港澳義順牛奶公司

营业中

休息中

每次去銅鑼灣都必食我比較鍾意食凍嘅雙皮奶雙皮奶有三種口味分別係原味、紅豆、蓮子但個人認為都係原味($36)最傳統最好味👍🏻而普通燉奶就有多啲味道選擇包括薑汁、咖啡、朱古力等等食完晚餐當糖水咁食真係好正✨.📍 港澳義順牛奶公司 (銅鑼灣)銅鑼灣駱克道506號地下

話說今日喺銅鑼灣到行街，行咗都有三四個鐘，行到隻腳都開始有啲攰，行過牛奶公司，見到好耐冇食嘅雙皮奶，懷舊嘅感覺即刻出晒嚟，所以諗都冇諗就行咗去食啦。今次兩個人去銅鑼灣，食咗佢嘅燉奶同埋燉蛋。講吓佢嘅燉奶，充滿奶嘅香味而且放入口都十分之滑，亦都唔會太硬，或者太散，入口即溶嘅感覺真係好正。再者佢嘅燉蛋，充滿蛋嘅味就自然唔使多講啦，而且質地亦都非常之適合放入口，加上天氣開始轉涼食返呢兩碗亂粒粒嘅嘢，當堂成個人都暖晒，又可以繼續再戰銅鑼灣啊。

出開嚟銅鑼灣😝天氣凍冰冰想食返個勁耐無食既雙皮上一次食已經係幾年前嚕🤣仲要係澳門今日唔算多人，三枱左右，唔洗等位相比之前真係差好多喔~入座即刻叫兩個熱雙皮燉奶🤭 每碗$36真係好好味😍香滑既鮮奶但稍為甜左少少😙（但我都接受到既）選擇困難咁諗緊要唔要多個豬扒包😂哈哈 小朋友先做選擇既～咁..... 我都係叫埋啦😜 豬扒包 $31香脆既麵包夾住熱辣辣既豬扒豬扒好貼心剪開左幾條，細細條方便咬而豬扒包成個就切開左一半☺️

我第一間食雙皮奶既地方係義順義順既雙皮奶夠哂滑又唔太甜最中意就係食上面果層皮今次除左試雙皮奶之外仲試多左樣新野就係香濃朱古力燉奶佢都係同雙皮奶一樣咁滑但有點苦可能落左太多可可粉食完好似唔夠喉咁再加多左個奶油多食多士烘得唔夠脆

今次係我第二次食雙皮奶，而兩次都係食義順😂 呢次係因為諗唔到食咩甜品好就揀左佢🙈 食完呢個甜品，真係會令我覺得 有時甜品好食就得了 都唔一定要好fancy嘅😂😂⠀食下啲老字號真係食得返陣香港local味🤣⠀平時食甜品一定會慢慢食～不過今次去嗰陣就比較多人咁，所以都唔敢食咁耐阻住人地啲位～😂⠀⠀🐮馳名雙皮奶燉奶🥛⠀(凍/熱） $36⠀❥ ⠀佢個雙皮奶係整定嘅，我其實冷熱都食過，不過就覺得熱嘅雙皮奶好食啲⠀❥ 熱嘅雙皮奶個表面真係好滑溜😍 連上邊嗰層皮都冇皺皮～⠀入面仲滑過豆腐花🤩⠀❥⠀雙皮奶食落個味道其實係好似Pie and Tart鮮奶撻入面啲鮮奶咁～奶味好香濃又唔會太甜⠀❥ 凍嘅雙皮奶相比起熱嘅雙皮奶，佢個表面就會有啲皺皮，所以個皮食落都冇熱嘅咁滑⠀❥ 同埋凍嘅雙皮奶入面啲鮮奶係比熱嘅雙皮奶更加結實～係比較動L嘅感覺😂 熱嘅就偏向liquid 少少⠀⠀🍫香濃朱古力燉奶🥛 （凍）$37⠀第一次食嘅其實係朱古力燉奶，因為自己係比較鍾意食朱古力😂 （#巧克力控 😂）⠀❥⠀佢都係好香濃朱古力味⠀❥ 但係我覺得佢比普通雙皮奶甜少少，同埋因為佢都係凍嘅，所以我又覺得唔似熱雙皮奶咁滑溜🙈 ⠀❥ 我

Well, I’ve been back here a bit recently.It’s surprisingly empty of late, not sure why. The food still tastes fine, but it’s nothing out of the ordinary. I am kind of annoyed however that I had to pay $2 just to have my bread toasted; this seems like something that should be included.I had a pork chop sandwich, a egg and ham sandwich, and a coconut milk with red bean. All were just okay.

講到食燉奶點可以唔去義順，今日心血來潮想食燉奶，當然即去最近既義順啦。環境就十年如一日，都係有義順既感覺。我係食左飯先黎，間舖都唔係爆哂既，所以坐得都舒服。咁兩個人就叫左兩個雙皮燉奶。記得細個個陣食好似＄２０都唔洗，依家已經去到＄３６，但佢咁好食收依個價我都係會照食。咁我地兩個人就一個凍一個熱，兩個個味道差唔多，但係熱既奶味係再香Ｄ，但因為個人實在太熱，所以食凍係可以有透心涼既感覺。義順既燉奶真係幾時都咁好食！奶咪好重，塊雙皮又夠好味。如果平少少我應該會多Ｄ幫襯。

今日去咗📍銅鑼灣🤣行街行到攰就求其搵間野食下，入到去先知原來依間野咁出名！！因為好肚餓，所以就首先嗌左一碗餐蛋麵，餐蛋麵質素同出面茶餐廳嘅差唔多🤔🤔湯底都係平日食開嗰隻味精😂不過因為嗰日好肚餓所以都食得好開心🤤🤤跟住就帶咗一個燉奶。依間舖頭最出名就係佢嘅燉奶，所以點都要試一試。口感方面，佢嘅燉奶非常之滑，味道亦都十分之濃郁。每食一啖都係享受緊牛奶味🐮🐮🐮。有機會嘅話我一定會返嚟食！

約左朋友係銅鑼灣食完飯，想食下中式甜品所以就揀左義順牛奶公司🙆🏻‍♀️呢間一直最出名既就係雙皮奶，價錢都唔平架，都差唔多$40一碗雖然近排天氣好熱，但係都想試下原汁原味所以叫左熱食，表層有一層薄膜，底下既都算滑身，奶味尚算濃郁，整體都唔算太甜👍🏻

香港人的習慣，在晚上宵夜，總是喜歡吃個甜點，因為生活習慣的驅使，所以香港的甜品糖水店，如過江之鯽，數量之多，令人驚訝。但在競爭激烈的香港，能夠留下來的，便是有所實力，主要有一定的粉絲支持。義順牛奶公司，在香港屹立多年，在澳門還有分店，我依稀記得，在中山好像也有一間，但不知道與他們有否關連。香港的義順，過往一直是遊客朝聖地，如果不是疫情問題，便需要排隊等候。個人喜歡吃雙皮奶，因為薑汁撞奶，在家也能制作，同時很多地方也有售賣。其他食肆的雙皮奶，是用普通牛奶加上蛋白制成，但義順牛奶卻以古方，用上水牛奶來蒸燉，直至固體，所以這裡的雙皮奶，在原材料上已經勝出。每次也只點原味，因為新穎配搭的雙皮奶，總覺得怪怪，這只是個人喜好角度。

同朋友喺灣仔食完晚飯之後，過咗銅鑼灣行咗陣，行行吓見返好耐以前食過嘅一間雙皮奶，就入去回味下。咁我淨係叫咗個雙皮燉奶，都好keep到水準，好重奶味而且好滑，啱晒我呢種鍾意食奶類製品嘅人，但個價錢比起以前貴左好多。

食番碗❤️雙皮奶先今次想食雙皮奶凍食。經過義順牛奶公司便吸咗我入去了🤣不銹鋼托盤裡的瓷碗’味道肯定不會差。 雙皮奶蒸熟後放涼’上面有一層奶皮。 下面的雙皮奶口感細滑’奶味香😋 醇’燉奶厚重又不覺得甜膩~正呀

義順總係有種老香港既感覺🌹呢個雙皮燉奶 我食左好多年❤️好特別好好味奶味香濃質地幼滑 確實係好多地方都食唔到👍🏻以前去親都好逼 今日去到大半個場都冇人 😯老品牌有性格既義順一蚊都冇減 企硬hkd36 一碗 有少少令我諗起就嚟暫停營業既洲際 一蚊都唔減 係一種態度 係一種對自己價值既肯定 ❤️唔知呢一個低潮過左仲有幾多我中意既好西會可以留低呢☹️

咁大個人 都無見過可以包場義順疫情對食肆既影響 應該都真係打擊不少不過佢之前賺咁多 我希望佢捱得住啦話哂好味既燉奶都唔多架喇一樣咁貴 $37 薑汁燉奶不過唔知係咪耐無食或佢無咩人食 佢薑左 味道好左 滑就一向咁滑仲叫左兩個通粉牛肉通 同火腿通一樣啦同以前 牛肉好似比以前多左不過一樣多既鬆肉粉 但至少比龍門既有味

買完野鬼咁肚餓，粗粗地黎飲杯紅豆冰。紅豆多夠飽滿大粒，但硬左d，因為凍飲嘅冰好似我買野嘅心一樣火熱，熔左好多，變奶水。唯有同時間競賽，起勢飲先避免到佢唔變紅豆奶水。話左肚餓，飲幾啖冰就更餓，開著左胃嘅引擎，望住隔離檯配粉，好似識發光咁，叫左碗。牛肉通粉叫幾好，湯底好明顯懷舊底雞湯，溝水情況未算嚴重。最重要係牛肉無那我太勁，或者太大梳打粉味。易咬嘅，粉都ok，環境就一般茶餐廳咁，唔好expect好乾淨高尚，土生土長鍾意呢陣懷舊又local感覺，黎食嘅加感情分。