港飲港食 (已結業)

食過呢間的粉麵，好處係清清地，今日一於再清下....手撕雞米粉湯仍然好清，呢個係優點手撕雞同菇的份量都不多不少，大約一隻雞比份量，手撕雞真係無骨，夠滑成碗野好清得來又有味30蚊，如要加飲品加11蚊(凍飲)想清的時候可以再食

在很肚餓，而又沒有時候可以出去食飯的日子，外賣是最好的可惜....等了45分鐘先來到，好彩不是趕去見客簡稱魚旦粉應該合適吧湯底好清，分不到是咩味粉不是廣東粉麵那些的滑同油，魚旦好爽，當然沒有魚味的，但爽同彈牙的程度會令人想再食30蚊，差不多了吧有幾條菇配一配其實整碗粉沒有什麼特式就是最大好處，因為不會失望也不會有什麼驚喜因為已經餓到over左，所以份量剛剛好送到來時，沒有甩皮甩骨，湯沒有溢出，此乃送外賣人員既功勞!不錯

來個Tea先，貪佢地方夠大，人唔多舒服D一個Tea set, 售價係30蚊連一杯凍飲，都合理 今次試下食個豬排飽先，外貌不錯，而且貼心地把它切開兩邊，方便D易食D不過....味道唔得，包也唔脆凍檸茶味道OK，但外貌跟一般茶餐廳無分別，所以無影到以一個30蚊的下午茶來講，水準真係好一般唔貴，可以再試佢其他野

港飲港食都幾難搵 冇大招牌正係睇地址係唔會搵得到間餐廳不過好彩佢隔離就係幢工業大廈最後都係廿分鍾內搵到-兩個人係下午時段叫左少少野食咸魚雞粒炒飯：雞粒唔多 雞皮比肉更多 不過個味係 OK 嘅 中上水準 聽聞只係咁岩我去食果日 啲雞粒少啲雜果賓治：好凍好多冰 無特別紅豆冰走冰：冰都仍然有半杯 紅豆極甜 唔推介單叫一杯野飲已經係廿蚊嘅水平，有半杯係冰 好難話佢抵食我諗都係做返開附近打工仔嘅生意 所以質素都係中中

約人在官塘開會時間尚早吃過早點先見到呢度門面幾光鮮九點多可能返工的已經工作居然沒有客，隨便坐個卡位叫了個雞亦公仔麵跟雙炒蛋跟早餐叫了杯凍咖啡好快全部到齊，公仔麵同味粉分開比上抬咁味道自己調校雞亦味道普通，麵即刻食好爽口炒蛋算炒得滑，不過稍油了點麵包普通，凍咖啡都夠濃地方好大，呢個時間得我一個客坐到十點幾都無人幫襯官塘工廠區真的生意難做

這裡平時我返工經的早餐食店，大路貨色芝士腸公仔麵，麵煮得剛剛好，原包湯粉同麻油上餐包不夠暖，但口感是軟綿綿的，火腿沒有煎過煎蛋夾入餐包中更加惹味D奶茶沒有苦澀味，花奶亦落得恰到好處，味道很香格局枱椅甚至是餐牌好是茶餐廳一樣

是日求求並並和朋友食個晚餐,黎到呢間外表裝修好似唔錯,內裡茶記既地方油菜不評論吧炒飯下了素翅增加口感,味道不過咸,也不太油膩,但飯粒不夠乾爽涼瓜經處理後甘苦度大減,食得開懷,牛肉太咸了,同埋無哂牛肉既口感O者O者雞雞肉都幾嫩,但豬潤就OVERCOOKED,醬汁就合格既,咸香惹味整體上食物不差,但係上衛生情況麻麻地,絕對唔配合門口個感覺

天陰陰經開觀塘，又不想食大集團的食品，但在開源道找不到茶餐廳，只見大部份都係：“銀行“終於轉入成業街，返馬會後面的街，看到有個茶餐廳，就二話不説入去坐下！！！位子ok，不會很擠迫的，地下枱子都乾乾淨淨，侍應也ookk很多人叫炒粉麵吃，但一心想吃雞脾，所以叫了雞脾沙律餐須時20分鐘，但“生炸脾“很脆，很好味，只是有點偏咸少少奶茶也不俗呢！！！！

週末，又隨著太太來到了觀塘，好讓我開發多一點這頭的工廠食堂。本來想去飲茶的，但是日的時間實在非常之趕，所以我們都是快食，快走，讓太太準時把工作做好，夠鐘即閃。於是我們放棄了飲茶，改去一間環境比較好的工廠飯堂，叫做港飲港食。(名字改得非常之好)早餐，我本找算食完再慢慢嘆茶的，所以我陪太太一圯來個輕輕的奄列餐，而我要上的，是一個火腿奄列。這兒的奄列，是考功夫的薄煎蛋，而蛋裡面是充滿餡的，煎蛋時，又要弄不穿，又要弄不燶，的確是非常考功夫，火腿香口，但蛋就較為熟了點。慶幸是沒有太多的油，沒有食到成口油的感覺，非常之好。 太太的純素選擇，就是蘑菇加上粟米，味道上，因為只是罐頭菇的原由，不會太過香口。但粟米非常之甜，蛋也同樣地又薄又煙韌，也同樣是不錯的。 吃罷這煎蛋，太太就趕住去上班，而我就慢慢的坐，再慢慢地在觀塘區漫步。本來想再去飲茶的，但這奄列也把我塞到半飽了，我只好慢慢行打發時間，等中午的來臨.......再食 lunch。

「港飲港食」的新裝修十分特出，令人有耳目一新的感覺，難免對廚房的出品也有所期望。觀塘見客預先約了T先生過來這裡下午茶，站在門口講電話看見外賣員已經頻頻出動，外賣強勁。因為早了一點到就不等T先生了，先叫一份「特大豬仔包茶餐」選了雞扒，餐牌上寫的是「法式雞扒豬仔包」茶餐。出餐十分快速才一下子已經上檯了。先喝了一口凍鴛鴦「亞…..」甜到「亞媽」都唔認得，由於口渴來不急叫亞姐過來，即刻將黑水杯中的茶倒入凍飲杯，反覆來回兩次「糖水平均法」才能將糖水溝淡。看看黑碟子上的「特大豬仔包」只是一般熱狗包的大小夾著1/4到1/3大小的雞扒，放在濕轆轆的碟子上……….. 。只有吃了熱狗Size的豬仔包的上半部，感覺是脆與不脆之間硬就十分夠硬，反而炸雞柳就夠脆了，無法完成只有留下那3/4的特大「法式雞扒豬仔包」。T先生來到看見我的碟子，再看看我那杯看似沒喝過凍鴛鴦（實際上是喝了小半茶杯）客氣的說剛剛飲完茶，不吃東西了。

由於搬到了觀塘居住，也要四出搵食 這店已不是第一次來 。。。 還記得第一次光顧是在舊店；地方殘舊，烏燈黑火；那次的食物難食之極! 搬了新店看到地方企理得多，還可多比次機會他 食落會發現 。。。 小心選擇就可找到他的好吃東西呢 ~ 今次介紹的是籠仔蒸飯 。。。 天天不同，月月有變! 這飯奧妙在 。。。 紅米和白米飯! 平時吃他的小菜套餐(白飯)也稍嫌硬， 但跟其他送蒸過之後軟熟很多，米飯吸收了送汁的精華 ~~~ 2個人(OL)叫一個蒸飯套餐(有野飲) + 魚湯浸時菜 + 1個凍飲， 約80蚊 。。。 OK! 個蒸飯好夠份量，我同蝦子餅(2個人)晚餐都夠飽飽 其實，佢既蒸肉餅、滑蛋蝦仁。。。 等小菜都OK嫁! 我D素食同事就鍾意佢既咖哩喇

並非首次光顧此店,記得中午的價錢及質素均未能給予肯定,不過下午茶仍保持水準.下午茶一般都廿多元,但眼見炒粉麵飯才$30,而且記得這兒的炒粉麵飯不錯,凍飲+$2,乾脆下午茶也吃飯好了.飲品先來,凍檸茶比以前進步了,不再淡淡的,茶味明顯濃了.友人點的乾炒牛河全走配菜,賣相可以,香氣是吸引的,卻不好意思偷吃一點....""""" 有點後悔....... 餐廳為牛河配了紅辣醬和黃介辣,不過友人看來並不欣賞,亦沒有怎樣評價.大肚婆就是舵了蛋的意思呀,熟蛋一大隻,如果顧客能夠自選蛋的熟度就更好了 飯身炒得夠乾身!加了惹味的豬頸肉粒及爽身的菜粒一起炒,而且還有一點點簿簿的薑味,吃起來更滋味!炒功沒有令我失望.只針對下午茶作出評價,確實應給予一個"好".

今日午餐去左港飲港食食丫~係觀塘工業區黎講,呢度算係貴價茶餐廳黎啦~不過間唔中食一次都唔錯架,呢度環境我覺得幾好,d位幾好坐我叫左雞絲撈檬,男友叫左個午餐北菇蒸滑雞飯($40連凍飲),男友話佢果個蒸雞幾好食呀,我都食左一舊,係唔錯既~~到我個雞絲撈檬($30),大大碗,有好多雞絲,仲有其他配料,不過我唔多鍾意食蔥,但唔記得同佢講走蔥...= =唔緊要啦,照食!d檬粉好爽口,而個汁又好好味,甜甜酸酸咁,仲有少少辣,好好味呀雞絲食得出係新鮮架,好好味~~由於太大碗關係,我食左7成度就食唔哂啦,份量真係幾大!抵食!!!

感覺比相片差好遠好遠7點幾8點成個場都唔多人...仲無人招呼叫左4個送個中湯...好鹹第1個黎既係一般通菜...佢d菜唔靚...食落口完全唔掂第2個係荷葉雞....雞無雞味...成個送係無味可言第3個係腰果炒蝦...蝦有臭味..腰果完全唔脆...好似開口好耐既過期花生咁仲有個已經完全唔記得啦...食完餐飯感覺好似比人呃左咁

下午茶時間一個人食飯，未食lunch既我諗住下午茶時間平少少，點知原來呢間茶餐廳d tea set都好貴（雖然好大碟既炒粉麵），但我一個女仔食唔到咁多嘛，所以諗住叫西多，連野飲凍檸茶$24，佢除左有傳統花生醬，仲可以揀火腿/芝士/雙拼，我非常貪心咁叫左個雙拼（=火腿+芝士）鹹加甜（落糖槳）又好夾喎，尤其是即炸非常熱辣辣，最厲害係佢用兩塊厚多而唔係普通方包，即係佢既厚度係平日多一倍阿！即時覺得好抵...食到最尾我係覺得飽到想嘔....而重點係食完之後個weekend我肚屙.....應該係太耐冇食過大量油膩既野所致（當然佢既食物係冇問題，係小妹自己身子弱）但建議唔好一個人食一份西多啦，都係獨樂樂不於眾樂樂......