温野菜

营业中

休息中

突然好想狂食牛，就約埋阿女卜呢間溫野菜，之前係日本沖繩已經食過，正到不得了。120分鐘和牛任食，一坐底唔洗講野緊係拿拿聲點野先，阿女點左昆布清湯，因佢想食真d牛肉嘅原鮮味，而我就比較喜歡食辣，見倒有款四川麻辣湯底🌶心諗日式放題有麻辣湯底🙄好奇之下就點左呢個湯底🙄湯底一d都唔麻唔辣 -湯底有d中伏感覺😖）第一板鹿兒島黑毛和牛🐮牛肩，果然冇令我地失望，牛肉入口即溶，油花都好香，牛肉味重，正到爆，其他配菜，丸，小食等等都有幾十款，最正👍🏻就係黑松露免治雞肉，起碼order左三次😋不過都係要留番多d quota食牛啦，所以其他配菜只叫左一round。全晚都試左美國、澳洲等等嘅牛，質素都ok，不過最正都緊係鹿兒島A5和牛啦⋯⋯叫到第6、7板牛肉就越來越肥啦🤣⋯⋯不過牛味都keep倒....唔知阿女係咪第二期發育🤭，兩板又兩板咁叫，嘩，全晚食左成十幾板有多，真係值回票價🤣🤣。呢間放題一人一鍋，非常衛生，坐位舒適，用ipad點餐，既方便又環保👍🏻值得比讚。

平時吃日式火鍋除咗牛摩外，温野菜銅鑼灣分店是我的至愛(因有放题) ; 是次選了薩摩和牛配以蒙古炎鋦(當然最好配和牛湯比較好，但蒙古炎銅也不錯)，除咗薩摩牛外，亦吃了安格斯牛，澳州和牛，豚肉等等，再加上飲品任飲，吃足2小時，對我來說一定回本，但記緊早點來或先取票，否則排隊有排等。

豆乳湯底就必要㗎啦～一人一爐嘅好處就係唔洗就來就去，好似媽咪唔食牛又唔食得辣同豆腐，就可以揀嗰藥材湯底喇，其他人都可以揀返自己想食嘅湯底，試多幾隻味又得，自私食又得。溫野菜食過幾次，都未試過藥材湯，今次叫咗先發現原來咁正，首先個店員會攞哂啲藥材料嚟，如果你有咩唔食可以同佢講，佢唔會幫你落嗰幾種你唔食嘅嘢。試一啖湯，藥材嘅味道真係好重，一開始有啲似小肥羊個湯底，但加咗肉落去，之後個湯就更加甜。食匀哂咁多隻湯底嘅肉，發覺豚肉放落藥材度淥係最好食，因為有啲藥材味，其實會令到塊肉個味更突岀同更加特別。蕃茄辣湯嗰湯底係咁多隻入面最麻麻嗰隻，無論飲定淥嘢，都好普通。淥菜嘅話，其實又係藥材湯底最好食。豆乳湯底除咗整到腐皮之外，真係毫無作用，仲要最sad 係我今次都整唔到腐皮岀嚟食😩😢右上嗰個係和牛湯底，淥牛ok 既，但其他我覺得藥材贏哂。打邊爐湯底第一，配料第二，溫野菜向來啲配料都好唔錯，今次食七折menu, 各種肉都要點到啲，豚肉x藥材第一，牛同雞都唔錯，反而今次啲菜麻麻地。

而家真係可以一連四季都打邊爐。今日，我同朋友兩個人去食溫野菜，已經唔係第一次食，所以都抱有期望。銅鑼灣溫野菜係咁多間分店裏面唯一一間有放題選擇，我地揀咗中等價錢嘅套餐。溫野菜係我地食過眾多日式火鍋放題最高質素嘅，所以即使價錢偏貴，我地都覺得係合理。咁多款牛肉入面，鹿兒島牛係最正嘅，入口即溶，仲非常有入味，真係一分錢一分貨。仲有，啲菜都非常乾淨同新鮮，尤其係個萵筍係最鍾意最好食。另外，朋友仲叫咗個芝士年糕，讚不絕口。下次都會繼續嚟！支持！

有年抽中了這個集團的普通會員咭，每年都有些coupon用，有幾餐可以食好一点点，但每年要消費滿3000才能續下年的會，牛角、牛涮鍋也是這集團的，有些朋友也會幫我儲儲分，我也是有會員咭後才認識溫野菜，試過一次後就喜歡了，之後也來過很多次～ 杏仁豆腐是我很喜歡的甜品😋 然後主食最主要是選湯底，昆布湯很清：要点醬油吃、我較喜歡完熟蕃茄湯：有些味道又有益、後來有人介紹我食四川麻辣：她說不辣的，我食過的確不算辣，味道很好😋 但最近再食的一次，湯底清單轉了而沒有四川麻辣，我就隨便選了辛辣蕃茄湯，不知道為什麼覺得不好吃，或許是意外，我有機會要再試多次才能證實質素是否下降了，或許其他舊湯底合我口味的⋯⋯

Kabu會員早一天book枱，十分方便。有9折、又可以儲績分。銅鑼灣分店假日人不多，2個人可以坐4人卡位，空間十分寬敞、坐得又舒服、而且有私人空間，方便傾計，而且服務很好，侍應很有禮貌、服務周到，有高級餐廳feel。假日午市套餐抵食，套餐有很多不同款式的食物，份量充足，又可慳錢。相對晚市放題較貴，而且晚上不宜吃得太飽。叫左一個藥饍鍋、一個壽喜燒鍋。藥饍鍋上枱時，在客人面前放多款不同的配料，可以按個人喜好選擇，而且份量充足，湯底煲耐一點才吃，會更出味午市入座，1.5小時要還枱，上菜很快，所以時間也足夠的，不過，如果可以坐2小時就更好。

今次試左飛騨牛放題，肉質嫩滑，油花靚，牛味濃，可以話係入口即溶! 我和朋友都食咗好多碟。除了飛騨牛之外，仲有唔同嘅牛肉可供選擇，有其他日式和牛，美國肥牛，澳洲牛等等，有唔同部位可供選擇。不過都係最好食係飛騨牛。豬肉方面叫了幾款，有豬腩肉，酸梅肉片等等，都唔錯幾好味。雞肉就冇叫了，留返quota食飛騨牛!😜除了肉類，蔬菜類多好多選擇，還有些小食，丸類，粉麵飯和飲品。因為自己食咗好多肉所以叫咗好多菜，一邊食菜一邊食肉可以減下油膩感。總括來說，價錢方面算係中等，不是便宜，但可食到高質素嘅和牛我覺得都是值得的~! 期待下次再食! ❤️❤️😍😍

重溫一下之前去食温野菜😋個日點咗鹿兒島黑毛和牛·熊本豚食べ放題コース(HK$498)，如果鍾意食肉嘅朋友仔，強烈建議揀食放題，佢散叫一碟都百令蚊，食番兩三碟，其實都抵番🤣個日重點食鹿兒島黑毛和牛肩肉同牛肉眼，牛肩肉就比較瘦，但肉質唔會「鞋」，都係好嫩滑，有牛味；而我自己就比較鍾意肉眼多啲，比較肥美，有入口即溶嘅感覺，但唔會成口肥油🤤豚肉平時出街好少食，因為好驚有「豬」味😅但呢款熊本豚腩片冇豬味之外，肉質好爽滑，有驚喜🐷另外，佢全部蔬菜都係日本產地直送，有啲比較特別嘅蔬菜款式，例如日本生菜、啡金菇、水菜、紅芯大根等等，全部都好新鮮，又冇爛，又好乾淨，讚👍🏼湯底我就揀番最大路嘅壽喜燒湯底，係好味嘅，但食到中後段又覺得超甜🤭要狂飲野😅總括而言，係推介嘅🙌🏼🙌🏼🙌🏼但留意番，放題只限於銅鑼灣分店，其他店係無嫁😉

#米妮loumei食好西🍲🍕🍝🍣溫野菜📍秋高氣爽緊係開始要打邊爐啦🤤原來午後時段(兩點後) 佢啲lunch set有七折今次就嗌咗一個set加啲配料兩個人食🤤.C. 上牛•豚•雞三品特盛{原價$148+$10(秘傳月見壽喜湯)+$12(紫菜味麻糬片)+$10(杏仁豆腐) X 70% ➕以原價加一}我哋就揀咗 🐽熊本豚腩肉 🐷熊本豚梅頭 🐮美國牛肩肉熊本嘅豚肉真係好正🤤🤤 油而不膩雖然豚腩肉聽落好肥咁 但係食落入口即溶🤤豚梅頭更加唔使講 勁香今次特登嗌咗個壽喜湯 啲牛肩肉點蛋食果然🤤塩辛薯仔伴魷魚沙律醬 (套餐包括)好夠味 好好食🤤 可能啲薯仔用牛油整過所以唔會乾爭爭💯竹筒免治雞肉—半份 (套餐包括)佢入面加咗雞軟骨 淋得嚟有啲脆 幾爽口 幾特別😋溫野菜盛合 (套餐包括)個野菜盛入面啲紅心蘿蔔幾特別 不過食落同普通蘿蔔差唔多🤔紫菜味麻糬片 (+$10)記得唔好淥太耐 見佢淋咗就 如果唔係就會溶🙈 鐘意紫菜 同煙煙韌韌嘅嘢就唔好錯過🤤.另外我哋加咗芝士年糕丸 $22呢個正 又有年糕 又有芝士 啲芝士仲可以拉絲🤤煙韌控一定要嗌海老餃子 $29佢入面啲餡 食落似竹筒免治雞肉

十八種新鮮野菜任食! 期間限定120分鐘放題鹿兒島A5黑毛和牛任食！即點即切！霜降A5級數！食幾盤就回本! 温野菜銅鑼灣店限定放題7折免費升級享用鹿兒島A5黑毛和牛肉眼香港人鐘情和牛,食用量係世界最多！溫野菜推出限定美食，A5和牛肉眼,CP值爆發！仲有多款新鮮野菜，特式鍋底野菜銅鑼灣店推出優惠選鹿兒島黑毛和牛‧熊本豚食べ放題可免費升級享用鹿兒島A5黑毛和牛肉眼放題食盡76款美食,飲品和牛油花平均,肉質細緻嫩滑,入口即溶,牛味濃郁絕對一試難忘單賣一客已經價值$179 建議配搭鰹魚湯,味道更鮮更突出  【7折優惠價享用所有「温野菜」120分鐘放題】可於早割、夜割時段以7折享用所有「温野菜」「120分鐘食べ放題」熊本豚‧丹麥豚&雞食べ放題7折後只是$250.6起 多達18款的產地直送野菜及超過20款鍋肴等 有爽甜的熊本椰菜、鮮艷而口感爽脆的紅芯蘿蔔等，適合一眾健康愛美女士！ 提供多款招牌湯底選擇及17款飲品無限量供應 黑毛和牛肉眼即點即切,油花豐富,霜降極吸引 一次試盡日本豚肉,和牛！ 個人最喜歡番茄湯底，酸甜開胃！ 和牛油脂多，肉比較少，不宜燙太久大約３０秒即可食用！ ３０秒左右！ 入口即

見到廣告做緊特價早割7折，即刻同個fd去食，一去到即刻點返過鹿兒島和牛餐，個牛一尼到已經哇左一聲，個牛d雪花好均勻，一睇就知好香，再配埋個壽喜燒湯底，真係絕配。仲有仲有，今次仲有得免費升級和牛，食返幾碟已經回本！D菜又好新鮮，食落好甜，特別係紅肉蘿蔔同小棠菜，真係好好味。仲有免治雞肉配黑松露，食落爽口又重雞味，係其他餐廳根本冇可能食到。埋單400蚊一個人，完全係超值，下次一定會再尼！順帶一提，服務員既態度都好好，值得表揚。

🇭🇰#香港捐窿捐罅記 Instagram: foodkiller_dk一聽到溫野菜出左一個90分鐘放題 再加上早割or夜割 大約四百幾就可以任食鹿兒島🐃和牛同澳洲M9🐃和牛 我尼d師奶心態既後生仔當然想去啦 睇下究竟好唔好味啦😇-開始之前有兩樣野想講一講第一 澳洲🐃和牛評級 係由M1最低M9最高 根據肉既雪花去評定既第二 兩種和牛🐃比你任食既部位都係chuck roll 係肩膀既位置 牛比較多用到佢 所以就比較多肌肉同平😐 我遲d得閒再講下牛不同既部位味道方面鹿兒島和牛同M9和牛都做到入口即溶既效果😍 但當然鹿兒島做得更好 但係佢地都有一個共同問題 就係欠缺牛味🐃 不過尼個係大部分和牛既通病 我都一早預左🙂 所以先叫和牛湯去加重牛味 之後仲特登叫一個美國牛去比較一下 果然美國牛重好多🤷🏻‍♂️ 但除此之外都好好味 令我刷左超多😋 除左牛之外其實仲有豬🐽同其他小食任叫 不過為左唔好浪費個胃 所以都冇叫其他🙂唯一我想講係佢地既侍應 我唔識用個ipad📱問個侍應 點知佢又話自己都唔識 咁我叫佢搵一個識既人幫 佢15分鐘後先叫到 浪費左我15分鐘🤷🏻‍♂️ 餐廳既訓練需要改善🙂-🎈銅鑼灣堅拿道東

見有信用卡優惠 平時成千蚊嘅套餐平左一大截 心思思又想去打個邊爐喇去個日原來咁岩就係優惠嘅最後一日都相當多人 好彩可以用app等位 差唔多時間先上去安排坐嘅位置對正門口 望到等位嘅人但餐廳好貼心 有得拉落簾 有返私人空間叫左一人一鍋 豆乳同蕃茄雜菌湯 必食湯底係豆乳鍋唔會失望 滾起嘅時候可以撈到腐皮！好過癮作為牛魔王 對牛肉十分有要求 平時邊爐嘅肥牛我好少食 但呢度嘅肉脂肪分佈十分恰當淥完都有好香嘅牛味配起豆乳 正呀！其他菜都係好新鮮 令人食過返尋味

呢間黎自日本既過江龍，最出名係食日本的新鮮蔬菜，不過我最鐘意既，反而係啲湯底。我地四個人，叫左四個唔同既湯底黎試下。-骨膠原柚子鹽湯，藥膳湯，蒙古炎湯，牛肉湯。四個湯各有特色，我特別喜歡骨膠原湯同藥膳湯，好適合貪靚既女仔！-身為芝士控既我，每次都會叫呢個芝士竹輪，特別推薦！-呢間分店可以揀任食或者散叫，每款菜都係十幾二十蚊，如果唔會食好多肉既話，散叫比較划算啊呢間分店座位好舒服，有間隔去分開唔同枱，可以有一個私人既空間同朋友傾計。

去開日本o既朋友應該都有聽過溫野菜吧！佢係一間連鎖shabu shabu 專門店.. 主打新鮮蔬菜，岩晒愛健康一族，食多多都唔怕！成日心思思想再食返，而家終於係香港開左啦！當然馬上立刻就去會一會舊情人外國o既月亮係特別圓而日本既生菜係特別甜，唔好睇佢平平無奇咁o既樣，食落好爽口架，好似食薯片咁冷盤新鮮蟹腳，岩晒我呀！仲有海水味 😚牛是必備的吧！點可能唔食呀，淨係賣相都贏成條街啦，日本出品必屬街品 😏 入口即溶，流晒口水喇！🤤豚肉食落都唔會覺得肥，神奇蔬菜係主打，一定要食啦，大蔥蘿蔔洋蔥都係我朋友，雖然唔係咩貴野但好正囉 敗筆係香港只有套餐而沒有放題！！