影片
自幼在元朗長大, 為左重拾一些當年既回憶, 相約一班舊周學仔到元朗走一走....正在找哪一間食店解決我地既晚餐, 無意中走過一間小店, 被店內其中有一枱上的蒸籠吸引住我既視線, 我見到一隻大大既花蟹用一層糯米墊底既菜色, 又冒晒煙咁, 就同d朋友講不如就食呢間啦, 試下新野都好呀~我地坐低左, 然後周圍望下其他人叫乜, 多人叫既就一定冇錯啦~ 可能店主(我估係啩)見我地冇咩idea, 所以就主動推介佢地自創或者比較有特色既菜比我地, 又真係幾有特色wor~1) 明鑪金鍋雞 -- 用錫紙包住個鍋, 再用爐加熱, 令到d雞又入味又滑2) 風沙黃金條 -- 起初以為係炸茄子, 但原來入面係蓮藕黎, 有驚喜3) 籠仔糯米蒜蓉蒸蟹 -- 我的至愛, 隻蟹好新鮮, d糯米飯又有蟹味, 又有蒜香4) 酒糟煎中蝦 -- 第一次食用酒糟煮既小菜, 個香味好特別5) 杭州骨 我地4個人, 叫左5樣, 真係食到個個肚漲漲呀...連本身打算食b記甜品都食唔落喇...今餐好滿足, d野好食, 店主又nice, 我會再黎既~~
继续阅读