃子” - 幾大隻幾香口，正常發揮“燒三文魚頭” - 隱世美食，油份極多，但又厚肉，仲有個汁可以點，亦係今晚嘅surprise之一！嘢食種類多到呢，好似叫極都仲好想叫落去咁😂。集合環境/嘢食/味道/氣氛於一身，兼且地鐵站一出就係。漁正，可以稍稍減輕日本癮吧！
继续阅读
三文魚🍣好正，麵豉湯唔鹹，性價比高又坐得舒服，中午都唔多人，希望多啲人幫趁，甘好既食店希望佢keep 住，我同朋友可以多個地方飲飲食食happy hour，地區又方便。
继续阅读
聽講呢間居酒屋幾好食，平時都好多人，book咗位先去穩陣啲。今次book咗星期四嘅6點鐘，仲可以walk in,不過好快就坐滿人～清酒煮蜆 $78啲蜆都大隻厚肉，煮出來嘅湯好香酒味，清甜冇腥味，最後連湯都飲曬。（利申平時唔飲酒）味噌燒蠔 $48呢隻蠔都大隻，食落唔似味噌味，覺得係芝士白汁味，好好味，燒到啱啱好，咬開係好嫰滑好juicy ~串燒 $20-28/串嗌咗雞軟骨、雞腎、帆立貝同荔枝豚肉卷，雞軟骨，雞腎都正常發揮；帆立貝鹹香，啖啖肉，燒到啱啱好唔鞋口；而個荔枝豚肉卷非常驚喜，未試過呢個配搭，賣相唔講仲以為係燒肥腸，一嗒食落去，爆荔枝汁，甜鹹味再加埋少少油脂香，好好食！濃湯蝦烏冬 $128嗌咗個烏冬做主食，湯底雪白，好重蝦味，仲有一堆櫻花蝦做配菜，更加鮮味。成碗烏冬有四隻大蝦，好厚肉，蝦夠新鮮，肉質彈牙。烏冬就係稻田烏冬嘅口感，滑而彈牙，最後仲有啲海帶索湯汁，好味滿足～原味乳酸$58呢杯野係碳酸味益力多，都幾好飲，不過少貴～
继续阅读