滿記甜品

营业中

休息中

一直以黎都覺得滿記水準ok今日中秋節同屋企人食完飯就想去食甜品去到見到裝修左 幾光猛 應該都唔錯但變咗要自己去counter買野食 排左10分鐘先落到order 仲要自己捧嘢叫咗芒果豆腐花 芒果酸嘅 豆腐花唔凍嘅 芒果汁假嘅拎去換仲話啲豆腐花係唔凍 一直都係咁 完全無諗過有問題 個侍應仲要黑口黑面之後係就係換左 但無諗住補返差額比我 係要我問先比返我味道就。。真係好難食 好似開粉咁 杰撻撻 乜味都無滿記究竟發生咩事？真係無下次

老闆請食下午茶，不要飽膩的下午茶，甜品糖水當要是OL不二之選！既可滋潤一下，亦可為炎炎夏日帶來涼快。外賣甜品紙密密麻麻的寫滿一版，左思右想一於來過楊枝甘露豆腐花！楊枝甘露+豆腐花，完美地滿足我兩個願望。豆腐花味道清淡，是糖水的百搭配搭。豆腐花算不上非常滑溜，但仍然是軟綿綿滑身的，而且散發陣陣豆香。楊枝甘露的稀稠適中，不會太稀或太稠，混上豆腐花口感一絕。楊枝甘露亦足科，有芒果夥粒、西米、柚子肉，令人滿足。而且甜度適中，不會蓋過豆腐花的豆香，簡直是一絕！

滿記糖水開分店後水準每況愈下但上環真係無第二間，諗住博一次之後，就賴野啦呢間係好special 既滿記，無waiter waitress, 要自己去bar 台拎order 紙落order. order 紙無圖。靠估呢間叫芒果豆花冰。why?味道唔好食，豆花淡，芒果汁假，同埋唔涷朋友叫左杯木瓜奶。超伏。木瓜奶用左唔甜仲有青味既木瓜，無落糖，奶無奶味mix 埋係得奶泡味。。。無下次誠意鼓勵大家食mcdonald 雪糕都唔好幫襯

滿記出名貴 但勝在坐得舒服 好似上環西港城分店咁 裝修過幾次 原來越靚 仲有埋長檯 一邊食一邊工作都方便可惜食物水準一直無改善 唔係完全難食嘅 不過賣咁貴 絕對唔抵 小妹寧願去逼少少嘈少少簡陋少少嘅糖水小店呢日約人喺附近等 耐不住酷熱 入嚟滿記過冷河 試碗西瓜豆腐花 $29 貴過南生圍/蒲台島/沙田（你懂的）兩倍有多 賺埋人哋舖租 唔該都拎多少少誠意出來吧...首要問題 創新也要看看合不合適 西瓜爽脆清甜 豆腐花幼滑香濃 放埋一齊 唔單只味道唔夾 連本身的獨特口感都因對方的存在而打折（西瓜涼粉好好多）靚嘅豆腐花可以齒頰留香 但小妹幾乎食唔出豆腐味西瓜汁雖然係鮮榨 夠天然 但鮮榨果汁一定多渣 你放豆腐花入多渣嘅汁度 幾幼滑都食唔出西瓜揀得靚唔靚 唔講了.... 揀得靚都無用

今日早收工，無事做走入"西港城"閒逛，突然發現原來 "滿記甜品"做咗大裝修，非常光猛新淨，忍唔住入去幫襯吓。嘩...呢個世界真係人靠衣裝....呢個新裝"滿記"，同舊版"滿記"分別實在是太大了...老氣全消！室內亦設有多個燈箱推時令甜品，我立刻被那些椰皇燉品吸引。點了一客$58元的 "椰皇豆漿湯丸燉蛋白" 來滋潤一吓。笑容滿面的服務員向我們遞上這足料的椰皇甜品，滿記除了環境upgrade了，連服務都upgrade埋，讚呀！這椰皇糖水味道超級的好，糖水帶有濃濃的椰皇香甜，椰皇的底部有一層豆漿蛋白，稀稠適中，感覺非常滋潤。椰皇內有兩大粒芝麻湯丸，湯丸皮夠煙韌，芝麻餡甜而不膩。最正係啖椰皇水，甜度適中，清熱潤肺。連阿P都大讚好味！不過都幾貴吓....等天氣暖番再來試一試這裡的水果甜品！

呢碗龍眼冰三重奏雖然話係三重，但實質材料吾至三樣，口感亦吾至三種！有晶瑩剔透的水晶珠珠、好爽口嘅黑珍珠、好chewy嘅龍眼乾同椰果、仲有濃濃嘅龍眼味碎冰做底！！食落好清甜！就算冬天都要食！！

西環自從地鐵通車後，真的方便了不少，以前一般都要從銅鑼灣或者是金鐘轉車，現在一程車的時間已經到了。今天在附近吃了晚飯，一班朋友覺得意猶未盡，決定在附近再吃個甜品，我們來到的是大家都頗熟悉的滿記。芝麻糊配杏仁茶($25)真的很難吃。本來芝麻糊和杏仁茶都是我愛的東西，但滿記的芝麻糊應該直接是用粉開的，底層還有一塊塊的糊狀物體。杏仁茶味道並不濃郁，偏向水狀。榴蓮忘返（$42）始終是招牌貨才是最好吃。底層是充滿牛奶香的「雪山」，入口雖不是即溶，但含在口中，濃郁的味道在口腔徘徊。榴蓮也很香，咬下去時還會有粒粒的榴蓮碎碎喔。雪山楊枝甘露配綠茶雪糕（$39）楊枝甘露做得太酸，即使配上稍甜的綠茶雪糕也挽回不了。芒果白雪涼粉（$35）芒果太酸了！但白雪和涼粉挽回不少分數。

路過滿記，唔得閒坐低食，於是外賣芒果班戟拎走行住食。兩粒裝，其實都幾細粒，咁樣就$24，即係一個$12.諗下如果去d私人麵包鋪買，$12其實可以買大舊好多。Anyway，講翻班戟，d cream唔會太甜，good既。但係出面層皮硬左少少，唔知係咪擺太耐，唔新鮮所以變硬左。芒果係足料既，圖度可以見到，食第一啖已經可以見到好多果肉，私人麵包鋪就預左少好多芒果，所以點樣揀都係自己取捨啦。Anyway，e家榴蓮季節，可以試下榴蓮班戟，應該吸引d。

晚餐後，食甜品。因為同行的有人不喜歡榴槤，所以叫左香蕉班cake。其實它唔平，但就非常細件，男孩子一定會感到太少。香蕉都幾大，不過對於我來說就唔夠甜，個皮無味，算是普通了一點。之後同朋友分享糖不甩，甜就唔係好甜，幾煙韌，這個就不錯！上面的唔知什麼碎，加上去真的幾香，值得再食多次！

我同朋友行開上環，特登入西港城滿記吃甜品，點左新出的豆腐花同芝麻糊既雙重配搭，再加個白雪黑糯米白雪黑糯米既“白雪”其實就系椰汁，黑糯米可以揀凍食凈系熱食，我就揀左熱食，配搭凍冰冰既椰汁，冷暖交雜，口感好好，而且黑糯米既分量唔會太小，值回價錢而個豆腐花同芝麻糊既雙重配搭，再附加個抹茶雪糕系頂度，雪糕融左之後，配搭豆腐花食， 又系一種新既搭配，唔會覺得怪，好新奇，芝麻糊唔會太稠，夠滑，豆腐花都滑lu lu咁

下午茶時間同事們多數都會叫滿記的外賣甜品！是日蘿拔妹非常想吃榴槤，所以就點了一個榴槤白雪涼粉！這款甜品是凍的，甜甜的煉奶配上涼粉，還有不少冰碎。當然少不了那一大球榴槤了！想不到冬天點榴槤也會是好吃的，榴槤的肉一絲絲的，而且非常香甜和重榴槤味，愛榴槤的蘿拔妹當然是吃得非常滋味了！涼粉爽口，配上脆脆的冰碎和煉奶，吃完是非常的膩呢XD 但工作中吃個甜品鬆一鬆也是應該的！

漸入初秋，稍有涼意，收工後，到滿記甜品，吃草莓豆腐花 ($38)。草莓豆腐花 ($38)最上層是草莓雪糕，中間是豆腐花及新鮮草莓，最下層有草莓沙冰！冰凍的甜品，入口涼浸浸。草莓雪糕酸酸甜甜，豆腐花淡而滑，下層的草莓沙冰十分可口，酸酸的，很開胃。這款甜品令人食指大動，新奇的口味，清新的口感，令人念念不忘。如果是長期供應，就更理想了。

从西环散步到了西港城 终于走累了 找个地方歇脚 满记里面还有一个靠窗的位置 真好点了鲜果豆腐花 和 热的南北杏银耳炖木瓜鲜果豆腐花 满满一大碗 很丰富的水果 有西瓜、哈密瓜、芒果、木瓜、海底椰 配上香浓的芒果汁 还是很美味的 只是吃到最后 豆腐花反而显得味道太淡了 南北杏银耳炖木瓜 据说越是夏天满头大汗 越应该喝热水 所以我吃这个清甜 温和 喝下去暖暖的 却丝毫不觉得热 是真心很舒服 看来书没有骗我银耳不够软烂 但木瓜很好吃 整体非常好吃完又坐了一小会儿 继续散步去中环！

今日食完叉燒燒鴨瀨粉，點知唔飽，行吓行吓去到滿記見無咩人，於是就入去。上環嘅滿記係西港城入面，落地玻璃嘅設計，每次搭巴士經過時都會見到餐廳內嘅情況。餐廳嘅一面牆用上書架牆紙為背景，遠看都幾可亂真，以為自己係圖書館。店內座位舒適，有梳化位，亦有藤椅位。餐牌選擇多配搭，有啱冬天嘅熱糖水，亦有滿記招牌糖水，最後我揀咗楊枝甘露和榴槤糯米糍。不過今日無晒榴槤糯米糍，唯有轉食芒果糯米糍。唔知係咪檯號係同隔離位一樣，店員一係就將我叫嘅食物奉到隔離檯，一係就手持另一碗糖水時見我已經食緊糖水，行到埋嚟之後又走番轉頭，其實佢手個碗係隔離檯嘅，情況有點混亂。今日主打芒果，冬天想食芒果，去甜品店就最好，所以叫咗芒果糯米糍同楊枝甘露。先食芒果糯米糍，椰絲滿佈，芒果糯米糍呈淺黃色，相信係糯米粉加入芒果汁。糯米糍食落好煙韌，內裡新鮮芒果餡香甜，一次過食晒三粒，唔會唔夠喉，嘻嘻。楊枝甘露芒果汁底金黃色好吸引，粒粒芒果都好甜，只係有一些柚子有點澀，扣咗少少分。食完楊枝甘露同芒果糯米糍，好滿足。離開時見到西港城嘅賀年裝飾，可以打鼓，轉風車同許願，我仲轉咗吓風車，即刻身心舒暢。

同事升職，請食下午茶，選了「滿記甜品」。很多人都說滿記的楊枝甘露好吃，又想試豆腐花是否夠滑，於是今次試一試「楊枝甘露豆腐花」。楊枝甘露豆腐花 ($30)：第一眼看到那麼大碗，真被它的份量嚇一跳。芒果粒很多，十分香甜。沙田柚和西米都很多，口感豐富。芒果汁也是十分多，夠稠又香甜，不過吃罷有點膩。豆腐花則因為被芒果味完全蓋過，所以不覺得有什麼味，不過吃起來尚算滑溜。除了我最愛的白雪黑珍珠，原來楊枝甘露也好吃。下次光顧滿記又多一個選擇了。