湯加 (天晉匯)

营业中

休息中

一聽湯加個名就知佢地主打係湯，佢地有好多款湯飯湯麫，什至有自選配搭系列。不過試過幾款，我獨愛佢地嘅客家薑絲黃酒煮滑雞湯配三色飯（Hkd61) ，黃酒味濃，食完成身暖晒。吾止我鐘意食，我 d同事們都好鐘意，我地試過連續食足哩個湯飯三日，好似上左癮咁😂真係一試難忘，再試無防😋不過除左哩個黃酒雞，我對佢地其他湯飯都興趣不大，其他我試過嘅款式都f先發現入面有 d食物殘渣，好嘔心😣如果去食，大家自己睇清楚 d食具同水乾吾乾淨喇。

730 叫咗外賣，8點都未有，又係咁落單，明明都做唔切，係咪應該喺人地落單時講聲要等超過30分鐘呢？ 最後我冇攞嘢食，去咗大家樂，用咗2分鐘就買咗嗰焗豬返屋企。50元當買個教訓，以後唔再去呢度食。bought one bowl of noodle for takeaway at 730. waited till 8 but still no food. they just kept taking order. obviously they can't cope with the orders. they really shouldn't keep taking orders without telling people that they need to wait over 30 mins. didn't get my food at the end. went to cafe de coral and got my food in 2 mins.

平日晚上想好好享受辛勞工作後的晚餐時間。叫左個三色飯配兩送。再加個小食。牛腩- 酸的。 有乜理由牛腩得1舊，仲要系酸？魚腩-ok，雖然多骨，但尚可接受。三色飯-乾到好似木乃衣甘乾身!! 即使成碗飯倒入湯中浸泡，依然改變不了乾到極點既飯。想要杯水飲下姐，個收銀+侍應女士露出個鄙視眼神加面容，小姐，你有收加一咖，斟杯水姐， 拎到杯水梨，仲要系滾水。 Ok, fine. 唔想斟水，就算斟都要俾你飲！ 高招，我實走。去到賣單時發現只收現金??! 唔係歧視，但一個有幾間分店既餐廳都唔捨得擺部八達通機？！ 甘好食既酸臭牛腩，乾到爆既飯，極好既服務態度，同隨時因為無現金而被難為既餐廳。拜拜，唔會推薦人梨囉。

淮山豬扒麵，味道唔錯，豬扒大件，但等個湯飯就等到食曬麵，隔鄰枱遲過入嚟，全部枱都有食物，叫佢睇下是否漏單，睇都唔使睇就話你知兩個師傅做野，幾唔好彩，我個湯飯，係個唔做野的師傅😭，唔係第次幫襯，我入住將軍澳快二年，服務態度未有進步過

堂食同叫外賣過好幾次，黃酒雞好食，每次都會叫，但每次叫 online dining platform 外賣黃酒雞入面冇肉只有骨堂食都唔會咁，堂食都唔會咁，堂食都唔會咁，堂食都唔會咁。咁下次都敢叫外賣

下午時段有點餓，我與家人到popwalk醫肚，popwalk有很多不同的食肆，我們選了「湯·加」。湯·加的環境乾淨，下午茶時段人比較少，不用輪候便可入座。下午茶餐十分划算，最平只需二十幾元，而且送飲品。蕃茄湯雞肉片米粉($29)評分：7/10份量適中，蕃茄湯㡳夠味，還能看見有粒粒蕃茄。米粉索味，但米粉吸湯速度偏快，食吃快點。飲品是銀菊蜜偏甜。蕃茄湯牛肉米線($29)評分：7/10米線彈牙，牛肉片夠腍，蕃茄牛肉經典配搭，無得輸。兩人埋單不用$60，相當抵食，下次想再試一下這裹的湯飯。

有日9點左右係附近放工，有好多餐廳都已經截order，放工後未食野既我就已經打算有咩就食咩，咁岩行過呢間湯加，見價錢都合理就即刻入左去。Menu有好多選擇，亦有湯飯DIY自選2餸+1菜，可以自己揀岩口味既湯飯。我見到個淮山麵真係好特別，而且好有營養功效，不過我又怕會太大中藥味，所以最後都係決定自己揀自己食既。我就叫左個普通既兩餸蕃茄湯米線，叫完米線先發現如果叫飯可以免費添加，所以大食既男仔可以考慮下食。份量比我想像中大，d餸好多好足夠，而蕃茄湯既味道都算濃，同米線都好夾，係唔錯既選擇。

這天走過這家「湯加」，發現原來和以前中學時期每天吃的魚米家是同一個集團的，想起記憶中的味道，便決定在這裏吃了．打開餐牌，便發現這裏的價錢很便宜，一個套餐也只是四十多元．現在出外用餐只需五十蚊已是難能可貴了，連忙點了一個「雞肉魚腐淮山麫」，配了一杯咸柑桔，而麫的湯底自然是選了魚湯．咸柑桔首先送上，味道偏咸，以致柑桔味不夠突出，喝下去倒是一般．不過其後送上的淮山麫倒是給了我一個驚喜．先說說魚湯，真的是找回了中學時期充滿懷念的味道．魚湯的胡椒味十分重，喝下去帶點辛辣的味道．或許正因胡椒味重，蓋過了魚的腥味，一喝下去就嚐到魚的鮮味，立刻便想起了中學和三五知己吃飯的時光．除了魚湯，這裏的魚腐也是我中學每次吃飯的首選．魚腐質感很腍很滑，一咬下去湯汁便在口腔爆出來．最後就是淮山麫了．淮山麫比一般的麫條幼滑，放進口腔一吸，很容易便滑進口裏，而且一咬即斷，相信不管是小孩還是老人都能輕易進食．可惜麫條嚐不到淮山味，有點與名字不符的感覺．只是整體而言，這次也算是尋回腦海中味道的一次經歷．

話說工作關係呢幾日要周圍走，來到天晉，行到附近有間用puzzle做裝潢既餐廳，個人鐘意puzzle，又係時間食lunch，就走左入去叫湯加既餐廳。坐低左一陣，有個短頭髮貎似主管既女仔行埋黎，俾左餐牌我叫我慢慢睇食咩⋯⋯好啦，咩事覺得有屋企既感覺呢？原來呢間餐廳主打湯同飯配食。選擇困難症既我，點左123號既酸菜酸辣深海魚柳湯加健康d既三色飯，等左一陣，湯同飯上啦！我忍唔住哇左出黎，因為真係好大碗！望落去竟然有差不多6-8塊魚柳，有雲耳有菜，湯頭好好飲，我忍唔住撈晒飯，我食到好飽時都仲有三分二碗湯餸，唔怪得之lunch time，好多男食客，以今時今日既呢個價錢，食得飽又有真材實料既真係好少啦！值得一提既係，佢既魚柳好好食，啖啖肉，又有鮮味！下次再試其他款！會再吃！

原本諗住食健康d ，食下湯飯入到去坐底見天氣凍凍地就叫左個黃酒薑絲煮雞湯點知個雞湯好多油 成呎厚～麻麻地D雞好肥 好多肥膏 我食左幾舊就無食另外酒味好重 落得太多酒 但係整體個湯味都算唔錯 好過d 料女朋友叫左個腐竹勝瓜魚肚清湯飯湯味幾清幾好飲 好過個雞湯 但係魚肚唔吸引 我女朋友食左兩啖就冇食另外鋪入面待應得三個明顯人手不足 又要處理外賣apps d 單最後搞到做野好亂 多錯漏見到有人吹單 等左三十分鐘雖然係繁忙時段 但係個待應竟然同佢嘈成廳既人望住 影響食客心情呢間食過兩次 短期內應該唔會再想食

湯加已經成為我午餐既飯堂，點解咁好？- 有好多餸揀，最好其中一樣係菜，菜肉飯既份量剛剛好，迎合健康人士既需要- 極力推薦刀削烏冬，超彈牙，勁有口感，加4蚊都值- 牛尾都好正，淋到爆又入味，加埋根位超好食

最近腸胃唔係幾舒服 打算食湯加 起碼叫清少少買外賣番到屋企 正諗住食之際 發現兜飯係生既 點浸都係硬既 完全唔知點食 最後成兜倒左佢堂食就話可以即刻換 叫外賣就真係無得賠對呢間野極度失望 不可一不可再

食個下午茶豬扒腸公仔麵31蚊有飲品有麵食30 蚊OK抵啦豬扒香煎入味公仔麵唔會太林湯底清清地豬軟骨撈淮山麵就38蚊淮山面質地特別，具彈性豬軟骨份量唔少每件都好軟易咬豬骨醬汁撈面好開胃淮山麵質地有少少似上海麵第一次食感覺唔錯

將軍澳食飯一向唔平，商場入面大多數係連鎖店。如果話馬鞍山係美食沙漠既榜首，將軍澳起碼都係三甲之內。不過近排有好多新樓落成，唔少食肆都係新商場插旗，呢間「湯加」都係連鎖店，佢集團既另一間店「魚米」就係主打魚湯底，而「湯加」則主打湯飯。冬天咁凍就緊係食啲火熱火熱既野暖下身。有得自選配白飯紅米飯或米粉麵線，或者加錢轉薄餅烏冬。但話明湯飯就緊係食飯啦。胡椒豬肚咸菜湯飯食完好暖，豬肚數量都ok，但咸菜更多，另外有少少木耳芹菜。紅酒燴牛尾湯飯牛尾好淋身，個汁有牛尾既膠質，彈性彈性。不過牛尾會出油，如果怕油膩就要諗諗了。白飯可以免費追加，唔怕唔夠飽啦。

見新開，又不用加一服務費，晚餐$45就ok，於是來試下。食左蝦滑絲瓜准山面，食果刻係ok，都覺得幾好味，所以飲多幾啖湯，點知出事啦T.T成個晚上不停飲水，成煲水飲晒都好口乾，而家唔知點訓。。好口乾好口渴。。。飲品係好飲，但食一餐飯搞到狂飲水都止唔到口渴，又何必呢。。。