漁吉海鮮丼專門店 (已搬遷) 新店位置

九龍城就唔係得泰國菜既，日本野一樣有！呢個海膽三文魚子丼夠晒霸氣！三文魚籽同蟹籽多到好似唔駛錢咁，海膽係加拿大海膽，肥美唔腥而且略略燒過更香。同埋份量真心好多好大碗，兩個人食都夠。重點係佢只係$198，對於平時一有海膽就收你天價黎講，我表示覺得好震撼。另外叫左個漁吉特選丼，基本上就咩都有，刺身都幾大件而且種類多，想咩有試下既人真心可以叫呢個。小食叫咗個蒜香厚切牛舌，$38有成六大舊，蒜香味都幾出，牛舌好淋身，熱辣辣都唔錯！總括黎講，呢間日本菜性價比都幾好，真係可以講句幾抵食，下次去九龍城就唔使一定要食泰國野啦！

同朋友已經唔係第一次黎呢到食丼飯平時我地食開 “漁吉特選丼”貪佢配料多，咩魚生都有啲岩晒我地呢啲咩都想食嘅人今次同朋友決定試下新嘢。。。。。。。。。。。。。。“季夏之味 - 木染丼”(間八，三文魚籽，赤蝦，玉子)▸間八都幾厚切，份量都算幾多，而且好新鮮，一啲腥味都無，肉質爽口彈牙，油脂唔算話好勁，所以唔會好漏，而赤蝦亦都好肥美😌。。。。。。。。。。。。。。“龍王丸”(原隻龍蝦，三文魚，帆立貝，蟹籽，玉子)▸一直想試好耐，但每次都咁岩賣哂，一上枱完全無諗過份量咁大，龍蝦肉已預先拆好，真係啖啖肉，同埋都算彈牙😊。。。。。。。。。。。。。。整體兩款丼飯都很不錯但我還是喜歡食開那款“漁吉特選丼”而我很喜歡這裡的味噌湯，仲係無限添飲架同平時個啲唔同，有鮮味，唔會死咸

是日筆者工作很繁忙, 疲倦得很. 尖子決定要帶筆者輕鬆一下，專誠來到九龍城, 到訪較早前經過的一間日本餐廳, 全因其裝修很搶眼, 很有日本風.Happy Friday晚上八時半到達, 店內人頭湧湧。剛好有一張二人枱, 不用特別等候便可入座.店內主要提供丼飯和小食. 餐廳並不主動提供茶水，但用上味噌湯代替。最後點選了海賊丼(HK$118), 漁吉特選丼(HK$188), 蒜香厚切牛舌(HK$38). 味噌湯味道十分普通，由於由熱壺倒出,故不能期望有豆腐, 香菇這些配料作咬口. 不消一會, 侍應先送上蒜香厚切牛舌. 試一口, 牛舌燒得很乾, 入口很韌, 蒜香又不夠濃, 不太討好. 之後的丼飯, 是真正惡夢的開始. 驟眼望落去已感覺魚生色澤暗淡，不太新鮮. 一開始食就更加不對路。一個丼飯的靈魂，其實是米飯和魚生。不論是海賊丼還是漁吉特選丼, 那個米飯也做得極差. 其口感極硬, 就像家裏的冷飯放進雪櫃過了一個晚上，第二天再拿出來享用似的. 海膽即使經過燒炙，但都不能夠掩蓋其腥味。玉子是一丁點甜味也沒有, 入口也很乾. 劍魚更加乾到好像橡膠似的. 尖子經常告誡筆者，當遇到不好吃的食物時，也要盡量

蜜桃小丸子再戰九龍城，今次就試日本菜。漁吉嘅裝修好新淨，舖頭唔算大，但因為我地嚟得早，所以可以坐四人枱坐得舒舒服服，食到後尾已經愈來愈多人了。枱面有用保溫器盛着暖的味噌湯，可以隨便飲，仲有溫馨小提示教你要先搖一搖，令到佢均勻啲。味道對於蜜桃小丸子嚟講咸咗啲，但都幾有鮮味。餐紙上主要有丼物、蒸蛋同一啲小食比你揀，款式唔算多。首先叫咗個豪快海鮮丼。賣相好靚，啲甜蝦都幾新鮮；帆立貝得一片薄薄的，少少燒過，香香地；有種唔知是什麼嘅直送鮮魚，味道有啲古怪，酸酸地；三文魚唔肥，但切得都算厚厚地；油甘魚都新鮮；最厲害係佢有勁多蟹籽，鋪滿係飯上，亦有好多我最愛嘅葱葱，不過啲飯真係太多，幾努力都食唔哂。另外叫咗個龍王丸，貴在個原隻龍蝦，但其實好少肉，食唔出鮮味，只係隻蝦好夠霸氣；其餘嘅餸好似三文魚、帆立貝同我上面講嘅差不多，比目魚一粒粒都新鮮。下次叫其他丼應該會化算啲。

某程度上食刺身飯我好少會揀蟹肉，因為都會比吞拿魚腩三文魚子海膽等等吸引了。可惜嘅係今日開心自己要食佢嘅三文魚子海膽丼，為咗唔撞我決定選擇呢個蟹肉的。蟹肉量豐富，不會是沒有味道的那種，是鮮甜有味道的那種，份量多到吃不完啊！配上三文魚子，和海膽，略嫌海膽不夠多，二百多元的價錢十分合理。雖然蟹肉不是新鮮的但也很正啊！強烈建議再加點青檸汁，口感層次會增加啊！底層的飯不會太酸，配上蟹子做底。份量超大。海量剌身丼啊！這裡的小食是超值，份量很多，才三十八元，這個牛舌份量就是九十八元吧！配上香蒜和柚子醬，正！還有多款的日本汽水。這個桃味完熟汽水好甜好香。能在下雨天吃個剌身丼也是賞心樂事。

去九龍城不一定要食Thai food, 今晚意外地找到一間突破日本野傳統的小店,  任飲miso soup, 多款丼選擇.  大件抵食餐前小食, 十分令人讚嘆, 值得再來! 

最近得知這家餐廳在元朗開分店，而且有不錯的評價，可惜的是元朗對我來說的確有點遠。不過它的總店在九龍城就一點也不遠。可能是星期日的關係，晚上六點才開門，但已經有人排隊入座，內裡的坐位其實也不算多，但以日式丼飯的規模其實已很足夠。餐牌上丼飯的種類也很多，美中不足的是今天沒有龍王丸供應。海膽三文魚子丼 $198以加拿大海膽配三文魚籽、蟹籽、玉子，中間再用上原隻雞蛋黃畫龍點睛，賣相非常吸引。加拿大海膽輕輕炙過，香味更突出。三文魚籽和蟹籽令丼飯的口感更豐富。中間的蛋黃篤穿後令蛋汁流入飯中，令丼飯有更香滑的口感。漁吉特選丼 $188這個丼飯用料豐富，有比目魚、三文魚、產地直送鮮魚、油甘魚、櫻花魷魚、帆立貝、赤蝦、星鰻、三文魚籽、海膽、蟹籽和玉子。其實以這個價錢可以吃到多種刺身已經值回票價，再加上丼飯的份量也非常豐富，一直吃到飽也吃不完。蒜香厚切牛舌 $38這裡的牛舌絕對是重點推介，首先牛舌大件又厚，在滿滿的蒜粒襯托之下蒜香長非常突出。牛舌即使厚身，但入口的爽口程度絕對有驚喜，份量又多，非常抵食。白提子汽水 $28靜岡哈蜜瓜汽水 $28最後當然要飲日式地道飲料。「入門的價錢，大件夾抵」食真是很適合形

九龍城有很多食肆給顧客選擇，平時來到通常都會選擇泰國菜，今天我例外選擇了日本菜🤩平時都日本餐廳的面試湯通常都是跟餐有一碗,但這一間竟然麵豉湯可以任飲，我飲了四碗，味道鹹鹹地👍🏻不太濃，清清地,幾好味😁主菜我選擇了海膽三文魚子丼，最出色當然是海膽🤩海膽上做了一層火焰的效果，味道很鮮甜，平時去食的海膽壽司沒有火焰在面😌所以覺得較為特別！有一件玉子在壽司飯上面，玉子的味道就較甜，我不太喜歡！第一次蟹子和三文魚子👍🏻再加一隻先雞蛋混在一起，好味到不能形容，蟹子粒粒爽口，三文魚子也非常新鮮，完全沒有腥味👍🏻值得一讚😍

終於可以解禁，諗住唔好虧待自己，點知……食咗餐貴夾唔包，仲要味道一般嘅晚飯。$288嘅邪虎丸係打著北海道名號嘅海膽拖羅丼，海膽夠鮮甜，拖羅鮮味較遜色，口感還可，入口溶，都叫做可以，不過感覺好像不太值$288，可能來貨價高啦；至於龍王丸承惠$238，雖然看似好豐富美味，但實則無嚟文味，鮮甜味欠奉幸好飯質還可以。另外叫咗個小食-赤城金粟可樂餅，無咩特別。舖頭較細，人多嘅時候感覺較焗促。可能期望過高，有啲失望

母親節前夕，帶母親大人去試一間，我想試好耐既舖頭～魚生丼之前見到呢個期間限定，勁想試，點知去到已經轉左，但都堅持試當日既期間限定 😬 都係我最愛既海膽+拖羅 😋😋 好食到不得了，雖然真係貴左啲～幫母親大人點左個有好多款既什錦魚生丼，都一樣好正 😋😋，呢個超抵食！總括都好好食，無失望。

环境：地处旺铺，装修中规中矩，可同时容纳大约50人就餐服务：茶壶里装的不是茶是味曾汤，可以自己无限续添食物：材料还算新鲜，摆起来非常养眼，服务员还会提醒你饭量较大，可以order少饭量价格：价格不便宜，lunch set并不见得特别抵食，图片这份帆立贝海老当都要178元。另需加一服务费

九龍城一向都多野食呀啦喇，不過我地今次唔係食泰國野而係食日本魚生丼。呢間魚生丼係距離九龍城街市一兩個街口既街角，相信係相當易搵到。 呢間舖既特色就係海鮮味噌湯任添。所以係等緊魚生丼黎既時間，就可以飲住個湯等食。而且佢既味道都算正常。我地當日叫左一個海賊丼($118)，生魚丼($138)同櫻花蝦炸豆腐($38)。先講一下櫻花蝦炸豆腐，出面包左一層櫻花蝦，炸得好脆口而家唔油，唔似係翻炸。生魚丼－比目魚，三文魚，油甘魚，櫻花魷魚，蟹籽，玉子。首先個賣相已經好吸引，油甘魚，比目魚都好肥美而且好新鮮。魷魚都好唔錯（啲相無tune過相）加左青檸檬仲多個層次。基本上就啖啖都有魚生。唯一一個唔太滿意既地方就係飯唔夠軟熟，有幾啖仲要痴啱左一舊整唔開。同佢既飯量就有啲多，女仔都可能會食餘一半既飯，男仔就可能會食餘四分一。海賊丼－油甘魚，櫻花魷魚，海膽，蟹籽，玉子。（留意返張相係錯版黎，師傅多左三文魚籽）基本上就同生魚丼差唔多都係咁新鮮肥美，唯一唔同既就係個海膽。海膽就的確就係個亮點，鮮甜,creamy,香濃。而飯就同生魚丼一樣有啲唔夠軟熟。

多數黎九龍城都係食泰國野，今日行過見到幾吸引，一於試下丼飯！店舖好有日本小店感覺，有漁民feel🤣，好中意牆上面幅畫。呢度好特別嘅係，可以refill湯，好窩心。刺身丼飯一黎到，我地都哇咗出聲，比想像中"澎湃"！我地叫咗海膽三文魚子丼(韓國及加拿大雙色海膽、三文魚䰵、原隻雞蛋黃、玉子)、豪快海鮮丼(三文魚、油甘魚、白玉豚、甜蝦、帆立貝、蟹籽、玉子)、春季限定醬油漬吞拿魚丼(醬油漬吞拿魚、玉子)、北海帆立海老丼(帆立貝、牡丹蝦、赤蝦、甜蝦、蟹籽、玉子)。海膽一試難忘！個面有少少火炙過，好香好鮮甜❤️刺身份量好夠，食完碗飯仲有刺身剩😍三文魚籽同蟹籽撈飯一流~推介白玉豚，好鮮甜！醬油漬吞拿魚丼太咸，無醬汁有點dry..總結: 刺身新鮮，性價比高，下次會再黎！

前幾日去九龍城攞淘寶貨，經過呢間漁吉海鮮丼日本店，見到坐無虛席，好似好好食咁。結果忍唔住今晚叫男朋友陪我去，順便慶祝我language oral test滿分😊我地六點去到，只有一枱客人，食到七點左右已經滿座。餐單有好多唔同價錢既刺身丼，價錢由98-238不等，豐儉由人。好窮既我唔捨得叫太貴既丼，結果揀左豪快海鮮丼 ($128)，而男朋友揀左海賊丼($118)店內冇水或茶供應，不過可以任飲麵豉湯。麵豉湯同平時個d唔同，呢個好飲d。不過始終都係鹹，飲得太多都會口渴😂豪快海鮮丼刺身新鮮，女仔可能會食唔曬，因為飯既份量都幾多。有好多蟹子，撈飯好正，每啖都有蟹子👍海賊丼海膽好似燒過黎，我個人唔係太鍾意。而飯既質地亦比較一舊舊，唔係一粒粒。整體黎講唔錯，如果我有錢既話會想試最貴個款😂到而家仲未係好接受到二百幾蚊食一碗飯😂

原本想食泰國菜但係冇開。行過漁吉鋪面見到好大間，好多人食所以就去試吓。一坐低侍應就遞上一壺麵士湯，紙住有一份好細嘅點菜紙，細到都差啲睇唔到d字，刺身飯大概有10幾款，仲有季節限定。季節限定相對較每碗$238-288.好啦，到主菜上嚟啦！感覺好豐盛、好大碗，好多料！但係刺身嘅顏色偏向無光澤，好明顯唔夠新鮮！再試埋佢個玉子。嘩咁硬既！咁難食嘅就唔好印自己鋪頭個名上去啦。好！再試個飯！完全令人陷入失望中伏嘅感覺！有咩理由啲飯唔係軟林林同癡既呢？！點解係咁鬆散咁硬嘅呢？刺身質素就唔使再多講，普通超市買嘅刺身貨色啦！好彩我地唔叫最貴刺身飯，淨係食＄200樓下嘅款式。否則真係揼心！總括來說中伏伏伏伏伏！