溫+飽 (已搬遷) 新店位置

有一日係IG 見到某IGers 強烈推薦嘅呢一間外賣食店，既然係屋企附近，就去試吓啦！真心講價錢十分之優惠，十幾蚊一碗麵，仲想點。是日因為趕時間就叫咗個青瓜涼麵細嘅。分量超級多配上大量青瓜，花生，小小嘅辣椒醬，醋同埋蔥花等等。分量超值！可惜嘅係醬汁實在唔夠，麵變得十分之淡。同介紹嘅出入幾大，如果可以落多少少醬汁，個面冇咁乾效果應該更好！

個日夜晚經過西環，又肚餓就睇下附近有咩食發現左呢間隱世小店，講到明隱世就唔會係大街大巷間野係一條內街，要搵話易唔易話難唔難店鋪外觀平凡　但味道卻十分驚喜價格亦相當可人　相信現時香港大集團控制大部飲食業小店愈來愈小　獨有風味可遇不可求店內川辣菜有一定水準涼麵風味大足最令人驚喜是餡餅味道層次極高　回味無窮下次黎西環都會　食過番尋味

西環尼間小食館，味道唔錯，價錢又便，用三個字形容，便、靚、正！抵食👍上次去食咗個大辣既雲吞，連d湯都飲埋老闆娘好好人，好細心，見我咁食的辣係咁問我使唔使加辣，d辣椒油係佢自己整架好味

早排同朋友放工去西環覓食，發現一間小店溫+飽，本黎無得坐都有d卻步，因為本人都好怕熱，但本著人一世物一世，唔試賓周細既精神，最後買左少少小食，但一食就停唔到，一開始都係大家share食下d雲吞同雞翼，但食落覺得好正之後就不停叫其他野食，雖然今次係小弟第一次寫食評，全因為我係外面未食過如此特色既味道，有個死黨既老婆自己食左3份餡餅，而我最喜歡紅油抄手同牛肉土豆粉，土豆粉好滑嫩qq既口感，紅油抄手係一種同筆墨都形容唔到既味道。ps.依間野都幾特別，價錢超抵之外，賣京川野都有韓式飯卷賣，唔知叫棧鬼定雜感好🤔🤔