港囍餐室

营业中

休息中

上次同朋友去這間新開餐廳食晚餐，食物同服務都很正常，但今次去就再無下次，因為今次同樣和朋友去吃晚餐，我先到，沒有卡位坐，朋友入了餐廳後不到幾秒，就比人大聲喝坐低，我就話要轉卡位，當時我又未落單，對方未看周圍已經大聲話無卡位，當時我看見最入面有一張卡位，對方就好惡話，咁你咪坐囉！最後我同朋友就沒有吃，行了出門口走了，在我等候期間，對方已對員工呼呼喝喝，好似食左屎咁，找完員工出氣，又找客人出氣，不知所謂。

以前喺銅鑼灣最喜歡就去九龍冰室，近半年轉移咗去對面嘅「港囍餐室」今日同女朋友又來開餐，佢點左新鮮出爐麵包加杯熱鴛鴦，係佢平時嘅指定動作，今日咁啱麵包啱啱出爐「菠蘿紅豆包」每次嚟都會食，分量十足，菠蘿皮香脆，紅豆餡足，絕對唔係空氣包！熱鴛鴦水滾茶靚，咖啡味佔比例較多，味道濃郁。我點咗茶餐薑汁豬膶米粉黑松露炒蛋，多士薑汁豬膶米粉平時唔多食偶爾食吓都OK，先喝一口薑汁湯底，好正，夠姜！豬潤煮到啱啱熟，爽口彈牙，米粉份量不少，加埋條生菜，完美！黑松露炒蛋，多士炒蛋好靚，顏色鮮黃，呈現漩渦形易入口香滑出色；厚切多士加咗少少牛油，感覺啱啱好。熱奶茶保持一貫水準。

出品可以，服務都可以ge茶餐廳，衣家出去食早餐都基本上都來衣間食。距個沙嗲牛好過出面好多間，奶茶都可以，五會太苦，鎖喉個ge感覺，比較順滑，整體來講，衣間茶餐廳系值得推薦ge

今日同朋友二人去咗呢間食午飯，因為聽朋友講，話依間都幾好食，所以就去試吓。去到地方唔算大，但感覺都唔算好擠迫。侍應態度都好好，間唔中都會問你啲嘢好唔好食。當日我哋叫左豉椒牛筋腩炒河、黑椒牛柳絲一丁、冰火菠蘿包及兩杯飲品。豉椒牛筋腩炒河都算大碟，味道不錯，牛筋腩唔係好靭，口感不錯。黑椒牛柳絲一丁份量足夠，都好有鑊氣。唔會好鹹。另外上了兩碗餐湯，好多餐室嘅餐湯都好鹹，但依間都算係咁。整體上感覺不錯，無論食物、服務態度都好好。

I had late lunch at this 6-star restaurant and I ordered Japanese style chicken steak with squid balls and spaghetti, accompanied by lobster soup. The chicken was so crusty outside and juicy inside. To go with the Japanese sweet sauce, I was taken to heaven. And speaking of the squid balls, I love the strong aftertaste which really made me immerse in trance. And the spaghetti was bouncy and not unreasonably soft. Last but not least, the lobster soup really belonged to the elite, comparble to tha

I am so pleased to share with all diners about my dinner experience tonight at this restaurant near my home:1. Price was reasonable2. Services were 6-star3. The baked chicken was 6-star4. The soup was 6-star5. Boss was very friendly and warmI would highly recommend this restaurant to everybody.Mr. Leung Mitchell John

話說個多星期前, 係灣仔錫蘭茶檔外賣咗一件雞批, 質素唔差, 今次就試吓旁邊另一間茶檔嘅雞批, 睇睇兩者有何分別.茶檔店名叫港囍, 比鍚蘭嘅雞批貴一蚊, 睇睇貴一蚊貴在那裡?首先外層脆口, 但比起錫蘭側過於鬆散, 唔夠佢結實。論 Size 肯定比聖安娜,美心嘅雞批大, 但價錢相同.雞批內餡足無偷工減料, 可惜攤到凍哂, 如果食到新鮮出爐嘅雞批更好.雖然只係貴咗一蚊咁大把, 但食完唔知貴在邊樹, 所以下次都係幫襯翻錫蘭.

番工周圍食晒，所以去試下新野，跟住同同事簡左呢間。叫左一個馬來沙嗲牛扒雞串飯，老老實實，淨係聽個名，你都覺得成件事係好豐富，更不說當日有其他好豐富既午餐我簡。好啦，到左，一睇，哇好豐富，牛扒絕對唔係個D營養不良既牛扒，係真係大大舊，而且唔UN。沙嗲醬味道唔錯，配上牛扒同飯，都為到沉悶既番工日子帶來1D樂趣。

今天早上11時許，在港囍餐室吃了一個brunch ，要了一個雞扒黑松露炒蛋、菠蘿包加鮮牛油、凍齋啡。送到來的菠蘿包很新鮮，但因為沒有切開 ， 只好自行用餐刀切開，並把鮮牛油放進去，有些麻煩及不方便， 如果廚房預先切開菠蘿包，就更加理想了。雞扒都算嫩、 炒蛋黑松露炒蛋也不錯、再加上一片青瓜及蕃茄；如果多幾片就更加理想了。整體食物質素還可以， 又有懷舊歌曲聽；但今早人客不多，但卻相當嘈吵，最大問題是，在天氣炎熱的夏天，餐室冷氣嚴重不足， 必須改善。

呢間茶餐廳新開無耐，諗住去試吓啦！沙爹牛麵其實都味道不重但係唔明白點解早餐個包得嗰三份一好似有啲怪怪地！裝修新淨， 懷舊風重！送餐都好快！銅鑼灣區來講價錢亦都算差唔多！

茶餐廳嚟講，賣相絕對有驚喜！😍 但係所有嘢都比較淡，要蘸住底下嘅葡汁食～午餐另外仲有配中湯/西湯，整體味道係唔錯嘅，份量啱啱好，冇咁有罪惡感🤭葡式雞扒配薯菜 🌟🌟🌟🌟

服務生唔熟餐牌現缺靈活性漏單服務生態度有待改善比晒一人坐卡位-.-*搭檯落單混亂服務生亂咁上菜（好唔衛生！！）等等.......................

疫情下，要返工，唔想係公司食外賣，試吓呢間茶餐廳，set lunch, 有湯，有熱飲，$60。好耐無食伊麵，叫左蝦球伊麵，少油，味道合心意，唔太濃味。上菜幾快，份量多，中湯合掌瓜廋肉，服務都ok, 特登比辣醬我，比個like佢，大至上都乾淨。枱上有齊調味品，都好啊！最鐘意有舊歌聽，王傑，張學友，雷安娜😁昨日政府的警報通知嚇親，食完lunch好返晒堂食地方好難搵，呢間算保持到距離，所以都覺得食得安心，行開附近都會幫襯。

記得有一次新年經過見到有個小財神喺度派飯，覺得好得意好難忘，所以今次經過又試下先雖然話下午茶，但佢啲食物份量都幾驚人，隻熱狗大到嚇親我，個西多講就話半份，但勁厚身😅味道都幾好，上檯所有野都熱辣辣，脆卜卜，我同家人尤其鍾意食佢個沙律，出面好少可會有紅腰豆我另外叫左個蟹肉蛋白炒西蘭花，好好味😋😋樓面衛生情況算唔錯，幾個樓面哥哥仲會講下笑，有禮貌嘅有驚喜，下次會繼續嚟～

現在限聚令已經很小外出食飯，限聚前曾與朋友食飯，因遲遲都很懶未寫評論，現在經常要留在家中，所以扚起心肝拿著電話寫回評價。😛回想起當天和朋友行銅鑼灣，到吃飯時間不知吃什麼，經過這間餐室看見有很多款小菜， 既然大家唔知想食什麼，那就不如試這間了。我們叫了霸王雞， 西蘭花蛋白炒蝦仁 ， 椒鹽鮮魷， 豉汁蒸魚， 清炒時菜， 蜜椒薯仔牛柳粒， 鬼馬咕嚕肉飯。首先講吓霸王雞：雞真的夠嫩滑，不過要有我最愛的薑蓉會梗好。🐔西蘭花蛋白炒蝦仁：這碟都可以， 蛋夠嫩，西蘭花炒得恰到好處，不會過硬或過軟。🥦🦐椒鹽鮮魷：適合喜歡煎炸的我，炸得不會太多油。🦑豉汁蒸魚：最重要是魚夠滑，而且是熱辣辣上枱的。 🐟蜜椒薯仔牛柳粒：甜甜的薯仔配香滑的牛柳粒，簡直是絕配。🥔🐮鬼馬咕嚕肉飯：這碟是很特別，一咬落第一口以為啖啖肉， 原來食齋的人士都可以食這個餸菜，答案是油條，真的夠鬼馬呀。總結估不到這些價錢有這樣的水準，算是一間值得試的餐室。