渾喆 (已結業)

上星期係旺角食完飯, 行過見到呢間新茶飲店, 店員好熱情派緊試飲, 士多啤梨奶蓋好香士多啤梨味, 雖然好似好廢話, 但飲落係有粒粒士多啤梨肉, 唔係就係加糖漿既感覺。試飲完就買左2杯野飲......黑糖珍珠鮮奶係會上癮的, 雖然知道真係好肥好高糖, 不過都忍唔到睇相就知佢既黑糖幾濃郁, 珍珠都好好食, 唔會太硬, 又唔覺得放左好耐咁~都幾唔錯的!試飲完覺得士多啤梨奶蓋好好飲, 所以買多左杯番屋企比屋企人試下, 因為呀媽好鐘意喜茶D奶蓋, 佢都話呢個奶蓋好足料, 又好飲喎!

復活節假期呢日成日都落雨，黃昏時份雨停左先出街，去左旺角行下街食下野仲有睇套哭泣的女詭，買左戲票等開場前，梗係掃陣街買場入場時野食邊飲啦，戲院爆谷咁貴。即沖飲調店開到一街都係，要揀邊間黎幫襯，真係好睇口碑同自己有無試飲過，而我就專鐘意試新野，見到呢間新店開張，貢左埋去睇見到幫襯買一杯係有張劵比番可以免費送一杯(劵要4月26號先用得)，計落有著數，我就梗係唔執輸啦。點左杯黑糖珍珠鮮奶，上面有一層燒焦既黑糖同奶蓋飲起來有一種黑糖香味滲出黎，黑糖味算濃，珍珠亦好煙韌重點係珍珠好多，佔左1/3杯份量，算得上好重本，對於鐘意咬珍珠既我黎講係碞晒胃口，抵!!!冰溶得唔算好快，KEEP左冰凍溫度，碞晒家下天時暑熱既天氣，邊行邊解暑另外點既一杯係果茶，滿杯水果阿薩姆紅茶碞晒我果位鐘意無咁甜飲野愛健康，但又鐘意冰涼既朋友要左L SIZE，容量比得上思樂冰咁上下，真係滿杯都係水果，朋友邊飲有邊打撈上黎食佢話茶味清清地，但好重果香，生果亦都好新鮮，重點係果肉好多，好似飲緊果汁咁，呢杯健康得黎清涼帶酸甜，夏日點黎飲感覺不俗。總的來說，價錢同其他飲品店相若，味道真確實不錯，重點真係好抵飲，因為幫襯送左劵，可以下

放左工突然好想飲珍珠奶茶，經過見到間個名幾特別，所以決定買杯黑糖鮮奶珍珠，一試愛上，黑糖香氣不錯，甜度岩岩好，珍珠好煙韌，吾會淋曬，好有口感，地點岩曬我，放工可以成日飲到😝

支持小店！好飲🥤登打士街一帶有N咁多間珍珠奶茶店，繼上次中伏後我都驚咗，不過行過見到呢間平平地又唔使排長龍，就即管買杯行住飲。仲要有幾款都沾清😲同埋有齊S M L三個size可以揀，有時口痕想飲都可以買細杯，幾好幾好～🔸奶蓋茉莉鮮奶綠 $28奶蓋好綿好重芝士味！唔係得個樣但好淡口個啲。奶綠茶底比較清，嗌微甜溝埋奶蓋飲就啱啱好。🔹黑糖珍珠鮮奶 $28朋友嗌個款我本身都唔太好，偷飲咗幾啖試下個珍珠，佢煙韌得黎都係比較散個種，陣黑糖味都幾入味，而且份量成半杯咁多。不專業評分（全5星）味：⭐️⭐️⭐️⭐️價：⭐️⭐️⭐️⭐️⭐️

行過呢條極多人嘅登打士街見到有試飲，試完個阿薩姆珍珠奶茶，覺得不俗！跟住就買左杯黑糖珍奶咬住行街～招牌野都係成日見到既奶蓋/黑糖系列唔使30蚊就買到嘅黑糖珍珠鮮奶，未飲都已經覺得比其他"名牌"抵飲左黑糖d紋似花花，珍珠夠晒大粒，煙煙韌韌又好好咬，個鮮奶溝埋黑糖都仲係好濃郁！飲得出冇溝好多水，奶味都好夠～珍珠同奶個比例幾乎係一半一半，多到我都食唔晒d珍珠，總結就係好抵飲！一定有機會再飲既一間ps 唔知係咪老闆但店員都好有禮，用心推介又加分👍🏻

路過旺角廣華醫院對面見到又開左間新既飲品店加入戰團！咁岩係附近食完小食又有d口渴，決定買杯野飲下，順便試試呢位新力軍「渾喆」～飲品選擇都唔少呀，而我就比純·鮮果茶系列吸引左～ 自己本身好芒果，所以唔駛諗咁多，要左杯「原隻芒果茉莉綠茶」❤️ 要左大杯，比其他飲品店既大，隻杯差唔多有我前手臂咁長！野飲底部係芒果切粒，另外一部分芒果就連埋冰、茉莉綠茶一齊打碎～ 店員細心提我先輕輕攪勻再飲😉 第一啖飲落口就食到芒果肉，有芒果香味😍 之後茉莉綠茶既甘香茶味亦都慢慢滲出黎～ 好飲呀😋 而且亦都飲得出真係100%純鮮果，唔會有個種人工水果既甜味！另外店員仲準備左一小杯一小杯既黑糖珍珠烏龍鮮奶茶比人試，所以我都拎左杯😝 個奶茶都幾香滑，而且無個種死甜味～ 👍🏻其實menu上面仲有好多款我係會想試既，之後行過再飲下先～ 😊P.S. 自己帶杯會減$2～

旺角真係越黎越多飲品店，今日又去左另一間新開嘅舖頭渾喆喇🥤🥤.佢地有鮮果茶系列🍎🍑🥭🍍，黑糖珍珠系列，芝士奶蓋系列等等🧀，比較特別嘅係鮮奶咖啡coffee latte系列☕️，都係第一次見😯.不過我自己唔太中意飲咖啡，所以就冇揀到🤭.今次我就揀左原隻芒果茉莉綠茶🥭，見到 “原隻芒果”呢四隻字，我完全係抵擋唔到呀，仲好貪心咁叫左大杯添🙈.飲落真係好芒果，原汁原味，有芒果汁又有芒果肉，好似食緊芒果咁正🤤🤤.除左芒果味，仲有淡淡嘅茉莉花香味🌸，幾清新架👍🏻👍🏻

🍓Strawberry Jasmine Green Tea w/ Cheese Milk Foam🍹 so creamy🧀 so refreshing💫..眾所周知 旺角係一個小食云集既好地方。炎炎夏日☀️ 又係時候瘋狂掃街了😋🍡🍢。最近行經旺角，發現登打士街開左間新既飲品店呀。好搞笑 他的名字叫「 渾喆 」。就係咁。。我比佢個名吸引左👻 而且店舖以櫻花🌸做主題 好和風，真係好靚靚 岩晒我既少女心❤️。哈哈ll夏天就係想飲fresh drink🍹 清爽又色彩繽紛🌈今日想飲既係莓莓奶蓋🍓，士多啤梨真係好岩女仔飲 打卡真係好靚呢。莓香 加上奶香，2者結合 雙倍滿足💕。每一口仲充滿粒粒果肉❤️ 真係一杯滿足晒。 ..原來仲係。。香港品牌 值得信賴💫..