滑嘟嘟

营业中

休息中

#20230407 💛📍 滑嘟嘟 @sweetbonbon_tp 大埔鄉事會街8號大埔墟街市及熟食中心2樓CFS29號舖➖➖➖➖➖➖➖➖➖➖➖➖➖➖➖➖#客家糍粑 $8💭 即叫即製，睇住佢整見到包左好多餡係入面🤩食落皮好軟熟煙韌，第一啖食感覺會有啲普通，食食下就會覺得啲花生同芝麻炒的好香🥜啲味開始滲出尼，但果時已經食完一粒喇😂.#芒果樂園 $40💭 係新街市覺得要$40碗糖水有啲貴，但諗諗下其實平時係出面啲糖水舖食都唔止啦🙈仲要無佢咁足料，佢成碗都係芒果肉🥭粒粒都好香好甜，撈埋啲愛玉中和返，所以成碗甜度適中，食完好滿足😮‍💨.#大埔美食 #大埔黃店 #🐷_食

星期日is a happy day 🌞—day off 我就需要去outdoor地方放一放風 🍃今次去入大美督之前 諗住食啲野先 聽朋友仔講 大埔有個糯米糍好出名 於是就諗住去試下🔍上啲page好多都話要排隊 排曬長龍～但個日咁岩去到 即買既有💓好小食客家糯米糍 所以試下 ʕ •ᴥ•ʔ個皮都真係好軟糯 一咬開爆粒料 滿滿花生芝麻🥜但味道上真係無咩特別 比起坊間多粒料 但花生芝麻無香味🥹仲有小小燶咗😢可能真係試一次就夠 試過有其他更好食嘅 花生糯米糍 直接同香港工廠訂 個個真係世一～

「有親朋至遠方來, 不亦吃乎」系列之真係食到滑劣劣又肥嘟嘟貴客來臨, 梗係早午晚3餐外加甜品啦, 講到甜品又點少得大埔名物 - 滑嘟嘟呢 ~ 芒果椰汁奶凍 : 哇! 試左先明點解叫大埔名物, 芒果只係輕輕酸再配埋椰汁奶, 只有椰汁既香同水果既鮮甜, 一啲都唔膩, 超 !芒果椰汁仙草 : 同椰汁奶凍相似, 只係加左小西米同仙草, 可以就咁用飲管飲, 仙草好嫰滑呀! 客家糯米糍 (花生芝麻餡) : 輕粉皮薄又滑, 仲要爆餡! 一攞起手就大大啖拿拿聲咬落去先, 好食就唔使講! 同埋... 快口得劑, 所以...唔記得影相... (抵打!)芝麻糊 : 貓貓鐘意食芝麻糊, 所以一開蓋就好快食哂... 所以... 又唔記得影相 (再打!) 講返正題, 糊仔香滑溜又唔會太甜, 推介鐘意食中式糖水的你妳您 

星期一撞正休息日摸左門釘第二日即刻再去過一嚟就見到好多人排隊原來糍粑係即叫即整👍🏼👍🏼👍🏼好多本地大埔人都買黎食❗️❗️❗️即刻排隊買三粒試吓👍🏼$20 3粒都唔係貴 ($40 6粒)買咗返去比屋企人試因為屋企人唔係好食得甜野見到少甜即刻放心啲💕皮薄啲餡多到跌晒出嚟🙈🙈口感豐富😍😍芝麻同花生味都好香👏👏👏真係唔係好甜大人小朋友都啱食下次要試埋其他糖水!!好似都好吸引💕💕

客家糍粑🍡($8/粒)糍粑即叫即整, 見到個店員好高速咁約花生同芝麻碎包係糯米皮入面😌 糍粑個皮薄好煙韌, 餡料係乾身既花生溝芝麻碎, 一咬開十分香, 不過會食到啲碎跌曬出黎, 但係真係超好食, 入大埔一定要食😍 想買多啲既可以參下3粒$20, 6粒$40😚呢度個糍粑相當有驚喜, 入大埔既朋友一定要黎試下😉

建議：熟食中心既好處係，枱係隨心坐，揀好左餐廳就搵附近既位坐底再搵人落單就得。如果想食埋大排檔，落完甜品單拎番去坐既個張枱食就搞店😋之前既地區團購食過#滑嘟嘟 既糍粑同糕點，一直都想Encore😆 不過等左好耐遲遲都唔見再有團，所以今次主動出擊。襯住出開大埔墟一落車，第一件事就係向#大埔墟街市 出發，街市2️⃣樓就係熟食中心，舖頭位置前排，兩側都係好有火喉大排檔🤤 今次試左：▫️客家糍粑 (3️⃣粒 HK$20)▪️薑汁手工芋圓 (HK$22)糍粑同之前食到既一樣繼續軟糯，餡有齊黑芝麻＋花生，芝麻好香濃，聞落直頭有芝麻湯丸Feel 🖤 除左3️⃣粒裝，仲可以揀單粒裝 (HK$8) 同6️⃣粒裝 (HK$40)另外第一次試既#薑汁手工芋圓 就有少少失色🥹 最正既係薑汁夠哂濃，凍凍地食都幾暖身。賣相就甘睇係正正常常，浮面既少量芋圓係分開一粒粒，不過食落無咩蕃薯味。反而個底既芋圓癡到一餅野，食落就有啲蕃薯味😆

星期六晏晝入嚟大埔 就嚟試下呢個大埔名物🥳🤩花生芝麻糍粑😍😍黎到排左10分鐘左就有得食😗🤓即叫即整 見到佢包得好快手😉一分鐘唔夠就搞掂😙食落去皮薄又勁多餡料🫢🤤裏面好多花生同芝麻🥜唔算好甜又唔會好漏 啱啱好👌🏼❤️花生芝麻好搭💕炒得好香😆一咬落去爆曬啲餡出來仲要跌到周圍都係 建議大家坐定定係度食會好啲👌🏼買玩要記得即日食😝唔好留過夜🥸要特登過黎排隊食 都真係好值得💓👍🏽😍下次如果唔洗排隊會更好😗🙆🏽‍♀️好食：🥜🥜🥜🥜🥜

難得去到大埔 就梗係會食啲特別嘢，支持下小店記得第一次食 係喺朋友屋企朋友話排咗好耐隊買嘅當時食嘅糯米糍係真係好軟熟好香好好食今次特登帶另一位九龍朋友試下我哋就另外叫咗個芒果椰汁奶凍睇相就知好大杯好足料兩個人都食唔晒🤣要帶返屋企食不過返到屋企好似已經變咗同埋漏咗出嚟傷心左朋友話個糯米糍一般般都睇到佢食到冇乜驚喜嘅樣所以我都即刻試下感覺同以前有啲分別希望下次再去嘅時候會似返我第一次食嘅感覺啦。

客家糍粑 $8糍粑皮薄爆餡！糯米皮煙韌唔黏口，餡料係花生溝黑芝麻，份量超足，一邊食一邊漏出嚟🤣 花生芝麻炒得好香，而且係少甜配方，唔會甜到漏，好食😋〰️〰️〰️〰️〰糍粑有驚喜😍 一嚟糯米皮做得好好，煙韌軟糯，仲要唔黏口，二嚟餡料有齊花生同黑芝麻，滿足咗2個願望，甜度亦好啱唔係好食甜嘅我❤️ 如果要挑剔嘅話，會略嫌糯米皮冇咩味，帶返少少甜味或椰漿味可能會好啲。糍粑價錢唔係平，一粒$8，一盒三粒$20，但值得試嘅~ 〰️〰️〰️〰️〰️食物: 4.5/5性價比: 3/5 環境: 3/5服務: 3.5/5Revisit: Yes

糯米糍見好多人排隊，咁去試下啦。個皮係軟彈，亦同意芝麻花生比坊間好，亦唔太甜。但係，我必須要指出，芝麻花生無香味，亦因為唔太甜，加埋無味既皮就變到好怪。原本預期一個甜點，但係就不斷咬到無味既皮，耐唔耐又食到甜甜地既芝麻，個味道出唔到，如果皮料可以比少少甜帶勻番個味道，我估會好好多。就係因為咁，食入口皮同配料夾唔埋，好似食緊2個互相抵抗既食材。咁係令人有少少期望落差既。整體係合格，希望可以更進一步。

最近係大埔實習，當然要試吓附近嘅黃店🫶🏼極度推薦大埔墟及熟食中心入面嘅滑嘟嘟糯米糍😍價錢$40/6個、$8/1個。即叫即整，可以望住粒糯米糍點出世🤣皮好軟熟但同時好有口感🤤小朋友先做選擇，呢度唔洗揀芝麻定花生餡，因為兩樣都有😚芝麻炒得好香，花生好脆👍🏻好食到想一次過食曬6粒😜

呢間甜品舖係位於大埔熟食中心出名既糯米糍🥰 幾年前食過兩次 覺得幾好食 想回購 可惜疫情之後 去過好多次 想買返屋企孝敬娘親 但都撞啱佢冇開門🥲 雖然門口個牌營業時間寫住除咗星期一每日都至少開1200至到2000 但係始終係小店 返工時間應該都好有彈性😅店舖主要分咗兩邊 入邊就係買糯米糍 另一邊就係食其他甜品 例如芝麻糊 滑嘟嘟香芒樂園等既芒果甜品😺 行到去門口店員都有好清晰嘅指示 就係買其他甜品唔駛等 即買即食 如果買糯米糍要先攞飛 每一張飛可以買12粒 如果要買多個12粒就要攞兩張飛啦😮 客家糍粑 (花生+芝麻)有分兩個size 三粒同埋六粒揀 以前三粒買兩盒係會貴過一盒六粒 但係而家完全冇分別所以我就買咗四盒三粒嘅返屋企啦🤓 價錢就比一兩年前貴咗 而且size都細粒咗 但係食物質素同以前一樣好🐷 糯米糍嘅皮好軟身 每一啖咬落口到有糯米嘅煙韌 餡料方面就冇得揀花生定係芝麻嘅 因為已經預先撈勻咗 每一粒都有花生同芝麻餡係入面😗 對於我呢啲選擇困難症又想食花生又想食芝麻嘅為食貓嚟講 其實都係一件好事 不過可能有人會唔食是但一樣 咁個選擇就少咗好多啦如果咁啱行開大埔嘅話 我諗我都會再買返

以前覺得好好味 唔太甜花生香口 花生同糖比例好好 而且糯米皮糯得有點Q彈 一直有買開食 但上次食發覺味道同以前唔同 花生感覺有油“益”味 而且皮有粉味 感覺好差 但希望是單一事件 會再俾機會再試 如果都係咁 唔會再買

大鄉里港島人難得入到大埔當然要掃黃❣️下晝四點幾去到大埔街市熟食中心💖剩係得今次嘅目標 滑嘟嘟 有人排緊隊😄客家糍粑✨每一粒糍粑Size 大概有半個拳頭咁大😚唔好睇落好似好細咁😜食落都幾飽肚架🤣咬開軟軟糯糯嘅外皮🤗啲花生黑芝麻餡即刻爆出黎😍餡料甜度適中😊啲花生芝麻有炒過嘅香氣😉整體黎講真係幾好味😋難怪成為大埔嘅名物❣️少少建議如果可以嘅話即場食會再好味啲🤓拎到返屋企夜晚再食第二粒～糯米外皮Q彈程度真係有明顯嘅分別🙂滑嘟嘟香芒樂園✨天氣咁熱☀️一定要試埋呢個季節限定😎食完呢碗夠晒凍嘅甜品🤗真係消暑一流😛我揀左仙草😇另外仲有愛玉揀🤓上邊有超多好甜嘅芒果🥭成碗野真係好足料呀😌大滿足！滑嘟嘟 (大埔)大埔鄉事會街8號大埔墟街市及熟食中心2樓CFS29號舖

大埔名物爆餡低糖客家糍粑 — 滑嘟嘟▫️呢一間位於大埔熟食中心嘅滑嘟嘟甜品店，週末嚟到好多人排隊！大家都慕名而來，為左食佢地嘅招牌客家糍粑、招牌香滑合桃糊同芝麻糊😍▫️滑嘟嘟香芒樂園($3x)一拎上手好聚手！好足料！面頭舖滿嘅芒果粒粒每一粒都好香甜，整體都唔酸！裏面加咗愛玉同椰果粒粒，食落去好涼爽！啱晒夏天去食！夠晒消暑☀️🔥▫️合桃糊(熱)($24)入口都好軟滑！好香合桃味！甜度適中！▫️客家糍粑($40@6個,大盒裝)花生溝黑芝麻餡 (少甜)使用少甜配方，餡料足夠、唔會太甜，一咬開有大量花生芝麻🥜芝麻有炒過嘅香氣，外皮食落亦好軟熟～▫️地址：滑嘟嘟大埔鄉事會街8號大埔墟街市及熟食中心2樓CFS29號舖