漁八•壽司

营业中

休息中

話說我同男朋友成日想食日本嘢，但係日本嘢大部分都比較貴～ 最近俾我發現咗一間性價比極高嘅壽司小店。呢間小店嘅壽司款式多，價錢由$3至$35一件，唔好以為平嘢一定無好嘢，呢度嘅壽司質素都幾高，幾新鮮好味㗎！三文魚刺身 $77三文魚（背部），盒盒刺身都有標明位置同重量，呢盒有半磅都只係$77！而且唔係腩部都夠肥美蟹子沙津 $25都幾大盒㗎！而且汁料可以揀蔴醬或者沙津醬。海蜇 $10火炙三文魚腩 $17 - 好肥美好厚！燒咗表面，非常好味！好正！海膽軍艦 $18 - 份量一啲都唔少，而且好新鮮唔腥！帶子 $8 - 好抵啊！而且好新鮮好甜！汁燒玉子 $4、汁燒三文魚 $5 -非常抵食味道亦不錯其他都唔錯，唔續樣介紹喇。有讚當然有彈，有兩款壽司需要改善：鵝肝壽司 $28 - 味道其實ok，但係燒到熟曬，乾乾地，似係燒過龍，可以改善。吞拿魚腩壽司 $20 - 唔肥美好似普通吞拿魚壽司咁，唔推薦。每人$150左右，性價比算唔錯。

大熱天時想食下涼涼的魚生飯降溫，見到價錢唔貴就試下。三十四蚊既蟹籽三文魚魚生飯，唔抱有咩期望，不過可能唔新鮮，食落三文魚魚生味道怪怪的⋯⋯縱然賣相唔差，冇鮮味都算，但冇魚味。食左三分之一，都係唔好博，決定唔食了。加左$15 跟三文魚刺身，又細件，直頭係熱的，好驚滋生細菌，魚肉有點「枚」，於是又係半途放棄。食完之後，肚痛同肚瀉左兩日。

自從發現咗屋企附近有一間不錯嘅日本料理小店，我就每個星期都起碼嚟買一次外賣如果堂食嘅話只有3張櫈，坐響商場走廊上，所以眼見其他顧客一般都係外賣多。 佢地最出色嘅係三文魚腩壽司同珍寶帶子壽司～價錢唔算貴，三文魚腩嘅壽司算係驚喜價厚切三文魚腩壽司，真係好厚切好肥美，我覺得比好多其他壽司店出色。而且佢地用嚟做壽司嘅部位，同三文魚腩刺身嘅部位係唔同嘅～ 做壽司嘅更肥美，每次必點幾件。珍寶帶子雖然要$35一件，但係佢片帶子好大件，其實個size係可以分開兩粒做兩件壽司😍 所以都算抵食，而且粒帶子非常甜美！推薦！蟹子沙律$25，唔算好大份，勝在多蟹柳同蟹籽，而且可以選擇胡麻醬或沙律醬～ 所以每次都會叫另外一提小店仲有熱食，例如鰻魚飯、吉烈豬扒咖哩飯等等，即叫即做，味道都ok。不過相比壽司，我還是鐘意食佢地嘅壽司多啲。

三文魚腩激厚勁肥,吞拿魚冇起渣又大塊,比出面超市買果D好好多(冇得同拖羅比,唔同價),刺生好大舊(唔計20蚊以上先得一舊果D佢算好大舊),不過舊飯偏細,有D唔夠飽,醋落得唔多,幾岩食,下次會再叫(公司係寫字樓區,付近一到晚上6點基本上得返 3洋, 雖然3洋都好好食,不過食到厭

果日行過,心思思想食日本野,發現原來麗晶商場,有間日食外賣。咁呢間鋪頭呢，大部份嘅日式飯都係60幾蚊左右，價錢上都算合理，就試一試吓。我揀咗個滑蛋豬扒飯，大概＄42 ,味道都拍得住出邊嘅日式餐廳，同埋好鬼大份羅，一個人都食唔晒其實呢間鋪頭嘅丼飯都幾多選擇，有日式鰻魚飯，有天婦羅蝦飯，適合晒唔同要求嘅人不過原來呢間鋪頭係專做外賣生意，堂食就得兩個位。不過冇所謂啦，其實我都住喺附近，我諗下次都可以買返屋企食。