影片
营业时间
今日营业
07:00 - 21:00
星期一至日
07:00 - 21:00
以上资料只供参考，请与餐厅确认详情
近幾年，石門的傳統工廠飯堂，執完一間又一間，想平平地，佬佬地食一個男人浪漫午餐，可以說是越來越少。尤其對於一眾工友來說，沒地方俾佢地麻甩，係好唔慣架。幸好，疫情後，開始有新既食肆進場了。而且，大多是燈火通明，裝潢整潔乾淨的茶餐廳 / 冰室。而是次我拜訪的《港囍冰室》，就是一間取代原有麻甩工廠飯堂的新派茶餐廳。是一間依然用抵食夾大件來吸引大家的食店。在舊式茶餐廳飲食，例湯算是很必要的贈品。這一間《港囍冰室》，格局就是一間有麵包賣既舊式茶餐廳，做既餐當然要抵食夾大件。所以，次次黎，都會有一個靚靚既例湯。飲左三次，一次是粟米黃瓜湯，另一次就是粉萇湯，雖然煲到好稀，但夠潤就已經夠開心。(香港人，始終都係喜歡有碗湯。)第一次來，我點了一份咸蛋肉餅飯。大大碗飯，大大片豉油蒸肉牌，如飯是碟上，我一定會將成片肉餅連豉油汁撈埋一齊食。得個碗，就要好似係屋企食飯咁，夾幾件，倒埋豉油汁落去，才可以真的的感受，什麼是肉餅飯的美味。首次來，仍是試業期間，服務雖有點亂，但食物令人滿意。所以，造就了我丙來一次。這一次，我點了一份祛骨海南雞飯。一看我面前的一碟飯，令我深深地感覺到，這店是一間工廠飯堂既延續。因為給我的飯份量，是我平時在家食的兩碗飯份量。不過，不是雞油飯就打了少少折扣。而雞本身，是夠香滑的。而且，醬汁好味道又的確令食客開心既。拆了紅紙，正式開張後，我又再來一次了。這之的午餐，我選了一份好 Hong Kong Style 既豬扒腸飯配豉油汁。豬扒夠香口，夠大件，加了甜豉油更顯得香口。有肉，有菜，有腸仔，比男人的浪漫更浪漫。飲品，就是熱奶茶。因為我想不到有其他的茶餐廳飲品可以代替它。而這家茶餐廳的奶茶出品是令我滿意的。什麼香、滑，濃唔多講了，總之味道同口感都令我滿意，就是一杯好茶。這新店，食物的味道唔錯。而且，份量又夠大。可以說，這是一間抵食夾大件既茶餐廳好店。難怪，開張到現在，中午時間，都是座無虛席的。只是，服務上間唔中會亂亂地，這點，有待改善。
继续阅读
早收工經過石門見到呢間茶記下午茶食左個大熱狗，好食又平個包份量好大 配菜新鮮 腸仔大條 沙律醬俾得好夠加杯凍檸茶見d菠蘿包咁大個又叫多左2個打包返去食位置都算方便 3分鐘就行到地鐵站
继续阅读
地點位於石門工業村的一家茶餐廳，名字「港囍」，粵語語音和「講起」一摸一樣？不知道老闆起名的背後含義究竟是什麼呢？這個位置，之前好像是一家快餐食肆，提供給附近打工仔一個廉價午餐的落腳點。後來前者離場，就有了這家茶餐廳！今日第一次到這家茶餐廳品嚐早餐。餐廳裝修感覺花了不少心思，燈光通明，眼見就已經有三款不同的照明燈：天花燈，射燈，還有更貼餐桌的吊燈。可看老闆也是用心，不計成本，希望店鋪的裝潢能吸引更多顧客！餐廳面積也大，不用等候時間，很快就有位置！不知道是否因為今日是父親節，特別多男士，一家大小來吃早餐！我和家人點了兩份沙爹牛肉煎蛋麵配奶茶早餐，還有火腿餐包。奶茶還可以，可是麵條不夠彈性，沙爹味不濃，一般般吧，餐包偏冷，一點微溫也沒有，更說不上熱呢！真有點可惜，食物品質跟餐廳的舒服度不成正比呀！希望老闆能思考一下如何改善！自己也想這家店能繼續在石門服務我們！
继续阅读
見新開茶記好似幾企理咁，試完發現食物質素一般偏差，價錢又唔平叫個餐五、六十蚊以為係正常茶餐廳好味質素，同枱幾個人叫唔同餐都無邊個好味，兩餸飯質素（可能兩餸都多餸過佢，仲要平）朋友黎左兩次（今次係陪我試所以先食）兩次佢嗌杯紅豆奶茶，兩次都出錯比佢，一係黎杯奶茶一係黎杯紅豆冰，好在佢加杯紅豆奶茶都係八蚊又好似好抵玩咁（雖然整體都係貴）。總結：周圍又唔係無平過佢，呢個價錢又唔係無其他選擇，作為新開餐廳連回頭客都唔稀罕。
继续阅读
午餐出嚟凍嘅，炒飯一嚿嚿，入面完全冇料，服務態度差，完全只係諗住做獨事生意，冇諗過點樣做好食物同陸續改善，係非一般茶餐廳冰室嘅水準，差到一個點，過去7–11食撈麵魚蛋好過。
继续阅读
您可能会有兴趣的...