源成興大排檔美食

营业中

休息中

差不多已過午飯時間，去到士美菲道熟食中心，大記以外，還有四、五家檔口。當中除了卓記，都賣差不多的茶記粉粉麵飯。就由食客去投票，行左一個圈，坐了來這裡，因為除了人客夠多，也有我想吃的湯飯~夏天吃湯飯，真不錯。旋風式﹝阿姐真的跑住來又跑住走的﹞的要了個蕃茄炒蛋湯飯，加一大杯紅荳涼粉冰。「一大杯」是一個很大的啤酒杯，冰冰涼涼的很夠睇頭，大熱天時喝這個，真不錯。要「大杯」只需加兩蚊，難怪是檯檯都叫。除了紅荳涼粉，還有不少特色飲品如「雙檸特飲」、「話梅可樂」、「柚子可樂」等等，都幾得意。等了一陣至有得食，似乎不是很多人吃湯飯。份量夠又大碗，湯多飯又多，二人分吃也沒有問題。蛋炒得一堆的，蕃茄也只求其一個切開幾件放下湯，煮也未煮過的。可幸湯加了香茜菜，都幾香，有點味精，都算不錯啦。服務出乎意料地不錯，快手又醒目，見我去拿胡椒粉，伙記立即放下一樽蝦米XO醬，就「呢樽好野，試試啦」，在排檔，有這個服務，仲想點？埋單25蚊，非常經濟，也難怪這麼多人幫襯。

今日晏晝又去左呢度開餐, 今次一行5人, 其中一人黎黐餐, 另外一人已經食飽飽, 所以只叫兩碟: 三絲炒烏冬, 茄汁雜扒意粉, 餐飲要威路士提子汁同菠蘿冰, 兩杯都轉啤酒杯。只係食左炒烏冬同飲左菠蘿冰, 炒烏冬好油, 不過預左, 已比想像中冇咁油。烏冬唔腍bat bat又唔乾爭爭, 幾好, 三絲係叉燒, 瘦肉同火腿, 份量幾夠。味道方面亦幾好, 鹹味岩岩好, 只係三絲味道唔太出, 叉燒炒得略嫌乾身。菠蘿冰好甜, 不過成1/3杯都係菠蘿, 的確好足料, 功課交齊晒。望落雜扒都幾ok, 有一條腸仔, 雞扒豬扒同牛扒都有, 都唔細塊。意粉望落個樣似係偏腍, 但係應該都ok。提子汁係加左不少椰果在內, 朋友話幾好飲。今日知道原來呢度加飯係唔駛錢, 有朋友試過加左兩大碗飯都唔駛錢, 老闆真夠闊佬! 而且, 星期日叫非午餐碟頭飯炒粉麵飯, 啤酒杯飲品理應加$7, 但老闆就計我地齊頭$50。熟客係有著數。另外, 我地開餐時已經係2點幾, 當四周o既檔口都坐唔過一半時, 呢度卻係9成半滿, 我地到場時差點兒要等位, 都咪話唔誇張。

唔止, 仲係一路嗌住好味咁飽死是日又係補課天, 不過今日係朝早補課放學和同學一齊黎呢度食lunch, 原定食獲氣十足o既炒粉麵飯, 但係因為老師請食西餅o既關係, 係half-full情況下冇可能食得到-___-"於是我改叫蛋治轉麥心飽炕底+熱鴛鴦, 同學就叫左早餐:沙嗲牛丁+腸仔炒蛋+油多, 另加一個啤酒杯特飲--菠蘿荔枝冰先講我果份, 麥心飽有兩款, 一款係全麥, 一款係甜麥心, 我揀o既係甜麥心, 炕得好脆, 微甜, 個包好好, 可惜衰係蛋度, 叫炒蛋, 變左係發渾o既煎蛋, 味道一般, 蛋只佔包o既3分2面積。總括來說, 成份三文治都算好。=] 鴛鴦飲落有好少好少好少o既鞋口, 味道一般, 唔夠熱唔夠香, 不過不失而已。試左一口同學o既牛肉, 沙嗲味適中, 彈牙, 略欠牛味, 都幾好, 應該冇經梳打粉洗禮。油多係嘉頓方包(慶幸自己轉麥心), 冇特別, 炒蛋冇試更加冇野講。我係呢度常客, 啤酒杯如何重量級唔係第一次見識, 朋友要少冰但係都係好多冰, 不過始終杯野真係好大杯。朋友話味道ok, 我信佢。朋友食完之後飽到連打幾嗝。老闆好醒目, 我去左2兩次已經認得我, 之後每次去, 離