湘湘娘娘 (已結業)

Isquare睇完戲都8點幾，近近地行去隔離太子大廈食野，係地下門口就見到有人舉住湘湘娘娘個牌，見新開就試下。環境幾骨子，有落地玻璃窗位，感覺幾寬廣。花雕醉雞全晚唯一唔辣既一道菜，好彩有佢係度幫手解下辣，凍食加花雕香，入哂味👍🏻香辣大蝦賣相吸引，大蝦走過油成隻脆卜卜可以連殼食，大大粒個d辣椒又係脆卜卜好似食緊零食咁，又辣又香口，哩個餸送酒一流。水煮牛肉望到d紅油就知幾辣下! 滑牛咸咸辣辣，仲有好多花椒增添麻香，好易唔小心咬到個口都麻埋但又好刺激☑️炒大盆花菜次次食湘菜都會叫既花菜，椰菜花連埋咸肉同辣椒炒，出左黎係好香好惹味，椰菜花又中和到無咁膩，配白飯一流。如果中意辣同重口味既話真係可以試下依間，口味真係幾刺激，而且好多花款👍🏻

表姐生日，約咗佢去尖沙咀太子集團中心新開嘅湘湘娘娘食飯，餐廳裝潢簡約時尚，近窗位置喺落地大玻璃，視野廣闊，坐得舒服。供應新派湖南四川上海菜。高湯雲吞雞，材料有半隻雞、雲吞、娃娃菜，鮮雞肉質鮮嫩，雲吞餡料有蝦有肉，湯底加左金華火腿經長時間熬製而成，奶白色的雞湯既清甜又好喝，娃娃菜吸收了火腿、雞肉的精華，滋味無窮。乾燒大蝦，大蝦清理得乾乾淨淨，去刺兼開邊，令大蝦掛汁得嚟又入味，亦可方便進食，醬計濃稠，味道酸酸甜甜，相當美味！

第一次寫食評，朋友幫我慶生諗住試下呢間新野，環境唔錯，可惜坐位太窄，張櫈 太大攪到行都行唔到入去坐咁滯，叫左四樣食物， 臭豆腐（特價$48），賣相麻麻，味道正常，之後試酸菜魚（$288），d魚勁多骨，同經理投訴一直話處理梗，之後無理過我地，跟住黎個 蔥爆大蝦（$198），一黎就見到d蝦頭黑嘅已經感覺唔新鮮，試落口d肉係梅嘅，立即同經理講，佢乜都冇講就話比我地取消，最後食埋個麻辣乾煮鍋（$298），揀左蓮藕，支竹，花菜，肥牛，鵝腸，感覺似食大雜會，比呢個價錢食d咁的野，好唔值，最後埋單$880已經扣左碟蝦，茶錢$20，食物質素已經唔得， 侍應仲成日睇你唔到咁，絕對無下次

相約好友尖沙咀食飯，佢簡左間川菜館。 小酥肉炸皮炸得十分酥脆和乾身，放了一段時間都無出油同變硬。炸過的肉依然鮮嫩多汁、有咬口而唔會韌，食得出肉有經過調味再配上表面的孜然辣椒粉，鹹香微辣令人不禁一口接一口。 京蔥炒牛肉京蔥炒得焦香，有濃郁的蔥味和甜味，牛肉肉質亦十分嫩滑， 口腔充滿牛肉的油香，京蔥的甜味搭上微鹹的牛肉非常適合配白飯一起食用。 高湯雲吞雞火腿娃娃菜高湯熬成的湯味道非常濃郁，帶點鹹香和雞油香，鍋內有半隻雞，雞的肉質十分嫩滑易咬，cp值非常高，鍋內亦有六粒大鮮蝦雲吞，蝦肉新鮮又大隻，食完整個鍋非常有飽足感。

收工同朋友想食野 就試吓呢間新開無耐嘅川菜裝修環境唔錯 坐得都好舒服 -手拍小青瓜開胃到不得了既開胃小菜 勁快就比我地食晒-乾煸四季豆四季豆炒得好香 唔會太乾身用黎送飯一流 -菊花酸菜魚好香菊花味 肉質唔會鬆散 有口感酸菜都好好味 湯唔會太咸 飲完一啖又想偷偷地飲多啖-重慶口水雞朋友同我都好鍾意食雞 所以去到邊都要試下雞 呢個口水雞唔會好辣 雞都比較嫩身唔會好鞋👍🏻-泡椒牛肉泡椒牛肉比較濃味 牛肉份量都好多 唔使驚唔夠食啲汁都好吸引 食唔停口我見到佢仲有啲乾鍋 下次同朋友嚟試埋先👍🏻

有網友從國內來港旅遊，相約我聚一聚，我帶佢去北京道太子集團中心嘅湘湘娘娘食晚飯，餐廳裝潢時尚簡潔。主打新派湖南四川上海菜。菊花酸菜魚，份量十足，辣度揀咗小辣，片片雪白的魚肉用了新鮮的鱸魚起肉，厚薄適中，肉質鮮美、無刺無腥味。湯底花椒麻香和酸菜的酸爽相得益彰，辣辣哋好惹味，入面還有很多配料，萵筍菇類等都好爽口，寬薯粉口感煙韌。招牌娘娘炒飯，飯炒得粒粒分明而且夠鑊氣，配料豐富有口感，尤其係蝦仁好爽口。

這間新開的湘菜館我已經看上了很久，每次午餐在公司附近路過都看到吸引的菜單，今天終於有行和朋友來嘗一嘗他們的湘川菜！在海港城上班的我，覺得地理位置十分方便，下班後過條隧道就到北京道，餐廳位於太子大廈，這棟大廈很多不同款式食物，而且能夠在這棟大廈的餐廳風景相對不錯！確實如此進入餐廳後也令我感覺座位及餐桌非常寬敞，對外景色也十分壯觀！由於我們人數相對比較少，所以只能編排在非窗戶旁邊。但感官同樣不錯，餐桌及椅子位置同樣相對寬闊！吃辣的東西當然離不開啤酒，開席前先點上啤酒將身體降溫！前菜我們點了胡麻醬拌涼皮！分量當然沒有主菜那麼多，不過小小的涼皮足已令肚子餓的我們果腹！胡麻醬和新鮮青瓜配送涼皮清爽過人！主菜單上第一支強心針！吃辣的菜色囉必點毛血旺，當上最後十分驚訝，以為份量不會多，原來出菜這麼大盤！毛血旺最不能缺少的是豬血和牛柏葉，分量十分多，以令我十分滿意！同時也有豬大腸，不是每一家都會放豬大腸在毛血旺內！也有我最愛吃的金菇，午餐肉，薯粉，基本上這一度菜已有我最喜愛的東西！辣味麻味充足，配上白飯真的可以吃上幾碗！我喜愛有湯有油的辣，而朋友喜愛乾鍋，所以同時也點了麻辣乾鍋！麻辣香鍋可以選三菜兩肉

下午一點半約左朋友上黎lunch一入到黎 得一張枱有人之後過左陣就走左所以當我同朋友黎到時（約2點）我地係包場！（夠靜）環境唔錯大大張枱佢ge lunch menu都幾抵 $88但我地冇叫lunch set食物overall味道唔錯不過3點幾就話要落場要我地埋單清場同埋埋單冇得比信用卡只收cash/payme唔太方便走個時出到lift口冇燈黑媽媽😅😅

位於尖沙咀太子集團中心既湘湘娘娘，集滬、川、湘菜於一身，菜式選擇多，有辣和不辣。餐廳裝潢頗有之思，充滿中式情懷，環境舒適，座位寬敞，坐得舒服。花雕醉雞原隻雞腿切件！雞肉嫩滑入味，雞皮爽滑，花雕酒香濃撲鼻，已滲入雞肉當中，每啖都充滿花雕醇香乾燒大蝦大力推介！大蝦大隻，蝦肉新鮮爽口彈牙，鮮味非常，以酸甜醬汁烹煮，提鮮又開胃瑤柱蛋白炒飯蛋白炒飯穫氣夠，炒至粒粒乾身，瑤柱、蛋白、菜粒超足料，再配上鎮江醋，神還原賽磅蟹風味雪火正黃花魚原條巨型黃花魚❤️，蒸魚火喉剛剛好，並沒有過熟，配上雪菜金華火腿，魚肉完全不腥，推介！醉豆角香辣炒肉碎整碟炒肉碎不會過咸或過於油膩，豆角爽口，配上辣肉碎非常香口，惹味小菜！新派滬菜料理的確惹味，餐廳還有名菜湖南香辣蟹、花雕蒸肉蟹、四川毛血旺。二訪時必定試試！湘湘娘娘 📍尖沙咀北京道12A號太子集團中心8樓

尖沙咀呢間新開嘅湘菜店環境都幾舒服大部份菜式都可以揀辣度 幾貼心胡麻醬拌粉皮勁多青瓜絲好清爽 做頭盤開下胃先重慶口水雞揀左少辣都好惹味 雞肉幾滑菊花酸菜魚大大盤酸菜魚灑上菊花瓣 散發陣陣清香加左青花椒 食落酸之餘帶少少麻 幾惹味過癮魚片份量都唔少 用左新鮮鱸魚好滑溜配料除左大量酸菜之外 仲有萵筍同寬粉寬粉比較厚同粗身 食落好彈牙 泡椒牛肉重口味人士最愛 酸辣開胃貼心地加左個爐㷫住 保持熱辣辣但一定要配碗白飯 淨食太鹹喇乾煸四季豆煮得夠乾身好香口 又係送飯一流

尖沙咀太子集團大廈-湘湘娘娘早排見到廣告開左間野，睇名應該係湖南菜我非常鍾意食辣，啱啱諗住去試一下湖南辣，上到去都幾多客人，但店舖比較凌亂，員工安排左張窗口位比我坐，對住街景都唔錯，有個應該係店長嘅人黎推介小酥肉及長沙臭豆腐做緊優惠$48碟，二話不說叫佢各一碟，跟住就叫左個乾鍋雞腰子，水煮牛肉，叫左杯啤酒，第一個黎個乾鍋雞腰子，一入口就知中伏，有啲9唔搭8嘅感覺😂😂，不過唔好浪費，都格硬食左，再黎小酥肉，呢個叫正常，等左35分鐘再黎水煮牛，食入口牛肉比食粉那到似肥豬肉，麻辣味唔夠香唔夠辣，最後追埋個長沙臭豆腐，黎到面上有啲酸豆角，辣椒等等，但一入口，佢唔係臭，係無乜臭味，只有一大陣UP味，超難食，未食過咁難食嘅臭豆腐，咬左一啖已經吐左出嚟，根本唔可以上檯。最後2個人埋單八折，$680埋單，呢個價錢認真咁講，呢個廚師唔掂🤣🤣🤣最後要去隔離麥當勞醫肚，失敗！

香港的川菜到處可見，吃湖南菜的不多見。這次來到尖沙咀試試這間湖南菜餐廳，一嘗正宗湖南味⭐長沙臭豆腐臭豆腐和香港臭豆腐不一樣，黑色是滷汁上色，先炸後泡進醬油，加上酸豆角和辣椒，臭豆腐的氣孔吸滿辣油和滷汁，聞起來臭但一點也不臭😝😝⭐小酥肉炸小酥肉的水準真的很好！小酥肉的炸漿很薄，內裡的肉嫩而不爛，調味剛剛好，一條接一條，加上表面撒了點辣椒粉和花椒粉，更加惹味，適合小朋友口味的大朋友(例如我😂)⭐燒椒皮蛋燒椒皮蛋又是配飯一流，燒椒鹹辣中帶椒本身的甜，加上醬油和辣油的醬汁，不錯⭐泡椒牛肉內裡除了牛肉還有木耳、萵筍、芹菜等，蒜味濃郁，帶泡椒獨有的鹹鮮酸味，醬汁可以用來拌飯，一碗飯不夠呢😋湖南菜的特色就是重口味，下飯，來到這間湘湘娘娘很難避免多吃兩碗飯，推薦想體驗下湖南菜的朋友們

見到幾個朋友嚟過呢間食嘢都讚，最近有口淡淡想食返啲辣嘢！所以專登過嚟尖沙咀食，地點喺iSquare隔離，都很方便！首先梗係要食菊花酸菜魚，份量好足夠，魚片快快都好大塊，而且很滑，我叫小辣，辣到對我來說剛剛好，酸菜酸味亦都啱啱好，我最鍾意食嘅梗係幫湯汁，驚喜嘅裏面原來仲有薯粉的，薯粉吸晒啲湯汁係我嘅至愛！食湘菜梗係要配返啲小食啦！叫咗一個手拍青瓜同埋麻辣鴨舌。小食份量都俾我哋想像中多，手拍青瓜夠爽脆，夠晒入味！麻辣鴨舌，我覺得麻辣嘅味道不夠，可能始終都係冷盤少咗一份麻香。我哋仲叫咗個麻辣干鍋，我真係第一次食，自己自選配料炒埋一齊！一個價錢包咗三個素菜兩個肉食。我就叫咗鵝腸，雲耳，椰菜花，肥牛及四季豆，炒出嚟份量又係超多！熱食嘅麻辣味就好足夠好香，仲有啲辣！炒出嚟都好入味，好夾，呢個10分推薦！

放工約個朋友去尖沙嘴食飯，今日想食D重口味嘅餸菜，我就揀左間環境唔錯嘅四川菜餐廳🍴一開始我就叫左個菊花酸菜魚，酸酸辣辣嘅感覺好正🤲食到停唔到口！魚肉新鮮無骨，用上酸菜調味，好正😌之後我仲揀左個涼伴小食，燒椒皮蛋🤗皮蛋味道一般，可能唔夠重口味🤣跟住我朋友點左個手撕包菜，同樣都係重口味之選，手撕包菜既有鮮甜嘅菜味，又有麻辣嘅感覺，好好味😋最後仲叫左個鐵板孜然牛肉，熱辣辣超濃味嘅孜然牛肉非常吸引，我地連配菜都食曬🤣

👍🏻 菊花酸菜魚（少辣）每枱必點 酸菜魚大大碟 好有睇頭😸魚肉肉質鮮嫩 比外間嘅片得更厚身 食落更有口感🐟酸菜湯嘅味道充滿麻、香、酸 非常有層次感！入面仲有寬粉、雜菌等材料 滿足👍🏻 手撕包菜（少辣）帶少少甜味嘅包菜用上辣椒爆炒 整碟菜超有鑊氣 惹味但唔會油膩 包菜依然保持最佳質感 🥬👍🏻 燒椒皮蛋簡簡單單為皮蛋加入調味☺️鹹鹹辣辣 作為涼伴前菜非常適合👍🏻 鐵板孜然牛肉上檯時牛肉岩岩煮起 鐵板發出滋滋聲 成枱嘅目光都俾佢吸引住 加埋孜然嘅香味 令人好想食多碗飯🍚注意事項⚠️- 餐廳提供餐前小食及收茶芥加一- 環境舒適、優美 與朋友一聚都唔錯👯‍♀️