影片
开饭介绍
在旺角起家的港式火锅餐厅，汤底有滋补及香辣口味，另有多款海鲜料理及惹味的粤菜，价钱丰俭由人，让你聚餐时可按需要作不同选择。
继续阅读
营业时间
今日营业
12:00 - 05:00
星期一至日
12:00 - 05:00
以上资料只供参考，请与餐厅确认详情
有关奖赏计划
餐廳位於尖沙咀天文台道附近，地舖門面樸實，沿樓梯落到下一層就別有洞天，每枱都附有一部電視機可以隨意轉台，睇波追劇都滿足到，不過最重要嘅係主打嘅椰子雞煲，即刻睇下有幾好食！🌕招牌椰子雞鍋（半隻雞） $248大推‼️招牌椰子雞煲完全不加一滴水，湯水非常清潤香甜，絕對係食過返尋味❗️雞煲嘅湯汁全部來自椰皇同椰青內嘅椰子水，加埋半隻文昌雞同椰子肉、馬蹄等放入鍋內，開火煮至大滾後再熄火焗五分鐘即可食用。雞肉嫩滑多汁，而且帶有甜味，食曬全部雞肉都唔會覺得膩；湯水由兩個椰子一個椰皇煲製而成，味道有幾香甜可想而知，幾時飲都係咁係無得彈，秋冬天飲就更加滋潤！🌖新鮮第一刀（新鮮豬肉片） $178豬肉片完全無豬羶味，薄薄一片只要輕灼幾秒就食得，肉質都幾嫩，而且唔肥膩，如果可以有得揀半份，食多啲其他野就更好。🌖手打四寶丸 $88四寶丸分別由蝦滑、墨魚滑、鯪魚滑、牛滑制成，個人比較推薦前三者，用料實在入口彈牙，牛滑感覺就較為鬆散，偏向似山竹牛肉嘅口感，有喜好嘅可以唔叫拼盤直接叫單品，但如果人少嘅話拼盤都係不錯嘅選擇。🌖手包鮮蝦雲吞4粒 $44雲吞可選八粒或者四粒，size 都幾大，餡料嘅蝦肉份量唔少，不過雲吞皮就較厚，可以厚啲先可以包得住咁多料😂。🌖皇帝菜 $38皇帝菜唔會太老，就算菜莖部份都唔會有渣。
继续阅读
🥥招牌椰子雞鍋🐥 ($248)呢款不嬲都係小編既至愛，今次黎到「滾爺」見到即刻order招牌椰子雞鍋先啦，鍋底包括左兩個印有「滾爺」既椰青以及兩個大椰皇，仲有椰子片同珍珠馬蹄添。店員會先將配料及文昌雞放入鍋底中，再加入椰青椰皇水做湯底仲唔會額外再加入一滴水，的確係原汁原味真材實料，店員仲要好貼心咁講解湯底滾後熄火，之後等漏斗計時完畢就食得啦。 ☺️半隻文昌雞基本上雞髀、雞翼、雞胸位全部都有，雞肉食落充滿左陣陣椰子香，食落雞肉嫩滑，湯底飲落清甜潤喉，就好飲緊新鮮熱辣嘅椰子雞湯咁，呢個天氣飲落好舒服阿，怪唔知得見到差唔多枱枱都會點呢款湯底啦，確係招牌首選阿。👍👍🥟 手包鮮蝦雲吞 ($44)一份有四粒雲吞大大粒皮薄餡靚，蝦肉爽彈配落椰子湯又幾夾喎。🥥🍢 台灣三寶丸 ($78)三寶丸分別包括流心芝士牛丸，金沙魚丸及香芋包心貢丸，魚丸幾特別咬落中間有咸蛋黃流沙好邪惡阿，貢丸中間包住香芋幾特別。🤪🥬 即炸紫菜響鈴 ($68)新鮮熱辣炸起嘅紫菜響鈴脆卜卜，輕輕放落湯底一兩秒就可以夾起食，響鈴湯底精華正阿。醬芥-$18/位
继续阅读
【尖沙咀•滾爺火鍋】@ππππππππππππππππππππππππππππππ大大隻椰青作鍋底火鍋招牌椰子雞鍋（半隻雞）文昌雞（半隻）讚歧烏冬招牌椰子雞鍋（半隻雞）椰子雞鍋以新鮮的椰子為鍋底，湯汁清甜，雞肉鮮嫩多汁。半隻文昌雞在椰子湯中慢煮，充分吸收了椰子的香氣，整體口感滑順，非常適合喜歡清淡口味的食客。搭配香菇、冬瓜等鮮蔬，讓整體滋味更加豐富，入口後讓人心情愉悅。文昌雞（半隻）文昌雞以其肉質鮮嫩著稱，這一半隻的文昌雞經過精心處理，保留了雞肉的原汁原味。雞皮微微焦脆，肉質卻依然保持多汁，搭配特製的醬油或蒜蓉，風味更佳。這道菜不僅色香味俱全，也是一道讓人無法抵擋的美味。讚歧烏冬讚歧烏冬則是一道口感滑順的麵食，麵條彈牙，吸附了濃郁的湯汁。湯底鮮美，通常會加入海鮮或蔬菜，增添層次感。搭配一些香料和調味料，讓整碗麵更加香氣四溢餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 500✨✨✨✨✨✨✨✨✨✨✨✨✨#尖沙咀美食 #滾爺火鍋 #web3尖沙咀滾爺火鍋 (金巴利道) (尖沙咀)尖沙咀金巴利道58-60號金碧閣地下A號舖
继续阅读
天氣開始轉涼, 最岩約埋朋友一齊去打邊爐,今次去左位於尖沙咀既滾爺火鍋 , 可能係平日既關係 ,所以唔算多人, 人少少傾下計都唔錯椰子雞鍋好有驚喜，店員拎住兩個椰皇同兩個椰青等配料喺我地面前即場整椰子雞鍋 , 完全無加水！店員教我地用大火煮滾熟啲雞同埋配料，煲滾後熄火焗5分鐘 , 煲蓋一拎起就聞到濃濃既椰子味 , 試左一啖湯底 , 飲落超鮮甜招牌椰子雞鍋(半隻雞) - $248Choice級美國安格斯牛肩胛 - $228新鮮第一刀 (新鮮豬肉片) - $178手打四寶丸 - $88皇帝菜 - $38環境：4/5地方唔算好大，大部分坐位設有梳化坐位服務：4/5QR code 落單，上菜都快
继续阅读
餐廳環境寬敞，入門口仲有靚靚花牆及草泥馬作為打卡位，而內堂也設有多個卡位，最緊要用餐時唔會有壓迫感😊 1️⃣ 我哋二人叫咗個招牌椰子雞鍋，用料無揸留灘，倒哂兩個大椰青水同椰肉，再落埋出名皮脆肉嫩的文昌雞，加埋用沙漏在水滾後計時，時間恰度適中，打開蓋時椰香撲鼻，令人食指大動。2️⃣ 牛肩胛肥瘦比例剛好，只需淥幾秒時間一轉色時就要撈起入口，肉香肥美，牛味沖天。3️⃣ 新鮮第一刀豬肉片薄薄切出，增加快熟感，肉質扎實，沒有肥肉膩感，但要小心容易過火變柴。4️⃣ 手打四寶丸口感並不是太Q彈，但味道濃厚，似新鮮手打出來。5️⃣ 皇帝菜留待最後淥一淥，吸收哂其他食材的精華，入口郁香同帶點椰香，不失作為打邊爐完美結尾。
继续阅读