源記車仔麵 (已結業)

今日放工未食飯，經過觀塘唔知食乜嘢好，就求其搵左間車仔麵食。其實都係諗住求其食一餐算，因為係觀塘食車仔麵都未食過一間係真正覺得好好味嘅，因為好多間啲料都係說濕濕咁。入面嘅裝修好過一般嘅車仔麵檔，有一啲木造嘅枱同燈，環境都比較乾淨啲。點左一個豬大腸拼韭菜餃粗麵同埋叫咗一支豆漿，成為＄34。其實睇食評見佢啲相都唔錯，不要食落先知。來到個賣相都唔錯，都幾多豬大腸同埋有三隻韭菜餃，通常都冇咁多料嘅。豬大腸好入味，質地都好結實，唔會太過鹹。另外啲韭菜餃就非常大隻，應該係剛剛先至煮嘅，所以唔會林晒。至於啲粗麵就好彈牙，唔會碎濕濕咁，我仲叫佢俾咗啲辣椒將我，應該係佢哋秘製嘅，好似辣椒膏咁，個張非常之香口，味道好豐富，唔會得個咸字。最初諗住Hea食啫你間車仔麵，真係意外地好食，以後喺觀塘搵食又多個地方了。

因為工作OT關係，夜晚10點幾先至放工，經過源記就買個車仔麵返屋企食。依舊點左我鍾意嘅韭菜餃同牛腩加咖喱汁，面我平時會揀米粉，今次就想試吓河粉，估唔到拎到返屋企嘅時候啲河粉已經索晒啲湯，所以比較乾，但係兩個餸依然咁好食，所以建議大家如果外賣，最好叫粗/幼面或者米粉，因為河粉太吸湯了， 免得浪費食物！

上兩星期先食過源記，今日經過又忍唔住再去食啦，心思思想食佢個牛腩，我每次基本上都會點兩個餸，一個就係韭菜餃，另一個就係牛腩，今次我冇加咖喱汁而係牛腩汁，最欣賞佢湯底夠濃之外，蝦米同埋葱花喺面，好提鮮，餸又夠份量，一如既往咁好味！

每次離開觀塘都會去食呢間鋪頭嘅車仔麵。我最鍾意食佢嘅餸就係柱候牛腩同埋韭菜水餃，好多地方嘅牛腩都要另外加錢，但呢度唔需要而且份量仲要好多，韭菜餃就有三隻，湯底有蝦米加蔥花，蝦米好香。建議大家可以加腩汁或者咖喱汁，個湯底會更加香濃。牛腩炆得好腍好入味，韭菜餃入面好多韭菜，鍾意食餃子嘅呢度一定啱晒你口味，而且兩樣餸都係＄26既經濟又實惠。今日天氣比較熱，所以我另外再加左多咗個豆漿，埋單都係＄34 lunch來講好抵食呢！

前日病病地睇完醫生唔知食咩好經過見到呢間車仔舖，入面有好多人坐喺度，加上我又唔想食飯，就喺入面揀咗個兩餸車仔麵，餸我揀咗牛腩同韭菜餃，呢間餐廳湯底有用蝦米蔥花同芫荽，所以好清香，然後牛腩炆得好稔，韭菜餃有三隻大大隻，牛腩又好入味，大力推薦呢兩個餸。26蚊，兩餸仲要量多，好抵呀！

叫左四個餸：金菇、豬腸、豬頸肉、韮菜餃，油麵加腩汁小辣外賣。好貼心地湯分開另一個碗上，好驚喜湯中浮住好多蝦仔乾。飽到分左兩餐黎食，都係$37，好滿意！不足之處係豬頸肉比較乾，下次會試另一啲餸。

朋友介紹呢間車仔面，佢話係超好食，講到咁，咁一定要試下啦！叫左3個餸加辣汁，再加埋可樂都係$38！拎到番去就開餐啦！我叫左蘿卜，牛腩同魷魚翼！牛腩比我想像中大件，而且舊舊都係有小小肥膏連住，好好食！蘿入切到太大，唔太入味，但都可以接受。其實佢好味既秘訣係個湯，同埋佢有蝦仔。所以個湯好鮮甜，仲有陣陣既蝦香味。

開了一段時間，每次經過都好似好多人食緊今日放工後，好肚餓，就決定入去食了下午6點幾，都有5~6人食緊不過D位真係有D窄我叫了魚蛋、韭菜餃、魷魚油麵魚蛋真的不好吃，沒咬口，有點失望，有些應該浸了好久，但又不入味但韭菜餃超好吃!多汁又有韭菜的香味魷魚都OK這兒的湯底可加蝦仔，作為一個很喜歡食海鮮的人，感到很有誠意應該還會再吃的