港灣宴會廳

营业中

休息中

港灣宴會廳，位於新蒲崗寧遠街3-23號越秀廣場5樓。 冬至晚飯$2888， 金豬全體、 上湯蝦球伊麵、 貴妃耳醬爆彩鳳珊瑚蚌、 流心奶卷百花球、 竹笙海皇燴燕窩、 古法羊腩煲、 清蒸遊水富貴斑、醬皇一品燒雞、 臘味糯米飯和桂花糕。 每款菜式正常發揮， 味道普普通通，冬至正日訂到位已經算幸運了。 上菜速度非常有效率， 全部差不多一次過放曬上枱😆。 整體服務都唔錯， 雖然好多甩漏， 但服務員的態度是幾好的。 🏷️溫馨提示～ 整個用餐體驗均屬個人分享意見， 只作參考😊。

訂了超值全包宴餐，第一次吃晚飯，擔心質素唔知係點，但位置就近家人，所以過來一試.6:30pm去到酒樓，只有兩三枱客在吃飯，反而跳舞那邊就有客人，心想自己可能中伏了⋯⋯，但當第一道菜上枱及試味，開始有啲信心，越食越好味，份量大，加上有兩枝啤酒，6罐汽水，真係超值！但員工培訓要加強，有禮貌但工作欠默契，要追問才有茶飲！整體餸菜份量足夠12位用，除了糯米飯，而且味道不錯，以全包宴價錢，性價比算高，值得再去！

屋企人話想過嚟九龍城附近行吓，咁就飲個下午茶先至再周圍逛吓。知道有新開酒樓當然要試吓啦，想到嚟都幾企理又夠光猛，估唔到係舊商場接手都整得咁得體。講返食物先，基本上全部都幾有水準。先講一講個牛腩河，好似去咗粉麵舖食咁樣樣個湯底真係有腩汁味，雖然啲牛腩薄咗啲，但係呢個價錢真係性價比好高。點心味道個鹹魚雞粒炒飯就到，本身想叫楊州炒飯，但係驚佢唔係好有味，咁就叫咗呢個鹹魚雞粒炒飯。不過都係唔會太鹹都係偏淡，唔知係咪舊區都比較多長者，可能就返啲老人家口味。另外，最欣賞係個腸粉，皮薄多餡，同埋真係好滑。個粗糧糕都好足料，另外個蜆介鯪魚球有現肉食，大大粒唔係即係有啲汁，不過個鯪魚肉就偏腍咗少少唔夠彈呀。個牛柏葉醃得都幾夠味，同埋食唔到嗱個d味道，下面墊底d白蘿蔔都冇渣。啲乳鴿就大隻咗少少啲肉有啲嚡。隻粒燒賣都好足料上面有一粒蝦之外，喺個餡裏便都有一隻蝦。酒精蘿蔔糕面嗰度落咗啲櫻花蝦都幾香，但係糕裏便就冇乜餡料。流沙知爸爸要改名因為一啲都唔流沙，但係係好食嘅。整體嚟講食物真係合格有餘，清潔嗰方面明白店家注重衛生，但係唔好喺客人食緊嘢嘅時候都喺度掃地，揚起啲塵個鼻真係超級痕。

10/11/2024（星期日）路過新蒲崗，見有新酒樓，又來試試，原先這位置是一間酒樓，現轉了名，佈置同之前好似差不多。星期日早上十一點到，唔駛等位，酒樓只開一半，可能人少關係。埋單時十二點多，已坐滿八成客。星期日仍有全日大優惠點心4款，4款都點晒。早市已過，午市優惠都頗多。共點了八個點心，每個都唔錯櫻花蝦蒸蘿蔔糕芝麻流沙包鮮蝦燒賣皇蜜汁叉燒腸家鄉咸水角咸菜胡椒豬肚，好夠味，又多白果，正XO醬炒腸粉，略為油咗D煎釀虎皮椒