港灣茶餐廳

营业中

休息中

老公對菠蘿包情有獨鍾，元旦日逛完會展Design Gallery後，包迷被港灣茶餐的雜味菠蘿包吸引了，也是很正常的事。　一個菠蘿包外賣價$10，比起街邊檔似乎貴了不少；不過考慮件頭較大，款式多且吸引，還有堂食價約$18的對比，其實$10已算優惠，所以決定買2個做早餐。翌日郭師奶早起大顯身手，沖起香醇3合一奶茶，又煮起巧手公仔麵後，重頭戲是叮熱兩份菠蘿包，然後開餐：　咖央菠蘿包-菠蘿包皮厚又多，可惜是隔夜後變實變稔，連同麵包亦鬆軟不再；中間的餡芯並無咖央椰香味，反而更似菠蘿吉士醬，雖也是香甜清新之作，但卻貨不對辦啊!　麻蓉綠茶菠蘿包-不留意看，或者不會注意到包身輕微的淺綠，所以店方又再曬上芝麻以資識別。同咖央包一樣，菠蘿皮已香脆不再，中間則是較香較甜的麻蓉餡芯，其香濃甜味完全蓋過了綠茶，對嗜甜的我也算討喜。　繼水準平平的除夕私房夜宴，這個早餐小打擊仍未動搖郭太新一年新煮意，不過也學乖了：菠蘿包一定要吃新鮮出爐貨色，以後週末還是落樓嘆茶記罷!

因工作關係，被迫到過位於會展內的港灣茶餐廳吃飯一次是吃早餐，一次是吃午餐先說早餐的一次，一個相當普通的茶餐廳早餐，有公仔麵+煎蛋，賣$27，仲要唔包餐飲另一次是吃午飯，一碟干炒牛河+餐湯+餐飲，要$55食物的質素普通啦，不過不失簡直是翠華的價錢，但提供不了翠華的食物水準餐廳的環境就算幾優雅啦，服務態度亦唔錯

14-6-2009去 travel expo 睇完問完, 搵地方坐吓飲杯奶茶. 會展行去邊都遠, 近近哋試試呢間茶記吧.朋友又飲胚芽好立克; 我就簡單要個熱奶茶 ($14) -- 用金屬杯 serve, 飲落茶味香濃, 而且幾滑, 唔錯喎 又試了一啖朋友的菠蘿油, 皮叫做幾脆,「下層」麵包就實實淨淨的, 質地似港式 burger 的 (嘉頓牌)「芝麻包」多 d.伙計阿叔態度就有點不耐煩, 不過環境乾淨又幾清靜, 坐吓都 ok 的 -- 特別係星期六日!

Came here to attend an exhibition 1 day.Ordered a Hong Kong Style Tea (Hot) and a Fried Beef Noodles.- The HK Tea was too weak to be honest, not a hint of tea flavour or aroma one that its normally associated with. - Surprisingly, the Fried Beef Rice Noodles was of a high standard.The individual strands of rice noodles were coated with darkish soya sauce and not clumped together like siamese twins (as in most other places), the noodles were of the medium width and thickness variety. The beef p

幫襯慣平易近人的茶記，來到這家不設茶餐、收費貴上3-4成的港灣靚裝茶餐廳，心裡始終不太適應。不過誰叫自己想品嚐其咸牛肉菠蘿包呢?　4個人的下午茶，由我拍版散叫了：　多士(單/雙併$10/$12)-選了微酸開胃的果占多，有一定厚度及質感的麵包烘得金黃香脆，味道不錯。 法蘭西多士($20)-炸得金黃卻不太油膩，加上夾層厚厚的花生醬，半融牛油及香甜蜜糖，是肥死人但也引死人之選，還好多人分享肥膩可減低罪惡感。 咸牛肉菠蘿包($24)-今次來的目標，雖然價錢貴得令人咋舌，但菠蘿外層原來不算太脆，配上咸牛肉的咸甜交錯效果，亦不如金黃的菠蘿蛋包，不抵食啊。又原來除了咸牛肉，大家也可自選其他特色內餡配搭菠蘿包，如餐肉、火腿等，但我就沒興趣再試了。 凍熱奶茶($17/$14)-就是lipton金裝奶茶味道，其實不算差，以味道計比咖啡店飲品抵，可作為傳統港女，心理上始終覺得散叫奶茶不抵。 蕃薯金粟糖水($18)-相比之下糖水收這個價就不算貴，然而薑味與甜味較重，蕃薯很難吃，加上金粟又是怪怪，仍是不推介之選。 　下次有機會去灣仔下午茶，還是首選去豪華咖啡茶廳，好想試它家紅豆冰+厚多士呢!

我地四個人去, 叫左兩個套餐, 每個套餐 $58 , 仲另外加左凍飲, 凍飲每杯要另加 $ 3 ,點知有個師奶伙記過來, 話我地四個人要叫四個item 否則去到收銀處會比人留難, 因為餐牌寫明, 每人最低消費 $14 ,咁我地四個人, 唔係合計多過 $56 就得咩? 點知佢話唔係, 係要每人都要叫一樣先得, 咁大佬你又唔早D 講, 我地四個人叫左兩個套餐仲加埋凍飲, 都要$122 啦, 諗住一定過左最低消費呀~~~ 點知原來唔得, 咁我地就唯有再另外加多兩杯野飲, 真係唔開心, 都係去睇展覽, 順便搵個地方休息下之嘛, 實在D 野又唔好食, 服務態度又唔好, 地方又唔係坐得舒服,仲要食左百幾蚊野, 又俾人話未夠最低消費, 真係冇道理呀~~而家唔係話要環保, 唔好亂叫野食咩? 做乜仲要有最低消費呀? 我又唔係冇叫野食 ! 個餐已經貴啦, 成$60蚊一個餐, 又細碟, 飲杯凍檸茶又甜到飛起, 都唔知呢間野點樣可以生存, 仲有呀, 佢起會展架嘛, D 外國人來睇展覽, 去果度食野, 咪影衰晒香港囉~~~~~

昨天開會後在這裡講埋少少手尾,叫了一個蘆薈柚子蜜(熱的), 蘆薈配柚子蜜都幾夾,杯野夠熱, 蘆薈肉又多, 幾好味!不過朋友話佢既凍奶茶就唔掂, 好澀~service唔得, 詳情唔想講, 總知就......

今天陪朋友去會展看婚紗展，行之前來這兒先吃點東西，純粹是貪就腳。我因為差不多十一點才吃早餐，所以只點了一個厚餐肉煎蛋波蘿包和一杯凍檸賓。朋友則點了一個套餐，是紅酒焗雞飯，配了杯凍鴛鴦。 厚餐肉煎蛋波蘿包 餐肉不算特別厚，但有兩片；煎蛋恰到好處，還有一點點蛋黃流出來的。波蘿包很厚，也算鬆軟，只是女孩子吃起來有點不方便吧。整體而言是不錯的，但......貴了點。不計飲品，單單一個餐蛋波蘿包就要 $29，加凍飲後 $51，已經等如我朋友點的焗飯套餐了。 紅酒焗雞飯 試吃了一口，味道不錯，雞也挺滑的，ok 呀~

午膳時間, 去左呢間茶餐廳試下。叫左一碟 「金菇沙爹肥牛炒河」, 沒有order飲品。金菇？沒有。沙爹味？好淡。肥牛還肥牛, 炒河還炒河, 各不相干。以 $48 一碟的價錢計, 簡直絕不合格。

今日午膳時間, 去試下呢間茶餐廳, 見午餐set 唔多想食. 就單叫左一碟「金菇沙爹肥牛炒河」, 沒有order 飲品。先講賣相, 普通啦, D料起晒面, 炒河粉起底。食方面呢？金菇？沒見到。沙爹味, 只有少少, 幾淡下。最大問題係料還料, 河粉還河粉。如果呢一碟只賣 $ 20, 我都會收貨, 算, 鬼叫收得平, 炒得唔好食係預左。但係收得我 $48 大元, 仲要冇野飲, 自然會有D要求啦, 呢碟炒河絕對唔合格！ 比起謝菲道那一邊一眾茶餐廳收得貴, 質素卻差多了。

25/11/2008 約8:30pm同學送來3張$40現金券,只在今日有效影完相就過黎食下野3個人,每人一杯冰類飲品：柚子金桔冰,椰果紅豆冰,椰果賓治冰 @$25個個都話佢果杯好飲,金桔潤,紅豆有咬口另一人一小食：豬扒包×2 @$20, 奶醬多$12佢地話包烘過,豬扒不會硬硬的,配埋洋蔥岩曬,兩個好快食曬我個奶醬多ok嫁,好脆口足以證明呢間野唔會臨收工馬虎整好野食俾d客埋單$127,真係好鬼貴,唔係有券都唔食呀

Everytime i go to exhibition center ill come here for lunch or dinner, and ytd we came to have lunch before goin to the food fest. We ordered a bake curry ox tongue rice, a fried seafood "lai meen" and a cha sew with goose. The bake curry ox tongue rice is very good, the curry sauce is very thick n rich and theres no cheese ontop which gives it a pure curry taste, Its just nice not too spicy at all. The fried rice base is very good, very dry and chewy, and the ox tongue thickness is just nice an

琴日行完婚紗展，未夠鐘睇Show，是但搵間平o既坐低。沙嗲牛通：牛肉唔會碎濕濕，通粉係一般茶餐廳通粉，ＯＫ川爆羊肉飯餐：個紅湯非常茄汁，偏酸。羊肉係醃「林」，西芹甜，可惜一Ｄ都唔辣朋友叫左個豬頸肉撈公仔麵，佢話幾好

時常光顧，一年總會光顧十星期以上。近年已數次調高價格，但餐牌新意欠奉。>_<

終於完成任務, 鬆一口氣.叫了鯪魚球魚湯米線, 魚湯不濃甜, 鯪魚球有兩大粒, 不算很香彈牙.海南雞飯那些飯不太有雞油香, 爽身偏硬. 雞肉尚算嫩, 黑醬油很杰不過甜.