港灣茶餐廳

营业中

休息中

每次在會展工作，我都會到港灣茶餐廳填飽我的肚皮。上網才發現，劣評比較多，真有那麼差嗎? 雖然部分食物的確不特別好味，也沒有非常優質的服務，但論食物的質素還不過不失吧，而論服務也不比其他餐廳差；正正常常。今次我就品嚐了黑椒牛柳絲炒意粉，因本人怕辣的關係，叫了少黑椒。意粉到時，炒意粉的香味都令同枱朋友為之一讚，相信是鑊氣足，家裡怕是煮不來。份量方面，牛柳絲頗多，並配有洋蔥，三色椒絲等配料。味道當然不會令你吃後嘩一聲，但是亦不至於其他食客所言的那麼差吧；不過不失吧！

Went on a day when wedding expo was happening. Stood outside but was ignored until I asked the cashier (taking money from another customer) whether we could go in. The tone of the reply (WAIT THERE!) was horrible. After sitting down, we were not served water even AFTER asking two separate waiters for it (or for the rest of the meal). After ordering, the waiter came back and dropped the cutlery on the table.We ordered "Scrambled Egg and Shrimp with rice" whilst fiance ordered "Crispy Pork Belly w

又到午飯時間，行出會議展覽中心，正在下大雨，唔想開下傘，唔想濕身，在無可奈何的情況下，唯有死死氣去呢度食午餐，這間餐廳以前都嚟食過，印象麻麻。今日嚟到，叫了個葡汁焗魚柳飯，魚柳焗得ok,葡汁不太好味，而且，個汁不太夠，飯又煮得唔夠軟，杯啡又淡，唉～但人流一如往日的超多人，方便嘛！找侍應生幫忙落單，舉起隻手，舉到抽筋都冇人望一眼，不是侍應生的問題，"可能"只是人太多，侍應太忙，顧得執檯，又顧唔到其他客，顧得客人，又顧唔到上菜吧！無奈!

我唔食牛肉，就叫干炒肉片河，居然話得干牛河，我問可唔可以轉肉片，待應話唔得，我唯有轉燒肉雞飯，待應又話佢地賣燒煵飯，雙拼得叉雞同叉鵝，又唯有叫叉雞，跟著餐到又不是我叫的，原來落單寫錯枱號，我要的送咗去另一枱，呢間野完全唔掂，仲話叫茶餐廳。唉.......!

會展旗下一系列的餐廳，質素都不錯，當然如果有表演或展覽時，情況可能會有點不同。上星期四，一家人到會展觀賞《冰上迪士尼》其實已經醒目提早到達，不過人潮還是多得嚇人，整間港灣茶餐廳密密麻麻都是家庭食客。很難得，才拍到店內一連兩張空檯！肚子餓了，點餐吧！小兄妹太餓等不及，下單後先到麵包櫃點了一個腸仔包充饑，然後至尊咖喱配秒製牛腩 ($62) 才上檯。雖然咖哩不適合小孩吃，但奉送的白飯（也可選意粉）就成了妹妹的目標，徒手就抓來吃了！由於給她吃掉太多白飯，咖哩份量巨大（但餡料不算多，牛腩只3-4小件）同時味道不算濃，餘下爸媽都將之當是咖哩湯飯吃，甚至撈進另一碟滑蛋蝦仁炒飯吃，也沒違和感。原本目標給小兄妹吃的 滑蛋蝦仁飯 ($58) 遲了上檯，茨汁多於蛋汁、賣相稀稀的不夠吸引，囝囝勉強還肯幫忙，妹妹就不太領情，情願繼續吃白飯！其實除卻蛋汁不行，那蝦倒是不差的。本來打算兩兄妹各吃一碗飯後，再給他們點炸魚薯條，免得薯條一上檯二人就棄飯不顧，怎知中途下單等了約十分鐘，職員才告之炸魚薯條賣光。沒辦法，快將一早上檯的糖水喝完，快快埋單再去買即食外賣給他們。糖水是喳咋及雪耳燉雪梨，前者我沒試，但見老公飛快完成

這一間茶記，一直都沒有意欲一試。今日，同事帶我去。三人行，要了一客炒飯，以及粥餐，另外點了兩杯凍檸茶$18/杯，正常之作。港灣炒飯$85，炒料有蝦、瑤柱、雞蛋、蟹柳、青豆和紅蘿蔔等，飯粒稱不上粒粒分明也，鑊氣也不足，香氣也欠奉。食之無味，棄之可惜。南瓜蓉肉碎粥配豉油皇炒麵$64，轉凍檸茶（+$3），相對較為可取。粥不算十分綿密，入口帶滿南瓜的香甜；炒麵簡單地以豉油皇、芽菜和韮菜同炒，香口富嚼勁。

今晚 8:00pm 要在會展看  Olivia Newton John concert.  急急忙忙要吃晚餐, 會展內最方便, 快捷, 價錢大眾化的餐廳是港灣茶餐廳.  每當展館有節目, 這餐廳一定很多人, 可能要搭枱. 餐廳座位多, 廚房及水吧房也很大, 感覺清潔整齊.餐牌內 食品, 飲品種類很多, 包括中西式粥, 粉, 飯, 麪, 多士, 扒類等等, 目不暇給.優惠價:  少飯減 $1-,  夠实際也環保.我們選了:  白汁芝士焗海鮮飯, 賣相ok, 因碟子很細, 份量頗少. 內有螺片, 蝦, 蟹柳, 芝士香濃, 調味適中. 忌廉汁多. 入口好.雲吞麪, 碗太細, 麪很多, 雲吞只有 4 粒, 內饀雲吞不夠水準, 雪藏蝦肉無鮮味, 也不多. 湯也一般.麪口感一般, 可能是茶餐廳, 不太專業於麪類食品.如吃飯或麪食, 加多 $10 可以加茶或咖啡, 但檸檬只有三塊, 切近檸檬头部很細片, 酸味不足, 欠水準.侍應特式:  是較年青, 手快快的, 他們服務有專業 LOOK, 無論任何天氣, 多是穿著不同顏色的短袖 T-裇.有禮貌,  頗有工作精神.

太陽雙蛋沙嗲牛肉出前一丁，明明幾個月前係無出前一丁架喎，依家開始有得供應？但有鬼用咩，一早煮定腍劈劈又發脹，有 order 就放湯出貨，溶到唔洗趙又無晒麵味，已經食唔出係咪出前一丁啦﹗依個早餐外賣等左我十五分鐘，攞到去會場坐低食，太陽蛋焗左 5 分鐘暖暖地滑溜溜，蛋黃甘香滿意。沙嗲牛肉今日合格喎，唔乾唔鞋，汁無杰撻撻無過咸，合格。太陽雙蛋沙嗲牛肉出前一丁，麵條腍到發脹變糊仔，堂食都腍劈劈，外賣攞走就更嚴重啦。遇過細心既茶餐廳，外賣即食麵會煮生一點，預左最少要浸 5 分鐘先食。奇怪地，沙嗲牛肉及太陽蛋外賣好食過堂食喎，可能有足夠時間焗熱掛。牛肉味道及質地都非常滿意，不鞋不乾，汁都唔會漿到一舊舊。太陽蛋暖暖的，夠香夠滑，食味！五香肉丁出前一丁跟太陽蛋火腿走包，放左係枱度好耐，侍應姐姐都唔得閒包比我囉，就算堂食既麵都勁腍，依家仲再浸耐啲，您估浸到發脹飽肚啲咩！我叫走包又無走包，叫辣椒油又無辣椒油比我，搞到要我叫另一個侍應哥哥比囉。我都知個侍應姐姐一個人做唔切，但都要留心落單架麻 ﹗五香肉丁出前一丁跟太陽蛋火腿走包，黑媽媽既五香肉丁，咩牌子黎架？五香味極淡而勁油淋淋。麵條依舊十年如一日浸到腍鬼

今日端午節公眾假期，交通勁暢通，話咁快就到左會展，大把時間食早餐。早餐無咩選擇，咪又係普通茶餐廳囉。個 menu 好豐富呀 ﹗會展飯盒同佢無得比啦，我要係度食 lunch 呀！如果可以比我離開個 booth 黎買外賣就好喇﹗見食評大讚乾炒牛河好掂，好想試試有幾好食呢﹗點知打電話外賣自取唔可以，要親身落舖頭比錢先落 order？我聞所未聞囉！跟住再打多次問，話下午三點後先供應，只可以堂食無得外賣。本想 lunch 試一試 openrice 食家大讚既乾牛河，點知不設外賣，只可堂食 ﹗咩野料呀！咁我堂食食唔晒打包攞走得唔得呢？今日飛的過黎仲有時間剩，慢慢嘆個早餐先，坐係度食舒服好多﹗原本就好舒服，點知對面枱個瘦削飛機頭因為杯野飲遲遲未黎係度兇個侍應，鬼殺咁嘈！個個食客都等咁耐啦，淨係您先燥咩！原來係隔我幾個 booth 既公司賣珍珠既。早起的曉奧有麵食，可以悠閒地嘆個早餐先開工呢！第一次坐到最遠窗邊，次次都帶人地去右邊密麻麻方枱，大排檔 feel 濃厚。依邊簡直 VIP 區啦，有街景睇又清靜又坐得舒服。難得今朝約左同事食早餐，雖然平時返工各有各忙無咩兩句，無所謂既，同枱食飯各自為政啦！太陽

午膳時間到訪珠寶展遊覽，為爭取時間，就近到會展港灣茶餐廳用餐。一客滑蛋蝦球飯，滑蛋份量比預期少，汁則略多。蝦球算大隻及份量足，爽口但無乜味。凍奶茶味道不俗。

今日早左到會展， 經過呢間茶餐廳，食左個早餐又貴又難食，服務態度仲……話說個早餐有個公仔麵，佢一放低就知個麵淋到冇朋友，食落個湯仲要冇味㖭，D沙嗲牛肉五香肉丁尚算足料。個餐包細细個，凍嘅，個炒蛋熟到乾，杯奶茶超鞋，雖然你收34蚊喺會展叫平，但整到難食到貢，比D泥香港參展嘅賓客食到，真丢面。野食難食不在講，最大獲係班侍應，入去時候懶好招呼，坐低叫野，十叫九唔應，行到埋泥，態度仲差，簡單叫個早餐，覆左三次都錯

這天早上，因公事而要來到灣仔北處理。順理成章的，就地一個早餐是必然的事。在灣仔的舊區內工作，灣北的海邊，真的不是為了會展、稅局、上法庭、辦證或坐船，都不會踏入這兒。這次有幸來到，當然要找一個好地方，食個好早餐啦。不過，這灣北又有什麼比較大眾化的食肆呢? 我發現，除了連鎖店之外，就只有會展中心內的《港灣茶餐廳》。不過，說平不平，一份普通貨色但夠豐富的早餐，要35元，不見得抵食。我叫的，是公仔麵套餐，而先來的，是一隻龜仔包同一隻煎蛋。在有對比同沒有對比之下，這龜仔包都未可以令我笑，而蛋是我要求全熟的，因為我打算放入湯麵一起吃。而麵，就是最簡單的茶餐廳早餐麵，五香肉丁加午餐肉，是一個可以做得很 hea 的麵，而《港灣茶餐廳》的麵，的確是如我所說的 hea，味道是麵還麵，肉丁還肉丁，餐肉還餐肉，煎蛋還煎蛋，味道上沒有互相侵犯，沒有一個可以充當大阿歌，帶領味道。之後是奶茶，茶夠熱，而且太熱，奶落得也不太夠，未飲晒我已經要放棄。如果這是一間普通的茶餐廳，收正烯的價錢，我會覺得冇所謂，但在會展，收貴出面十元有多，令成件事由不完美變成差勁。

番公司前係呢度食個早餐價錢當然無出面茶記咁平,但估唔到份量有所提升沙嗲牛肉通粉,腸蛋,凍檸茶$35通粉份量何其多,比起屋企樓下多應該30%,湯底味道主要來自沙嗲汁,略為甜左一點牛肉都幾軟,但個汁真係幾甜,建議改咸一點但呢個份量真係幾抵

返會展既part-time少少時間食lunch既情況唯有揀呢間Lunch time都幾多人,等左兩三張枱先入到去餐牌都算多野揀,各類炒粉麵飯都有嗌左個肉丁炒公仔麵($55)凍飲+8蚊食落都幾足料肉丁有口感夠味得黎公仔麵又唔會淋而且估唔到都幾多肉丁茶餐廳質素黎講就算係咁不過獨市生意佢要賣咁貴都無計啦

在會展出席餐酒活動，中場休息時間，與馬來西亞朋友們，來到港灣茶餐廳，吃個午餐才上路。聽過朋友說，這裡的干炒牛河做得不錯，但身處會展，價錢當然不會便宜，如果能夠炒得像何洪記的水準，當然沒有問題。只是此牛河炒得不夠上色，有些河粉還是白色！牛肉質素亦不佳，是鬆肉粉之過。鑊氣？還要有氣用？引用一下我用牛河來形容男人，此牛河了無生氣，有如雙失的頹廢男人，與其要他講義氣，不如打救一下他，還好。又或者這樣去想，正值午餐黃金時間，食客太多，廚房一時失手，在茶餐廳來說，可否再給他一次機會？