溢進茶餐廳

营业中

休息中

上次10:55入到嚟接埋架車，11:01食唔到早餐。今次出嚟辦年貨，一早過嚟覆桌個薯餅。今次10:05嚟到，點都有得嗌早餐，今次捉埋個鄰居出嚟導佢下坑，薯餅真係世一。今次食第三次一樣好味，不過今次就冇嗌沙嗲牛肉螺絲粉，反而嗌咗個咖喱牛腩螺絲粉。食落去第一啖感覺似葡汁多過咖喱汁，跟住個鄰居話落兩滴辣椒油試下咩景況，我跟隊落辣椒油。果然神轉變，即刻變咗做咖喱汁。唔通一汁兩味？唔理！總之調一調味成個感覺返晒嚟。同埋啲牛腩都幾大嚿，早餐係完勝。唔似得某啲連鎖餐廳，d牛腩扭扭粉得兩粒腩碎。

踩單車之前要食個豐富早餐，好少過舊墟食野，尤其是去到公園呢邊。聽聞個薯餅好得，專登踩單車過嚟食完先出發。因為今日係長征路線，所以要食得豐富啲先至起行。咁就叫咗個沙嗲牛肉螺絲粉配太陽蛋薯餅，貪心咗啲再加埋個煎雞扒個沙嗲牛肉值得推介有用，蒜蓉粒炒乾超香。個薯餅真係冇得輸又大塊又脆又唔會太油，比起嗰啲連鎖快餐店真係正好多。個雞扒雖然冇底味，但係個雞皮好香脆，有少少食緊炸雞髀嘅感覺。唔記得問佢攞啲茄汁吊一吊味。另外呢檔茶檔啲齋啡都唔錯，唔會有強烈嘅苦澀味，下次要試埋佢啲下午茶。

中式茶餐廳公園仔內開了多年，還是屹立不倒下午茶海鮮沙律有出色，比起驚喜完全想像不到，烚海鮮夠健康蟹柳、蝦仁、魷魚仔、日式魚片，出色傑作凍檸檬茶少冰少甜難飲整體嚟講求其

偶爾見到呢間位於小巴站對出嘅茶餐廳由於唔顯眼所以好多時都忽略咗上星期日搜尋早餐好去處發現原來有間茶餐廳又似份量十足就去會一會佢入到茶餐廳搵到見到食評講嘅特餐二話不說即刻柯打一嚟到喜出望外，份量真係好足，真正一定食得飽嘅All Day Breakfast尤其個餐嘅沙嗲牛肉麵唔似外面，係足一個麵底，牛肉一般，但有落埋蔥、辣椒、同青椒絲，拌勻一齊食就食感豐富好好多就值得讚。加埋熱辣辣薯餅、多士、豬柳同煎蛋真係常滿。下次會試埋其他嘢

間唔時就會去呢間茶記食～入面好多唔同年齡層既人都會去食而每次都會食佢個焗飯！仲要炒飯底都係$43有埋老火湯同熱飲～今次呢個係黑椒焗牛扒飯～個汁係好夠味 牛扒好細心咁切開一件件 真心好抵食唯獨環境比較舊唔會好似好新淨果啲咁整體分數：7.86

呢間溢進真係開左好多年，亦都成日行過見到，但就一直冇話想試下，因為個門面唔係咁吸引，原諒我都係屬於外貌協會既朋友黎！點解突然會去試呢，話說早排上OpenRice search下大埔墟有邊間沙爹牛好食，search到佢，於是去試試啦！佢有個全日特餐，沙爹牛肉麵份量夠，味道似大排檔小菜果d沙爹，不過味道我覺得淡左少少，但佢另外配有多士、炸薯餅同漢堡扒，我覺得抵食既！之後再有一日黎試個午餐，個炒河夠火喉又唔算多油，我反而係推介佢d炒粉炒飯，抵食又大碟而且餸既比例都多，呢間都成為左我喺大埔墟飯堂之一啦！

呢間茶餐廳係我由細食到大，以前我阿媽就成日帶我同阿哥黎溢進食早餐。大個咗之後就好少食茶餐廳，前排經過就入去嘆番個早餐，以前都食開一樣嘅餐：沙嗲牛肉公仔麵再加兩款小食 凍華田薯餅同餐肉係必叫！一個肥仔早餐係一個美好早晨嘅開始先會嚟咗一份牛油餐包，最鍾意就係夾一塊餐肉落去一齊食，然後配埋熱辣辣又脆卜卜嘅薯餅食面。沙嗲牛肉麵嘅汁好濃，公仔麵煮嘅程度又啱啱好，我個人唔太鍾意公仔麵煮得太淋。雖然熱量較高，但咁嘅早餐好滿足！！偶然有個咁豐富嘅早餐都唔錯而且價錢都好平～

雖然這天不算極之飽，但是看看手錶，明明一時正才吃過東西，而當時時間只是下午三時正，坐下又再吃下午茶，實在太過分，於是就陪同友人內進，自己只喝了杯茶。友人則點了個炸雞翼沙律，看見沙律，水果的成份應該不多，我吃了幾顆都是薯仔為主，味道還算正常。雞翼炸得非常透徹，而且外皮極厚，屬奶典型茶餐廳下午茶的經典食品。這兒的奶茶咖啡，味道也不錯，試了友人的茶走，奶茶味充足，加煉奶後都不覺太甜；我的鴛鴦走，同樣亦都混合濃郁奶茶味，配合起港式咖啡，亦都不會特別酸，味道也不錯。店內明明有電視機，但是不開，可能因為星期六日，恐防客人吃$2-30又坐著打躉會霸著位置太久，所以既不看賽馬、又不看新聞，一拍兩散，大家坐在茶餐廳靜靜的，聊天，吃完便離開，對店方更加有利。但這樣做實在很玄妙，就像有性器官而不進行性交一般，放着又沒用。

芝士鹹牛肉飛碟，賣相首先已經不太討好，該烘到的地方都只是白色，跟白麵包沒有分別。其次是兩塊麵包沒有合上，都是分開的，根本癡唔埋。好明顯求求其其得個快字，諗住交左貨就算，但係其實我都等左15分鐘左右，咁佢係咪應該俾啲高少少質素嘅嘢我呢。飛碟連熱檸水一杯，下午茶餐價＄28，如果唔係今日踩住架單車入大埔，為咗睇住架車，唔會食呢間。其他食物平平無奇雖然價錢唔算貴，午餐都正正常常＄30,40就有得食，但係連簡簡單單一個飛碟都整成咁，我諗唔會有下次中間個心叫做夠熱，芝士有流到出嚟，但係鹹牛肉份量過少

逛街經過這店，好奇的試試。感覺是墟內經營已有一些時間的食肆，相信光顧的大部份是街坊。挺喜歡茶餐廳的我，與友人點了兩個下午茶餐：瑤柱雙菇炒米配凍菜蜜及雞翼拼沙律配凍青檸柑桔梅蜜一同分享。炆米米線煮得柔軟入味，蔬菜爽口；雞翼香脆肉嫩，蕃茄青瓜新鮮，沙律有薯仔、紅蘿蔔、蜜桃，沙律醬份量適中，是標準的配搭，味道不錯。飲品方面，兩款飲品濃度適中，味道足夠。總的來說，是有質素的產品。

一間外表極普通的茶餐廳, 但食物水準一流, 而且份量都很大碟~ 客人流量都很快, 一枱入就一枱出, 食完之後仲見到有客人在門外排隊等位~餐牌 - 價錢較便宜~肉醬意粉 - 夠大碟, 肉醬味道很好, 夠香~牛肉時椒湯米粉 - 用時椒做湯底, 味道較濃, 而且米粉份量也很多 但賣相一般

我去左好耐架嗱,成日話上黎OPENRICE話俾人知,都唔記得...佢D下午茶抵到爆...我就差唔多次次去都係吉列豬扒...女友就吉列魚柳...兩個都炸得啱啱好...脆到不得了...好正...搵日去試下啦...兩點到六點半就有架嗱

仲記得小時侯,讀緊幼稚園時常帶我到餐廳食早餐.我最鍾意豬扒拼薯餅大大塊,就飲我杯餐飲"熱鴛鴦"我就沒有得飲,但個水吧哥哥好好人,他會沖杯細細杯好立克或阿華田俾我(唔收錢架)我而家大個啦讀五年班啦,現在都還有去餐廳食早餐仲同弟弟一齊去,我而家最鍾意食腸仔拼奄烈,現在細細杯就弟弟飲我就飲大大杯...哈哈