滑嘟嘟

营业中

休息中

- 《滑嘟嘟sweet bon bon》🥜爆餡糯米糍·真心皮薄餡靚‼️（有圖有真相、個皮簿到呢🤩）花生芝麻炒得好香！細粒夠碎易咬！個皮夠煙韌！因為個皮夠薄唔會好容易滯！我一個人食到4-5粒大🤭而且六粒只售$35😳又好食又抵食！聽聞佢入選左香港頭五位好食糯米糍！（不過佢都係小編我暫時食過最好食🤭）可惜大埔真係我少啲踏足既地方😢如果唔係我諗我一個禮拜都會食兩三次！🔆🔆超級推薦到此一試🔆🔆______________________________score:9/10地址：大埔墟街市及熟食中心2樓CFS29號鋪

難得入去大埔就梗係要去大埔熟食市場幫襯依間好出名嘅既糯米糍好彩早到無咩人，之前上網睇星期六日成日大排長龍🙈餐牌寫明係少甜，岩曬現代人口味👍🏻$18/3粒，買完現場即刻包俾你，阿姐好快手，睇住佢即刻包好正呀，新鮮軟熟真係小甜，感覺上健康少少入面芝麻同花生餡料都好多，咬一啖就流晒出嚟正👍🏻

客家糍粑（花生溝黑芝麻餡）單個$7 三個$18 六個$35糯米糍即叫即包，做到唔停手，個個排隊都叫一盒或以上。糯米皮煙韌，唔會太甜，皮同餡太約3:7比例，唔會薄到淨係食到餡。花生黑芝麻餡以花生為主，黑芝麻味偏淡，餐牌標榜少甜，真係少少甜都無，帶唔出餡料尤其黑芝麻味道，令芝麻味弱咗唔少。合桃糊+芝麻糊 $25合桃香味撲鼻，質感順滑帶沙沙合桃粒，香濃嘅合桃味喺口腔爆發，濃厚但唔會張口黐牙。反而芝麻糊香氣差少小，俾合桃香蓋過咗，單食芝麻糊，味道同樣唔夠合桃糊香，但都唔會好水好稀。

家人喜歡食甜品，嚟到大埔街市梗係要外賣手信回家嘆一路排隊等，一路望住老闆娘不停手熟練地包糯米糍，好治癒我哋叫咗一盒六粒$35。餡料冇得揀，但係非常足料，有黑芝麻嘅香，有花生碎粒粒，唔係好甜，外皮好軟又煙韌，大大粒

💛滑嘟嘟 @大埔📍大埔鄉事會街8號大埔墟街市及熟食中心2樓CFS29號舖去開大埔 專城搭車去大埔街市買呢間想試好耐既糯米糍🤤專登早d尼諗住12點幾開鋪冇咩人 點知都等左差唔多半個鐘🥺 因為佢地即叫即整 粒粒都係即場人手包 現場可以睇到曬製作過程 店員係摩打手咁包 個個都6粒1盒 2盒咁買 所以等得會比較耐～🤎客家糍粑 $18 (3個)如果你同時鐘意食花生同芝麻但又諗唔到要邊款既人 呢個客家糍粑就啱曬你啦😍 因爲糯米糍入面既餡有齊花生同芝麻🤣 糯米皮好滑好軟身 口感軟糯 總之食落就係好soft軟綿綿🥰不過如果係街食會比較論盡 最好坐係度/返屋企先食 要食得小心d d餡爆到一路食一路跌出尼🙈 餡料豐富 而且食得出好明顯係少甜版 夠曬健康 不過我個人覺得可以甜返d～🖤生磨芝麻糊 $17芝麻糊個濃稠度剛好 夠杰身 芝麻味好香濃 😍食得出係用石磨 唔會係溝粉 口感細嫩✨甜度比起糖水鋪食開既較低～👅好味：3.9/5💲價錢：4.5/5🌟性價比：4/5👥服務：4/5

*滑嘟嘟*客家糍粑位於大埔墟街市熟食中心老闆娘即包即買，品質有保證！ 客家糍粑一粒$7、三粒$18、6粒$35一咬原來係花生溝黑芝麻餡😍！糍粑大大隻，皮薄餡料又滿滿，幾好味😋！

位於大埔熟食市場嘅馳名糯米糍早年瘋狂上報紙雜誌個個都話佢啲皮煙韌 餡料足當年排隊排到出熟食中心門口.今日終於可以一覽佢既廬山真面目見到老闆娘用極速摩打手包緊糯米糍我二話不說就馬上落order.糯米糍一盒三粒 $18個皮好軟熟煙韌 但係就冇報道上面講得咁皮薄😣入邊嘅餡係好多而且好飽滿唔會太甜 粒粒分明有口感.芝麻糊+芋圓 $22芝麻糊冇芝麻香 亦都冇乜芝麻味舖頭聲稱係自家生磨但感覺同用水沖出嚟嘅冇乜分別而芋圓配搭芝麻糊都顯唔出應有既味道.整體而言有啲失望唔係話難食但係冇報道講得咁出色又或者係期望太高

👅客家糍粑呢個糍粑係花生溝芝麻餡，食落有芝麻碎同花生碎，咬下咬下好過癮，仲要佢係少甜款，比起出面嘅糍粑，食得出無咁甜，健康好多☺️個外皮係煙煙韌韌嘅，好好味呀😍

有次行開大埔，聽講個糯米糍⚪️好出名，特登上去街市搵，點知原來逢星期一休息😅今次終於俾我買到啦🎉🎉🎉~•~•~•~•~•~•~•~•~•~•~•~•~•~•~•~•~•~•~• ▪ 客家糍粑 ($18 • 3粒)( $7/1粒 • $18/3粒 • $35/6粒 )店員姐姐即場𝐊𝐞𝐞𝐩住冇停手包👐🏻，超熟手超快手🤩𝐒𝐢𝐳𝐞黎講都幾大粒，粒粒都脹卜卜⚪️外皮白雪雪，食落真係好似舖頭名咁滑嘟嘟，軟熟🧏🏻‍♀️包住既餡都幾滿，爆爆地餡🤪係黑芝麻🖤 • 花生🥜 • 砂糖🤍講明少甜，比起平時食到既係健康少少💪🏻但朋友話好似差少少🤏🏻，唔係好夠味，話晒係甜品。( 甜度既野各人喜好啦🤪 ).💭其實即係糯米糍🤨不過叫做客家糍粑個名又好似特別左，多左種懷舊感覺🤣( 👆🏻如有錯誤請指正🙇🏻‍♀️ ).⚠️ 逢星期一休息 ⚠️~•~•~•~•~•~•~•~•~•~•~•~•~•~•~•~•~•~•~•

滑嘟嘟 大埔街市係大埔熟食中心入面，賣招牌人工手造煙韌糯米糍細細個就好鍾意放學嘅時候買糯米糍嚟食，而家好少地方有得賣好好味嘅糯米糍好多都係個皮好硬啊或者個皮係好厚嘅。今次嚟到大埔熟食中心入邊買嘅糯米糍比到我一早食完好想再食嘅感覺。芝麻花生糯米糍$7/粒、$18/3粒、$35/6粒賣相超可愛，每粒都圓轆轆，外皮煙韌qq，好軟綿綿又會有煙韌既質感，爆多餡，好香既黑芝麻加上花生碎粒，因為太好食我一次過食左2粒。😋😋😋😋/5😋

見到好多雜誌文章報道呢一間糯米糍好食，今日過開嚟大埔，特登買嚟試下😛佢的確係好食，好軟好棉，仲爆餡，但係未至於要排隊，同埋報道得咁誇張😅因為同樣嘅質素，喺荃灣買都唔難😳但係我覺得就略為貴咗少少🤏$18/3個或者$35/6個，呢個價錢相比起其他店舖會細粒左，其他舖頭可能兩粒加埋先係一粒😳 不過當然各有各好處🤪 不過可能因為我去買嘅時候一個人都冇，所以冇見到佢即刻做嗰種新鮮感覺，呢個都有啲扣咗少少分。另外，我仲買咗支薏米水($16)好飲，好足料😙

夜晚大約八點去到滑嘟嘟，想食客家糍粑點知賣晒。之後叫咗碗熱嘅芝麻糊，香濃好滑好好味，價錢都算平，好抵食，性價比高。下次一定會早啲嚟試埋個客家糍粑。個熟食中心都比想像中乾淨企理

朋友食過話好食，所以就買左呢盒大埔名物一齊分享～🤩🥜糯米糍🥜一盒三粒，粒粒都幾大粒下，食完晚餐再食咁大粒糯米糍係真係要另一個胃～😂一咬之下，雖然略嫌皮太厚，但入面係幾足料，滿滿既碎花生、碎黑芝麻同糖，食落又唔會太甜。👍🏻唯獨是味道有種說不出既怪…🥲朋友話之前食唔係咁，係好食既，所以先再買。我信既，所以可能只係我唔好彩，遇著頭既一時失手？又或者間鋪既水準真係差左？🤔如果有機會，要再試過搵答案～😬

呢間喺熟食中心嘅食店真係好出名，講起糯米糍好多人都會諗起佢～去到會見到老闆娘用摩打手咁包糯米糍🤣佢叫客家糍粑 ($35)，有6粒，大大粒，外皮好軟糯，內餡好多，爆哂出嚟，如果喺街食都幾論盡吓😂入面有好多黑芝麻、花生同糖，佢唔會太甜，味道啱啱好🤤不過佢都幾有份量，我覺得每人食兩粒都差唔多，唔係就可能會好滯🤣如果經開大埔熟食中心，我覺得都可以去買嚟試吓，店內仲有唔同嘅甜品，例如芝麻糊，下次我都會試吓～

客家糍粑食落一般，個皮係薄，個內餡唔好食少少甜，好多唔同既料，個感覺好雜亂芝麻糊死甜，芝麻味濃厚去到店舖睇寫住即整，但其實係放好曬一盒盒，芝麻糊就係煲入面，所以都仲係熱辣辣！侍應服務態度不錯