滋味一方 (已結業)

被職員不停安排坐台位置，拒絕反被職員大罵！ 之後仲要被職員女經理趕走，未見過「食物咁一般」概餐廳，可以有咁嘅服務態度😰😰😰。唔明白餐廳管理層的管理手法。數碼港概客人受苦了

叫左個日式燒雞煮蛋飯，食左兩啖，雞？真係雞！？唔通係齋雞！？菇一樣的「肉」質+菇一樣的味道，呀姐話佢呢度d雞係咁gar wor, 咁我認真係孤陋寡聞，未見識過「非一般」的雞肉，只能怪自己食雞食得少。不過都好，最後都肯換過個正常豬排飯俾我。

由數碼港第三座進入，上兩條扶手電梯，推開玻璃門，繞過吸煙區，再落一條樓梯，就會見到位於數碼港第四座魚池傍的滋味一方。早餐售價相宜，由$16的三文治餐到$24的扒餐，中式西式，各式各樣。一碗沙嗲牛肉腸蛋麵加一杯飲品，售價$20。須然味道只是一般，沙嗲味欠奉，麵又太林，但是有如此景緻，美不勝收，可抵消食物不足之處。

其實對呢啲茶餐廳真係無咩要求 填飽算數 不過呢間嘢唔彈下佢條氣唔係好順今日入去數碼港做嘢 自己一丁友求其食 見呢間嘢係個池邊就腳求奇啦入到去唔多人 一問就有位 跟手有個肥肥地女侍應落單 粗聲粗氣咁: 食咩心諗: 無嘢嘛.... 比個快餐1號吖侍應好快行開拎架生 一杯水, 筷子 同 單"拍"一聲"放"咗杯水係枱面跟手張單丟低咗....又心諗 幾十蚊算啦 阿姐可能心情唔靚嘢飲未到見有杯水 諗住飲啦....嘩好大陣漂水味.....咁唔飲啦.....等吖等 等吖等 明明叫快餐 黑椒豬扒飯應該好快手 等咗15min都未到見到個肥阿姐問下啦....點知佢口黑面黑咁皺晒眉頭咁話:好快到....終於望穿秋水飯到了.....送飯個阿姐走埋黎拎住兩碟: 係咪意粉?我話唔係 行咗兩步 黑豬呢碟 又係"拍"一聲"放"低呢碟黑椒豬扒飯 唔熱凍ge 完全無黑椒汁味 係咪而家都興牛丸唔係牛吖 河粉唔係粉之類....食咗兩啖 己經唔多想食 肥姐又走過黎....竟然係抺枱....啱啱對咗兩啖咋喎 唔駛咁趕吖...本住一個心態茶記 唔好有要求 留肚食tea算啦 去埋單....呢間嘢啲人真係好服務 找錢又係"拍"一聲...

由熟人帶路，居然在數碼港食左一個只係$26的抵食下午茶（豬扒雞蛋公仔麵配凍奶茶），窗外更奉送鳥語花香的綠色園林景致，實在超值到暈！呢間茶餐廳位於數碼港四座，四周被綠色的園林加水池景包圍，小白鷺更會隨時客串演出，名副其實的鳥語花香。下午茶由兩點半開始，食客唔多，好容易就搵到靠窗的梳化位，於是可以一邊嘆美食，一邊賞風景。下午茶有十幾款選擇，由$17蚊起，最貴的只係$28，加埋凍飲$2，$30又飲又食，真係邊度搵呢？我食的係豬扒雞蛋公仔麵配凍奶茶(只係26蚊!!!)，豬扒算好大件，腍身又入味，仲有一隻大煎蛋，加上公仔麵(當然唔係正宗公仔麵啦!!)份量唔細，真係抵食夾大件。凍奶茶雖然略嫌唔夠滑，但合格有餘！食完下午茶，朋友仲帶我行埋另一邊的草地。除有綠草如茵的靚景之外，仲有無敵大海景，加上藍天白雲，如此免費的良辰美景，實在嘆到暈！

去過幾間唔同o既滋味一方 (應該係同集團吧?), 最差都算呢間.食午餐, 叫咗個鹹魚茸炒白菜o既小菜套餐, 因為本身唔係咁好魚, 叫之前仲擔心鹹魚會唔會有骨之類, 點之嚟到之後, 咩憂慮都冇晒.點解? 成個餸, 唔好話鹹魚茸, 連鹹魚汁, 鹹魚味都冇, 就算蒜茸都係好以頭皮咁細粒, 仲要得幾粒好勉強先睇到, 啲白菜苦架, 成碟嘢收$41, 又細碟, 有冇攪錯呀, 真係數碼港冇嘢食就襟住搶? 連飲嘢$47, 好失望, 俾多$10 出香港仔食都唔會再嚟!

經同事介紹下, 去滋味一方食LUNCH, 它位於數碼港4期, 以為佢位置吊腳, 唔會好多人, 原來都唔係...一行4人12點50分去到, 發現已經坐得滿滿, 好誇張, 等左10分鐘, 店員安排了我們坐近窗的卡位..座位舒服, 看看餐牌, 有唔少的選擇, 價錢合理, 看完後我點了魯肉飯, 其餘同事就點了西餐...羅宋湯先到, 各同事一飲就話好SPICY, 本身食得SPICY的我唔多信, 試左啖, 發現真係好勁, 點解會咁呢? 最後同事都放棄左個湯, 因為真係飲唔落...主角出場, 魯肉飯, 魯肉都OK, 不過肉再入味會好D, 加多條菜就最好, 份量一個男人食會剛剛好, 女仔要KEEP FIT 就一定食唔曬..另一邊, 同事都大讚西飯都唔錯..係CYBERPORT, D個價錢, 食物的水準是中上...相比恆香棧, D度好好多..如果有埋粥餐就更好....不過是否HKU的人有DISCOUNT, 埋單時見到前面個男仔SHOW左佢張STAFF CARD....如果係, 等我班張番黎先...

周末和女友到數碼港看平戲，看完後來附近吃一個午飯，今次到的餐廳是一間類似飯堂的餐廳，其主打的是火瞳湯，但下午去吃，又不知道有否這湯喝呢？甫入座，被安排坐到四人有湖境的卡座，環境是不錯的，而且今天的食客不多，不太嘈吵，也可以靜靜的吃個飯。先看看餐牌，有西式的飯餐，也有中式客飯，有餸有飯，單價三十元也有交易，要喝媽咪靚湯的加八元，吃菜加六元，飲品也是另加費的，所以平貴與否，在乎食客需要多少增值服務，最後我倆點了午餐內的雞醬豬扒石頭窩飯及中式飯餐的薑蔥牛肉飯餐，先加了一個媽咪靚湯，另再加一客菜，再點了一杯菊花蜜，也算是増值十足了吧。先來喝口湯，究竟媽咪靚湯是否等於火瞳湯呢？我想大概不是吧，今天的例湯，是北蓍粟米煲豬展，喝得出是沒有下味精的，也喝到一點點的豬肉味，而且也有充分的甜味，當然是粟米的功勞吧，鹹度雖然夠，但好像味道也真的不太夠，相信店家要再下多一點料來煲湯會較好，雖然此湯不是火瞳湯，也未能評價其招牌湯水的品質，但其他湯水的質素也可反映一點點的事實吧。加六元的一客菜絕不馬虎，不是普普通通一碟的郊外遊菜，而是上湯浸娃娃菜，在面頭撤上一點點的炸蒜蓉，上湯也是較淡，但娃娃菜浸得軟腍，吸收了一