湊湊火鍋‧茶憩 (如心廣場二期)

营业中

休息中

好幾年無試過連凍咁多日，早幾日仲去到5度諗食飯第一時間一定係打邊爐啦烚下烚下成個人暖晒。有老有嫩揀間坐得舒服D諗起之前同朋友嚟過呢間湊湊，上網即日仲訂到位就GO GO GO四大一小畀張4人檯，好在都算闊落睇餐牌花多眼亂，唔想煩直接叫4人餐仲免咗每位19蚊醬料費呢度D湯底好濃厚，特別係花膠雞鍋一上檯叫我地先一人一碗，飲完加湯打邊爐勁濃郁仲好多花膠添肉揀咗牛小排&黑豬肉份量合理，牛小排肉味濃烚耐少少俾小朋友都完全唔會UN企鵝丸外型可愛，小章魚福袋好味海鮮揀咗鮑魚&帶子，好鮮甜﹗擺盤好靚勁大碗冰，顯得份量有點少最後落埋響鈴冬粉索汁出面仲有小食拎，薯波好食，但2個鐘見得1次。。。補得快啲就好了

預早book位同公司同事食飯因為我地有7人可以book到間房叫咗個鴛鴦湯底500幾蚊佢前菜有魚皮同地瓜球任拎另外送咗一碟生果盤埋單仲有糖水送叫咗兩碟海陸拼盤7人埋單$2871👍🏼

呢間台式火鍋店裝修別緻，燈光略略昏暗，坐位闊落舒服，惟全部座位都沒有軟墊另外店員服務呢度要讚，個個都好有禮貌，唔會大大聲講野，我地坐低左見到另一張卡位調位，店員服務態度都好好，入座提示用餐時間2個鐘，半個鐘前店員滿臉笑容走埋黎溫馨提示，店員服務呢度都幾好星期日既晚上，我地好早六點零唔駛等，再晏少少就見到等位既人潮，好少黎呢區，附近咁多食肆又唔算好就腳，呢間都幾多人等呢度火鍋湯底唔平，我地叫左花膠雞湯，係好好飲😋如果小朋友就略略重胡椒味，我地大人飲左兩三碗先開始打邊爐😂湯係好飲既，花膠就似普通魚肚多啲，同埋有都幾多細細既雞肉粒呢度每人加$19可以任食小小bar枱食物同醬料，有台式魯肉飯同地瓜球，好食既，仲有三款水果，當日有哈密瓜、西瓜同番石榴，食物都不斷會出，仲有細細杯沙冰，同埋茶凍送俾你，茶凍好香濃唔太甜好好味！整體感覺好好，坐得優靜舒服，可以回頭！

近年多左好多店式火鍋，競爭十分激烈湊湊價錢唔平，但食物質素確是比其他台式火鍋差少少麻辣湯底唔夠香，醬油太甜，牛肉比想像中差左幾個檔次，可讚的是蜆都幾新鮮飲品方面個檸檬茶真係麻麻，似係手渣檸檬茶/爆檸？

湊湊火鍋環境幽雅，空間感舒適，聚餐好地方！設有小食專區，當中魚皮爽口酸辣，炸番薯球非常美味，煙韌軟糯又香甜，滋味令人一試愛上😍✨清涼椰子雞鍋 雞肉🍗和椰子🥥令湯底馥香互相融合，相得益彰，非常鮮香，清甜解膩，嫩口的椰肉和雞肉根本就是一道菜餚！必點湯底👑⭐️飛魚籽墨魚滑一球黃澄澄上枱，玩得又食得🤣大小自由控制！爽彈墨魚肉伴隨滿滿的魚籽，每一口都有粒粒亂跳，增添口感！✨日本和牛肩胛眼肉華麗的擺盤，令人眼前一亮，呈現大理石花紋的日本和牛肉，果然無令人失望，入口鮮嫩無比，回味無窮！！我食唔返普通牛肉了🥹美國特選級牛小排其實都相當牛味香濃，但對比和牛⋯⋯真是無對比無傷害！⭐️時蔬湊湊（小份）一啲都唔細份，夠哂兩個人食，包羅萬有：粟米🌽、蕃茄🍅、紫薯、南瓜、冬瓜、金針菇、雲耳等的蔬菜🥬新鮮清爽！竹苼就是造型獨特，食落味道完全無特別😂可以打卡一用！餐廳：湊湊火鍋‧茶憩 地址：荃灣大河道98號如心廣場二期1樓121號舖

一大班人一齊食飯，打邊爐係其中一個好選擇不過，如果係帶長輩出去打邊爐🍲但係環境、食物質素普遍啲啲🤏🏻都有機會俾人話：「返屋企打好過啦」所以搵間fancy啱打卡嘅火鍋店就啱晒呢類型嘅長輩而湊湊就係我其中一間帶媽咪encore嘅火鍋店！湊湊嘅環境比起其他大型連鎖火鍋店精緻流水造景、乾冰效果同暗暗嘅環境好有氣氛！自助配料小食bar亦都好整齊乾淨我地嗌咗三個鍋底，分別係：台式麻辣鍋、紅顏花膠雞鍋同酸菜魚鍋我最鍾意就係花膠雞鍋😋湯味好濃，頭一轉可以先飲湯飲夠再加湯打邊爐🍲媽咪就最鍾意麻辣鍋🌶️除咗因為辣味足料之外仲因為鴨血可以無限添食兼外帶慳家長輩就最鍾意啦而食物擺盤方面都好靚好精緻需要份量亦都比較精緻不過小食bar有肉燥飯、麻辣鮮皮、蕃薯麻糬波任食當然仲有唔少得台式飲品啦完全唔怕食完會唔飽肚！我地當日有先叫套餐再散叫幾份食品6個人人均500蚊，比一般連鎖火鍋店貴少少不過環境氣氛同食物都值回票價最重要係長輩們食得開心🥳

之前成日經過呢間火鍋，睇幾有feel，前排決定去試一試叫左一個鴛鴦鍋，一邊係珍菌菇鍋，一邊係花膠雞鍋，花膠雞鍋唔錯，真係有雞同花膠，同埋佢既質感係有少少黏，另一個湯底就無特別火鍋配料方面試左牛肉，丸類個啲，個人覺得個啲就普通，無咩特別另外有試到蝦滑同企鵝丸，比佢個外型吸引到，不過就係為打卡，食落都係普通，企鵝丸其實就係墨魚漿，不過唔算彈牙雖然佢啲配料唔係任食，但係出面有滷肉飯同地瓜球可以自己拎，地瓜球係熱既，同埋脆，食左幾粒，滷肉飯都係屬於正常總結黎講，個人覺得可以一試，特別係花膠雞湯，不過CP值唔算高

自助區除左有豐富嘅醬料之外仲有中華沙律 海蜇 肉燥飯等冷熱盤前菜🧆餐廳提供左間大房比我地 大圓枱坐晒10個人 一個大鍋搞掂 唔洗分鍋 圍爐開餐 非常方便😇任性鍋 - 黃金奔馳鍋🥘 $588胡椒豬肚雞鍋 相當足料 豬肚彈牙 但胡椒味唔夠出臺式麻辣火鍋 香辣惹味 豆腐 鴨血係無限refill🤩珍鮮菌菇鍋 比較清甜嘅湯底 菇菌都十分充足呢次點左好多火鍋料都比較出色:美國特選級牛板腱 牛肩胛肉眼 牛肩胛 牛後胸🥩精選羊肉 無骨雞腿肉 毛肚企鵝丸(墨魚漿製) 手工蝦滑 飛魚籽墨魚滑🦑另外餐廳都有好多唔同款色嘅台式手搖🧋配料都非常特別 份量大杯 味度都好出色 不輸出邊嘅手搖 😋雲朵絲絨苿香茶+燕麥粒燕麥奶茶+苿莉茶凍仲送甜品鮮桃果凍🍮

中秋節揀左呢間台式火鍋同屋企人食晚飯，我地order左1個鴛鴦湯底，椰子雞湯拼台式麻辣湯底$276，跟住order左美國特選級牛肩胛肉眼$138(因為冇乜肥肉嘅關係所以質感比較硬，所以千祈唔好淥太耐，否則1定會後悔😅)、炸魚皮$68、蜂窩豆腐$28，午餐肉$28、油麥菜$38、菠菜$38、響鈴$58、精制蝦丸$59(超彈牙好有蝦),所以我地食完1份再encore 🤣、牛柏葉$68(好爽口又5靭,超好味😋)，飲品就order左車厘子茉香茶因為做緊買1送1($32)，抵飲👍🏿，我地21:30入座全單仲有8折💃🏻座位都坐得好舒服🤗

依家湊湊分店開得這麼多，而且晚市成日都爆場係有啲原因嘅，他們的湯底真係好出色；畢竟打邊爐除咗惜才要靚之外，個湯底都要好先得！他們的麻辣湯底之前已經試過，除咗夠麻夠辣，夠晒惹味，仲有無限免費添鴨血😍😍不過因為屋企人不愛吃辣，所以今次就試了他們的清涼椰子雞清涼椰子雞（單鍋）$198 推薦指數🗯️：🌟🌟🌟🌟超級推介不吃辣的朋友一定要試試，因為他們的椰子雞湯底超級足料，可能在家煲也不會放這麼多料，不單止有椰子，還有椰皇和海底椰，所以這個湯煲越來越甜，單喝也覺得很好喝（我喝了半碗🫣沒覺得有味精的感覺）就算不點醬也可以食到食材的鮮味，而且雞肉煮到好後期先食，肉質也非常鮮嫩荔枝蝦球 $68 推薦指數🗯️：🌟🌟🌟味道跟外表都不錯，咬落外脆內軟，而且蝦肉都很多，不過性價比偏低飛魚籽墨魚滑（橙）$68推薦指數🗯️：🌟🌟🌟🌟食落彈牙得來又有少少咬口，因為有中間的飛魚籽咬落脆脆哋，感覺不錯手工蝦滑 $68 推薦指數🗯️：🌟🌟🌟雖然食落都爽口彈牙，但是味道偏淡，感覺比較適合重口味鍋底小章魚福袋 $49 推薦指數🗯️：🌟🌟🌟咬落和平時食的年糕福袋差不多質感，但會多咗細細隻的小章魚，味道都是偏淡海鮮棒棒糖 $59 推薦指數

前幾日行完山，同屋企人去左荃灣嘅湊湊火鍋，好肚餓嘅我地三個人叫左個四人餐，結果我地吃到好鬼饱，覺得都幾抵食個餐包左個鴛鴦鍋底，我哋有人唔食得辣就叫左蕃茄同美人鍋🤣個餐有鮑魚 帶子各四件 同埋好得意嘅企鵝丸丸 見到都幾唔捨得食佢😂之後 我地揀左三樣肉 有牛肉 同雞肉 这些肉类都切得很薄，煮熟后很容易入口 都比較容易控制熟度同份量對我哋三個嚟講都幾多食到中間 就送左杯芒果橙沙冰 最後 有比到啲澱粉質類嘅嘢 有得揀油炸鬼 響鈴同冬粉 有得揀油炸鬼都幾特別 成餐飯服務同環境都幾可以 大家不妨可以去試下😉

好耐冇試過打邊爐食到冇胃口食，逐碟計唔係問題但佢做得好cheap, 豉油都同你人頭費咁收，所謂嘅每人一杯free drink ，隻杯高過韓國嘅燒酒酒杯少少，細杯過espresso.衛生度⭐枱同地都係黐黐笠笠，地有一大灘奶白色嘅嘢黐笠笠冇員工打算清。服務⭐book枱8：15pm, 準時入座，但入座後就冇人理，㩒鐘冇人嚟，半個鐘都未落到單，職員又好混亂，一個話可以叫餐，一個又話唔可以，(事緣係如果直接book房就唔可以叫餐，但我哋冇book房，係入座時職員話冇6人枱俾我哋所以安排我哋入房）煲湯底又要等好耐先嚟，湯嚟到已經9：05pm , 入座後足足一個鐘，因為煲嘢未滾，係仲未正式開始食，真係好耐冇試過咁。最搞笑係終於滾喇，食咗15分鐘左右，突然有職員衝入嚟，問都唔問吓就加湯，又變返唔滾，又要等過，成枱人呆咗咁望住佢出返去。味道：⭐主要係湯底我個人覺得麻麻,鴛鴦鍋分別叫酸菜魚同椰子雞，酸菜魚冇咩問題，ok lor，但椰子雞冇雞味之餘有好濃烈嘅香茅味，香茅味重過椰子味，係我本身唔鍾意香茅❌所以覺得唔好味。個湯底名應該要寫埋香茅。肉類，海鮮質素正常，只係偏細碟，平均每碟嘢每人食一至兩舊就完了。飲

經openrice book定位先，咁就好快可以入座👍🏻點解揀呢間呢，就係因為呢到既鴨血豆腐可以無限添加😍😍諗返起我地都加左4-5輪😂呢到既鴨血又鮮香又爽口又嫩滑🤤🤤再配埋麻辣湯底，啲鴨血索晒啲麻辣味真係超～惹味🤤真係食鴨血都食飽🤣仲要舊舊都好大舊！👍🏻麻辣湯底既另一邊我地叫左清涼椰子雞鍋🤤未食已經聞到淡淡既椰子香味，一飲椰子味仲濃超清甜🤤入面都有幾舊雞，又嫩口又有雞味👍🏻/配料方面我地叫左企鵝丸(墨魚漿製)、飛魚籽墨魚滑、牛肉雙拼(牛小排&牛肩胛肉眼)、午餐肉、半份時蔬...企鵝丸一黎到我地已經即刻話好得意😍😍!!!得意到唔係幾想食🤣味道就係墨魚丸既味，幾彈牙好食👍🏻牛肉雙拼(牛小排&牛肩胛肉眼)，兩款肉都大大塊😍食落又有牛味，肉質又柔嫩鮮甜，正啊💯/食到最後店員仲會問我地要唔要鴨血可以拎返屋企食，我同朋友都好唔客氣咁每人要左一大碗🤤🤤到最後仲有每人一杯芒果沙冰同荔枝茶啫喱送🤣芒果沙冰隻味我就覺得有啲奇怪冇飲到，荔枝茶啫喱就好有茶味，唔算太甜幾好食👍🏻不過就有漏單情況，半份時蔬等到差唔多食飽到未到，最後要問左兩次先肯送上黎😥

如果想受氣嘅話，可以去呢間分店食嘢幾位男職員啲粗口都好流利就算你問佢嘢 佢都可以望都唔望吓你跟住就喺個對講機度同啲同事講跟住收銀嗰個同事又係一路收錢，一路瘋狂講粗口唔知做乜鬼咁唔想返工不如唔好返嘢食質素一般但係又收咁嘅價錢咁嘅服務質素，有大把其他選擇好過佢哋跟住隔離嗰台客人個湯底入邊又有隻飛蛾衛生情況擔憂收費嗰個小料區又成日冇晒啲食物啲同事又唔主動去補張枱明明啱啱清潔完又好污糟一坐低張枱就好油，仲有幾舊黑色嘅野係枱咁嘅質素真係唔憂做甘款

除咗環境比較好視覺好啲之外，地下黐笠笠，湯底又唔係話特別出色，價錢係偏貴用料又唔係好，我嗌咗一個鴛鴦湯底一個係麻辣湯一個花膠湯底，台式麻辣湯底一般，花膠湯底就係敗筆之處望落去係好傑身，食落去係冇咩味道冇層次，其他食物分量偏少，牛小排望落去分量少到，有小小牛味係街市較差嗰啲貨色，其他食物都係不過不失，服務員嘅態度又唔係特別好，叫咗個二人餐，勉強都夠食嘅，但係冇嘢飲要再叫，人均消費約三百五十蚊左右，荃灣有更好嘅選擇