湯加 (Wetland Seasons Park)

营业中

休息中

首先我點嘅係要魚湯，佢俾咗蕃茄湯嚟都唔緊要，入邊仲要冇任何配料！我點嘅雞翼同埋豆腐一舊都沒有！另外諗住撈飯食，點知一打開個飯係俾人人哋不再一啖你食咁嘅樣，我懷疑係佢哋嘅員工食完擺番落去諗住陣間再食！超誇張勁冇品德！打過去投訴有個女店員就話都唔知呢個客想點，跟住就搵另外一個店員嚟聽電話，淨係退款同埋唔好意思就不了了之！真係好嬲，送錯湯都算連個飯都俾人哋食咗一啖！本身都對佢啲食物幾有信心都覺得OK，之後以後都唔會幫襯！

舊肉流緊血 問我想煮多次成碗嘢定換第二個飯 佢話要加多兩蚊 吹到啤一聲舊肉流緊血 問我想煮多次成碗嘢定換第二個飯 佢話要加多兩蚊 吹到啤一聲舊肉流緊血 問我想煮多次成碗嘢定換第二個飯 佢話要加多兩蚊 吹到啤一聲

星期六食早餐再做下運動，和朋友來到濕地公園的湯加，好快趣咁樣點咗個魚柳早餐和牛角包早餐，服務員服務態度很好，好快趣幫我們落咗單，早餐亦都飛快咁樣來到我們檯面，只可惜魚柳早餐的魚柳真的太薄太細了，比起別店的真的差得很遠，有點失望；牛角包早餐的牛角包都不是脆脆的比較淋，唯一驚喜就是熱奶茶，沖得香滑而完全冇苦澀味，都忘記影相，因為實在太享受呢一杯難得嘅茶餐廳熱奶茶，高水準百年難得一試，事實本港好多茶餐廳熱奶茶都沖得不好，所以殘留著茶的苦澀味，而這裏的茶膽，實在是香滑，而沖得技巧掌握得很好，所以完全冇苦澀味，只有茶香，實在值得一讚，雖然早餐的質素普通，但係難喝到一杯如此高質素的熱奶茶，也是時一樂也！令精神為之一振！

「湯加」朋友最新買左個新單位,於是帶我去參觀下,參觀完見肚餓,伍最近食得熱氣野多,所以都係決定食得清啖D松茸淮山竹絲雞湯+淮山麵聽個名已經覺得好養生,湯底飲得出係老火湯,竹絲雞有4份1隻,份量都唔少,而且肉質嫩滑,輕輕一掂己經「骨肉分離」,而且仲有好多淮山同菌類,令湯頭更鮮甜。椎山麵富含營養,麵質爽滑彈牙,掛上濃濃既雞湯一齊食,成件事健康哂~椒鹽多春魚外層煎得香脆,魚肉幼嫩,連魚骨都係軟既,加上魚肚入面脆卜卜既魚春,可以一啖一條,加埋少少檸檬汁一齊食,仲可以減輕油膩感腐皮墨魚卷原本軟淋淋既腐皮煎過之後變得酥脆,入面包住一粒粒既墨魚肉,滋味十足咸檸七大熱天時行到成身熱辣辣,一杯冰凍既咸檸七除左可以補充水份之外,仲可以下火~

我都知道湯加係飲湯嘅地方，不過天氣真係好熱，飲湯留返下次。下午茶時間嚟到，下午茶個餐牌都好唔錯。想食咩港式下午茶佢都有，而且價錢非常之實惠，三十幾蚊有嘢飲，我諗唔到有邊度平得過佢。吉列魚柳+薯條+熱香餅，再加一碗迷你雪菜米都係 $38咋！重要塊魚柳都幾大塊，唔係一味得粉，真心好食喎！雖然話係迷你米粉，份量真係唔迷你，滿晒，雪菜肉絲都好多，賣相唔馬虎，三十幾蚊抵到冇得彈啦！全店最後一份炸脾比我叫咗～真好彩！炸得夠脆，入面啲肉都幾嫩幾多汁！配薯條同西多士，又係三十幾！！杯凍啡好正，似係即磨，好香～呢邊啲鋪頭未開晒，但行開濕地公園呢邊可以過嚟食，一定有位，好好坐呀～

呢排調左入黎天水圍做嘢，以前要入濕地公園先有餐廳，而家多左新樓，開始有啖好食，唔使行番岀市中心。好，坐低睇下有咩好食先。老壇酸菜煮黑魚片，我好喜歡食魚，個魚片好滑，一啲碎骨都冇，個湯酸辣味剛剛好，仲有豐富嘅配菜，酸菜同芽菜都係海量嘅，同埋欣賞佢識得將個米線分開上。香蔥薄餅，細個好鍾意食蔥油餅，都好耐冇食過，估唔到呢個小吃煎得好好，表面少少焦，夠薄夠香脆。涼粉紅豆冰，天氣咁熱，梗係要飲啲涼快嘅凍飲。

自從 wetland 正式入住，這邊的餐廳多了。2餸1 菜飯不得不說這邊的消費不貴，還有不少菜式可以選擇。今次選了蕃茄湯配鮮牛肉自家魚腐冬瓜湯飯，主食可以選擇白飯，藜麥飯，淮山麵，米線等另外蕃茄湯濃郁酸甜適中，泡著飯吃也不錯。鮮牛肉嫩滑多汁，不會帶筋。自家魚腐大粒彈牙，口感一流，冬瓜軟腍。另外配菜都有數十種，我再加配炸雞翼和腐皮墨魚卷，口感不錯，新鮮炸起，不會太油膩。最後點了杯鹹檸七，可以解渴的特飲👍🏻.