滋味雞

营业中

休息中

落單個陣 因為驚亂飲品 repeat 左次送黎個陣個外賣叫人落樓拎 搞左一輪先肯送上樓收到個陣咪check下齊唔齊送錯嘢飲咪text句講番聲［下次注意下😅］咁道歉講句sorry 再提番同事咪得直接話提同事就算講番速遞件事佢知 又話外賣外判點點點其實係你公司外判唔係客人外判問客人點解唔即時打番黎 打番黎仲要比人話其實客人講番句錯單 個外賣要人落街攞留意下啫比錢都要別人咁大聲反駁未食都夠驚真心冇嘢講 比錢買難受 其實係咪宜家做客人都要係咁叫左2個set，包左pizza／2個飯麵小食／4個湯包飲品，叫左個皇牌同辣肉腸，正正常常偏鹹咁，個小食拼盤宣傳單張就話加8，電話話收多28蚊，都唔知係舊的宣傳單張，食落去偏乾，茄汁只比一包🤣鐘意食醬的人麻煩自備多幾包仲叫左海鮮焗飯，白汁意粉，又冇好唔好食唔算太乾身有汁，去大家樂都食到一樣ge🤣如果咁的價錢同態度，我相信有更好的選擇

嗌咗個珍寶套餐,41$碗湯唔係罐頭湯,係白汁,嗌嘢飲會好D嗰嚿pizza出曬事,唔知係擺得耐定係點,雖然個底係脆嘅,但係外皮有霉菌,啲芝士發酵到有少少酒精味畀啲咁嘅嘢人食..總括嚟講好唔滿意食物質素真係好差lo

夜晚諗唔到食乜，咁啱之前收到張外賣紙，就決定打電話叫外賣試吓，佢應承60-75分鐘先到，結果30分鐘就到左。一打開蓋，泰式香辣雞Pizza仲係熱辣辣又香，入面有洋蔥青椒蘑菇菠蘿雞肉泰式辣醬，上面仲沈左啲黑椒碎，甜甜地又辣辣地幾好食。煙三文魚焗飯入面有蟹柳蘑菇魷魚青椒配忌廉汁，整碎晒d煙三文魚成兜飯撈勻超好味。檸檬蜜糖燒雞翼，d雞翼燒得香脆可口，但係就冇乜檸檬同蜜糖味。$188有普通批+飯+小食同三罐飲品，超抵食。

這陣子，天氣一時下雨，一時放晴。決定lunch叫外賣，看見有滋味雞傳單，外賣滿＄200，即減＄50 coupon。好，3個人，就叫這外賣做lunch啦。12:10分致電，店員說要1:15-1:30pm才到。最後，叫了一個加勒比海pizza, 檸檬蜜糖燒雞翼8件，炸雞4件。原價$216，減$50，最後只係$156。超扺👍🏻炸雞超大件，食得出調味。個人很喜歡蜜糖的，所以蜜糖雞翼好好味加勒比海pizza有千島汁，菠蘿，煙肉，粟米，吞拿魚，普通批，好圓滿。溫馨提示：下次想叫這外賣，要提高1個半小時先可以1:00pm有得食😋😋

呢排OT食左幾日網上外賣平台，諗住試新野咁啱有朝係樓下攞左張傳單，所以今晩一於幫趁下小店Office係碼頭個邊都肯送 啲野食送都黎仲熱辣辣兩條仔 叫左個星期一至五套餐再加多個豬排骨 非常飽豬排骨份量唔多 如果開Party嘅話可以叫多一個 味道ok套餐方面Pizza叫左個泰雞+加勒比 (二合一)泰雞個Part如果可以多啲辣醬 唔好咁就香港人唔食得辣就錦上添花而加勒比海嘅吞拿魚份量可以再多啲 依家就有一種「加左千島醬嘅夏威夷」咁批底黎講 個人覺得太厚 有種「用麵粉質死你」嘅感覺 如果有薄底揀嘅話 無疑係天上美食焗飯意粉類就要左個海鮮闊條麵的確係好失望嘅 不論麵 汁 餡 各方面都有極大嘅進步空間餐湯冇要就揀左個蒜蓉包個包淋左 可能外賣關係 實在非戰之罪 雖然口感差啲 但味道搭夠 蒜蓉醬搽得好厚 可以幻想到新鮮出爐嘅話會係一件引人犯罪嘅藝術品最後 食得滋味雞 梗要食炸雞呢舊炸雞就好野啦 先講口感 新鮮 鬆脆 熱辣辣得黎就唔算太油林林 可算係中上之作味道方面呢 就做左啲手腳 不論係雞味 雪味 霉味 定係油益味 都食唔出 係真真正正嘅冇味

官塘食lunch一向貴，甚至比灣仔更貴。今日中午去返好耐無去嘅滋味雞食，叫咗一個皇牌餐，主食有幾款意粉焗飯選擇，飲料可選湯或汽水，我就要咗一個肉醬意粉+一件炸雞+一罐汽水$39，如果細食d可叫輕便餐，主食係細size，但只平$1。好多地方肉醬意，都無再落香葉只有少許肉碎汁，而呢到就有落香葉食到有香草味道，最欣賞佢有好多磨菇，肉醬足夠每啖意粉都沾上。炸雞不過不失，脆而不乾，味道不會好鹹重味，味道同KFC不類同，但喜歡炸雞不防一試。小店位於舊邨翠屏村內，中午主要學生光顧，寫字樓人就較少。但近期街市平台食肆都大改動，恐怕日後呢到買嘢食嘢會變得貴咗，要食返合理價錢嘅店要襯早啦。店內乾淨，餐具放汽水機旁的櫃，比放枱上更衛生，一來遠離垃圾桶，二來唔會怕有人食嘢時噴到口水或餸汁落去另外，更欣賞員工，班學生走了不到兩分鐘，已執整完地方好耐無見到咁有效率嘅食店 （除咗澳洲牛奶公司）

家住順天邨的好友約上她家傾計去, 一於買個外賣同佢囝囝一起食得滋味再說位在翠坪北邨商場大部份客人主要買炸雞吃為主看過餐牌, 再找老友, 佢囝囝發板如下: 香蒜肉絲意粉, 香噴噴的洋蔥、青椒、粟米、煙肉粒、肉碎、 黑椒、蒜蓉等熱辣辣剛出爐燒豬肋骨肉剛剛燒起的豬肋骨, 外脆而內腍, 流肉汁中, 調味亦調較得剛剛好, 鹹淡適宜 夏威夷pizza, 我們選擇了厚的餅底, 餡料有 菠蘿、蕃茄、芝士、火腿、肉碎在脆熱的餅底上, 很香 好友囝囝極速地吃了半個

於觀塘放工步行到巴士站，時近晚餐肚空空便就想鄰近的滋味雞。二話不說就選了最為抵食的”星期一至五套餐”，套餐可選任何一個大批薄餅+小食+炸物+飲品/湯，大批薄餅選了一個日式風情口味，薄餅利用千島汁加上煙三文魚、洋蔥、粟米、獅子狗卷、蟹柳、紫菜及芝麻製成。味道突出，雖然材料是一般的款式，但配合起來十足口感，加上鬆軟的薄底，實在值得推介大家一試。小食選了檸檬蜜糖燒雞翼，火喉剛好不太過熱氣，可惜是蜜糖味蓋過了檸檬的味，言而蜜糖燒雞翼都已十分可口。一客檸檬蜜糖燒雞翼有8隻，足夠2至3人一同分享。炸物選了滋味雞有名的炸雞，炸雞製作認真，味道恰好適中，雖然食了味濃的薄餅仍不會影響炸雞的香味，加上肉質豐富令品嚐時口感十足。套餐還包括了兩罐食品，我當然是選了薄餅的最佳拍檔可樂啦!!是晚這麼多食品的套餐都只是花費$148，當然我不能全數吃下，還是帶回家一同與家人分享吧!!

有日放工經過~滋味雞, 突然間想食PIZZA 及 炸雞等, 那決定外賣帶回家同妹妹分享食.選了2人套餐A $115約等十多分鐘就可以取食物.自選6吋薄餅【火辣墨西哥薄餅】餅是厚身鬆硬, PIZZA足料,薄餅上除牛肉及洋蔥外、蕃茄、加上辣肉腸及墨西哥辣椒,刺激味蕾,加上有好多芝士帶咸咸地,味道不錯呢！【炸雞】雞件入口點油膩,外脆內嫩,外炸粉剛剛好,其中有2件外觀不靚,應在加熱時烤焦的.【海鮮闊條面】想不到有很多海鮮配料,闊條面掛滿濃濃白汁,應有少少芝士,因有咸咸地味道,味道還可以. 【忌廉湯】忌廉湯味道沒特別,中規中矩.

是日早收工, 就即慶決定去訂PIZZA同屋企人食~之前行過呢間PIZZA店,都見幾受街坊歡迎,於是就外賣自取了。最近物價都升左唔少,唔少大型連鎖PIZZA 店都加晒價, 百幾蚊一個SET已經買少見少。難得呢度仲做緊$148套餐!不過幸好係星期一,可食到星期一至五既SET!仲有唔少小食揀的,價錢亦合理。$148 SET 包一個大批(任揀口味)我地揀左千島風情芝士批,超重芝士味,批身夠厚同鬆軟,料亦夠多,啖啖芝士好滋味呢。由於人少少,就冇揀到飯或意粉,揀左小食。檸檬雞亦好香同入味,烤得夠香口。春卷同咖喱角外賣拎到返屋企仲好熱同脆,即叫即炸係唔同D。粟米湯濃度剛好,食到粟米粒,送PIZZA就冇咁濟!由於我地比較大食,兩個人都食晒所有食物,價錢同份量真心抵。

每到觀塘友人的band room, 總會叫外賣。這次聽到有人建議食 “滋味雞”，差點以為是另一間以芝士做賣點的外賣pizza店。餐牌來説選擇不算好多，但感覺尚算便宜。磨菇粟米湯 — 味道濃郁，但來的有點不自然，可能用料不足，然後加了點東西令味道增強了 材料方面，粟米口感還是爽脆的，磨菇相對其他餐廳少了點。日式風情6吋薄餅 — 厚厚的芝士放在表面，加上日式醬料，和熟三文魚的味道相當配合。脆口的表面和鬆軟美味的芝士醬料又做成一種對比，令口感更為豐富。蒜香牛肉長通粉 — 因爲外賣關係，吃的時候已經有點冷。牛肉比預期中有點細，長通粉比較硬身，如果煮的時間可以長少許會更好。煙三文魚焗飯 — 這有點驚喜：煙三文魚的味道不太濃不太淡，加上各種配料和白汁，令飯的味道非常豐富。飯也恰到好處，不太淋，有點硬身，但不會太乾太硬。這個飯友人們都覺得不錯小結，湯和長通粉真的有點失望，但薄餅和焗飯又挽回不少分數，所以只好給一個中評吧！

一家人到觀塘翠屏附近，見到一間pizza店，便入內買外賣了。叫了一个$115的二人套餐，有迷李pizza一個，我点了意式烤雞，pizza底好脆但又咬感，烤雞肉配浓浓芝士味，絕配。餐內还有燒豬排骨，份量足夠二人食，肉質鮮甜，酱汁不太咸，骨和肉分配刚好。还有一個吞拿魚蘑菇螺絲粉，芝士味好浓，好creamy,还有兩罐汽水送，好抵食呀！

這天早上在聯合醫院離開，妄想打算從醫院走到觀塘站，誰知人生路不熟地兜了圈，走經過翠坪村。寧靜的屋村內有一個小商場，有幾家大排檔，還有一兩間小食店。細心留意，看到有間不起眼的薄餅店，餐牌價錢相宜，店內更傳出撲鼻的薄餅味。反正也要坐兩個站地鐵回家吃午飯，那倒不如買外賣，省卻洗碗的煩惱。 我是在門外看過餐牌後，衝著那星期一至五套餐而來的。$148的套餐可任選薄餅再任選意粉，還有汽水和小食，足夠三個人的份量有餘。光是薄餅也有18款，我花了好一陣子在店內認真選擇，最後選了 泰式辣香雞味道，意粉再選了海鮮闊條面。 製作時間需要等待一陣子，大概十五分鐘，很快就可以取外賣了。店內還境其實都挺寬敞，門外也有加檯，我想晚市生意應該還不俗吧。 還以為$148套餐的薄餅只有連鎖快餐店內細批的份量，誰不知竟然是大批！我和媽兩人吃不完，最後還要留兩件作下午茶。薄餅雖然並非薄批，但批底卻有軟綿綿面包的感覺，批邊焗得香脆可口。批面上有厚厚的芝士，拉開還會看到芝士絲，令芝士粉絲的我胃口大增。芝士內混合著爽脆青紅椒絲，還有粒粒的雞塊，雞肉幾嫰滑，細細粒容易隨著薄餅入口。特別是芝士下面

觀塘工廠區行過去附近翠屏商場附近搵吃，睇睇個套餐又真係好多選擇，實在樣樣都想食，我就決定揀個星期一至五套餐 $148 已經包任何一款大批，+焗飯/意粉/小食，+咖喱角拼春卷/炸雞2件 任選一款，+飲品2罐/蒜蓉包/餐湯 任選一款。行到入商場很容易就見到呢間PIZZA 店。見到個牌就知道有PIZZA 食，仲有脆雞吃TIM。仲有堂食或外賣可以選擇，入面都有約30 座位多。我都令返張外賣紙先，下次再同埋同朋友一齊再Order。任何兩個大批 $168點左餐之後等約10分鐘就可以取得，時間真係好快。我點了個海鮮雜錦pizza，單叫都要 $144 架，所以都係套餐抵食。見到都開心，不得不讚海鮮材料份量一0的都唔少，大批有8塊每一塊PIZZA 都有一粒粒不同種類既海鮮。有蟹柳粒、魷魚仔粒、青椒、菠蘿、蜆仔同埋蝦。厚批的PIZZA，咬一口我就食到我就喜歡既千島汁呀，而係在溥餅底已有一層千島汁，絕不HEA十分足料，海鮮粒中都有鮮既味道。兩件炸雞聞到好香雞味道，外脆卜卜。 炸雞皮都好脆口，雞肉有啖啖雞肉汁既味道，肉質很嫩口。我好鐘意食蒜蓉包好脆口，切得薄夠脆口，整片蒜蓉包都有蒜蓉，牛油。食到蒜蓉包外脆內軟

新年流流，係屋企煮飯既意欲真係零，出街搵外賣好過。 由於正直新年，有d鋪都未開門做生意，見到呢間就試下。 其實呢間都有設堂食同埋外賣，睇睇餐牌款式都多。叫左個餐有pizza，意粉，小食，湯，都幾抵食。 海鮮雜感pizza，有千島汁，蝦，魷魚，蜆仔，蟹柳，洋蔥，青椒同菠蘿，材料都幾豐富。批面可以見到好多芝士，而批邊夠脆，整體唔錯。 肉醬意粉，肉醬都幾多，表面仲可以見到有芝士，食落意粉都幾juicy。 小食揀左炸雞，外賣拎既時候已經聞到陣陣香味。食既時候覺得佢炸得夠香脆，不過可能番屋企路程令到佢冇咁新鮮，即食一定更好食！ 餐湯諗住係忌廉湯，點知原來係粟米湯，味道尚可。食完好想下次試埋堂食！