漁小館

营业中

休息中

是日晚餐三人行到了漁小館，叫了芥末脆皮豬手豬手皮脆肉嫩直得推介👍👍及椒鹽鮮魷金香椒鹽令人一件一件食唔停再叫了個手撕雞味道普通,份量有d少再叫了脆米蛋黃金沙骨味道超正👍👍被濃濃嘅流沙鹹蛋黃包着再配脆脆米👍😋

昨晚与朋友去試漁小館，叫你幾道街坊小菜，望住個menu 好多嘢想食但可惜人太少，不能試太多味。但係因為我地坐近厨房, 所有出菜都睇倒，啲小菜望倒都好吸引，夠哂鑊氣. 我地叫左豬手，好好味，好多枱都有叫我估應係招排菜！ 個蝦膏芥蘭煲好鬼好味，個小炒皇好有鑊氣，唯一係個牛仔骨薯仔煲有啲肥, 不過都好入味，全間坐滿哂人，好旺人氣，佢仲有主打嘅海鮮不過我地今次冇試， 下次我地來一定會試吓, 值得推介👍我一定會再來的！

曾經因這店午飯有水準及$42-$50 有飯有湯有飲品而常光顧。但自從三四個月前食物質素突然下降，所以冇再黎過。 最近傳說有改善到，就再黎過。午市餐牌朋友常點花膠蒸雞，份量不少。都只係$42.另一邊餐牌，貴少少我鍾意食呢度炒飯，夠乾身同入味。 瑤柱蛋白炒同咸魚雞粒炒飯都出色。前者用蛋白炒，後者用蛋黃炒，各有特色同好味。繼續成為我飯堂

花膠蒸雞午市套餐，都係$42😱，有例湯、白飯、凍飲，仲有熱茶添啵😱。餐廳格局舒適👍，假日午市入流唔多👌，比較清靜😁，可以慢慢享用美食😋。滿滿嘅例湯好甜😋，花膠就有4塊細嘅😄，普通啦😅，雞好滑👍，但過鹹啊😥❗️仲有杯凍檸茶飲😄。以咁嘅價錢埋單，都冇可挑剔喇👌😄。

拔絲咕嚕肉冇拔絲，老實說最多叫京都豬扒粒。椒鹽焗桶蠔，影相呃like都可以既，食落口就...應該係拖水炸冇味蠔衰過白灼，灼到無蠔味，真係浪費食材，從來未食過咁🈚️味嘅招鹽死蠔 c！真係味如嚼蠟。原來依家做廚師有雙手就得㗎喇。

每年新一季開鑼，一班好友都會搵間食肆，一路食一路吹水。今年有人極力推薦呢間食肆，於是一行八人去試試。呢個 "清酒冰鎮鮮鮑魚" 做緊優惠，只需28蚊。不過要喺伙記當面Facebook畀like才有優惠價(只限晚市)大家要記住呀！本來對"溏心皮蛋酸薑"好大期待，但係啲皮蛋唔夠味。"古法蝦籽扣柚皮"，柚皮入晒味，正！"拔絲咕嚕肉"，個人對咕嚕肉一般。"芥末脆皮豬手"，豬手肉香。"籠仔梅菜肉崧蒸芥蘭薳""酥炸脆皮牛坑腩""生啫雙蔥海參煲""籠仔金蒜蒸蟹飯"，飯香有蟹味。"杏汁白菜燉豬肺湯"，杏汁味重湯滑。"海苔脆皮墨魚餅"，"籠仔蒸斑球飯"就遜色咗啲，不及 “籠仔金蒜蒸蟹飯"，可能係我地食咗蟹飯先。總括來講，唔錯。會再幫襯佢地。

第一次嚟呢間鋪，因為新開張，所以環境舒適，店員有善態度，未食都已加分啦!一口氣叫咗八個小菜，包括：脆皮豬手，皮脆卜卜肉質约滑，沾上芥末酱一流，蛋黄金沙骨咸蛋黄包實排骨夠晒邪恶，鲍鱼小炒皇夠鑊氣，脆皮鷄咸味適中，古法蝦籽扣柚皮入口即溶，仲有腐乳通菜 蒜蓉西蘭花 及炸墨鱼餅都係水準之作!