渝川廷

营业中

休息中

原來想去輝哥可惜裝修 搵到幾間 荃灣的 之前試過點心廊很一般而且落單多小小會 提你食唔哂要比錢。。。12粒蝦餸3個人食唔哂？咁其他2點都貴 就試下呢間因為之前youtube 有人講過唔錯咁就試下 因為缺人跟無法應付所以如果追求快速同服務就唔洗去 只能體諒下 性價比高 品質比好多酒樓好太多

晚上8：30到達 接近8：45職員過來講快D點餐 廚房師傅9點幾收工 本來想食$298冇限時天皇餐 話10：00要關門 唯有轉食120分鐘天后餐$258 等左十幾分鐘先有湯底 失望完全冇味嘅“花膠美人湯” 之後送來點餐嘅食物 黎左十幾盤野 將我冇叫嘅野食全部搬晒出黎 包括腸仔 肉丸 蟹柳 豆腐。。。之後叫個職員過來 我冇點到呢D 幫我拎返入去 隔左一陣再來個走辣雞煲 一上枱就呆了 未見識過 “煲大雞少嘅雞煲” 煲一陣雞未熟已經濃底 要9秒9放湯落去煮雞 變相個雞煲完全冇食過 到9：45職員又行過來 要攞菜就快D攞 出面要收菜入廚房 想點食物都快D叫埋 結果叫5樣冇2樣 蝦冇脆肉魚片冇 真係未試過咁伏嘅店舖

第一次試呢間店入去之前係驚慌因為7點鐘晚飯時間都係得兩台客佢有天皇餐同天后餐兩款選擇天皇餐338一位未計+1 天后餐288一位未計+1 佢有買四送一優惠或者滿四位送切片東升斑一條我哋揀咗買四送一優惠同天后餐全間店得一個服務員食完兩個鐘之後都係得佢serve我哋眼見七至八台客但係佢服務真係非常殷勤，有求必應，完全冇脾氣但係亦都因為得一個服務員，所以上菜係需要催嘅！ 第一次落單之後過咗五至10分鐘就有嘢食但係落第二次單要等成半個鐘，仲要係催佢先有得上 。食物質素方面：牛肉、脆肉鯇片等食材質素中上 。豬牛羊肉都冇特別變黑嘅情況，非常鮮嫩亦唔係薄切切的 。海鮮嘅話，蝦都係好彈牙嘅，蠔同帶子都唔韌，口感唔錯 。其實啲嘢係好食嘅，質素係好好嘅，但係！佢啲嘢太遲嚟，中間食菜都食飽咗， 如果佢可以增加啲人手就好啦 。 個哥哥仔做到成隻狗咁，我呢個好評淨係俾個哥哥仔服務員嘅啫。但係其實種類都唔係好多😂

8:40 pm 入座任食至10:40 pm等食物都等咗20分鐘雖然係叫做飲食，但係點咗嘅好多都冇嚟，包括魚，魷魚粉腸，又唔同你交代一聲食物質素都好差最嬲嘅就係喺出邊任攞嘅蔬菜，一早已經收晒店員話佢哋一般9:30就會收晒，咁點解係叫做任食到10:30至11點！！連問都唔問聲顧客這樣就收250多元，是什麼的質素？

見到呢間餐廳推出任食放題優惠，晚市$𝟯𝟯𝟴包哂片入面嘅嘢食仲任打邊爐，望落好似幾抵，不過試完就覺得食物質素一般，想要又平又好食嘅放題真係唔易搵。🍴重慶辣雞煲雞煲最緊要都係個汁底，佢算煮得入味，鹹香得嚟帶辣，幾開胃。不過有啲易痴底，食嘅時候要多啲熬下。📝 ：𝟳/𝟭𝟬🍴香辣烤魚追求惹味嘅師弟妹就唔建議叫呢個烤魚，雖然多肉都厚身，但味道真係好淡，食唔出辣，甚至覺得有啲似白烚嘅魚肉。📝 ：𝟯/𝟭𝟬🍴刺身盤刺身款式普通，帶子幾好食，不過整體新鮮度不足，擺盤亦唔太吸引。📝 ：𝟰/𝟭𝟬🍴海鮮拼盤拼盤有珊瑚蚌幾特別，海蝦都出色，彈牙鮮甜～ 可惜望落有些少唔乾淨，建議鮑魚都可以再洗乾淨啲啲。📝 ：𝟲/𝟭𝟬🍴手切牛肉贈送嘅大盤手切牛肉幾好食，顏色鮮牛味夠，其他任叫嘅牛肉就不過不失。📝 ：𝟳/𝟭𝟬🍴自家手打四色丸味道正常，不過不失，無期望就無失望～📝 ：𝟳/𝟭𝟬✍🏻其他分數📝環境：𝟲/𝟭𝟬📝性價比：𝟲/𝟭𝟬

本人第一次為一間餐廳寫負評，不是因為食物質素或服務，而是因為酒樓有嚴重誠信問題。本人年初三打電話去荃灣渝川廷，接電話的經理表示年初五開始有中午放題，大人收費$138，小童$78，隨即替我們預訂了年初六5大1小放題食1.5小時，並確認當天會免收加一服務費。到年初六當天，我一家大小專程由**西環**搭車去荃灣，並且由地鐵站行了20分鐘到酒樓，經理竟然說沒有放題，但不回應有關早前我和他電話裡的對話，也沒有作出任何解釋，只敷衍說放題要多一星期先有，表現非常不負責任，也沒有一絲歉意。相隔大約一小時後，我們經過見到酒樓座無虛席，有食客表示他們包了場，所以我家人估計酒樓是臨時有人包場，想做大生意而自行取消了我們早幾天已落好的booking，卻沒有通知我們一聲，結果我們就這樣由遙遠的西環來到荃灣撲個空，小朋友又失望。我地都明白做生意要緊，但一個簡單的電話通知也沒有，實在太不負責任及欠缺誠信，大家小心一下呢間酒樓。

野食好唔好味 新唔新鮮呢個放一邊先、因之前見到門面有4位減1位活動 之後再係OpenRice見到呢個活動存在 28號下午打電話去資訊訂台 資訊過程都存在有呢個活動 到左坐低問翻大廳服務員 距同我講因個活動係之前 唔記得更新導致員工疏忽！聽到咁樣 四條友都本身已經坐低左就由距啦 但係隔日打翻電話溝通另外一位話有呢個活動嘅 因為個員工唔知導致這樣好抱歉、咁樣我多俾左一位嘅錢點算先、開頭話無辦法、之後等距回覆、暫時未知結果！

渝川廷是一家提供中式點心的餐廳！在午市時段，提供90分鐘的點心放題服務，與友人一起盡情品味超過50款豐富多樣的點心、小食和燒味。特別欣賞酥脆的炸春卷、口感鮮嫩的蝦餃、還是燒肉燒鵝，都可以盡情享用。而每位食客可以品嚐到精心準備的鮑魚燒賣和豪華的花膠海皇燴翅，可惜得一件，如多一點品味就好，整體來說渝川廷美味佳餚將為我們用餐體驗增添獨特的豪華感，而當天我們是一開門進入去品嚐，可以慢慢在舒服環境中傾談品嚐。最欣賞，他們注重食物份量的重要性，並且尊重每位食客的個人需求，同時也避免浪費食物，我們需要一件一件下單，這樣根據自己的喜好和食慾來選擇點心，享受美食的同時不必擔心浪費，期待下次再來享受這個美食之旅吧！

啲嘢嚟得好慢，餐廳人手不足，又唔請多幾個，上菜又慢加水又慢，餐具仲要有污跡，嘢食又唔係話有咩特別好食，普普通通但係價格又偏貴，食物質素對唔住價格，無網上吹得咁誇張，去過一次唔會去第二次😐

11點幾我哋三人去到，乜嘢都俾人食曬，只有炒飯，炒麵，糖水（冇人食），然後我哋嗌左6樣點心，原來份份都係得一粒，心諗就嗌多2份，點知叫我哋埋單後啲嘢再冇黎過，催左好耐職員話唔關佢事，然後我哋嗌經理，經理扮睇唔到，直到我哋大聲嗌，終於聽到行過來，後來俾左幾份嘢我哋，每次都係一粒嘢，三分一嘢咁上，腸粉3分之一條，菜心都係得一條。$138，真係食左$30都唔知有冇！嘢唔掂都算，服務態度都差！請都唔會黎。冇下次！邊個黎邊個後悔。

上星期原本想walk in嚟試這個 位於荃新天地的📍渝川廷早午市點心自助餐，但已滿座所以就訂了今天再來。😅自助餐雖在十一點半開始，但已有很多食客在排隊等入座，入到裏面見酒樓面積不大有點小，裝修亦其簡約，不過有卡位可坐亦算舒適。看看所提供的點心紙上，一般酒樓的點心品種亦有供應，而且種類都不算少，用手機下單出品都快。😚平常主要吃的大大粒的燒賣和蝦餃亦可以隨便吃，其他的煎、蒸、煮、炸的點心，品質和買相亦不錯，期間還有每人一碗翅和鮑魚燒賣一粒，以每位$118元來說真是超值。👍總結今個飲茶自助餐食物的質量不錯和種類亦多，而且出品不慢時間有90分鐘，可說性價比十分之高，朋友說好再過幾星期會再來一試。(補充資科：現在為$138元一位)

網上看見YouTuber介紹此點心放題，好似幾好，於是就打電話定位，一去到就見到長長人龍，入座安排甚為混亂，坐低后用手機點菜，但好多都無，還要等約90分鐘先有得食，但佢哋又限時食用，D點心味道又不太好，全程感覺極之差，極不推薦，此店只為錢，但無質量給客人，如不信你可去試!

在網上看到幸福男推介，結果係一次超級差嘅點心放題體驗。職員態度差，全程黑口黑面，坐足40分鐘完全冇嘢嚟，催單嗰陣時啲職員說話好難聽，嘢食嘅質量好差，仲衰過屋村冬菇亭食物質素，求其一間飲早茶嘅地方都唔會係咁嘅質素。燒鵝王又乾又硬，口水雞不知所謂，燒腩仔還算可以，蝦餃好難食，個皮黃黃地，嗌咗幾樣燒味撈埋一碟上，可以手機落單嘅食物唔多，但係要出邊攞嘅食物又極少，搞到啲人攞嘢好似搶嘢咁，搶完之後好長時間都唔會再加新嘢，坐咗90分鐘完全唔知食咗乜。明明係間舖頭漏單，職員求其送嘢過嚟嗰陣時，仲要講啲風涼說話：哎呀，人的食到唔想食，陰公囉，你啲冇嘢食。成間舖頭全部啲嘢加埋起身都唔足50款，都唔知網上係點樣俾出咁高評價嘅。冇本事做到真正嘅放題，就唔好做啦。一次過算數

本身用OpenRice訂了1點午餐 但去到還要大排長龍，都算!! 😩😩但遲遲都未安排到入坐 🫣🫣上一時段D食客夠曬鐘都未走 😤走咗又執唔切枱 足足被罰企足半小時有多😖😖未計之前排隊入去時間 總共遲咗成28分鐘 嘢食雖然可以 但入坐安排十分亂🫣🫣同應該將兩個時段分格起碼多半小時方便清空再入客 客人咪唔洗罰企啦😓😓同第一時段起碼要早半小時停止加單同結數囉

職員態度有代改善、尤其－位男經理（帶眼鏡）、好似愛理不理、態度好似當你哋啲食客全部好煩、儍嘅！落單一小時仍未有點心到、只可以攞外面枱上已經預備好食物、整體來說感覺： 差👎如果做不到放題、為什麼仍然要繼續做？