溫莎堡 (已結業)

週末無聊，路經工廠區，見到唔間餐廳好多唔同種類既嘢食，中式點心、粉麵，琳琳種種。中午的套餐廿幾蚊到卅幾蚊，估唔到幾好食。$27 中式蒸飯 - 鳳爪排骨飯、油菜、例湯、餐茶 $29 兩餸一丁麵 + 吉列豬扒、飲品

今日(20-10-2009 Tue)冇帶飯,咁o岩女同事C上星期話搵日一齊出去食飯,就揀今日.原本提議味王,但C話唔想有咁多同事見到我o地,咁就行o黎呢間.我o地坐一邊卡位,睇睇餐牌,價錢唔平,而且又飽,亦唔知揀乜好.揀o左好耐,我要個$29.00o既蜜汁煎雞扒配意粉餐,加$2.00飲凍檸水.而 C就要$29.00o既什拼餐,又係要意粉,飲熱檸茶.落單後亞姐返o黎問我o地要中定西湯,我問中係咩湯?佢答蓮藕湯,咁我o地都要中湯啦.飲品同湯o黎到,湯係微暖,清清地,唔錯o既.而我o既意粉到o黎,雞扒幾大件,煎得唔錯,可惜好鹹,點解蜜汁係鹹o既咩?而意粉量亦多,軟硬亦適中.C都話佢o既什拼都好鹹.服務係唔錯,入到o黎會為你拉頭,因開頭佢畀中間o個啲位我o地,同事想坐卡位,佢就問我o地介唔介意坐一邊.

前晚去了溫莎堡食了一個二人套餐，共$80，都幾抵食。先來一個燒味雙併，我最欣賞係燒肉，非常之脆卜卜，而另一個雙併係燒鴨，都幾好食。而小菜方面，根據餐單上任叫一碟，我叫了蒜子雙菇斑腩鍋，一上檯時候燒到卜卜聲，好香。奉送油菜一碟。雖然這間餐廳位於工業區，可能值得一試。

早前嚟過食午飯覺得好嘈吵，今朝行過入去食個早餐，人雖然少了好多，一個人都可以坐卡位但係仍然覺得好嘈，人聲、電視聲夾雜一起，簡直係人聲鼎沸。叫咗個沙嗲牛一丁麵，火腿煎旦、餐包同奶茶（$20），火腿煎旦一早整好凍冰冰，反而餐包就有叮番熱，沙嗲牛無梳打味算唔差而一丁麵亦淥得剛好，始終最正都係杯奶茶，濃淡適中又夠滑。其實呢間茶記水準算唔錯，只可惜太嘈想坐耐D都唔得。

** 此 食 肆 的 第 三 個 OK **今日(7-11-2008 Fri)冇飯帶,朝早記得要o黎買鳳爪排骨飯做lunch,所以帶自己o既微波爐盒返工.行經時買o左$12.00 o既細鳳爪排骨飯,返到公司lunch時,倒入盒內,o岩o岩裝滿.叮好,食得.覺得豉油唔夠,鳳爪已經好細隻,重要得兩隻手指;而排骨都唔想少o既,不過真係好’骨’囉.但總括o黎講味道係冇問題o既.

炸雞脾薯條是本人至愛食物 都比較過好多餐廳既水準炸雞脾 - 外皮脆脆地...炸得又唔會過火,味道有少少鹹, 應該係搵野調過個味, 內裡肉質都算滑, 所以食落去口感都幾好薯條 - 都算好味ga, 唔會太燶, 不過可以+多少少調味料, 就會野味d至於裝修, 係果區黎講, 都叫做新穎, 本人都參觀過佢地既廁所, 竟然會有紙巾供應, 都算係咁了, 內裡都算整潔服務態度都幾急, 不過佢地又唔係趕客既, 都尚可改善ga..希望下次再光顧既時候 會再好ddd喇

原本都係工廠食堂,早前裝修過後搖身一變成為多元化食肆,中西式,燒味,點心,麵包樣樣都有,今午經過見未食過又嚟試吓.嘩!果然人头湧湧,地方雖大仍然座無虛席.以為要走頭,點知啱啱有人起身,就坐低.呢度D伙計,年青居多,手脚十分爽快,本來值得一讚,但係佢地D態度好有問題,不時互相大聲對「講」,見到有客人嚟,好似如臨大敵咁,指揮D客坐低,反應稍為遲疑,佢就會話「喂!俾D反應得唔得?」,喂,老友食飯啫,駛唔駛好似打仗咁.講近食物,午市快餐$29但唔啱食,食咗個沙薑雞飯$33包油菜,飲品同例湯,好似幾抵.沙薑雞同飯分開上,雞都算滑亦幾大碟,飯好大碗,油菜都唔差,叫咗熱奶茶,隻捷榮茶杯幾得意,冷氣好勁食完飯己經變咗凍奶茶.食物份量夠大,新裝修夠光猛,環境比一般工廠食堂好,如果D伙計注意吓D態度,就好好喇!

** 此 食 肆 的 第 一 個 OK **尋日(8-8-2008 Fri)因唔知請唔請假同爸媽去昂坪好,遲o左起身.見有黃雨,即係唔適宜去,咁我就臨急臨忙換衫返工.由於未食早餐,所以肚餓,而呢間係上月新開張,我問同事呢o度食o野o既價錢係點,佢答同味皇一樣.唔…..咁我試吓呢間啦.佢早餐都只係$20.00,我揀o左F餐,有鑼絲粉,餐肉炒蛋,牛油餐包同一杯熱飲.o係等o既時候亦順手攞張外賣紙.買好喇,返到公司打開,即影返啲相先.咦?!鑼絲粉浸o係紅色o既湯,而唔係普遍清湯o度o既?唔係羅宋湯o黎o架?我臭吓,真係羅宋湯o黎o架,唔係嘛?第一次食鑼絲粉係加入羅宋湯o度.影完相,先食炒蛋,冇咩味,好似冇落鹽,午餐肉都係咁啦.而鑼絲粉就唔太腍,重有少少彃牙o既,不過羅宋湯就偏辣多啲,酸味甚少,而且畀我o既感覺係隔夜湯.唉!至於個餐包係唔熱o既,我唔係幾鍾意食呢個餐包,食o左半個都唔食喇.服務: 冇問題啦.環境: 夠光猛,新裝修又有電視睇,感覺好似幾好咁啦.不過我睇佢o既外賣紙時發覺,原來佢啲午餐就只有羅宋湯,唔通佢o地只整一種西湯?