影片
港铁何文田站 A1 出口, 步行约6分钟
继续阅读
电话号码
23649930
营业时间
今日营业
07:00 - 18:00
星期一至日
07:00 - 18:00
以上资料只供参考，请与餐厅确认详情
放假去搵身。由於屋企樓下既茶記已經食到悶同埋水準每況愈下。聽朋友介紹。如果唔嫌舊可以去試下源都。。咁就放假同老公一齊去試下。去到叫左2個沙嗲牛面。1杯凍0茶，1杯熱奶茶。面底唔錯。。似係即煮。。夠熱夠熟透係個個沙嗲牛個味略甜左少少。但份量都好大碗。0茶茶底唔算好濃。奶茶就冇想像咁好。最後叫左份鮮油多。。。原來係得一塊包放2舊1x1寸牛油上去。同我想像有d出入。。不過再睇番佢個價錢。。。十幾蚊份。。收貨喇。全部冇餐跟 。。2個人賣單$99
继续阅读
一間細小的冰室，在一條無乜人行的內街，附近都係舊樓車房基本上無乜裝修，如果唔係去開嗰頭，睇埋其他食評，基本上唔會考慮入去食，真係好似行入去都要好大勇氣咁入到去基本得老闆同老闆娘，唸好食咩好就同老闆娘講，佢唔使用紙抄低，直接大聲覆述一次俾老闆聽就完，仲要記得哂無漏沙嗲牛通係必食，湯底係極重沙嗲味，唔係hea嘅，正到想飲埋個湯完全唔明點解會無人發現，真係掘到寶。奶茶係基本茶味重，雖然已經好多地方做唔到，但呢度真係好飲，係奶味略嫌唔夠，可能要加糖/轉茶走，加翻甜去中和平衡呢度係無餐嘅，但就算散叫都唔貴，個質素絕對對得起個價錢
继续阅读
在信用街附近辦點事，中午時間想在附近找個地方食飯，但眼見方圓幾十米都無餐廳，只有這間冰室，冰室門口坐了幾個地盤工程男士正在用餐，猶豫是否該找第二間，但最後鼓起勇氣坐下來。餐廳不大，只有四五張桌，門口外有兩張，提供輕便快餐。樓面只有一個阿姐，她動作利索，客人說完點什麼，她就大聲說“收到”，非常好爽，一個人把樓面處理妥當。我點了番茄豬扒飯，有三小塊，分量算多，醃得入味，煎得香口，加上幾件新鮮番茄，和甜酸汁，非常送飯，吃完一點都沒剩。另一抵讚的是奶茶，有香濃茶味和奶味，真的不錯。整個用餐過程只需15分鐘，在一群粗礦的男人堆吃飯感覺很特別。走出冰室，打電話給住在附近的朋友，她說多次路過這間冰室也想過進去，但由於男人太多，沒勇氣進去。原來吃飯都要鼓起勇氣的。
继续阅读
揸住架車兜兜下就發現咗呢個地方唔好見呢度環境好似好差咁但係真係深藏不露 啲嘢食真係唔錯不過價錢都唔係特別平而且沒有餐 只有散叫但人流依然好多 （疫情期間大部份人都係叫外賣）餐蛋湯麵馳名凍奶茶☕️呢杯真係要叫！必點！又香又濃，仲好滑完全估唔到蛋牛通粉 牛肉唔係平時嘅滑牛唔係平時那到無晒牛肉味呢一個部位就好香 不過相對比較靭下次一定叫沙嗲底！我本身無叫飲品取而代之想試吓佢嘅油占多真係好耐無見過 好回味 細細個成日食落單嘅時候記得望下牆上邊嘅Menu如果唔係就好似我咁冇落到沙嗲 #見大家都推介沙嗲
继续阅读
雖然在殯儀工作，每日都出入紅磡，但第一次來源都竟然是波友球聚後，由沙田曾大屋駕車而至這裡為求吃一個早餐。這裡在高山劇場斜對面，泊街都算容易搵位。地方唔大，好old school的感覺，特別是舊式的時鐘高高掛上。入返題先，沙嗲牛肉麵是誠意推介，因為非常足料，試想想平時茶記咪見沙嗲醬二匙羹左右就算，而這裡食食碗都是好濃的沙嗲味，值得一試！如果想食飽d, 可以加多隻蛋囉，蛋就無咩可以講，平時食的水準，唔會有太大分別吧～
继续阅读