湯加 (V Walk)

营业中

休息中

原來食物評分要200字，簡單寫真係諗唔到仲可以寫d乜⋯所以呢段係用黎補夠字數⋯等自己有個記錄。見到有麻辣水煮鮮牛肉，又有黎麥飯/三色飯等選擇，所以揀左呢間試下～牛肉數量、味道正常，d薯粉係厚身，個人都幾鍾意，但d湯淡如水，完全唔覺得食緊麻辣湯，結果自己加餐廳提供的辣椒油，先至好味返dd，叫勉強送到飯⋯三色飯亦冇乜特別，凍檸檬茶一般，係比較澀果種，正常發揮。餐廳附近有好多選擇，之後都唔會再食呢間了。

第一次去 V walk 湯加食午飯, 一行數人諗住今日冬至唔太多人，去到確實不算多人，目測有 1/3 座位是空的，而且是自助落單。我們點了豬軟骨魚旦淮山麵套餐，水煮牛套餐，一直呆呆等了 20分鐘唔對路，打工仔食飯時間只有一粒鐘，大家已等到好焦急，中間催促了4次，店員也無動於衷，等了30分鐘才見第一份食物端出來，但後面的也是斷斷續續隔數分鐘才端上。結果等了 40分鐘後還有一份水煮牛套餐仍未出，再催促也沒侍應跟進，結果無奈有一位同事已沒時間再等下去被迫取消單子買了麥當勞回公司吃。本人以為我們人數多湯加做不切，其實我們人不多，只是5人很正常吧。而且當時也不是高朋滿座，再強調有 1/3 是空空的。原來不只我們如此，侍應把餐端到後面座位那一位先生時，聽到那位先生也投訴等了 50分鐘，而他只有一人。午飯時間誰不是分秒必爭，如果實在做不切，即使是客人自助下了單也應跟客人打個招呼。或者客人坐下時也說一聲。更可笑的是追了數次侍應也無動於衷，不知道有沒有跟進，反正就沒有再回來告知客人進度，愛理不理。後來跟朋友說起，原來這情況在湯加常發生，他們也告知他們的朋友去了一次已沒有再回頭光顧。明白湯加食物正價比高，

自己個人很喜歡吃魚，也很喜歡吃養生的湯粉，所以看到這家店時很期待的就走進去了。自己叫了百秒海鱸魚米粉，男友叫了姫松茸鮮淮山烏雞湯飯，個人覺得個百秒海鱸魚麻麻，但男朋友個湯唔錯。百秒海鱸魚米粉：如果比分，會比3分（5分最高）首先條魚上到嚟個賣相有啲尷，好似反身再反身咁之後係個湯，莫名其妙超重胡椒粉味，遮蓋哂個魚湯本身有嘅味....唯一比較安慰嘅係條魚真係幾滑但好似鱸魚本身係比其他魚滑啲嘅姫松茸鮮淮山烏雞湯：另外偷飲左男友個湯呢個就天然好多，真係補湯嘅味道，湯料匯聚精華嘅味道，冇乜額外添加，好欣賞會比5星

天氣太炎熱，而且最近吃了不少熱氣的食物，晚上的時候想喝燉湯滋補一下，就想到了這家湯加。1、皮蛋芫茜黑魚片米綫（$57）芫茜控會很喜歡這道菜，因爲芫茜的分量很多，可以當成菜去吃，魚肉也有挺多片，加上皮蛋去熬，用來清熱下火很不錯，比起譚仔等四川米綫更加健康，唯一的缺點就是下太多鹽，味道偏鹹。2、黃酒薑絲煮鮮牛肉（$53）我向來都喜歡吃這家的黃酒雞，但最近發現它的質素變得參差，鷄肉經常都是骨頭或鷄皮，不太能接受，所以就轉了去點牛肉。牛肉的分量很多，每一口都是肉，加上大量香甜的杞子（應該是用來取代原來薑絲），還有雲耳，感覺挺滋補，但整碗湯沒太多黃酒的味道。

今日放工去V walk行街，想食得健康少少又有菜既餐，於是揀咗湯加。6:30pm去到都要等一陣位, 入到去先發現原來得兩個員工。場內起碼有超過15張檯，兩個員工要一腳踢，認真辛苦。叫個餐都忙都唔得閒過黎落單，客又等得辛苦，員工又做得辛苦🤷‍♂️食物方面可選2餸1菜。我地點了一個魚湯三色飯+雞件+豬軟骨+絲瓜。一個魚湯白飯+鮮牛肉+豆腐+菜心。份量都好足，飯還可以任添。魚湯都還不錯。而飲品需要另外加錢。不過要注意的是豆腐食落有酸味🙁餐廳需要注意食物品質。二人埋單$114，毋需加一服務費。晚餐來說都算抵食。

叫個外賣等左成30分鐘，其實已經唔係一次，每次同自已講比多次機會佢，每次都等半個鐘，呢啲問題真係咁難改善咩。同埋見親都係得兩個人工作，有個外賣電話黎變得番1個，即刻就踢曬腳。如果客人等既時間可以短啲，真心唔差囉

$176有一條左口魚、一碟果醋豬軟骨、一大碗花膠雞湯、一大碗上湯娃娃菜，兩碗飯再加兩杯嘢飲，非常平靚正！左口魚大調有鮮味，只係蒸魚啲油太多，如果可以少番啲就好啦果醋豬軟骨份量非常唔錯，非常大方，亦都非常入味同埋夠晒淋花膠雞湯嘅花膠，比起好多連所酒樓更加闊綽，只係咁嘅價錢，呢間餐廳可以俾到咁大塊嘅花膠都算非常有誠意，如果味精可以在少啲就好啦三色飯如果可以多番啲紅米同糙米就好啲，而家基本上99%都係白米，但都算質素唔錯

天氣凍凍地，經過湯家門口，見到有水煮魚，猶豫緊入唔入去食。水煮魚，通常我會去食辣嘢嘅地方。或者係去啲專做川菜嘅餐廳。湯加入面有水煮魚，是但啦入去試下，最多咪中伏。😛😛😛我原本係叫多飯嘅，點知一嚟到，係有兩碗飯。啲飯好多，好飽，食唔曬，水煮魚不過不失。🥲🥲

呢間鋪真係出奇地慢，叫個外賣要等20分鐘，仲要出嚟嘅餐係錯嘅。叫完餐過咗15分鐘就去攞外賣，正常餐廳都應該已經出好餐，但佢淨係出咗其中一個湯飯，同佢講仲爭一個豬扒飯，佢就淨係叫我等。等咗差唔多5分鐘，攞咗個餐出嚟，竟然出咗兩杯熱奶茶，明明我叫咗一杯熱檸水一杯熱奶茶。但費事佢再搞多10分鐘，所以我都冇再追究。當時餐廳其實冇乜客人，到底點解可以落單落到咁亂，廚房出餐又咁慢？其實已經唔係第一次幫襯佢哋，上一次買外賣都出現類似情況，又係漏咗一杯餐飲。因為個杯餐飲我要等多10分鐘🤦🏻‍♀️

舊公司附近有間湯加，好好味關係以前係我飯堂，差唔多隔日就去食，不過依家已經結業，今日放工經過V Walk買嘢就買碗湯飯返屋企食回味下，點知就超級失望，一定唔會再幫襯依間分店！首先舖頭客人同門口等外賣都唔多人情況下，等咗20分鐘先拎得外賣真係比較耐。我叫嘅2餸係海中蝦同竹笙，菜就揀咗娃娃菜，蕃茄湯底配白飯有3隻海蝦，3隻都唔太新鮮，即刻大打折扣！竹笙比較細塊，食落口唔太爽，好似咬到表面有層沙嘅感覺，同平時出面街食果d 竹笙係唔同嘅……娃娃菜算係最正常嘅餸，甜甜地幾新鮮至於蕃茄湯底真係好敗筆，無蕃茄味，似係溝咗好多水溝到無哂味，以前食果間湯加蕃茄湯係好足料，好重蕃茄味，食湯飯係會飲埋d湯，依間湯加分店真係卻步，唔會再幫襯！

這天一個人的浪漫走到V Walk搵吃，商場內大多是連鎖店合獨食的也有不少選擇，最後揀到湯加吃我的Early Dinner。DIY湯飯＄55可選2餸1菜總共有四十多款選擇之多，而且更有白飯、三色飯、有機藜麥飯堂食更可免費添加。另加＄8可以配凍檸檬茶一杯，只要清香檸檬冇反茶我已收貨。至於湯底基本有清湯、番茄湯及魚湯可選，另外加＄3可轉成辛辣湯、胡椒味菜湯及我選的酸菜酸辣湯，這個湯夠酸又夠辣非常惹味真的十分好佐飯吃！餸料的菜選了蘿蔔未夠香甜去起碼無渣，建議浸到最後才吃更加入味可口。午餐肉這味東東在家不常吃有機會就邪惡一番，這個午餐肉吃下口感挺滑溜而且不會過鹹我鍾意啊。最後一款餸同樣是邪惡佼佼者的豬膶，薄切的豬膶吃下口感挺粉嫩又冇筋，而膶味濃郁甘香確好味道。而我則選擇了白飯很驚喜竟然是蒸飯，粒粒分明的米粒蒸得較乾身，放入湯後口感變得恰到好處，胃口大的可再免費添加真划算。

今日準備了充足嘅時間同家人到上址食早餐0959 落單，職員還詢問我倆要什麼飲品，兩個麵餐（沙茶牛肉麵）1009 什麼都未送來，一名廚房工作嘅男士跟我們說「叫咗，就係要等」1012 等了十分鐘都未來就詢問職員才得知-原來一直都無落單⋯⋯。 我和我媽唯有不吃早餐去繼續之後的安排。

叫咗個二人餐外賣，有土魷蒸肉餅豉汁蒸䱽魚有飯有湯，個餐牌係好吸引嘅。當時堂食客唔多，有一半枱都冇人坐。只見不停有堂食嘅食物送出嚟，可惜我叫個外賣就等咗40分鐘三崔四請先有。都諗過“蒸野係耐啲嘅“。最後用咗十分鐘返到屋企打開個肉餅，竟然淋到膠匙羹都可以壓扁，唔需要咬都會爛晒。似係少少肉撈咗多多粉。等足40分鐘仲要食啲咁嘅粉餅。湯都ok嘅，不過好油。蒸䱽魚係熟嘅，係唯一入到口嘅。真係有時間又唔怕等都唔好食呢間野。無下次！

今日第一次過V WALK嘅湯加食下午茶，味道OK，但服務態度超級差，唔知所以為全日服務員都係啞嘅，一句說話都無講過，(我都覺得無所謂，可能係太攰關係）我三個人一齊食，有三杯餐茶，但我嗰杯過左35分鐘都未到，我就問其中一個肥肥地，金毛嘅服務員，佢就求其答我話沖緊，我再等多十分鐘，飲品仲未到，我再問佢，佢就無答我，求其行入㕑房望下又唔覆我，過多十分鐘都未到，我火都黎，即時大叫服務員，我杯嘅究竟幾時得，我話我催左3次，另外嗰位服務員即時沖杯飲品比我，肥仔就攞杯嘢過黎比我，但佢隻眼係甘超住我，同黑面，食到我好谷氣，飲左2啖就走了，呢閒嘢無下次

近年來，香港大大小小的花兒經常成為龍友拍攝照片的好對象。近日，南昌公園的黃花風鈴木盛開，於是跟女朋友遊走這裡。之先，我們在附近的v-walk逛一逛，這個新起的商場，可算是非常平民，可是沒有太多食店，或是不吸引。好不意外找了湯加。下午茶選了1）果醋豬軟骨公仔麵；2）芝士火腿蔥薄餅+香茅雞翼。性價比還可以，那個芝士火腿蔥薄餅，很好，值得一試，其他正正常常，沒啥特別。唯獨是那個薯條，奇形怪狀，瘦瘦弱弱，賣相既不吸引又不好吃。