影片
港铁太子站 C2 出口, 步行约2分钟
继续阅读
电话号码
37050227
营业时间
今日营业
11:30 - 22:30
星期一至日
11:30 - 22:30
以上资料只供参考，请与餐厅确认详情
好耐之前成日喺網上面群組見到有人講，喺太子地鐵站附近有間飯店，海南雞飯外賣只係二十蚊，我亦親身買嚟試過，說實話，味道正常，正式雞有雞味，我最鍾意食油飯，但佢個油飯就一般，唔難食，公道講廿蚊係超值，性價比極高。今日選擇咗堂食，堂食要上一層，另一片天地，餐廳掛滿領導人相片，我更相信呢間係正宗湖南菜，睇嚟睇去堂食唔見有海南雞飯，可能係分開部門。咁我就揀咗土豆牛腩木桶飯，好得意侍應唔會問你飲咩，飲唔飲湯，見到大部分客人會自己出去裝湯飲，自己去雪櫃攞嘢飲，我就照跟出去自己攞，例湯都真材實料唔錯，飯到了，都幾辣，如果唔食辣嘅人真係食唔到，我本身都食到少少辣，個飯幾好食，土豆牛腩重口味，加上辣椒爆炒的確幾惹味，超乎預期。
继续阅读
呢間位於太子太子道西96-100號萬年大廈地下A號舖至1樓噶湖南老家飯店,可以話好容易搵到，又或者好難搵到，一個唔留意就會錯過咗佢，有一次就試過同朋友掛住傾計而錯過咗佢，真係好唔明顯。但呢間嘅竹筒飯真係好有鑊氣，價錢唔高都，比較抵食。今次同朋友叫咗兩個竹筒飯，一個小菜。鐵板茄子，茄子一條切開唔斷，然後中間釀肉碎，睇圖片同實際上嚟嘅真係兩回事，不過味道都還算可以。湘式外婆菜肉燥木桶飯，呢個真係要試，超級好味，蛋香超濃，鑊氣超足，蛋碎加外婆菜加肉，一啖落去，口感豐富。下次可以覆點。椰菜花小炒肉木桶飯，呢個都鑊氣十足，肉片薄薄地唔會油膩，份量都唔少，肥肉嘅油脂配上白飯，豬油嘅香都出曬嚟。飯後飲返杯清涼爽仙草，真係體重有增加了
继续阅读
嗌左豬肚絲同小炒黄牛肉木桶飯，可以自己選擇辣度，我嗌小辣都覺得好辣，如果食唔到太辣建議選擇唔辣～賣相吸引，味道不錯，牛肉比較嫩，牛肚絲香辣有嚼勁，而且價格便宜，每桶先$50包飲品同湯，學生價仲平！
继续阅读
太子近港鐵站有間湖南風味～外賣海南雞飯好抵食～中午都有幾個人嚟買諗住呢個價錢應該得幾舊雞～估唔到有兩排雞肉～雖然係薄切但係呢個價錢算多啦～有一片青瓜同酸甜醬～海南雞唔會話有血好生～食落好淋唔使點咬～唔係好識分冰鮮定新鮮～不過依個價錢似係冰鮮多啦～畢竟成本問題～食落重雞味一D都唔咸～油飯唔算多油～唔會油膩～不過好似冇乜雞油味～應該加咗黃薑粉～如果鍾意食偏淡嘅應該會鍾意食只係得外賣～如果冇太高要求嘅可以一試
继续阅读
其實有疫情前已經開始幫襯佢哋，係因為佢哋算是喺太子呢邊食嘢性價比高嘅地方。本身仲幫襯過佢賣既其他飯，例如佢哋嘅魚香茄子雖然細細碗但係其實$20嚟講，我覺得算係咁。響太子呢頭食野既地方算多，但真係要好平咁食呢；其實選擇唔太多。另外我覺得佢個海南雞飯嘅醬料其實都幾開胃，酸酸辣辣其實好適合配油脂比較高既黃油雞。個人認為佢啲海南雞係滑嘅，同埋呢個香油黃飯都冇食，我諗可以食返辣嘅時候都想試返佢嘅夫妻肺片同埋其他湖南菜，希望有驚喜
继续阅读