滿記甜品 (朗豪坊)

营业中

休息中

行到攰要坐一坐補充體力，近近地去左滿記。肥妹食嘅甜品多數都係楊枝金露，今次亦不例外~滿記楊枝金露個汁真係好味啲，唔會太重奶味，又唔太酸；西米同芒果份量適中，沙田柚嘅份量如果多番啲就仲好~男友嘅芒果西米露，個汁比楊枝金露淡；舊芒果食落熟到好似快要爛咁，所以要求換左件芒果。換左件芒果好味好多~滿記嘅楊枝金露暫時係眾多甜品店選手中最好味嘅~

每次食滿記我都比佢d榴槤系列吸引住～當中最鐘意都係榴槤忘返～因為街外一般會用椰汁做底，但我麻麻地椰汁，而滿記係用雲尼拿味做糖水～入面重有少少冰碎～好冰涼紫米幾有口感～榴槤肉亦夠多～真係好喜歡衣個甜品～另外叫左芒果布甸，e個比較普通～但芒果味都幾重同滑～

啱啱行完街勁累就去食個甜品先!解解渴......叫咗芒果豆腐花同西瓜涼粉,重有一杯木瓜奶，芒果好甜好新鮮, 唔錯, 同豆腐花一起好夾。西瓜好夠沙好清甜,同涼粉一起是解喝之選。杯木瓜奶最正，好似成杯木瓜蓉咁，勁多料service唔錯，個waiter帶我地坐果張檯勁涼快。

這晚下班後路過朗豪坊，一於去滿記食份甜品輕鬆一下先。面對滿記種種甜品，我都很「專一」，幾乎每次都選擇與榴蓮有關的甜品。 這次我所選的，是雪山榴蓮配綠茶雪糕($41)。落單後不久，雪山榴蓮配綠茶雪糕已在面前出現。有頗大球的榴蓮肉和綠茶雪糕各一球，約半隻份量的士多啤梨及奶碎冰。 主角榴蓮肉十分香濃，味道甜中帶點回甘，可說是近來我在不同甜品店食到最喜歡的味道！綠茶雪糕食起來有點似H品牌的出品，綠茶味頗香，亦好食。至於士多啤梨就很硬又酸，不過反正是配角。至於奶碎冰，食起來冰冰涼涼，不太甜。雖然環境坐得逼，是那種食完就幾乎要立即起身埋單的格局，不過這小小一道榴蓮甜品已經讓我食得好滿足呢！

離開八月軒，之後當然是甜品，對於長居加拿大的K先生來說，滿記永遠是首選。5大2小，一坐下就紛紛研究menu，我也好幾年沒有來了，menu也變了很多。不知是否加拿大的榴蓮大都是雪藏貨，K先生前後點了兩道榴蓮甜品跟家人分享。榴蓮班戟 (7.5/10)多年沒吃這個榴蓮班戟，水準稍稍下降。榴蓮夠香，cream有點太多太甜，把班戟皮撐得漲卜卜的，但至少班戟皮很薄，有加分，但它太漲了，一戳就爆開不夠美觀。醉心榴蓮 $50 (8.5/10)兩大球榴蓮蓉，榴蓮遠遠已聞到入口亦夠濃，配上比較淡的椰汁，和一顆微酸的士多啤梨，很heavy的一道甜品但令迷戀者心醉的香氣久久不散，莫怪有此名字。芒果黑糯米甜甜 (6.5/10)始終不及地道泰國餐館，人家用的是椰奶，這裡的只是椰汁。黑糯米也不怎麼夠味也不夠黏，芒果soso吧，整體感覺只是把食材放在一起，沒有做到泰國芒果黑糯米飯的精髓。湯丸配杏仁茶芝麻糊加 $29 (6/10)杏仁茶稍嫌不夠香，芝麻糊亦沒有起沙，吃起來沒有太大感覺。湯丸皮太厚而且有煮得過腍之象，感覺我自己在家煮也能比這個好吃。雪山楊枝甘露涼粉 $47 (6.5/10)雪山選了綠茶雪糕，後來有點後悔，

記得陳年時曾跟朋友到過西貢的滿記吃甜品, 那時感覺他們的甜點跟布甸都十分不錯的. 不過事隔多年, 滿記越做越大, 分店開至十多家無論在旺角或銅鑼灣都總會找到其蹤影. 但同時間地質素每況愈下, 雖不至於難吃, 但每次吃完都覺得不太滿意, 所以近年巳比較少光顧了.這天剛好帶著幾位小朋友來朗豪坊遊玩, 大家玩得很累之際, 便貪方便的走到旁邊這家滿記坐坐吃個甜品.紅豆椰汁爽 (HKD$26)上來十分大杯, 內裡的涼粉也十分多. 喝一口, 奶味很重, 當中的紅豆雖然也多, 但不是很淋的, 吃起來較硬實, 不太入味. 整體只屬普通.雪山榴槤白雪涼粉 (HKD$47)原來現在這裡吃個甜品巳經要上四十多元一客, 感覺好貴呢....上來份量剛剛好一人享用, 涼粉非常多, 表面的綠茶雪糕十分大球, 另外也有一大球的榴槤肉. 最底下的便是椰汁碎冰了. 先吃底下的碎冰, 冰塊較大不過好薄所以也算容易弄碎來吃, 入口十分透心涼, 也能止止渴. 榴槤肉意想不到的吃起來十分甜美而且榴槤味十分重, 不錯. 綠茶雪糕其實本身也不錯的, 奶脂味濃厚, 不過個人覺得還是雲尼拿雪糕會比較搭配.原來現在滿記漲價得那麼利害, 感

同個朋友行朗豪坊，行得耐見諗住坐得食d野，點知成個朗豪坊既餐廳都爆曬棚，間間舖都有條人龍係出面。我地行到滿記門口，都係見到得番幾個位，我都仲唔即刻入去咩其實企係出面真係一眼望曬間舖，細就細d，但人手幾多，服務幾好！我地叫左個芒果西米路同雪糕芒果楊枝甘露滿記果然無慳料，份量幾大，芒果又甜又大片！正！最重要價錢適中，真係除左地方細之外，去滿記食下糖水係個唔錯既選擇

這天在樓上的「鈴木咖啡館」吃過午餐後，與友人大家都感到飲品喝得不夠喉，於是決定到下層的「滿記甜品」喝點東西解解渴，溝溝貨。其中一位友人揀了「雪糕芒果冰」，但我這天其實吃得蠻飽的，所以只是要了沒有下雪糕的「芒果冰」。這杯冰飲比先前在「鈴木」喝的「青瓜蘋果汁」大杯多了。大大杯的「芒果冰」，冰涼透心，爽極了。

奇異果汁-酸甜酸甜的確是鮮榨的吧，不過應該加了不少糖水下去，味道其實不會過甜，但綠色奇異果應該會酸一點，不會有這種甜度，不過作為飯後汁也還是不錯的，酸酸甜甜，雖然知道甜度不是100%natural的也算了，好喝就是了

底wor, 44蚊有一碗糖水同1個布甸, 久不久會轉款, 同埋唔會因減價而縮水, 好大碗。芒果布甸唔夠芒果, 但布甸好好食wor, 唔會好甜而且我鐘意佢用jelly粉整布甸, 而唔用布甸粉, jelly粉整布甸會通透而且水粉多, 滑但無咁企身, 清啲。 而布甸粉整會好鞋口, 好粉好木糠, 而且有陣膠味。 杏仁茶太稀, 黑糯米太杰, 我嘗試去搞爛一齊食係失敗咗, 一個非常唔應該嘅配搭, 不過真係底食。不過啲staff效率就低, 做嘢好慢。

現在的滿記真是過份的商業化了。無論質素, 味道, 口感, 新鮮程度都不及從前。但到處都是滿記, 避無可避, 還是每過一陣子就會吃到它。今次我吃了芝麻糊豆腐花配綠茶雪糕, 朋友吃了合桃糊湯圓。芝麻糊豆腐花的芝麻糊還是有點即溶即食的感覺, 唉..但豆腐花超滑, 可惜豆味不足。綠茶雪糕, OK!合桃糊湯圓的合桃糊較濃厚, 尚算可以。湯圓口感不錯。

今次黎到滿記甜品, 點了一碗白雪黑珍珠 ($27):材料好多樣化,裡面有香蕉, 桂圓肉, 芒果, 亞塔子同黑珍珠。Out of 咁多樣野, 我最鐘意既竟然係桂圓肉!因為味道好清甜, 而且有咬口。芒果酸酸甜甜, 配好滑既黑珍珠, 幾好食。至於亞塔子呢.....因為我第一次食, 覺得味道怪怪的...最特別就係那個雲呢拿汁, 因為雲呢拿味好香,加上係冰 with vanilla ice-cream, 令成碗糖水夠冰凍。唯一美中不足既係, 我覺得滿記甜品既湯匙稍微有點大,食既時候, 有點唔方便....

響朗豪坊食完晚餐,同3個女朋友仔再搵食, 想食甜品!!滿記是最近的,響food court!!點知好多人, 一間細鋪坐到出路邊, 好彩只是等左一陣就有枱,但好迫wor,我地被安排到坐路邊, 一張細枱,4個人圍住坐,好似打牌甘 好似好正,但凍,所以我地無人食!!兩個朋友仔異口同聲不停地讚,好正,好滑!!我本身想食, 但好飽了, 朋友食完話好潤享用杏汁蛋白可以加5蚊有雞蛋布丁, 我於是俾5蚊就有得食, hehe...第一次食, 好有雞蛋味, 幾得意, 雖然少份量,但已經好流了!!食完要飲杯水!如此服務,出面糖水鋪唔知有無呢??!!

這夜飯過晚飯後到滿記吃個雪山榴蓮做飯後甜品。雪山榴蓮有一大球榴蓮肉，一球綠茶雪糕和兩粒草莓。榴蓮肉頗濃香軟滑，好吃。綠茶雪糕，有點像H記的出品，頗滑和有茶香。草莓一般，不夠清甜。至於雪山是指碗內的雲呢拿雪奶冰，甜甜的，吃過後透心涼。

去旺角朗豪坊睇衫 , 先上去 4 /F 滿記食碗甜品 , 可能尚早 , 只是 六點幾 , 所以入座率只有 5、6 成, 我馬上揀了一個近牆角既位坐 , 唔阻人 , 重可以一邊食 , 一邊寫稿放上 openrice ;-)Menu 有很 多夏天之選 , 但全部都加了雪糕 ( 不過你可選擇唔要雪糕的 ) 我揀左一款 「 芒果白雪黑珍珠 」, 睇相片你都見到好多料 , 佢個底好似係豆花 , 所以幾滑 , 又可中和 d 甜味 , 我覺得滿記 d 甜品水準唔錯 , 至於價錢就睇下你覺得值唔值喇 ~