漁吉海鮮丼專門店 (已搬遷) 新店位置

看到雜誌介紹一間位於九龍城的日本魚生飯，今天專程去試試。叫左一個豪快海鮮丼和一客金栗可樂餅。海鮮丼刺身厚切，好肥美但略嫌飯太多，兩人食一碗已經好飽栗子可樂餅好好食！明顯見到有栗子粒粒，同薯蓉味道好夾，即叫即炸，非常脆口可再幫襯之前去親九龍城都係食泰國野，而家又多個選擇了

漁吉特選丼 ($188)(比目魚，劍魚腩，三文魚，左口魚，櫻花魷魚，帆立貝，赤蝦，星鰻，三文魚籽，海膽，蟹籽，玉子)▸淨係睇個賣相已經好吸引，一個丼有成12款配料，岩晒我呢啲乜都想試嘅人😍 每款配料都好新鮮，櫻花魷魚仲要勁多，岩晒送飯，真係大件夾抵食，兩個人share再嗌小食都仲得✌🏻。。。。。。。。。。。。。。漁吉蒸蛋 ($42)▸蒸蛋真係好滑，比平時個啲更濃蛋味，面頭仲有大大件海膽😍 一啲腥味都無，仲有三文魚籽添。。。。。。。。。。。。。。赤城金栗可樂餅 ($34)▸表面炸得好香脆，唔油，裡面有紫薯蓉仲有一粒粒嘅金栗😍 好味🤤。。。。。。。。。。。。。。黃金枝豆棒▸原來枝豆可以咁食，幾特別幾好食，加埋個柚子胡椒醬辣辣地，幾得意😊。。。。。。。。。。。。。。呢到嘅味噌湯係無限添飲架，同平時個啲唔同，好有鮮味，好好飲😋 唔似平時個啲得個咸字，仲要用個暖壺暖住，好正🤤

早前經過見到入面座無虛席，仲有兩三個人係門口等，就打算食一次。香港有好多刺身飯店，但刺身又新鮮，飯又要好味既的確唔多。不過刺身要新鮮甜美當然係最最重要的我同友人一人一個。想對自己好d,叫左個算係店入面最貴既龍蝦飯，煮熟左既龍蝦大大隻，可惜肉質好硬而無味少少失望🙍🏻三文魚正常，帶子是火炙的，好薄，比目魚超細塊，但算是肥美。飯量超大，佈滿了蟹子，但飯煮得太軟，一patpat的感覺，并唔係一粒粒。不推薦食再叫左一個比較便宜既雜錦刺身飯，飯量比海龍王少一點，但仍是相當大碗，服務員都有提醒我地飯量可叫少飯，尚算貼心。唔打算逐樣刺身介紹，因為樣樣都普通不過。整體來說，行過餓可以試下🙊另外，此店還有一樣野要提大家，店內水壺係麵鼓湯任飲，無水無菜，食到一般想飲水都無，d湯又咸，相當口渴

情人節那天沒有吃情人節套餐，只是單純的吃一個美味的魚生丼！在九龍城閒逛，原本想吃西餐，最後是被這家魚生丼專門店吸引住～ 平日12:30左右，walk-in的坐位也不多⋯到了1點已經要等位了！環境氣氛都好似日本的食堂小店～呢度主要係食丼飯，有十幾款可選，Menu都列出丼飯有什麼配料～價錢由$98至$200多~ 結果我們點了兩個漁吉特選丼：）一碗有齊想吃的刺身！圖中的已少飯⋯⋯本身regular超大碗⋯少飯其實我都有吃剩⋯這款丼有齊比目魚、劍魚腩、三文魚、櫻花魷魚、凡立貝、赤貝、星鰻、海膽⋯⋯⋯等！刺身都好鮮味～而且飯面鋪滿厚厚的蟹子，也有三文魚籽⋯仲有大大舊的玉子～下面這舊肥美的，不知是不是劍魚腩⋯入口溶化成油，非常香口～ 好有驚喜呢！一個丼$188（另有加一收費）⋯其實唔算便宜⋯因為兩個人都已經4百多...不過丼飯美味又足料，勝在食材夠新鮮～食完會想再食第二次～下次挑戰Regular size(非少飯) 應該會勁飽~九龍城愈來愈多特色小店，來這舊區「揾食」可能會有驚喜呢！

中規中矩的中價丼飯店，喺冇乜太多日本野選擇嘅九龍城，算係OK啦，順路經過可以試吓。開業左幾個月，正所謂「新X坑三日香」，呢間啲丼飯刺身係幾新鮮、足料。有加分位，免費任飲的麵豉湯、服務員有笑容、Wasabi幾新鮮。但亦有扣分位，牛舌太嚡、甜蛋太多雪味。如果同爆丼屋比較，呢間啲飯好食啲、啲刺身雖然冇咁多但明顯新鮮啲。個冬日限定黑松露北海道活帆立貝當飯，如果唔計個黑松露醬，係幾新鮮嘅，二百零蚊都OK抵食。吃用心的食物，做用心的事， follow my IG: @localguyguide

啱啱開黎試過 幾正 又唔貴 有無限添飲味噌湯staff又好helpful近排再去又唔得了 野食差左 刺身丼d刺身冇乜味 酒煮蜆d蜆好多沙雞翼炸得唔靚d位好窄兩個人食野張枱根本擺唔晒staff見冇位擺都唔幫手執執燥底 相都懶影

黎搵舊同事食午餐，佢話呢到開左間新餐廳食魚生飯就黎試下啦，味噌湯是任飲，很不錯！嘿嘿上ＯＰＥＮＲＩＣＥ見到好多人都係食呢個龍蝦飯，龍王丼賣相好吸引，味道都唔差，成隻龍蝦上，新鮮爽彈肉質！有帆立貝、左口邊、蟹籽同玉子！飯量都好多！足夠２個人ＳＨＡＲＥ食了，嘿嘿海膽蒸蛋$38　蒸蛋非常嫩滑，蛋香味濃！嘿嘿有蔥粒及蟹子裝飾！不錯不錯另外是松葉蟹腳蒸蛋，蟹鮮味！嘿嘿叫左個小食，牛舌！鋪滿炸蒜！配柚子wasabi醬而且有返咁上下厚度，唔錯唔錯！嘿嘿

主打超大份量好足料的丼真係估唔到竟然係九龍城食到😳！！等飯黎之前，記得飲下個味增湯 又真係幾正！尤其係天氣凍的時候～叫左少飯依然食唔晒，啱晒大食男仔去，強力建議女仔二人share一碗，咪做大晒鬼呀🙈！老豆叫左海賊丼 - 白肉豚、油甘魚、櫻花魷魚、海膽、蟹籽、玉子($118)我就更加鍾意炎上三文丼 - 三文魚、三文魚籽、蟹籽、玉子($148)，大愛火炙三文魚必叫，因為魚油香燒完會係口腔爆發😍😍😍之後仲叫左兩款小食！係豬軟骨啊～～～ 不過真係太鹹，雖然侍應講左係鹹d要配埋芽菜燒鯖魚就不過不失喇～menu附上大家可以參考下！

之前聽朋友講依度嘅龍蝦丼好正！好吸引！就特登過黎食！依度好特別嘅係無茶比你 係每枱有一大壺麵鼓湯！平時啲餐廳都係得一碗，依家可以飲好多碗🤣依日嘅重點 龍王丸！有好大隻龍蝦！好多膏！仲有帆立貝、三文魚、三文魚籽、蟹籽同玉子，好足料！入面勁多飯，1個人應該食唔晒！赤城金栗可樂餅 炸得好香脆！外脆內軟 栗子好甜😋

上次同屋企人行過，見無咩人，心諗伏野，無諗住再去。點知前日心郁郁想食日本野，又喺九龍城，跟住再去探路睇下。今次weekday去反而有唔少客人，肚子餓了，就諗住試下啦，食完評價，一個字，抵！之前已經聽過依間海鮮丼出名大份，所以三個人叫左兩個丼同一份小食。從未試過食魚生飯可以食到咁飽，特選丼真係足料抵食，九樣海鮮，飯又足夠，仲有任飲麵豉湯，冬天飲好暖胃，服務態度又好，下次必定再試其他海鮮丼同小食😋😋

今晚過左黎九龍城搵食，去九龍城又唔一定得泰國野食嘅！於是就試一試呢間丼飯喇入到望上去~以繩網舖滿天花做裝飾, 好似捕魚甘！牆身以偏白嘅木條拼成，都幾有日本小店簡潔感覺。店員介紹身後呢3個數量限定嘅丼飯！但因為我唔想食湯飯就無考慮了！枱面有張點菜紙，想食咩就剔咩！簡單易明~枱面仲提供左一大壺麵豉湯自己自由斟。溫馨提示: 搖一搖先好倒呀！蟹王丼:$238蟹肉足以舖滿半邊，其餘仲有三文魚籽佔了1/3！海膽經火炙後入口味更濃。店員吩咐食前可以加d青檸汁！果然可以解除膩口感！成件事感覺好沖繩蟹肉配海膽拌勻食，creamy得黎啖啖蟹肉咁。仲要加埋#脆卜卜 魚籽增加口感。重點:丼飯可以完全唔加豉油都唔會覺得淡！漁吉特選丼: $188見到特選丼超開心，樣樣都有齊甘。就連海膽都有，經火炙燒完散出黎味更濃，而且質感會較實少少。星鰻比鰻魚會無甘膩。近鏡星鰻部分，輕微焦香味飄出黎。丼飯食極都仲有飯量好多，啖啖足料吸入，都番半碗！丼飯雖然好味，但奢侈事情不能經常做。

嗰日朋友講開想食日本野，之前喺九龍城食過一間專食丼飯嘅餐廳所以決定帶佢去食。七點鐘去到已經人頭湧湧，好彩仲有位好快就坐低咗。餐廳位置唔多，大概20幾個，每張枱都會有個暖壺，入面其實係面麵豉湯，飲之前記得搖勻，個麵豉湯味道一流。除咗有好多小食同丼飯選擇之外，仲因應每個季節，出咗冬季限定嘅丼系列。黑松帆立海老丼，其中一款冬季限定，有牡丹蝦、黑松露同帆立貝，店員介紹帆立貝仲要係冇經過雪藏直接由北海道空運到港，冇雪藏味之餘，仲大大增加帆立貝嘅鮮味，食嘅時候唔需要加芥末同豉油，直接將黑松露帆立貝同飯撈勻，咁樣可以直接食到黑松露嘅香味，帆立貝同牡丹蝦鮮甜彈牙，飯食落除咗有黑松露味每啖咬落仲有鮮甜嘅蟹子不停爆開，味道同口感都非常豐富。赤城金栗可樂餅，炸得非常香脆，除咗有紫薯蓉仲有粒粒栗子，食落仲有淡淡的可樂甜味。蒜香厚切牛舌，牛舌好厚身而且肉嫩多汁，面頭仲有大量炸蒜，食落非常香口，食之前記得點埋旁邊嘅柚子胡椒。赤富士汽水，味道非常特別而且唔太甜。

呢排潮流興食爆丼爆丼即係超級巨量魚生飯，今次想分享既係九龍城既漁吉海鮮丼專門店上星期日中午去九龍城覓食，見到大路轉角位有間都幾多人排隊既日式餐廳， 於是湊下熱鬧排隊幫襯好彩都係等左十分鐘就入得一入到餐廳就比佢既天花板特別既裝飾吸引住，一個大漁網鋪係天花， 好有特色牆上亦有充滿日本特色既釣魚畫， 配合唒日本魚生店的氣氛。餐牌方面，魚生飯有十幾款，由98至238都有， 任君選擇，亦有好多小食選擇餐廳有一樣好特別的地方， 就係無限refill味噌湯， 鍾意飲幾多碗都得我同朋友每人都飲左兩碗。因味噌都沉唒底，所以大家記得先搖勻再倒出！比目星鰻丼， 食物一上桌，忍唔住哇左聲， 份量真係好大，兩塊長過手板既鰻魚，勁多蟹籽，亦配有很多蔥花。特別一提既係， 丼中配有青檸，侍應哥哥介紹加啲青檸味道會更清新更特別。個飯鰻魚同比目魚燒得非常出色， 接近入口即溶，好香既魚味，再加啖啖蟹籽既口感，真無無得輸另一個就係餐廳既其中一個大佬—蟹王丼成碗滿到瀉既蟹肉，仲有海膽，三文魚籽同蟹籽， 味道方面都係 超 級 正！ 啲蟹肉同海膽都非常鮮甜，極滿足！ 同朋友一人一個飯已經超級飽，份量真係好巨型一定會再番啅

每次去九龍城覓食, 都會食泰國菜, 但近日見到一家新開的丼屋, 每碗飯都漲卜卜, 好吸引吧! 餐廳內的大壁畫配上魚網增添了魚場內的氣氛漁吉特選丼 - $188左口邊、三文魚、白玉豚、台立、櫻花魷魚、帆立貝、赤蝦、星鰻、三文魚籽、海膽、蟹籽、玉子朋友一眼就睇中呢個震撼級特選丼, 除卻不同的魚片外, 還有其他的海鮮食材, 每款材料一個叠一個, 震撼程度係令你睇唔到下層嘅飯粒北海帆立海老丼 - $178帆立貝、牡丹蝦、赤蝦、甜蝦、蟹籽、玉子我最愛食帆立貝 + 蝦蝦, 所以呢款丼係我的不二之選, 跟剛才的對丼飯同樣震撼, 大量蟹籽鋪滿飯面 (足以令你每一口飯都有蟹籽), 再放上各款材料帆立貝利用火灸處理, 將香味提升, 但相對減輕了帆立貝軟綿綿口感甜蝦、赤蝦、牡丹蝦 - 三款蝦由鮮甜度弱到濃順序排列, 當然以牡丹蝦鮮甜度與口感最為出色, 但原來赤蝦蝦頭都會有膏㗎!另外仲有晶瑩剔透的三文魚子, 味道夠鮮每碗丼飯都附有半個青檸用作提鮮枱面放有味噌湯給客人隨時享用

🦐黑松帆立海老丼🦐$238黑松露勁多 蟹籽又係勁多啖啖都有黑松露味 蟹籽係口不停爆開😝帆立具同蝦好新鮮既感覺😘飯量好多 好夠飽👍🏻好滿足既感覺😚--🦀溫泉蟹王丼🦀$138呢個係湯飯 要撈勻啲蟹肉同蟹膏食湯本身比較啖 只有淡淡鮮味蟹肉本來就唔係濃味野所以整體比較清淡都好正常😛--🐮蒜香厚切牛舌🐮$38真係幾厚下架 牛舌嫩 多汁仲有啲蒜係旁邊 好香口 好食😘--🌰赤城金粟可樂餅🌰$34炸得勁脆 又唔油膩咬落食到粒粒粟子仲有軟軟綿綿既薯蓉包住啲粟子正😍--枱面仲有用暖壺裝住麵豉湯任客人飲冬天一坐得有野飲一流雖然九龍城有啲唔就腳 但可以試下😋