滿記甜品 (已結業)

好久沒有光顧滿記和朋友在APM晚飯後，能想到可吃糖水的地方就只有這裡～那就點自己最喜歡的芒果白雪黑糯米味道沒怎麼變就只是價錢愈來愈貴..現時已賣$39碗芒果白雪黑糯米，白雪其實是呍呢嗱汁加碎冰呍呢嗱味香濃，碎冰足夠，整碗甜品好冰凍！黑糯米的質感煙煙韌韌，加入一些芋頭粒，香而不過甜～芒果的份量好像少了點...只有兩片～雖然不算特別香甜，但都帶微甜而不會酸，算是OK！吃完整碗甜品也不會覺得太膩，就只是有黑糯米而覺得好飽肚！！整體來說，雖然很久沒有吃芒果白雪黑糯米水準依然能維持啊！！

夏日炎炎當然要解暑啦，解暑既方法最好不過係食凍野食甜品🤤🤤。今日去左滿記食糖水，叫左個抹茶彩虹🌈🌈落單後，糖水已經好快來到了，入面有綠茶雪糕、芒果、西瓜 ，星星椰果，同埋疑似綠色涼粉。綠茶雪糕有淡淡既苦澀味，但好清食，而類似綠茶涼粉既野，口感有d硬，味道又怪怪城咁。相對地生果好新鮮，芒果一d都唔酸，西瓜🍉亦都好多汁。不過其實呢個糖水一d都唔值$40蚊，生果都係得一兩粒。下次都唔會再食了。☠️

今次甜品當飯食😝宣傳牌仔既圖好吸引。上枱時賣相都幾好喎！符合圖片內客架！抹茶紅豆豆腐花 $39抹茶雪糕既抹茶味道唔夠，聞落都無抹茶味既香氣，食落只係得好清淡既抹茶味，雪糕帶有微甜，怪怪地咁。旁邊既紅豆蓉好甜，超甜個隻，連埋豆腐花食都覺得好甜😂粒粒紅豆好好咬。最好既係底層既豆腐花，因為好滑，配住紅豆食係夾架。如果紅豆唔好咁甜會日式啲😂紅豆太甜令到成杯野既味道著重係紅豆度，然後不停咁食豆腐花中和返，無得好好享受埋豆腐花既味道。

係觀塘APM行街行到攰好口痕，想坐低食少少野再戰，於是決定殺入個food court睇下食咩。口啖啖想食甜野，見到呢間滿記是是正正，於是叫左以前好鍾意食嘅白雪黑珍珠配雪糕。無食咁耐佢水準依舊，生果仲足料左，配上透心涼嘅花奶汁底，一啖汁底一啖生果，再黎一啖雪糕，有多重口感同味道，而且份量十足，唔會少俾你。坐係food court悠悠閒閒嘆住碗透心涼甜品確係夏天不二之選，下次平平地行完街想食少少野，不坊考慮下滿記。

本身想去辻利茶舖喝杯抹茶沙冰的，可是辻利茶舖製造沙冰的那機已清洗，店員說還有雪糕供應，但是我們只想喝東西，所以都沒光顧辻利茶舖。而賣飲品的只剩下food court的滿記甜品，想喝的榴槤沙冰亦沒有，只有芒果冰及海底椰冰可選，唯有喝這兩杯吧。從賣相看芒果冰和海底椰冰實在不討好，就像葵涌廣場3樓的果汁店那種，朋友的芒果冰看似挺稀釋，絕不是新鮮芒果榨汁而成，朋友直呼很一般，喝起來太過甜膩，她不太喜歡。至於我的海底椰冰還好，至少是椰汁和海底椰混搭，海底椰甚具咬口嚼感，味道可算不賴的。

跟朋友到官塘apm購物，行下行下看見一個招牌寫著cookedDeli by citysuper，既然大家都有點疲倦，於是我們便進去tea一下，順便歇歇腳。看完一輪後，大家都被滿記的甜品賣相所吸引，於是決定要了芝麻糊豆腐花＋椰汁馬豆糕及紅綠豆沙。芝麻糊本身是熱而豆腐花是凍的，所以混合一起又熱又凍感覺怪怪的，大家都覺得全熱食較為好些；椰汁馬豆榚口感幼滑。至於熱紅綠豆沙是我一向喜歡的，甜度啱啱好。享用完畢，又繼續shopping

唔算好鍾意食榴槤,  但係從來唔會抗拒, 係少有對榴槤抱中等評價既人(其中一個原因係我好懶拎一個真榴槤食, 仲要入面好大舊核咁, 覺得食得好辛苦哈哈哈, 一堆懶人應該會明我)自從食左滿記啲榴槤甜品後就食日都想食有真榴槤既甜品喇雪山榴槤!!!!!!!我成日記錯佢個名係榴槤飄香LOL   千祈唔好叫錯, 雪糕仲一定要揀綠茶味,  味道同顏色都超勁夾!!!叫個多榴槤pancake同朋友仔share,  完美唯一美中不足係個底稍稍多左啲冰塊咁, 無咁養生囉~

呢日同男朋友share食咗個白雪黑珍珠（$38）材料有香蕉，芒果，桂圓，山粉圓，亞答子仲有啲雲尼拿冰呢個配搭確實係好健康山粉圓膳食纖維好豐富生果亦提供咗各種維他命不過整體食落去唔係好夾尤其係香蕉同桂圓各種配料都唔錯但食落去有啲伏味而且芒果好少搵晒成碗都係得幾細粒雖然連好平嘅香蕉都唔係好多今次想試下未食過嘅就中咗伏明明揀食咩果陣聽到好多人叫下次都係食下啲穩陣啲嘅甜品

食apm食完飯 又懶得去裕民坊果邊食糖水食本諗住去茶木食吐司點知話last order唔接客唯有黎food court食滿記好多選擇又中又西最後簡左熱紫米芝麻糊紫米煮得夠時間有咬口得黎又唔會太淋味道岩岩好唔會太甜

今晚和朋友食完晚飯，意猶未盡。就到APM food court的滿記吃甜品。甜品都有幾多款選擇。不知選那樣好。最後選了甜蜜草莓芭菲。因為見圖頗美。不過真實食物賣相和相片有小小出入。最底層是椰果再加脆脆片。最頂一層是草莓雪糕。雪糕都可以，不太差。味道適中。

點了三樣野1.芒果沙冰....冰多，太甜，芒果汁太假2.荔支沙冰.....冰多，太甜，荔支味太假3.什果涼炒.....芒果汁太希，只吃到塘水味4.最後服務的哥哥態度更差，未講過一句多謝，只會問你，比現金定八達通，問佢可吾可以沙冰走甜，佢一句回你，吾得，繼續做自己野。5.永遠不再去

好耐無食甜品，怕肥上加肥，如果唔係為陪朋友，我唸我唔會輕易食，記得之前食滿記通常入西貢食，不過依家都好方便。士多啤梨西米露，賣相好吸引，杯內鋪滿士多啤梨，上面有球雲呢拿雪糕，一口士多啤梨，一口雪糕，好味道。珍珠白雪黑珍珠，芒果，香蕉，珍珠，龍眼，椰汁，份量足夠。

今日食完晚飯落街食糖水，APM嘅甜品選擇唔多，於是穩穩陣陣去左滿記甜品。.🌸芒果西米露豆腐花豆腐花豆味唔係好濃，豆腐花份量算多，所以芒果西米露都少左😂滿記嘅西米露椰汁一向都淡啲，比較鐘意重椰子味。.🌸榴蓮忘返呢個係我最鐘意嘅滿記甜品，榴蓮配紫米味道好夾。啲冰份量適中，同時唔會淡而無味。不過以$51黎講就唔算抵，榴蓮同紫米份量差唔多，都係比較少。而且都係雪得比較耐。另外同西米露一樣，椰汁唔多，淨係覺得甜。總結黎講，定價太貴。

喺西貢食完海鮮大餐，太飽不能夠在滿記總店食甜品，但出到觀塘忍唔住，都係決定同細佬去apm滿記！兩姊弟由細到大最愛呢度嘅白雪雲尼嗱汁！我每次必食白雪黑糯米，甜甜雲呢嗱汁仲有一塊塊細碎薄冰，其實齋飲已經好心滿意足加埋黑糯米真係畫龍點睛！好結實口感又不會太甜，雖則我唔太喜歡芋頭粒。而海底椰就一般般，可能我本來就唔太喜歡個口感。但總括來說，真係超好食細佬點了白雪黑珍珠，因為佢太飽食唔落黑糯米，而黑珍珠都配雲呢嗱汁，不過龍眼肉同透明嗰舊野就好奇怪，唔夾。都係簡單啲好

行街行到咁上下，我哋覺得要食甜品所以我哋去咗food court嘅滿記食糖水。朋友叫咗芒果豆腐花，我就要宇治抹茶芭菲。先講講我嗰個芭菲，佢嘅成份有抹茶雪糕、紅豆醬、小丸子、抹茶啫喱、朱古力味脆脆片、冰忌廉同椰果。佢每一種食材都係好好味嘅。抹茶雪糕茶味唔濃，味道似手作的奶抹茶雪糕。紅豆醬比較甜，有少少紅豆粒。小丸子冇發到成Pat漿糊咁，而且小丸子有甜味。抹茶啫喱有淡淡的茶味，啫喱有彈性。朱古力脆脆片係超級市場買到的朱古力脆脆片，脆脆片夠脆忌廉好香奶味，食冰的時候，連忌廉一齊食，好好味。最底嘅係椰果，椰果太甜。成個甜品食到最底，有啲咁甜嘅嘢，根本就食唔落如果每一樣材料，獨立去睇，我覺得佢係好味。但係成個配搭唔夾。佢擺的次序唔係咁啱，所以食食吓會覺得有啲部份冇咩味，但係仔細食一個材料嘅話，你會覺得佢都係有用心去準備材料嘅。可能呢個甜品係要成杯撈勻食， 但係佢隻杯太高，要撈勻會唔方便。至於朋友叫嘅芒果豆腐花，芒果幾香。有芒果嘅香味亦唔會酸。因為而家唔係食芒果嘅季節，所以我認為呢個芒果嘅質素幾高。至於佢嗰個芒果汁，食唔到有好香嘅芒果味。我認為呢個豆腐花唔應該叫做豆腐花，佢應該叫做豆腐啫喱。佢同我